رواية حين تقع فى الحب الجزء الثانى الفصل الثامن عشر 18
حين تقع في الحب 2
البارت الثامن عشر
للكاتبه /ندي علي حبيب
نسمه بدموع :انا عرفه الحكايه كلها يا قاسم من يوم خطوبتنا
قاسم بصدمه :ازاي عرفه من مين
نسمه بدموع :عرفه قصة غزل بس انا كنت زعلانه علشان انت خبيت عني مش عرفه بسبب اخفاء الموضوع عني قلة ثقه ولا ايه بس اسر ابني مهما كان
منير :قاسم خد مراتك واطلع شقتك فهمها يابني
قاسم اخد نسمه وطلع علي الشقه
......................
في بيت نور
العيله كانت قعده علي السفره ونور كانت بتحط في اطباقهم اكل حطت للكل وراحت عن غسان وقفت جنبه
غسان بخبث حط ايده علي ضهرها
نور برقت :احم احم كدا كويس
غسان وهو ظل علي ما يفعل بخبث:ايوا روحي اعدي انتي بقي
نور ظلت واقفه مكانها لعدم رؤيه سكينه ما يفعله زوجها
سكينه بضحك :في ايه يا غسان مراتك وعوزه تقف جنبي
غسان حك دقنه وبص لنور :والله لو عوزه تعد علي رجلي انا موافق يا امي وغمز لنور
نور بخجل حطت ايدها ورا ضهرها ومسكت ايده وبهمس :شيل ايدك بطل قلة ادب
غسان بهمس:ما انا مبطل بقالي شهر نسيتي ولا ايه
نور راحت قعدت جنب عاصي بخجل وغسان ضحك
سكينه :نور اشربي كوبايه اللبن دي علشان اللي في بطنك يابنتي
نور بقرف :ماما انا مش بحب اللبن وخصوصاً القشطه بتاعته معلش مش عوزه اشربه
سكينه بغضب مسكت الشبشب :بت مش ناقصه مياعه اشربي اخلصي
نور بعند :مش شرباها يا ماما هه
سكينه حدفت الشبشب فيها نور جريت راحت ورا غسان بخوف
سكينه :خدي يابت تعالي هتتخبي فين يعني
نور بغرور :انا متخبية ورا جوزي
غسان بص ليها وابتسم وسكينه راحه ليه
والاولاد بيضحكو عليها
نور مسكت في هدومه من ورا وغسان قام :غسان بالله احميني
غسان بضحك :خلاص يا امي عندي المره دي هي هتشرب اللبن اهو ومسك كوبايه اللبن يلا بسم الله
نور مسكت الكوباية وشربتها غصب عنها :اهو حلو كدا
غسان حط ايده علي خدها بحب :مراتي شاطره ياناس
سكينه :يلا نعد نكمل اكل علشان تعملي الشاي بعد الفطار
نور بغيظ:حاضر
........................
في بيت نورهان وعمر
نورهان بكسل قامت من علي السرير راحت المطبخ تشرب لقت عمر مربع ايده وواقف قدام التلاجه
نورهان وهي بتتاوب :صباح الخير واقف كدا ليه قدام التلاجه
عمر حط ايده علي دقنه :بحاول اسخن الرقاق بس مش عارف
نورهان راحت وقفت قدام التلاجه :اسمع بقي هتطلع الحاله كدا وطلعتها ونجيب طاسه وجابتها وشغلت النار وحطت الزيت وتصبر لحد ما الزيت يسخن وبعدين تحط الكميه اللي انت عوزها بس كدا
عمر بضحك :ياعيني علي الشاطر ياعيني
نورهان بتتاوب :يلا اقف جنبه بقي علي ما اغير هدومي علشان اكل معاك ومشيت
عمر :انا احيانا بستغرب مين الست ومين الراجل والله ومسك الطاسه وفضل يقلب الله يلعن ابو الجواز اللي عن حب الواحد يتجوز وحده عمره ماشفها يقوم يعمل دور سيدي السيد البت تتعود يصحي يلاقي اكله وشربه وكل حاجه ليه جاهزة برنس برنس
نورهان :بتقول حاجه ياروحي
عمر :بقول احسن قرار اخدته في حياتي هو جوازي منك يا قلبي وبص لسقف سامحني يارب انت عارف كيدهم احتمال ابات عند امي لو زعلت مني وكمل اكل
...........................
في شقة نسمه
قاسم بدموع :صدقيني يا نسمه خوفي ان اقولك كان خوف علي خسارتك كان حمل علي صدري كبير عدم مصارحتي ليكي والله
نسمه حضنته :طب واسر هنقوله ازاي هو اكيد مش هيتقبل الموضوع خصوصاً ان حياته كلها كانت مع غسان
قاسم بضعف :مش عارف بس محتاج افكر محتاج
نسمه :وانا معاك يا حبيبي بس عوزه اعترف بحاجه
قاسم بص ليها بستغراب وضم حواجبه :ايه هي
نسمه بدموع :بس انت تسامحني
قاسم بقلق:قولي يا نسمه في ايه
نسمه بدموع :انا باخد حبوب منع حمل
قاسم :........
ايه ردة فعل قاسم ؟
نسمه اللي عملتيه غلط كبير حتي لو كان تمنه ايه ان عقاب او ايه بس مكنش لازم تعملي كدا دلوقتي بدل ما قاسم انتي تربيه هو اللي هيربيكي جيب العقواب سليمه يارب ؟؟؟؟😂😂😂
(انتظرو القادم )
رواية حين تقع فى الحب الجزء الثانى الفصل التاسع عشر 19 من هنا
