رواية العاشق والبريئة الفصل الثامن عشر 18 بقلم الملاك الصامت
رواية العاشق والبريئة الجزء الثامن عشر
رواية العاشق والبريئة الحلقة الثامنة عشر
رواية العاشق والبريئه 🦋
البارت الثامن عشر 🦋
بقلم الملاك الصامت 🦋
~~~~~~~~~~~~~~~~~~~~~~~~~~~~~~.
وقفنا عند ندى لما نزلت علشان تقابل العريس بس لما عرفت هو مين اتصدمت وقالت
ندى بصدمه /انت ازاي؟!
رعد بحب / تعالي ياحبيبتي اقعدي هنا
ذهبت ندى اليه وجلست بجوار اخيها وهي تطلع الى فارس بصدمه ولا تصدق انه يريد الزواج منها
رعد / أنا هسيبكو تقعدو تتكلمو مع بعض شوية واللي فيه الخير يقدمو ربنا
واكمل الى چيلان تعالي معايا نسيبهم لوحدهم شويه
واخدها وقعدو في مكان تاني بس قريب منهم وتركهم صامتين ولكن قطع هذا الصمت صوت فارس وهو يقول
فارس / حابه تسألي عن حاجه
ندى / ليه
فارس باستغراب / ليه اي
ندى / ليه عايز تتجوزني يعني ايه السبب
فارس/ عايز اتجوزك ليه علشان شايفك المناسبه ليا اما السبب بقى ف هتعرفيه قريب في اسأله تانيه
ندى / لأ مافيش أنت عايز تسأل حاجه
فارس / لأ أنا عارف كل حاجه عنك
ندى باستغراب / ازاي يعني عارف كل حاجه عني
فارس / قولتلك هقولك كل حاجه قريب إن شاءلله
ندى بتهكم / يعني انت عايزني اوافق عليك على اساس ايه يعني وأنا ماعرفش عنك حاجه
فارس / ما انا قولتلك اسألي اللي انتي عايزاه
ندى/ طيب ما انا بسأل اهو
فارس / وأنا قولتلك هتعرفي قريب اهو
ندى / تمام وأنا مش موافقه
فارس / مش بمزاجك هتوافقي غصب عنك
ندى / لا والله وانت اللي هتتحكم في رايي ولا ايه
فارس / لأ مش هتحكم بس أنا بقولك اللي هيحصل وهتوافقي يعني هتوافقي والا هعمل حاجه مش هتعجبك
ندى / انت بتهددني ولا ايه
فارس بغموض / لأ مش بهدد أنا هنفذ علطول ف احسنلك توافقي
ندى / ولو موافقتش هتعمل ايه يعني
فارس بخبث / مش هعمل حاجه لاني متأكد ميه في الميه انك هتوافقي ولو مش وافقتي هعرف انك جبانه وخايفه مني
ندى بغضب / اخاف منك انت بتاع ايه يعني
فارس بخبث / يبقى تثبتي وتوافقي
ندى بعند / تمام وأنا هوافق علشان اثبتلك اني مش بخاف منك ولا انت تقدر تعمل حاجه
فارس / يبقى اتفقنا
ندى / بس هتبقى فترة صغيره ونطلق
فارس باستغراب / نطلق
ندى / اه نطلق لأن انت مش بتحبني ولا أنا بحبك
فارس بخبث في خاطره / ده انتي بتحلمي لو طلقتك انتي بتاعتي أنا وبس
فارس بخبث / تمام وأنا موافق و.
قطع كلامه دخول رعد و چيلان
رعد / اتمنى تكونو اتفهمتو كويس
فارس وهو ينظر الى ندى / اه اوي والظاهر كده في قبول
رعد / إن شاءلله خير
فارس وهو يقوم من مكانه / طيب أنا هستأذن بقى وهستنى ردك عليا يارعد
رعد / تمام ياصاحبي مع السلامه
ذهب رعد لكي يوصله وعاد الى ندى وسألها
رعد / ها ياندى قررتي ايه
ندى / هصلي استخاره وارد عليك يا ابيه
رعد بحب / ماشي ياحبيبتي ربنا يقدم اللي فيه الخير
ندى / إن شاءلله أنا هطلع انام بقى تصبحو على خير
رعد و چيلان / وانتي اهله
ذهبت ندى الى غرفتها وهي تفكر ماذا تفعل هي لا تعلم بماذا تشعر بسعاده او بحزن.
••••••••••••••••••••••••••••••••••••••••••••••••••••••••••••••
بعد مرور اسبوع قد حدثت فيه الكثير من الامور وكانت عائلة السيوفي تعيش في سعاده بسبب حمل ملاك وايضا علمو بحمل سيلا من بعد عودتهم الى القصر بيومين وفرحة سيف التي لا توصف وايضا فرحة الجد الكبيره لانه سيرى اولاد احفاده ولكن كان خائف كثيراً من الذي سيحدث في المستقبل بعد ان عرف حقيقة ادم الكامله.
اما عن آدم فهو كان يشعر براحه كبيره بعد ان اعترف بكل شيء الى جده ووقوفه بجانبه في تحقيق هدفه ولكنه يظل شارد كثيراً في الذي سيحدث إن علم احد بسره الذي يخفيه والذي اذا انكشف سي*دمر كل شيء حوله وكانت ملاك تلاحظ شروده الدائم ولا ينتبه لشيء حوله ولا هي ايضا وهذا جعلها تضايق منه كثيراً وكانت تظن انه احب غيرها مما يؤدي الى بكائها المستمر ولكن في الخفاء عنه
اما عن فارس وندى وافقت ندى عليه وقام رعد بتحديد موعد خطوبتهم وقد اصر فارس بأن يكتب كتابهم يوم الخطوبه ووافق الجميع واخبرت ندى ملاك بموعد خطوبتها على فارس مما اسعدها كثيرا ووعدتها بأن تكون معها من بداية اليوم وتأخذ معها سيلا ولكن قد اعترض ادم وسيف كثيرا بأن يذهبوا ولكن مع اصرار الاثنين وافقوا ولكن بشرط ان لا يذهبوا بمفردهم.
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡•
جاء يوم عقد القران وذهبت الفيات الى ندى لكي يساعدوها في هذا اليوم السعيد كما يظنون هما ولكنه العكس بالنسبه الى ندى فهي كانت تتوقع ان هذا اليوم سيكون مميز ورائع بالنسبة لها ولكن حصل العكس.
كانت ندى تجلس في غرفتها ومعها ملاك و سيلا و چيلان ومعهم الميك اب ارتيست تجهز ندى
وبعد عدة ساعات كانت انتهت من عمل الميك اب واتصدمت الفتيات من ندى لانها كانت حقا رائعة الجمال وجذابه للغايه مع انها لم تملأ وجهها بمساحيق التجميل ولكنها كانت ايه من الجمال وتشبه سندريلا بفستانها الازرق المنفوش وحجابها من نفس اللون.
چيلان بانبهار / مشاء الله قمر ياروحي
سيلا / بجد يا چيچي
چيلان بحب / اكيد طبعاً ياحبيبتي ده انتي تقولي للقمر انزل وأنا اقعد مكانك
ندى / ربنا يخليكي ليا ياحبيبتي
سيلا بمرح / تعالو يلا ناخد صورة حلوه كده قبل ماننزل
البنات / يلا
واتصورو صور كتير وهما معا تعبر عن فرحتهم
بعد دقائق دلف رعد لكي يأخذ ندى ولكنه اندهش من جمالها الساحر هذا وقال لها
رعد بغيرة اخ / لأ أنا خلاص غيرت رأيي مش هتتجوزي وهتقعدي معايا هنا وهنزل حالا اللغي الحفله اللي تحت دي
ضحكوا الفتيات على غيرته هذه والتي تدل على انه يعشق اخته اكثر من اي شيء
چيلان بضحك / اهدى بس ياحبيبي وبعدين هي هتروح فين ده كتب كتاب ومش هيعملو فرح دلوقتي يعني هي قاعده معاك لحد ماتشبع منها
رعد وهو يقترب من ندى والدموع ترقرقت في عينيه / اشبع من مين دي لو فضلت معايا العمر كله عمري ما اشبع منها دي حته من قلبي هي الوحيدة اللي فضلت ليا من بعد عيلتي كلها ومسح دموعه وقال بفرحه وحزن في نفس الوقت بس خلاص هتتجوز اهي وهتبقى احلى عروسه وهتروح بيت جوزها
ندى بدموع / لأ خلاص يا ابيه أنا مش هتجوز ولا هسيبك انزل اللغي كل حاجه تحت وقولهم العروسه هربت
ضحكو عليها جميعا وقال رعد / انتي هبلة يابت يعني عايزه فارس يهد الدنيا علشانك
ندى بعند وطفوليه / لأ ماليش دعوه أنا هفضل معاك ويعمل اللي يعمله
رعد / يلا ياحبيبتي ربنا يهديكي انا مش ناقص مشاكل من الاهبل اللي تحت ده
سيلا / خلاص هنزل علشانك انت بس يلا
واخدها ونزلو الى الاسفل وكان فارس يقف اسفل الدرج واول ما شافها اندهش من جمالها الذي يسحر العقول والقلوب وكان يريد اخفائها عن اعين الجميع ولكنه حاول ان يخفي انبهاره بها خلف قناع البرود.
وصلو اليه وقد تم عقد القران تحت فرحة الجميع وحزن ندى المسيطر عليها والذي لاحظه فارس وهذا ضايقه كثيراً وهو لا يعرف ان كانت تحبه أو لا
بعد عقد القران اخذها وجلسو في مكانهم يستقبلو التهاني والمباركات من الجميع
اما عند ملاك وسيلا كان ادم وسيف حضرو بعد دعوة رعد وفارس لهم
ذهبت ملاك في سرعه كبيره الى ادم ولكن هو اوقفها وهو يقول
ادم بقلق / ملاك انتي ناسيه انك حامل ومينفعش تمشي بالسرعه دي كده خطر عليكي
لم تهتم الاخرى بكلامه وانما ارتمت في حضنه فقط ودفنت رأسها في ثنايا عنقه ولم تهتم للناس هي فقط تريد ان تكون بجانبه الان وهو سعد بهذا كثيراً واستقبلها بصدر رحب ولكن استغرب حديثها عندما قالت
ملاك / انت غيرت البرفيوم بتاعك
ادم باستغراب / لأ هو ده اللى بستعمله دايما ليه بتسألي
ملاك وهي تدفن رأسها في عنقه اكثر / اصل ريحته حلوه اوي
ادم / ما انا طول عمري بستعمل النوع ده وانتي ماقولتيش الكلام ده
ملاك / مش عارفه بس هو ريحته حلوه
ادم بخبث / طب ايه رايك نرجع القصر علشان تعرفي تشمي ريحته بوضوح
ملاك بعبوس طفولي/ لا خلينا شويه كمان ممكن ندى تزعل مني لو مشيت
ادم بغيظ / مش ناقص غير ندى اللي طلعتلنا في البخت دي
ملاك / ماتقولش كده عليها دي صاحبتي
ادم بغيظ / ماهو ده اللي ناقص مش كفايه سيلا وجات ندى كمان
ملاك / هما صحابي وبعدين دول بنات مش ولاد يعني مش هتغير منهم
ادم بغيره / أنا بغير عليكي حتى من الهدوم اللي بتلبسيها ومش عايزاني اغير منهم
ملاك / طيب خلاص اهدى ولما نروح نبقى نكمل كلامنا ماشي
ادم / ماشي ياملاك لما نشوف اخرتها.
بعد عدة ساعات انتهت الحفله و عادا كل شخص الى بيته لكي يرتاحو من هذا اليوم المتعب بالنسبه لهم وانتها اليوم عليهم في سعاده على البعض
.............................................
تاني يوم الصبح كانت ملاك ارتدت ثيابها من اجل ان تذهب الى جامعتها واتصلت على ندى لكي تنتظرها هناك وتوجهت الى الفراش توقظ ادم لكي يوصلها الى كليتها ويذهب الى عمله
ملاك وهي تهز فيه / ادم دومي قوم يلا هتأخر عندي محاضره
ادم بنوم / خمسه بس وهقوم
ملاك / لأ مافيش خمسه في تقوم دلوقتي يلا والا انت عارف هعمل ايه
ادم / ياحبيبتي انتي ناسيه انك حامل هتروحي ازاي يعني
ملاك / لأ ما أنا سألت الدكتورة وقالت عادي قوم بقى
ادم بزفره / حاضر قايم اهو ارتحتي كده
ملاك بمشاكسه / شاطر يادومي ياعسل انت قوم خد شاور يلا واخلص علشان هتأخر
ادم / حاضر مش هتأخر بس فين صباح النهارده
ملاك بخجل / يلا بقى مش وقته الله
ادم / لأ وقته والا مش هقوم
ملاك بغيظ / اووف بقى
واقتربت منه قبل*ته قب*له سطحيه ولكنه لم يكتفى وجذبها اليه اكتر اما هي فكادت تختنق وهو شعر بها فتركها وهو منزعج
ملاك بغيظ وخجل / ارتحت كده يلا قوم بقى
ادم / وهو ده حاجه عارفه لو ما كنتيش متأخره مكانتش هسيبك خالص إلا لما اشبع ده لو شبعت اصلا
ملاك بخجل / انت مش هتبطل قلة ادبك دي بقى
ادم / طول ما انتي معايا عمري ماهبطل وبعدين هو في احلى من كده
ملاك وهي تغير الموضوع / يلا بقى قوم علشان هنتأخر ومش هلحق المحاضره
ادم / طيب قايم اهو
ودخل جهز هو كمان واخدها وذهبوا الى الجامعه وخلفهم مجموعه كبيره من حرص ادم وحرص اخرون تبع حسام ولكن لايعرف ادم بهم وسلم الى الجامعه وقبل ان تنزل ملاك سحبها ادم الى داخل اضلاعه وقال لها
ادم / خالي بالك من نفسك ومن ابننا
ملاك / متقلقش ياحبيبي هخلي بالي كويس يلا بقى سلام علشان اتأخرت
ادم / مع السلامه ياحبيبتي
♡♡♡♡♡♡♡•♡♡♡♡♡♡♡•♡♡•♡♡♡♡♡♡♡♡♡♡
في مكان اخر عند الزعيم اكيد طبعا فاكرينه
كان يتحدث في الهاتف مع شخص بشر / نفذ النهارده
الشخص / ازاي يازعيم ده حاطط حراصه مشدده اوي
الزعيم بغضب وشر / اللي بقوله يتسمع نفذ النهارده يعني تنفذ فاهم
الشخص / امرك يا زعيم
اغلق الزعيم في وجهه قبل ان يكمل حديثه وهو في داخله يخطط كيف يوقع ادم ويدم*ره.
♡♡♡♡♡♡♡♡♡♡♡♡♡♡♡♡♡♡
عند ملاك وندى كانو لسه مخلصين محاضراتهم وخارجين وهما يتحدثون سويا وتقول لها ندى
ندى / والله ياختي ما أنا عارفه هنخلص السنه دي ازاي دي بقت حاجه ممله جدا
ملاك / عندك حق والله بس استحملي علشان نبقى احسن دكاترة في مصر
سيلا / احسن دكاترة انتي بتحلمي ياحبيبتي
ملاك / لأ مش بحلم ده حقيقه وهيحصل إن شاءلله بس بطلي تشائم انتي بس
سيلا / حاضر ياختي هبطل اما نشوف ايه اللي هيحصل
ملاك / طيب يلا بقى علشان ادم مستني بره
سيلا / طيب اسبقيني وانا هجيب حاجه واسبقك
ملاك / تمام ماشي
ذهبت ملاك الى خارج بوابة الجامعه وكان خلفها حرص ولكن بعيدون عنها بى امتار قليله وكان ادم ينتظرها على الناحيه الاخرى وهي ذاهبه اليه وتبتسم له بحب وفجأة مرت سيارة سوداء اللون ونزل منها رجال واخذو معهم ملاك وكان ادم واقف لا يستوعب شيء مما حدث ولكنه فاق بسرعه وقال باعلى صوته
ادم بصدمه / ملاااااااااكك
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
على الناحيه الاخرى في القصر كان الجميع يجلسون سويا عدا الجد الذي كان يجلس في غرفته ولا يخرج منها الا قليل
كان سليم يتحدث مع زين في امور تخص العمل ويتابعهم الجميع ولكن قاطعهم صوت هاتف سيف ووجده ادم الذي يتصل به
سيف وهو يرد عليه / اي يا ادم في حاجه ولا اي
ادم /...................
سيف بصدمه/ ايه انت بتقول اي
يتبع.......
بقلم الملاك الصامت 🦋
راية العاشق والبريئه 🦋🦋
ــــــــــــــــــــــــــــــــــــــــــــــــ
