رواية بنت القلب الفصل العاشر 10 بقلم هند حارس
رواية بنت القلب البارت العاشر 10
رواية بنت القلب الجزء العاشر 10
رواية بنت القلب الحلقة العاشرة 10
 |
| رواية بنت القلب |
رواية بنت القلب الفصل العاشر 10
رواية بنت القلب ( الفصل العاشر)
والدة أحمد :انتوا تعرفوا بعض
غيث وهو يدقق النظر:اي دا مش دي البنت اللي ضربتني في الكليه
أحمد بغيظ منه:ومالك فخور كدا ليه
والدة أحمد فبرغم صداقتها التي أصبحت قويه مع عائلة رحيل فلم يسبق لغيث أو احمد مقابلة رحيل حتى عندما وقعت الحادثه كانوا يطمئنوا عليها من آسيا :ضربتك امتى
كانت رحيل تقف بخجل من هذا الموقف الذي وضعت فيه
احمد:مفيش ياحبيبتي دا موقف حصل في الجامعه واتحل
والدة احمد:ماشي ياحبيبي
داليا:انا بقول نسيب الأولاد شويه يتعرفوا على بعض
والدة احمد:وانا كمان بقول كدا يلا ياغيث
رحيل بتوتر:احم لازم يكون فيه محرم
احمد بصوت واطي سمعته رحيل:على اساس إني هاكلها
-انا هبقى المحرم
رحيل بصدمه:ياسين ثم أقتربت منه وأحتضنته
ياسين:روح وقلب ياسين
رحيل وهي تضربه:بقالك اسبوعين مختفي وتقولي قلبك هونت عليك
ياسين:ما انتي عارفه يابنتي شغلي وكدا المهم انا جاي وواخد إجازه شهر يستي هنتفسح فيه براحتنا
رحيل وهي تقول بحماس:عااااا يعيش ياسو
ياسين وهو يقترب من أذنها:على فكره العريس الضيوف لسه واقفين
رحيل وهي تقترب منه:احلف
ياسين:والله
رحيل: يافضيحتشي
ياسين وهو يتحدث للجميع:احم معلش الجماعه اصلنا اول مره نشوف بعض
احمد :نعم؟
ياسين:قصدي اول مره أشوفها من اسبوعين انتوا سبتوا المهم ومسكتوا في التافه
داليا:ياسين
ياسين:حبيب هارتي اللي واحشني
داليا:يابكاش
ياسين:أنتي تعرفي عني كدا
داليا:وابو كدا
ياسين بضحك:خلاص يبقى اي الجديد
داليا وهي تنظر له :مش هتتغير يلا ياجماعه ونسيبهم لوحدهم
خرجوا جميعاً وتبقى ياسين ورحيل وأحمد
ظل كلا من أحمد ورحيل دون أن يتحدثوا وياسين ينظر لهم
ياسين:منورين ياشباب
نظروا له وعاد الصمت من جديد
ياسين:تشربوا حاجه ؟ لا بقى ما تحسسونيش إني تقيل عليكم
أحمد ببرود:معنديش حاجه اقولها أسالها لو عايزه تقول حاجه
ياسين وهو ينظر لرحيل التي لم ترفع نظرها عن الأرض:ها يارحيل عاوزه تسألي في حاجه لو مكسوفه مني ممكن أخرج
رفعت رأسها سريعاً وهزت رأسها بمعنى لا
ياسين:طب اسألي
رحيل وهي متوتره:انت منين
أحمد :من استراليا هنهزر اكيد مصري يعني
رحيل وقد زاد توترها ولا تعرف ماذا تقول وقد هربت كل تلك الاسئله التي كانت تحفظها :احم اسمك اي يا استاذ أحمد
ياسين وهو يكاد ينفجر ضحكا وغيظا:اسمه الأستاذ أحمد
رحيل ويبدو إنها على وشك أن يغشى عليها :احم بتصلى
احمد: الحمدالله
رحيل:منتظم
أحمد:يمكن مش بصلي في المسجد بس محافظ على الصلاة
رحيل في نفسها: الحمدالله عديت
رحيل:حافظ قرآن
احمد:مش كتير على قدي
رحيل وقد زاد توترها لأنها لم تعتد على الجلوس امام أحد غريب منذ سنه وهذا ليس أحد بل من الممكن أن يصبح زوجها
رحيل:بتصلي الفجر كام مره
أحمد:افندم اكيد يعني مش بصليه عشروميت مره
رحيل وهي تنهض وتكلمت بسرعه:بقولكم اي مش عاوزه اتجوز وادي الورقه اللي كنت كاتبه فيها اللي أنا عاوزاه
ثم أعطتها لياسين وغادرت وسط ضحكات احمد وياسين
ياسين وهو يقرأ الورقه:
-شوف بقا الفرح هيبقا اسلامي الرجاله ف مكان والحريم ف مكان النيش هنلغيه ونعمل مكانه مكتبه نحط فيها كُتب لما انام بليل فرض عليك تصحيني للقيام وإلا ملناش كلام مع بعض لمده يوم اللي يبعد عن ربنا التاني يخاصمه لحد م يرجع لما ازعل تصالحني بأي طريقه المهم منامش زعلانه سلام علي قرايبك خالك عمك جدك مبسلمش نقاب باذن الله مبقلعش ، تجيبلي كل يوم شوكلاته وفشار وشيبسي وبيبسي ،اهلي هزورهم علطول او نجيبهم يعيشوا معانا فل
في الخارج تذكرت رحيل ما كتب في الورقه وقد كانت تريد أن تحول ما في الورقه لاسئله فكانت ستذهب لغرفتها ولكن تذكرت أن الورقه بأيدي ياسين فصرخت وعادت مره أخرى ولكن قد فات الأوان على ما يبدو
رحيل وهي ترى ياسين يضحك:ياسين أنت مقرأتش الورقه صح
ياسين وهو يرفع الورقه:قصدك دي
رحيل وهي ترجع مره أخرى بإحراج اكبر:إللهي تنفضح
ذهبت وهي تبرطم ببعض الكلام على ماحدث لها من إحراج ولكنها استغربت إنه لم يعلق على وجهها ففرحت قليلاً وذهبت لغرفتها فقد كانت الفتيات تجلس هناك
وعندما دخلت وجدتهم أمامها
رحيل:في اي في حد يخض حد كدا
آسيا: عملتي اي ها
نغم:الفرح امتي ها
عشق:ارتحتي ولا لا ها لو ما ارتحتيش نلغي الفرح
آسيا:بس يابت فرح اي اللي يتلغي دا انا مش هسكت غير انا تبقى مرات اخويا
رحيل:بسسسسس في اي فرح اي هو انا لحقت اعمل حاجه ثم نظرت لآسيا تعالي هنا بقى بتضحكي عليا يا آسيا
آسيا ببسمه غبيه: مفاجأة حلوه صح
رحيل بغيظ:حلوة هو أنتي عمرك عملتي حلوة
آسيا:اهو قولتي يبقى اي الجديد
رحيل وهي تقترب حتى تضربها ولكن أمسكت كلا من نغم وعشق بها
رحيل:سيبوني عليها انا مش هضرب انا هعرفها غلطها بس
آسيا:ما خلاص بقا قلبك ابيض
عشق: رحيل سيبك منهم عملتي اي
رحيل:احم احم بصوا
الثلاثه:بصينا
رحيل:................وحكت لهم كل ما حدث ولم تنسي شيئ
آسيا وقعت أرضا من الضحك :ااااااه بطني مش قااادرة
عشق بصدمه:يامجنونه
نغم بحزن :البس الجوازه باظت
رحيل:معلش يانغم انا مش زعلانه
نغم:أنا زعلانه عشان مش هلبس فستان في فرحك كان في فستان تحفه كنت عاوزه احجزه
رحيل وهي تضربها:طب قومي من جمبي كدا
عشق:عايزين حد ينزل يستفسر عن اللي حصل
كلهم نظروا نحو آسيا
آسيا:لا ما تبصوليش كدا مش هنزل
نغم وهي تمسكها وتطردها:بت هو أنتي مش من عيلة العريس وكدا اي اللي مقعدك معانا قومي امشي يلا
آسيا بمكر: ياخساره دا انا كنت هتصل بغيث عشان اعرف يالا الى اللقاء
رحيل وهي تمسكها:اي دا هو انتي زعلتي دا احنا كنا بنهزر معاكي قفوشه اوي يا آسو
آسيا تنفض ثيابها بطريقه وهميه :اه بحسب استنوا بقا اتصل بغيث
أمسكت هاتفها وضغطت عدة أرقام وانتظرت أن يجيب الطرف الاخر
آسيا وهي ترد:ايوه بقولك ياغيث
غيث:قولي يختي
آسيا:هو اللي بيحصل تحت الجوازة اتفركشت ولا لسه
غيث:انتي عاوزاها هتتفركش
آسيا:يابني قولي أنت متعرفش اي اللي حصل
غيث بفضول:اي اللي حصل
آسيا:اصل
رحيل وهي تكتم فمها:اجبلك ميكرفون وتمشي في الشارع وتحكي اللي حصل
آسيا وهي تبعد يدها:خلاص خلاص بوظتولي برستيجي
غيث :أنتي بتكلمي نفسك
آسيا:اسكت انت أي اللي حصل تحت
غيث بغيظ:لاحظي اني الكبير بعدين مفيش حاجه قالوا هنيجي الاسبوع الجاي نعمل زياره ويلا انزل عشان هنمشي
آسيا:طب ياخويا نازله
أغلقت معه وكادت أن تذهب:يلا سلام ياشباب نتقابل يوم تاني
رحيل وهي تمسكها من حجابها:تعالي هنا يابت هو انا قايلالك تتصلي ليه
آسيا بغباء:عشان اعرف اي اللي حصل
رحيل وهي تكاد تنفجر بها:واي اللي حصل
آسيا ببسمه غبيه:هو انا مقولتلكيش
نغم:لا يختي مقولتيش
آسيا:هنيجي يوم تاني عشان يتعرفوا اكتر ويقرروا
عشق: الحمدالله ماباظتش
آسيا:يلا سلام بقا
عشق:خديني معاكي الوقت أتأخر هتيجي يانغم
نغم:لا انا هبات هنا انهارده
عشق وآسيا:طب سلام
نغم:تعرفي يابت يارحيل إن الحادثه بتاعتك كل مفتكرها ازعل بس لما بفتكر إنها عرفتني على آسيا وعشق ببتسم
رحيل:عندك حق والله لولا عشق كنت انتحرت يالا روحي نامي
نغم وهي تتثائب:تصبحي علي خير
رحيل: وأنتي من أهله
نامت نغم بينما رحيل ظلت تسترجع ما حدث معها
Flash back
وصل غيث وعشق بآسيا ورحيل إلى المستشفى وقام الأطباء بالقيام باللازم وادخلوا رحيل العمليات حتي يخيطوا جرحها بينما وضع آسيا في غرفه عاديه فهي أغشى عليها فقط وبعد ربع ساعه كان آدم يقف معهم وبعد حوالي ساعتين تم نقل رحيل لغرفه عاديه
Back
أثناء تفكيرها فما حدث سقطت في نوم عميق لم تفق إلا على صوت عالى يأتي من الخارج وعندما سمعت صوت آدم أستغربت ثم هبطت للاسفل وتركت نغم الغارقه في النوم
أقتربت منهم رحيل
رحيل:دومي أخبارك اي
آدم بغضب:صحيح اللي سمعته يارحيل
رحيل:سمعت اي
آدم :أنتي هتتجوزي حد غيري
رحيل بصدمه:آدم أنت بتقول اي
آدم وهو يقترب منها ويمسك يدها:اللي سمعتيه يارحيل انا بحبك من وانتي صغيره كنت مستني لما تكبري عشان اقولك ومش هسمح تكوني لحد غيري
رحيل وهي مازالت على صدمتها:آدم آدم بس أنت أخويا
والدة رحيل بحزن:ليه يارحيل ليه
آدم بصدمه:................
hend✍️
رواية بنت القلب الفصل الحادى عشر 11 من هنا
تابعونا على التليجرام من هنا (روايات شيقة ❤️)
