رواية طفلة هزت كيان فرعون الفصل العاشر 10 بقلم مروة موسى
 |
| رواية طفلة هزت كيان فرعون |
رواية طفلة هزت كيان فرعون الفصل العاشر
البارت العاشر
الدكتور طلع وعلي وشه حاله من الحزن : البقاء لله والدتك ماتت
نور بعدم استيعاب: ماتت يعني أي ماتت آمال احنا جايبنا هنا عشان تتعالج ولا عشان تموت
فرعون : اهدي خلاص
نور بعياط : محتاجة اشوفها واكلمها هي اول لما تسمع صوتي هتصحي
الدكتور : هي ارتاحت بكتير والله كانت بتتألم
نور بعياط اكبر : أنا هاخدها معايا ومش عاوزة حد يعالجها انا هبقي جمبها ونزلت علي رجليها في الارض
فرعون طلب من الدكتور يخلص الورق
فرعون لنور : البقاء لله ي نور هي بقت في مكان احسن دلوقتي
نور بعتاب: لو مكنتش ظهرت في حياتي مكنتش هتتعب ومكنتش هتبقي في مكان احسن حالا كانت هتبقي معايا لكن انت السبب في موتها انت اللي وجعت قلبها عليا
فرعون مشي من قدامها عشان هي في حالة حزن وعدم استيعاب وذهب لإجراء مراسم الدفن وتجهيز الورق ليها لخروجها من المستشفي
نور فضلت مكانها بتعيط
رامي حس بوجع في قلبه وقلق ميعرفش مصدره اي
الجثمان جهز وفرعون نقله في طيارة خاصة وكانت نور معاه ورجعوا مصر
وعصام عرف بالخبر وجه لدفن والدته
عفاف ادفنت ونور كانت منهارة وصفاء عادي خالص ورامي زعلان علي عفاف وعلي حزن نور
فرعون رجع لقي نور تحت لابسة اسود في اسود وبتعيط وعيونها احمرت جدا
صفاء اول ما شافت عرفون كلمت نور: خلاص ي حبيبتي بقي انا هنا زي مامتك بالظبط واي حاجة تعوزيها قوليلي ربنا يصبر قلبك ي حبيبتي
فرعون لنور : تعالي ورايا وطلع وهي طلعت وراه
فرعون : ممكن تهدي بقي عاوزك تعرفي اني مش السبب السبب انها كانت بتضحي كتير ودا كلامك عشان كدا هي أهملت في صحتها ادعيلها
نور والدموع محبوسة في عيونها : هي اللي كانت باقيه ليا دلوقتي مبقاش حد ليا بقيت وحيدة في دنيتي وضعيفه في حياتي
فرعون اتنهد وباس دماغها : أنا معاكي اهو
سابها ونزل وهو زعلان عليها دخل مكتبه اللي تحت لقي عادل موجود فيه
عادل : زعلان ليه ي عز
عز: افتكر يوم وفاة ابويا مكنش حد معايا غيرك حاسس اني لسه دفنه حالا وراجع من جنازته
عادل : اهو انا كنت معاك ومازلت معاك يمكن دا اللي مقويك لكن نور مين معاها حالا
فرعون : معرفش معاها ربنا بقي هو اللي مع الكل
عادل : ونعمه بالله وانت فين .
فرعون : كلها فترة وهخرجها عشان ترتاح من حياتي
عادل : انت شايف كدا حل ليها
فرعون : دا انسب حل ليها اعتقد لأنها شايفه وجودها هنا دمار
عادل : الدمار الوحيد ليها فعلا انك تسيبها
فرعون : أمال اسيبها تفضل هنا تعمل اي
عادل : أي المانع انك تاخدها زوجه ليك
فرعون : وصفاء وانا مش عاوز حد تاني كفاية اللي فاتت
عادل : صفاء هتستغلها لو مكسبتهاش وانت عارف هي عاوزة اي زي مراتك الاول كانت بتحرضها عليك
لكن انت مسيرك في يوم ترجع من شغلك محتاج بيتك ومراتك وحياتك وعيالك اللي اتحرمت منهم لازم تجيب غيرهم يملوا حياتك بالفرح
فرعون : وانا أي الفايدة اتجوز وأخلف وانا مش متقبل دا
عادل بقسوه في كلامه : علي الاقل لما تموت تلاقي اللي يشيل اسمك ومالك ونفوذك تلاقي اللي يجيبلك حقك متبقاش ماضي وخلص
فرعون بعصبية : انت ليه بتحاول تكون قاسي في كلامك انت اللي بقول عليك اكتر حد بيرشدني وبيخاف عليا
عادل بتحذير: صوتك ميعلاش ومتنساش اللي قولته ليكي سلام ي فرعون باشا وخرج
*****وحد اللي ما بيغفل ولا بينام
فهد فضل يفكر في كلامه وهو عارف انه صح ولازم يستقر في حياته وفرعون زعله منه بسبب عصبيته وان دا اكتر حد بيحبه فعلا
طلع فرعون لقي نور لسه بتعيط ودخل وقعد جمبها بهدوء
نور بتلقائية: امي ماتت واخويا زي ما قولت عاطل وباعني زي ما قولت وانت دمرتني فاضل حاجة تاني عاوز تعملها
فرعون : ليه كلامك دا
نور بصراخ : من غير ليه زي ما كتبت عليا من غير علمي ياريت تطلقني بعلمي حالا
فرعون : معنديش طلاق
نور: خالي عندك دم وطلقني
فرعون بعصبية : نوووووور
شوفي كلامك وفوقي لنفسك
نور بقهقه: االي انت عاوز تعمله اعمله مبقتش فارقه الضرب في الميت حرام
فرعون : خلاص الحي ابقي من الميت بقي ولو علي اخوكي اجيبه ليكي
نور : لو سألتني اي اكتر حد بكره هقولك انت واخويا اللي كان كل يوم والتاني بيضربني
وجريت علي المطبخ تحت وفرعون وراها ودبحت ايديها ووقفت مكانها
فرعون بخوف : ي مجنونة وبيقرب ليها
نور : أقف مكانك لإما هقتل نفسي
صفاء: في اي ي بنتي دمك بيصفي
فرعون : اللي انتي عوزاه هعمله ليكي بس خلينا نشوف ايدك
نور: طلقني
فرعون : حاضر
نور: حالا يلا
صفاء: طلاق أي ي بنتي اهدي بس كدة
فرعون استغل فرصة انها باصة لصفاء ومسكها وهي عماله تحاول معاه انها تبعد لكن هي كانت ضعيفه
مسكها وحاول يداوي ايديها بمساعدة رامي
فرعون : صدقيني لو حصلت كدا تاني هتندمي
نور: مفيش ندم اكتر من اللي ندمته
صفاء بخبث: متروديش علي جوزك ي بنتي
فرعون بخبث اكبر: سبيها ي أمي تعمل اللي هي عوزاه دي مرات الفرعون
صفاء بتغلي: طبعا عقبال ما تبقي ام ابن الفرعون
فرعون : قريب بس اطلعي منها انتي وخليكي في حالك وحياتك
وفجأة شال نور وطلع بيها الجناح
نور: سبني نزلني
فرعون : اهو اتنيلي انزلي
نور بترجي: طلقني سبني بقي علي الاقل اعيش حياتي
فرعون بهمس: مفيش طلاق ي نور واقفلي علي الموضوع دا
بقلمي مروة موسي
رامي لعادل : عادل عادل
عادل : نعم ي رامي
رامي: ممكن معلومات عن نور
عادل باستغراب : ليه
رامي: يعني فين بقيت أهلها
عادل : امها وابوها اتوفوا كان عندها اخ لكن اتوفي واخوها عصام خد الفلوس من فرعون وساعتها محدش يعرف له طريق
رامي بحزن : ربنا يصبر قلبها حاسس اني اعرفها من زمان اوي وأمها كانت حاجة شداني ليها
عادل : انت قلبك طيب ي رامي لكن مشيك ورا خالتك هيوديك في حيطة سد
فرعون نزل وهما بيتكلموا
عادل كان خارج لانه لسه زعلان من عز
فرعون : تعالي معايا عاوزك
عادل وهو دخلوا المكتب
فرعون : متزعلش مني
عادل : عادي ولا يهمك
فرعون: خالي قلبك ابيض
عادل : طول عمره ابيض بس خليك انت قلبك ابيض تجاه المسكينه دي
فرعون : مش ملاحظ كل كلامك معايا عن نور
عادل : عشان هي طيبة وصدقني لو حبتك ساعتها هتكون ملكت الدنيا وانت حاول تحب وتعيش حياتك
فرعون : تحبني واحبها وضحك
عادل : طول ما انت قافل علي قلبك وبتتعامل بعقلك صدقني هتخسر االي باقي ليك
اطلع وخليك جنبها مبقاش غيرك ي عز
فرعون : كل مرة تكلمني وتجيب اسم عز بيهزني بيحاول يرجعني لشخص كان بيحب اللي بيحبه لكن مش قادر ابقي كدا ومش عاوز ابقي كدا
عادل : دا المطلوب ومتنساش انك وعدت امها والوعد الحر علي المسلم دين ي فرعون
فرعون وهو بيحضن عادل : حاضر ي عادل
علي الجانب الاخر
نور واقفة صورة والدتها قدامها في بالها وخيالها
نور قررت تتأقلم مع حياتها ومش كل حاجة تبان ضعيفه ومهزوزة
نور شخصية جريئه بس بدون سند في الحياة ليها
شخصية عادية ومش كئيب قررت تعيش وتخالي القصر دا تحت ايديها وتنتقم من فرعون ويبقي تحت ايديها بردوا وتحرق قلبه وتسيبه مدمر زي ما دمرها
( التفاعل مش حلو خالص بالطريقة دي الرواية هتقف بجد اتفاعلوا عشان انزل بارتات كتير لو لقيت التفاعل كبير هعمل منها جزء تاني لو فضل زي ما هي هحاول انهي الرواية خلال بارتين
جمعه مباركه عليكم❤)
صفاء لرامي : هنفذ خطتنا امتي
رامي: سيبهم في حالهم بقي كفاية موت مرات فرعون وموت عفاف ام نور
صفاء: قلبك الطيب دا هو اللي هيوديك في داهيه
رامي : والله عاوز اقولك بسبب تفكيرك دا احنا رايحين في داهيه
فرعون طلع جناحة لقي نور واقفه
فرعون : هديتي شوية
نور : ايوا .
فرعون : حاولي تعيشي حياتك والبيت بيتك
نور: طيب ماشي
عدي اياااام ونور بدأت تتأقلم علي رحيل مامتها
في يوم نور قررت تغير من شكل البيت المرعب دا
فتحت ستاير القصر كله وأمرت الخدم يفتحوا الشبابيك ويفرشوا ألوان زاهيه مبهرة ومبهجة
صفاء: فرعون لما يشوف المنظر دا مش هيعدي علي خير
نور باستغراب : ليه .
صفاء: لانه مانع اي نور يدخل البيت والفرش والأثاث الوان داكنة جدا
فرعون وعادل داخلين من القصر وقف مكانه ووجدت القصر متغير ١٨٠ درجة
فرعون بغضب : نووووووور و.......
يتبع
طفلة هزت كيان فرعون
Marwa mosa ✌ ❤
رواية طفلة هزت كيان فرعون الفصل الحادى عشر من هنا
