رواية طفلة هزت كيان فرعون الفصل الثامن 8 بقلم مروة موسى
 |
| رواية طفلة هزت كيان فرعون |
رواية طفلة هزت كيان فرعون الفصل الثامن
البارت الثامن
فرعون بيفتح الباب وبيدخل واحدة في الاوضة وكانت جوري
جوري بدلع : هاي بيبي
فرعون : اهلا بالاسد
جوري : أمال مراتك فين
فرعون : ماتت الله يرحمها بقي
جوري: تؤتؤ تؤتؤ يلا يجي غيرها
فرعون : جه غيرها وبيشاور علي نور
جوري وهي بتقعد علي كرسي : ياحرام هي شكلها عامل كدا ليه
فرعون : غلطت واخدت عقابها
نور وهي خارجة من الاوضة
فرعون : علي فين كدا
نور : هسيبلك الاوضة عشان تاخد راحتك
فرعون : كلك نظر في داهيه يلا
جوري: غريبة تكون مراتك ومتمنعكش
فرعون : متدخليش في تفاصيل خليكي في حالك
نزلت تحت نور وكانت تعبانه جدا ومش عارفه تروح فين
لقت نفسها قاعدة علي البيانو
رامي من وراها : بتعرفي تعرفي
نور : انت مين
رامي : ابن خالة فرعون
نور : انا جعانه
رامي : احلي اكل يجيلك حالا
نور : شكرا ليك
رامي طلب من الخدم يجيبه ليها أكل : انتي كويسة
نور: لاء عاوزة ماما
رامي: مامتك دي كويسة اوي علي وشها القبول
نور بابتسامه : الله يخليك
رامي : اتفضلي الاكل
وقعد يعزف جمبها وهي بتاكل
نور: كان ليا اخ صغير بيعرف يعزف بس اتوفي
رامي: الله يرحمه
نور: انت شكلك طيب عن اللي هنا
صفاء بمقاطعه كلامهم : إزيك ي بنتي عاملة اي
نور : مين حضرتك
صفاء: انا ام فرعون ي بنتي
نور: اهلا بيكي
صفاء بخبث: أي اللي رماكي في طريقة ي بنتي
نور بدأت تحكي بدموع : والله معملتش حاجة كل الحكاية اني كنت شغالة في كافيه عشان الشقه كانت محتاجة إيجار وأول ايامي قابلت ابنك وبحسن نيه بحط المشروب قدامه غلط فيا وقال اي الخدمه اللي بقت زفت دي وانا رديت عليه ومن ساعتها اشتري الشقه من عمي حمدي وبعدين جيت هنا وبدأت تعيط
صفاء فهمت كل حاجة: معلش ي بنتي دا انا قلبي متقطع عليكي انتي بقالك يومين هنا تعالي اجبلك غيار تستحمي وتلبسي حاجة
صفاء جابت لنور بيجامه من مرات فرعون اللي ماتت فرعون بيكره البيجامه دي لانها اول مرة تلبسها كانت حامل في بنت لبستها وقعدت تحت بتتأمل منظر القصر المخيف دا
جوري بتفك زراير القميص لفرعون فرعون مسك ايديها وبعد
جوري باستغراب: مش عادتك يعني
فرعون : تعبان شوية بس المهم البيت بيتك ونزل تحت
لاحظ شرود نور وانها لابسه بيجامه من مراته الاولي
فرعون بغضب : انتي ي حيوانه
نور : في اي
فرعون : مين اللي جابلك الهدوم دي
نور : طنط صفاء
فرعون : اقلعيها حالا
نور : بس هدومي اتبهدلت وبتتغسل
فرعون شدها وطلعها في غرفه تانيه وفتح دولاب طلع منه قميص ابيض بكم طويل ليها
فرعون: في أقل من دقيقه تكوني تحت ورايا ورمي في وشها الهدوم
فعلا غيرت ونزلت
فرعون : محبش اللي يتصرف من دماغه وانا هنا الكل في الكل متسمعيش اي كلام غير مني فاهمه
نور:طيب بس ابوس رجلك سبني امشي من هنا كفاية كدا
فرعون وهو بيقعد : لازم أذل انفاسك اكتر من كدا
نور قربت له وقعدت قدامه : لما كنت صغيرة كنت محبش حد يكسبني في اي لعبه كنت شجاعه وكنت جريئه بس عمري ما أذيت حد
لكن لما كبرت بقيت اتعلم ان اللي هتعمله مسيره في يوم هيتعمل فيا سواء بالحلو او الوحش
عشان كدا هتلاقي ي فرعون الاقوي منك وساعتها هياخد حقي وحق كل اللي ظلمتهم
فرعون هاج من كلامها وجابها من شعرها : انتي بتهدديني معاش ولا كان اللي يكلم حتي فرعون نص كلمه لكن انتي عشان بقي ظلم بظلم هتفضلي في المخزن لمدة ٢٤ ساعة في الضلمة ومن غير اكل وشرب
نور بغل : علي الاقل اكون بعيد عن خلقتك ومتكونش قدامي
فرعون بغضب جرها من شعرها ونزلها المخزن وطلع
نور قعدت علي الارض بتفكر في حالها واللي وصلت له ولقت باب شبه مفتوح اخر المخزن دخلت فيه ولقت نفسها في اوضة تانيه مفيش مخرج منها ندبت حظها وقعدت مكانها
***** من استعان بحولي وقوتي ألنت له الحديد
طلع فوق وفضل قاعد يفكر في عناد نور مهما يأذيها بتفضل ترد علي كلامه ومش بتسيب حقها
جوري قطعت تفكيره : الاجازة دي مملة اوي ي حبيبي حاساك مش معايا خالص
فرعون : معلش مشاغل شغل بس
جوري: مشاغل شغل اي ي فرعون ما شغل المافيا كله تمام والشغل ماشي زي الواحد المظبوط
فرعون : تحبي نخرج نتعشي
جوري : ايوا عاوزة اكل مشوي من برا يلا نخرج
فرعون : طيب هغير والبس واجي
جوري : ما انت بتلبس عادي قدامي اي الفرق المرة دي
فرعون : انا مطول بالي علي اسألتك الكتير وخرج من الاوضة ودخل اوضه تانيه لبس قميص ابيض وبنطلون رصاصي وحزام وجزمة جملي وفتح أول زرار وتاني زرار من قميصه ووضع عطره الفواح التي لم تستطيع النساء مقاومته
فرعون : يلا بينا
جوري بحب : طول عمرك شيك وانيق في هدومك ولا ريحة برفانك تجنن
نزلوا وخرجوا قدام صفاء كانت قاعدة
فرعون: البت اللي تحت دي طلعها ومتخاليهاش اكتر من كدا لحسن تفقد الوعي هي في المخزن
رامي : حاضر ي فرعون هطلعها
خرجوا وذهبوا لمطعم ضخم يقع علي النيل مباشرة
جوري : المكان تحفه والاكل يجنن
فرعون وهو بيبص علي النيل والمراكب : بالهنا والشفا
عند نور تحت لقت المخزن بيتفتح وشبه خيال داخل مسكت حديدة من جمبها ووقفت
رامي : نور ي نور
نور رمت الحديدة : نعم
نور : تعالي يلا اخرجي
نور: وفرعون ممكن يأذيك
رامي وهو بيخرجها: متقلقيش هو انا أي حد دا انا رامي باشا
نور بابتسامه : بجد طيب خالي بالك لفرعون يسمعك ويخليك رامي فرخة مش رامي باشا
طلعت ودخلت ولقت صفاء
صفاء: معلش ي بنتي هو فرعون كدا نعمل اي بقي هو طلع من السنيورة بتاعته اكيد مش جاي حالا اطلعي يلا لو هترتاحي
رامي: انتي بتاخدي علاجك
نور: لاء
رامي : طب حاسة بوجع او بتعب
صفاء: سبها ي حبيبي تطلع ترتاح ومتسألهاش كتير خليها براحتها
بعد شوية صفاء لرامي: مالك ي حنين عمال تسألها وخايف عليها ليه اتعدل كدا
رامي: مش عارف حاسس اني اعرفها من زمان
صفاء باستهزاء: وماله يحبيبي
طلعت فوق نور لقت هدوم جورية علي السرير دخلت الاوضة التانيه وجابت حاجة تلبسها ودخلت استحمت وسرحت ونامت في الجناح بتاع فرعون
نور نايمة عيونها في السقف وعماله تفكر في مامتها ياتري عاملة اي حالا وقلبها مقبوض عليها
عفاف علي الجانب الاخر حاسة بوجع في قلبها والوجع بيزيد نزلت لجارتهم تحت عشان تساعدها وذهبت بيها للمستشفي
نور فضلت قلقانه لحد ما لقت تليفون علي أحد حوائط الجناح اتصلت علي والدتها ولكن لا يوجد رد اتصلت علي جارتها وكلمتها وعرفت ان امها في المستشفي
نور فضلت قلقانه وخايفة تخرج لفرعون يعمل حاجة أسوء من اللي فاتت فضلت مكانها لحد ما فرعون دخل ومعاه جوري
جوري : أي القرف دا انتي روحي اي اوضه تانيه غير دي انا هنام فيها
نور تجاهلت كلامها ووجودها ووجهت كلامها لفرعون
نور : ممكن اقولك علي حاجة
فرعون استغرب من نبرة صوتها الهادي : انجزي
نور كانت بتبص علي جوري خايفه يرفض ليها كلامها قدامها: عاوزة اشوف ماما والله تعبانه اوي وهي في المستشفى و عاوزة اشوفها بعد إذنك
بقلمي مروة موسي
فرعون فاجأ جوري بكلامه
فرعون : اخرجي ي جوري دقيقه
خرجت جوري وكانت زعلانه من رد فعل فرعون
فرعون : مين اللي عرفك أن امك تعبانه
نور واقفه خايفه منه : انا كنت قلقانه ولقيت التليفون دا اتصلت بيها وعرفت انها تعبت وجارتنا خدتها المستشفي
فرعون : تعرفي طريق المستشفي
نور : ايوا
فرعون : تعالي
وخدها وطلع علي المستشفي ونور طول الطريق قلقانه
دخلوا المستشفي وسألوا علي الغرفة وطلعوا فوق
نور اول ما شافت عفاف جريت عليها وعفاف فرحت بيها اوي وقلبها ارتاح شوية
عفاف بتعب : انتي كويسة ي بنتي
نور : انا كويسة وهبقي كويسة اكتر لما تقومي بالسلامه ي ست الكل
عفاف لفرعون اللي واقف بعيد : يبني انا مليش غيرها وتعبانه وكفاية اللي انت عملته فيها
فرعون تجاهل كلامها : ألف سلامة عليكي وخرج دقيقة يشوف الدكتور اللي ماسك حالتها
الدكتور: مكذبش عليك حالتها خطر جدا وهتعمل عملية كبيرة مش متوفرة هنا لازم تسافر لان هي أهملت نفسها لان علاجها غالي
فرعون: طب والعملية دي فين وتكلف كام
الدكتور :ألمانيا في مركز هنا علي مستوي العالم لجراحة القلب وتكلف كام دي تكلف كتير ممكن تدخل في اكتر من مليون
دخل فرعون ليهم تاني وجد نور بتبكي وعفاف نامت
فرعون: ان شاء الله هتبقي كويسة يلا نمشي
نور بقلق ؛ ممكن أفضل جمبها مش هكون مرتاحة وانا بعيد عنها
فرعون : انا هبعت حد يكون جمبها
نور : بس ....
فرعون: خلاص مش عاوز كلام كتير بقي
نور : لو سمحت هفضل معاها فرعون نظر ليها نظرة رعبتها خلتها تقف من مكانها
وخرجوا من المستشفي وطول الطريق نور بتبكي بدون صوت ووقف العربية وطلب منها تنزل ووقفوا علي كورنيش النيل
فرعون وهو بينظر للنيل : مطلوب منك انك تسفري امك ألمانيا وتعمل عملية بمليون جنيه واكتر
نور بصدمه : أي ازاي دا
فرعون : امك من كتر ما هي اهملت في علاجها الغالي أثر عليها وخلاها تتعب اكتر
نور : ماما طول عمرها بضحي عشانا انا واخويا انا طمر فيا لكن اخويا مطمرش فيه وباعني ب٥٠ الف
فرعون واقف صامد لكن عارف اد اي هي موجوعه واد اي مفيش حاجة في ايديها لعلاج امها : علاج والدتك وسفرها علي حسابي
نور باستغراب : دا مقابل اي تاني
فرعون .............
يتبع
طفلة هزت كيان فرعون
Marwa mosa ✌ ❤
رواية طفلة هزت كيان فرعون الفصل التاسع من هنا
