رواية طفلة هزت كيان فرعون الفصل الثالث عشر 13 بقلم مروة موسى
 |
| رواية طفلة هزت كيان فرعون |
رواية طفلة هزت كيان فرعون الفصل الثالث عشر
البارت الثالث عشر
نور بخبث وغل : علي أي رمية الكلاب اكيد امك هتموتني زي ما ما موتت مراتك وعيالك
فرعون عقد حواجبه باستغراب: انتي بتقولي اي
نور: زي ما سمعت مراتك مقتوله عمداً وعيالك كذلك مش حادثة دي حادثة مدبرة من صفاء
فرعون مسكها من درعها قومها : انتي اكيد اتهبلتي ي زفته
نور : انت عارف ان نهايتك علي ايد صفاء ليه مش مصدق انها موتت اسماء وبناتك
فرعون: اخرسي ي بنت الك**
وضربها علي وشها
نور وقعت تاني للأرض: انت بني آدم حقير
فرعون : انا حقير ي زباله انتي مكنتيش لاقيه تاكلي وكنتي هتبوسي ايدي عشان المكان البيت تقعدوا فيه
نور وهي واقفة قدامه وبتمسح دموعها : انا هقولك الزباله اللي مكنتش راضية تاكل دي هتعمل فيك اي في الاخر
فرعون وهو واقف بغروره: كان غيرك اشطر ي حلوة انه يهز كيان الفرعون
نور : صدقني رغم اني لسه طفلة ومكملتش ١٩ سنة لسه بس وعد مني في يوم هتيجي تقولي انتي طفلة هزت كياني انا كفرعون
فرعون وهو خارج من الاوضة : متتفرجيش علي افلام السبكي كتير سيبك من شغل الدراما دا
نزل تحت ولقي جوري وصفاء تحت ورامي
صفاء: فين مراتك ي ابني
فرعون : فوق
جوري : بتعمل اي
فرعون : اللي يفكر في حاله وحال غيره يتعب ي ست جوري افطري وانتي ساكتة
نور نزلت بعد ما غيرت ولبست هدوم تانيه قعدت علي السفرة
فرعون: االي ينزل بعدي علي الفطار ملوش فطار
نور بهدوء ودلع: وهو أي انت وانا ي فيرو
جوري: فيرو
صفاء بضحك : علي أخر الزمن فرعون باشا بقي فيرو
فرعون : مالك منك ليها هي ناقصة قرف وانتي ي زفته ي نور مفيش أكل ليكي يلا قومي
نور وهي بتقوم مش عاوزة افطر كفاية عليا دي وباسته من خده
فرعون اتصدم من حركاتها
وجوري بتغلي من جواها لان حاسة ان نور بتعرف تسيطر عليه عن مراته اسماء الاولي
صفاء متوقعتش رد فعل نور وثبات فرعون
صفاء : كمل اكلك ي ابني وانتي ي نور يلا شوفي هتعملي أي النهاردة
نور : يعني اي هعمل اي النهاردة
صفاء وهي بتقوم من علي الاكل : اقصد يعني هتعدلي اي تاني في البيت
نور وهي علي السلم : لاء انا مليش مزاج اعمل حاجة فيه تاني بس في دبانه رخمه كل يوم والتاني بتدخل وتخرج البيت عاوزة مبيد حشري
صفاء وفرعون فهمين قصد نور وكلامها علي جوري
بقلم مروة موسي
فرعون خلص أكل وطلع يقعد علي البيسين شوية وكان لابس شورت وواقف علي حرف البسين من صغره بيحب المياه
جوري من وراه : خايفه أسألك اقولك البت اللي فوق دي اخرتها اي تتعصب عليا
فرعون: شاطرة عشان كدا خليكي في حالك
جوري : طيب هروح اصب كاسين لينا
نور من فوق لقت فرعون واقف وجوري بتجيب كأس للشرب نزلت واتجهت ناحيه البسين جوري شافتها اتجهت الاخري ناحيه فرعون
فرعون لاحظ وجودهم الاتنين : خير
جوري : اتفضل ي حبيبي
فرعون : حبيبك ؟؟ انا مبحبش السهوكة دي اتعدلي
نور: انا عاوزة اخرج في اي مكان
فرعون وهو بيشرب كأسه: مكنتيش في منتزه وانا معرفش مفيش خروج
جوري: قال خروج قال هههههه وبتضحك
نور انتهزت الموقف وضحك جوري وزقت فرعون في البيسين فرعون اتعصب جدا لكن نور بذكاء قلبت الموقف ونزلت هي كمان البسين ونطت فيه لكن مبتعرفتش بطلتنا تعوم
نور: فرعون فرعون الحقني وبدأت تكون شبه غريقه
فرعون خلاها تبقي علي كتفه وطلع بيها لكن وجدها ترتعش
جوري : خالي حد من الخدم يجي يطلعها فوق
فرعون تجاهل كلامها وطلع بيها لفوق وهي نور كانت مش حاسة بحاجة حواليها
حطها علي السرير في الجناح ولقي هدومها كلها مبلوله قفل الباب
فرعون علي واحدة من الخدم : سمية سُمية تعالي
سمية : حاضر ي فرعون
طلعت وقفلت وراها
فرعون : دي هدومها وانا في الحمام جوا لما تخلصي انا هطلع
سمية: وانت مش جوزها ي عز ساعدني في تغير ملابسها
فرعون وهو يقبل رأسها: البركة فيكي ي سمية معلش هتعبك
سمية: ولا تعب ولا حاجة ي حبيبي دا مكانتك غاليه اوي عندي ي عز
فرعون : انا عارف والله يلا غيري ليها بس بسرعه لتبرد مننا
فعلا سمية بدلت هدوم نور كلها وهي مازالت مش حاسة بحاجة
سمية : يلا ي عز اطلع عز طلع من الحمام لقاها قعدت علي الكرسي الهزاز وضحكت
فرعون اتجهت ليها وقعد علي الارض وراسه علي رجليها
سمية : طول عمرك كنت تقولي ي دادة سمية بحس بأمان علي رجلك عن وجود صفاء في حياتي
فرعون : ومازلت عند كلامي ي سمية بحس براحة كبيرة جدا وانتي قريبة مني صفاء دخلت ناس وخدم كتير القصر بس مليش تعامل مع حد غير طلب الأكل او يجيبوا حاجة او يعملوا حاجة
لكن انتي أطمن وانا حتي بحكيلك حاجة او اطلب منك حاجة لذلك بسيبك للتقيله زي النهاردة كدا محدش من الخدم عمره بيدخل جناحي غيرك ولا حتي بينضفه غيرك حتي صفاء من كتر ما هي مبتدخلش الجناح تقريبا نسيت شكله
سمية : انت مربي حاله من الرعب في البيت محدش يقدر يعمل حاجة غير بإذنك
فرعون وهو راسه لسه علي رجليها: لازم الرعب يسود علي قصر طويل عريض زي دا واللي حصل في حياتي مش شوية انا ابويا مات قدام عيني ي دادة
سمية : اللي فات مات يعز يبني
فرعون: اللي فات بيقوي واللي جاي بيعدي بقوة اللي فات
سمية : معلش ي عز وخالي بالك من نفسك ومراتك
فرعون : نور عنيدة جدا من كلامها بتبان قوية قدامي بس غصب عني لازم بين كل وقت والتاني اكسر جناحها عشان متنساش نفسها
سمية: اسماء الله يرحمها كانت بتحبك لكن انت من كتر كلام صفاء عليها وتوقيعاتها بينكوا سبب فجوة وكانت اسماء طيبة علي نيتها
نور شوكِتها عفية شوية تخاف بس تصد اللي قدامها وصدقني اول ما دخلت البيت حسيت انها فيها شوية من شخصيتها من رامي
فرعون: شوية وهحررها وتاخد حريتها متقلقيش وهكتب ليها الشقه اللي كانت قاعدة فيها بإسمها
سمية وهي بتقوم وخارجة : أهم حاجة اشوف عز قدامي مش فرعون ي فرعون وخرجت
قام من علي الارض وبص لنور النايمة : ياتري كلامك علي صفاء انها قتلت مراتي صح
جوري كانت تحت واقفه زعلانه منه
صفاء: اطلعي ي حبيبتي اي اللي مزعلك بس
جوري : خليكي في نفسك ي طنط مش ناقصه كلها بكرة وهسافر اووووف وطلع علي جناح فرعون بس فرعون طلع ليها وقال ليها : نور هتفضل مكانها روحي الاوضة التانيه
جوري بغضب: وانت طبعا متعرفش تنام غير في جناحك يعني مش هتكون معايا
فرعون : ايوا وعلي فكرة بقي عاوزك تكبري دماغك من نور شوية تمام وقفل الباب في وشها
جوري : وحياة امي يفرعون لوريك لدام انت ندل اوي كدا معايا
في الفجر صحيت نور وهي بتعطس: الحمد الله وبتلتفت لقت فرعون واقف في البلكونه
مشيت براحة اتجاه
فرعون : أي اللي صحاكي
نور بخضه : انت عرفت منين اني صحيت وانت مديني ضهرك
فرعون : انا اعرف اي حاجة بتحصل في قصري حتي وانا واقف حالا مستعد اقولك كام حلة في المطبخ شغال عليها النار عشان الاكل بكرا
نور باستغراب: أكل حالا ؟؟ ليه
فرعون : الذكري السنوية لأبويا
نور بهدوء وزعل : ربنا يرحمه ي فرعون
فرعون بص ليها : كلنا داخلين نفس الباب بس كل واحد مكتوب هيدخله ازاي
فرعون بخبث: بس أي رأيك البيجامة اللي عليكي دي احسن من بتاع الصبح صح وغمز
نور انصدمت ووقفت متنحة وووووو
يتبع
طفلة هزت كيان فرعون
Marwa mosa ✌ ❤
رواية طفلة هزت كيان فرعون الفصل الرابع عشر من هنا
