رواية منقذى الفصل الخامس عشر 15 بقلم نانسى محمد
 |
| رواية منقذى |
رواية منقذى الفصل الخامس عشر
منقذى
البارت الخامس عشر
نور:نعم
زين بعصبيه:انتى اتجننتى بتقولى اي
نور:ثوانى يازين بتقولى اي بقا
ميرنا:بقول الحقيقه زين جوزى وحامل فى ابنه كمان
نور بسخريه:خلصتى إلى بتعملي دة لو خلصتى اتفضلى هوينا يلا
ميرنا :انتى مش مصدقانى
نور بإستفزاز:وعمرى م هصدق واحدة شبهك يلا بقا يا روحى عشان انتى معطلانا
ميرنا:انا هوريكى
نور:طب لما تيجى تورينى ابقى قوليلى قبلها عشان اصور معجزاتك يلا يا ماما
زين بفرحه:انتى مصدقتهاش
نور:اصدقها ازاى إنشاءالله مش كل حاجة تتقال نصدقها لازم يكون فى دليل قوى اوى عشان اصدق واحدة زى دى وبرضو مش هصدقها بسهوله وبعدين انا واثقه من حبك ليا ف من سابع المستحيلات ان أصدق حاجة عليك
زين بحب:انا ربنا بيحبنى عشان بعتك ليا وخلانى احبك بحبك يانور حياتى
نور بحب:وانا بعشقك ياروح نور
لتبدا الخطبه وتاتى فقرة تلبيس الدبل
سجل يا تاريخ كده سجل
ودعنا حياة السينجل
كان زين يلبس نور خاتم الخطبه بفرحه
سجل يا تاريخ كده سجل
ودّعنا حياة السينجل
اما نور ف كانت تلعب مع زين بشقاوة لتأخذ الدبله وهى لا تريد ان تعطيها له
زين:يابت هاتى الدبله
نور بشقاوة:تؤتؤ اتحايل شويه
زين بضحك:يابت الناس بتتفرج علينا
نور :خلاص صعبت عليا هات ايدك
و أدينا فيها
هنعيش أحلى ما فيها
و الضحكة تحلّيها
يلا تعالى نعيش
و أدينا فيها
هنعيش أحلى ما فيها
و الضحكة تحلّيها
يلا تعالى نعيش
لتلبس له الدبله الخاصه بيه وتضع يدها اليمين أمام عينه وهى تضحك
سجل يا تاريخ كده سجل
ودّعنا حياة السينجل
لياخذها زين بأحضانه
ياللي علمتني إزاي أحب و معنى الحب
هحبك أكتر أنا كل يوم كل يوم
ياللي علمتني إزاي أحب و معنى الحب
هعلمك أنا أنا إزاي يدوم
ياللي علمتني إزاي أحب و معنى الحب
هحبك أكتر أنا كل يوم كل يوم
ياللي علمتني إزاي أحب و معنى الحب
هعلمك أنا أنا إزاي يدوم
لياتى اصدقائها واصدقاء زين ليبدأه برقص معهم
و أدينا فيها
هنعيش أحلى ما فيها
و الضحكة تحلّيها
يلا تعالى نعيش
و أدينا فيها
هنعيش أحلى ما فيها
و الضحكة تحلّيها
يلا تعالى نعيش
سجل يا تاريخ كده سجل
ودّعنا حياة السينجل
سجل يا تاريخ كده سجل
ودّعنا حياة السينجل
نور بصوت عالى :واخيرا اتخطبنااااااا
زين بفرحه وحركات مضحكه:وكمان شهر فرحنااااااا
ملك ولينا وهم يحضتنو نور :احنا مش مصدقين
ملك بدموع الفرحه:زى القمر ياروح قلبى
لينا بفرحه :انتى احلا من سندريلا بفستانك إلى يخطف النفس دة
نور :ياحياتي انتى وهى بحبكم اوووووى
مصطفى ويوسف:طب واحنا مالناش فى الحضن دة
نور:ضم على اخواتك يافواز
زين بغيرة:ابعد انت هو بدل ما اخلى وشكم خرايط
يوسف بضيق:اي ياعم انت هتغير مننا
مصطفى :انت تغير من اي حد غيرنا احنا نور دى اختنا
زين بغيرة :والله لو مين محدش هيحضنها منكم شغل زمان دة خلاص بح وانتى تعالى هنا
نور :يازين مالك دة حضن اخوى
زين بخبث:يعنى انا اجيب واحدة من صحابى واحضنها واقولك حضن اخوى لو كدة خلاص استنى انادى عليها عشان مسلمتش عليها
نور وهى تمسكه من يده بغيرة :لو قلبك جايبك اعملها وانت هتشوف هعمل فيك وفيها اي
زين:يبقا الى مش عايزة تشوفينى بعمله متعملهوش انتى كمان مش عشان بعديلك وعارف انك اخداهم اخواتك يبقا اسمحلك انك تحضنيهم تمام
نور :حاضر فك بقا وارجع فرفوش تانى
زين:تعالى يلا تعالى اقفى هنا
نور بإستغراب : أقف هنا لي
زين:هتعرفى دلوقتى
ليذهب ل المتحكم فى الأغانى ويقول له بعض الكلمات ويمسك المايك طبعا شكرا لكل إلى حضر حفله خطوبتى انا وشريكه حياتى نور عايز اقولها حاجة ويكون كله شاهد عليها ليتجه إلى نور وهو ينظر لها بعشق بحبك يا نور وهفضل احبك حتى لبعد اخر نفس ف عمرى بحبك وبغير عليكى حتى من هدومك وعمر ما عشقى او غيرتى عليكى هيقله فى يوم بالعكس كل يوم بيزيد عن إلى قبله انتى بقيتى نور الزين إلى من اول يوم شوفتك فى نورتيلى حياتى وخليتى ليها طعم تانى عمرى م جربته مع حد غيرك جربته معاكى انتى وبس بعشقك يا نورى
ليختم حديثه بقبله من جبينها وعد منى أدام ربنا وأدام الناس دى كلها هحافظ عليكى بكل ذرة فيا حتى منى تقبلى تسمعى منى الاغنيه دى
لتوافق نور بصمت و بدموع ليبدا زين بالغناء
أصابك عشق أم رميت بأسهم
فما هذه إلا سجية مغرم
ألا فاسقيني كاسات وغني لي
بذكر سليمة والكمان ونغمي
أيا داعيا بذكر العامرية أنني
أغار عليها من فم المتكلم
أغار عليها من ثيابها
إذا لبستها فوق جسم منعم
ليل ياليل ليل الليل يا ليل يا ليل
يا ليل يا ليل يا ليل، يا يا يا ليل يا ليل
يا ليل يا ليل يا ليل، يا ليل
كانت نور تنظر له بعشق وهى تحرك فمها بكلمه واحدة:بحبك
أغار عليها من أبيها وأمها
إذا حدثاها بالكلام المغمغم
وأحسد كاسات تقبلن ثغرها
إذا وضعتها موضع اللثم في الفم
أغار عليها من أبيها وأمها
إذا حدثاها بالكلام المغمغم
وأحسد كاسات تقبلن ثغرها
إذا وضعتها موضع اللثم في الفم
ليل يا ليل
يا ليل
يا ليل
يا ليل
يا يا ليل
نور بدموع:انا بحبك اوى
زين :وانا بمووت فيكى بلاش عياط بقا النهاردة يومنا لازم يكون يوم مميز
نور بمرح:حاضر طب يلا نرقص بقا حمو التيخا لازم يشتغل ناو الشله محتاجه فرفشه
زين بحزن مصطنع:وانا
نور بتفكير :اممم هنخدك معانا يلا بينا
ليبدأه بالرقص والفتيات كانو يتمايلون حتى انتهى الحفل
تانى يوم كان زين مستنى نور تحت البيت:يلا يابنتى بقا انا بقيت اتأخر على شغلى بسببك
نور:انت صاحب الشركه يا زين يعنى ملكش مواعيد
زين:لا ليا يا لمضه عشان اقدر احضر الميتنج بتاع النهاردة ومعاليكى كمان هتكونى معايا ولا نسيتى انك لازم تكونى موجودة معانا
نور :خلاص كفايه اي كل دة ياساتر يارب
زين:بت انتى متاكدة انك بنت مش ولد متنكر فى بنت
نور:بنت ونص يا حبيبى ولا تقدر تقول عكس كدة
زين:لا ابدا ياباشا مقدرش نور هانم احلا من احلاها ملكه جمال العالم
كلمات بسيطه وسط هزار خلتها مبسوطه ومش عايزة حاجة تانيه من الدنيا
(اوقات كتير البنت بتكون خافيه تتعامل مع الشباب على طبيعتها ليخده عنها فكرة وحشه ف بتتقمص شخصيه الراجل عشان محدش يبصلها بطريقه وحشه بس لو حد قالها انتى شكلك حلو النهاردة بتكون اسعد واحدة لانها فى الاول وفى الاخر بنت بترضى غرورها بكلمه )
فى الشركه عند علي كان سرحان فى حور وانها كانت ملفته جدا وبيفكر ازاى مكنش اخد باله منها ومن شعرها قبل كدة بس افتكر ان كل م كان بيشوفها بتبقا لمة شعرها سرح فى كلامهم امبارح واد اي هى هاديه ورقيقه جدا
على:انا عايز اكلمها بس ازاى معيش رقمها اوصلها ازاى اروحلها البيت لا بلاش اكلم نور واعرفها كل حاجة بس مش عارف هتتعصب عليا ولا لا هى بتخاف على حور اوى قطع تفكيره دة خبط باب المكتب لتدخل نور بجديه:علي عايزاك حالا الاجتماع كمان عشر دقايق يلا مافيش وقت
على بشرود:ماشى جاي وراكى
نور لاحظت شرود على لتقترب منه:مالك ياعلى فى حاجة
على :نور عايز اقولك على حاجة وعايزك تنصحينى
نور:ايوة طبعا قول الى انت عايزه
على :انا بحب بنت
نور بفرحه:بجد مبروك
على بحزن:بس خايف لتكون مبتحبنيش
نور:لااا دة الموضوع كبير اوى انت ليك اعده معايا بعد الاجتماع
على :طب يلا بينا قبل م زين يعمل مننا وجبه ماكدونالدز
نور :ايوة يابنى والله دة هولاكو اوى
زين من وراها :مين إلى هولاكو يا حبيبتى
نور بإبتسامه خوف :مين إلى قال هولاكو انة بقول هوت شكولت
زين:امممم حسابك معايا بعدين بس يلا عشان الاجتماع خلاص هيبدأ
على بهمس لنور:الله يرحمك كنتى طيبه
نور بنفس الهمس:وزع على روحى قرص وفاكهة
فى غرفه الاجتماعات
زين بجديه :نبدأ الاجتماع عايز اعرف اخر ثقفه بتاعت الخامات المتصدرة من كارل انتجت كام فستان
نور بعمليه:احنا صممنا من آخر ثقفه خامات ٣٧٥٠ فستان وانا كنت بشرف بنفسى على التصميم دة وهما دلوقتى جاهزين للعرض إلى فى الجونه كمان اسبوع
زين:تمام وانتى يا انسه نرمين عايز اعرف حسابات الثفقه دى
نرمين بدلع وهى تتجه له:طبعا يا مستر زين
لتقف بجانبه وتميل عليه :الحسابات بتاعت الثفقه الأخيرة كانت عشرة مليون دة تمن الخامات بس لكن الشحن كان ٤مليون
نور بغيرة :كنتى تقدرى تشرحى كل دة وانتى فى مكانك مكنش لي لزمه تقومى وتتلزقى كدة
زين بهمس:نور
نور بمهس:نعم انا مقولتش حاجة غلط إلى المفروض انى خطيبتك مبعملش المياصه دى ف خليها تعدي يومها بدل ما اعجزها
نرمين بخبث:وحضرتك زعلانه ليه كدة يا انسه نور
نور فهمت انها بتحاول تستفزها ف اتكلمت بإستفزاز وتملك :لان بأختصار ان انا خطيبه مستر زين ياحبيبتى ورغم انى خطيبته بس محترمه ومبتلزقش في زى ما انتى بتعملى رغم انك شغاله هنا وبس
زين كان بيحاول يكتم ضحكته على شكل نور وطريقه كلامها اما نرمين كانت هتو"لع من كتر غيظها
زين:اتفضلى مكانك يا انسه نرمين استاذ حازم عايز اشوف الفساتين إلى خلصت
حازم بعمليه :هى معايا دلوقتي يافندم ممكن نعرضها على الشاشه
بعد وقت طويل كان كله طلع من الاجتماع كان فاضل نور وزين ونور كانت بتلم فى حاجتها قامت من غير م تتكلم زين قام فجأه وشدها وقفل الباب عليهم نور كانت مابين الباب وما بين زين
نور بتوتر:فى اي
زين:اي الى انتى عمليته دة
نور:عملت اي
زين:نور بلاش استعباط
نور بعصبيه:انا مش بتستعبط انا معملتش حاجة انا كنت بدافع عن حاجة بتعتى الست هانم عماله تتلزق فيك كأنها مراتك وانا إلى أسمى خطيبتك مبعملش كدة
زين بخبث:قولى بقا انك غيرنا منها عشان هى بتتلزق وانتى لا على فكرة ممكن تعملى زيها عادى على فكرة
نور وهى تض"ربه فى صدره :طب ابعد عنى بقا اوعاا
زين وهو يحتضنها بضحك:اهدى بس
نور بعصبيه:اوعا بقولك ابعد عنى
زين بضيق :اي يانور فى اي
نور :فى انك حتى مقولتلهاش ان مينفعش إلى بتعمله دة وسايبها قريبه منك كدة
زين:هو انتى سبتيلى فرصه حتى اتكلم انتى نفختيها
نور بتحدى : دة كان مجرد كلام لكن اى واحدة تفكر انها تقرب منك يازين هتشوف منى وش محبش ان حد يشوفه
زين:حبيبى الشرس والله بحبك انتى لو مين كانت واقفه جنبى مبشوفش غيرك انتى انتى ماليه عينى وماليه حياتى وكيانى انا بعشقك يانور
نور بدموع:انا اسفه بس والله بغير عليك بخاف اسيب مساحه لواحدة تدخل حياتك وتاخد مكانى
زين وهو يحتضنها بحب:انتى ساكنه هنا فى قلبى مهما حصل ما بينا هتفضلى انتى النور إلى منور قلبى ومنور حياتى انا من غيرك ولا حاجة والله
نور وهى تدخل فى احضانه:بحبك والله العظيم ومش عايزة حاجة من الدنيا غيرك انت بس
زين:طب اي انا مش هفضل ماسك نفسى كدة لحد م نتجوز
نور بعدم فهم :لي فى اي
زين بخبث:انتى منشفاها عليا خالص حتى البو"سه مش عايزانى اخد واحدة اعمل اي بس
نور بكسوف:زين لم نفسك
فجأه زين ملامحه اتغيرت للغضب لما افتكر ان عمر كان بيبو"سها زمان
نور بإستغراب:زين انت كويس
زين حاول يتحكم فى اعصابه:نور اطلعى دلوقتى وسبينى لوحدى
نور افتكرت انه اضايق لما قالتله لم نفسك :زين انا اسفه والله لو كنت ضايقتك بكلامى
زين بعصبيه مكبوته:نور قولتلك امشى
نور بعند:مش همشى غير لما اعرف مالك
زبن بعصبيه :عايزة تعرفى مالى هقولك مالى فى انك منعانى حتى ابو"سك وكل ما بتمنعينى بفتكره وقتها نار بتكوينى
نور بحزن:اتعلمت من غلطى زمان مش عايزة اعيده من تانى انا اخدت درس اتعلمته كويس اوى لو عدت إلى كنت بعمله يبقا كدة انا متعلمتش من الدرس حاجة
زين :بس انا خطيبك وهبقا جوزك
نور:لما تبقا جوزى سعتها مش هقولك بتعمل اي بس دلوقتى مينفعش
زين بضيق:ماشى يانور بس اعملى حسابك ان كتب الكتاب كمان اسبوعين
نور بتفجاه :اسبوعين انت اتفقت مع ماما وسليم
زين :متخافيش هقولهم النهاردة ودلوقتى اتفضلى على شغلك
نور بحزن:زين
زين وهى يعطيها ظهره:نور لو سمحتى أمشى
لتذهب نور بحزن لتتجه إلى على
على :اي يابنتى اتاخرتى كدة لي
نور وهى تجلس أمام المكتب :معلش كنت بتكلم مع زين فى حاجة
علي:واضح انكم اتخانقتم
نور:لالا خالص اتفهمنا وحلينا الموضوع المهم بس اي موضوع العروسه المخفيه دى
على :هقولك بصى هى ظهرت فجأه مش عارف حبيتها امتى بس هى تخطف اي حد
نور :ياسيدى ياسيدى على باشا وقع فى الحب مين بقا الموزة
على بتوتر:انتى تعرفيها كويس
نور :بجد طب قولى مين هى وانا اكلمهالك حالا
على :بصراحه هى هى
نور:فى اي يابنى انت واقف قدام حد من أهلها عشان تتوتر كدة قول مين
على فى سره:هو من ناحيه ان واقف قدام حد من اهلها ف انا واقف قدام إلى مبترحمش ليقول لها بصراحه يانور البنت ال بحبها هى حور اختك
عند زين
كان قاعد زعلان جدا من خوف نور منه مع انه خايف عليها اكتر من نفسها بس هو بيحبها اوى وعايزها تبقا ليا ومتخافش منه اتصل ب سليم اخوها
سليم بمرح:ابو نسب
زين بسخريه:ايوة طبعا
سليم بعدم فهم:فى اي مالك
زين:مافيش بس اتصلت بيك عشان اقولك ان كنت كتابى على اختك كمان اسبوعين
سليم:طب م تعمله فى يوم الفرح وخلاص نور نفسها طول عمرها ان يوم كتب الكتاب يبقا يوم الفرح عشان يبقا متصور كله
زين:هعملها إلى هى عايزاه بس من غير م يبقا كتب الكتاب يوم الفرح
سليم:خلاص انا هبلغ ماما بالموضوع دة واقولك
زين:تمام هستناك سلام
بعد وقت طويل روحت نور بيتها من غير م زين يوصلها اول م دخلت رمت نفسها على سريرها بتعب وحزن لتدخل عليها حور بفرحه مبروك يا عروسه
نور :مبروك على اي
حور:كتب كتابك كمان اسبوعين انتى نسيتى
نور :لا منستش بس فى كام حاجة كدة شغله بالى وأولهم انتى
حور:انا لي هو فى حاجة
نور كلنت هاتكلم بس قاطعتها مامتها وهى داخله عليهم
منه:يلا عشان تاكلي انتى وهى وبعدين اروغو براحتكم
على السفرة
منه:زين طلب كتب الكتاب كمان اسبوعين
نور:ايوة هو قالى وانا مردتش عليه انتى اي رأيك
منه:انا شايفه انه كدة الصح
نور :صح فى اي
منه:صح فى انه عايز يتعامل معاكى ب الحلال ميفضلش داخل طالع على اساس انه خطيبك وبس هو عايز يكون جوزك وتكونى مكتوبه على اسمه ومافيش راجل يكون مستعجل فى انه يكتب واحدة على اسمه غير لما تكون تستاهل دة
نور بتشتت :يعنى انتم شايفين ان كدة صح
حور:نور انا عارفه انك خايفه من الخطوة دى بس انا شايفه زين مختلف عن عمر وعمره م هيكون شبه ابدا
سليم:مش عايزك تخافى من زين يا نور انا نفسى بشوف خوفه عليكى فى عينه هو دة الإنسان إلى تأمنى على نفسك معاه
نور:انا مش بخاف من زين بالعكس انا بحس معاه ب الامان إلى كنت بحسه وانا مع بابا الله يرحمه الاملن دة حسيته من اول يوم شوفته في زين كان امانى هناك ولسه أمانى ومنقذى
حور:يبقا متشيليش هم حاجة ونبدأ نجهز لفرحك ياعروسه
نور:بمناسبه عروسه بقا فى موضوع عايزة اكلمك في
سليم:موضوع اي
نور :فى واحد كلمنى على حور النهاردة
منه:بس حور لسه صغيرة
نور:دة إلى قولته بس هو قالى انه عنده استعداد يستناها تدخل الكليه ويعمله خطوبه عشان ميأثرش عليها السنه دى
سليم:مين دة إلى كلمك يانور
نور:إلى كلمنى هو علي يا سليم
حور :طب وقولتيله اي
نور:بصراحه انا قولت لا بس هو طلع بيحبك وحاول معايا كتير لحد م اقنعني ولقيته يستاهلك فعلا انتى اي رأيك يا حور
حور بصلهم وساكته بس قررت انها تتلكم وتقول رأيها:....
رواية منقذى الفصل السادس عشر من هنا
