رواية بنت القلب الفصل الثانى عشر 12 بقلم هند حارس
رواية بنت القلب البارت الثانى عشر 12
رواية بنت القلب الجزء الثانى عشر 12
رواية بنت القلب الحلقة الثانية عشر 12
 |
| رواية بنت القلب |
رواية بنت القلب الفصل الثانى عشر 12
رواية بنت القلب (الفصل الثاني عشر)
-فاضي شويه ؟
نظر لها ثم تحدث
-نشرب قهوه في حته بعيده ؟
-قهوه طب قول اكل ياجدع دا أنت بخيل
-عايزه اي
-شكلك مش معاك فلوس طب ما تقول كدا من الأول
-عرفتي مكاني ازاي
-مفيش انا عرفت اللي حصل معاك وكنت قاعده جمب البحر لقيتك قاعد قولت اجي اتكلم معاك
-مفيش كلام يتقال في الموضوع دا
-هسألك سؤال وتجاوبني بصراحه يا آدم
آدم بإستغراب:اسألي
-بتحب رحيل
آدم بشرود:رحيل دي انا اللي مربيها مكانتش بالنسبالي بنت خاله كنت بعتبرها أختي وبنتي وصحبتي وحبيبتي هي بالنسبالي جوهره غاليه من واجبي احافظ عليها من كل حاجه حتى لما كانت بتروح حفله أو درس مكنتش بسيبها ولما تسألني اقولها بحب اكون معاكي عشان ارخم عليكي مكنتش بحسسها إني خايف عليها عشان متقلقش
-سكت ليه
آدم:مش لاقي حاجه اقولها
-ودلوقتي احساسك اي
آدم بإبتسامه:متغيرش لسه بحسها بنتي وصحبتي وأختي والغريب إني لما عرفت إنها أختي مضايقتش واكتشفت إني حبي ليها كان نابع من إحساسي إنها مسئوليتي وخوفي عليها بس هتفضل طول عمرها بنتي واختي اللي كل ما تعمل مشكله تتصل بيا مع إنها لو اتصلت بياسين بيخلصها في ثانيه ثم أكمل بضحكه نابعه من القلب ولما اسالها تقولي بحب امرمطك يادومي كنت بفرح إنها بتعتبرني سندها في عز مشاكلها مع إني كنت عارف إنها بتعتبرني أخوها كنت بتضايق بس عارفه دلوقتي بقيت مبسوط إني اخوها مش عارف ليه بس اللي فهمته إني حبي ليها كان ومازال حب أخوي اتوجد بسبب إننا اخوات حتى ياسين كنت بعتبره أخويا دايما وكنت بخاف عليه لما يطلع مهمه عمري ما حسيت أنه ابن خالتي حتى خالتي طول عمري كنت بحسه زي ماما بالظبط بس للاسف هي عمرها ما كانت أم ليا الام مش بتضحي بأبنها عشان حد تاني بس هي حتى مفكرتش فيا
-ينفع اسألك سؤال تاني
آدم:اسألي
-لو رحيل كانت ما بتخلفش وأنت ربنا كرمك بأولاد وشايفها قدامك منهاره وهتموت نفسها هتسكت
آدم:أنتي عاوزه توصلي لاي
-جاوبني بس
آدم:لا طبعاً هعمل اي حاجه عشان تبقى كويسه حتى لو هضحي بحياتي
-ودا اللي عملته مامتك
آدم:قصدك اي
-مامتك ضحت بحياتها لما ادتك لأختها مع إنك اول فرحه ليها بس حبها لأختها خلاها تضحي بيك مع إنك حياتها ومضحتش بيك إلا وهي وعارفه إنك هتبقى جمبها ضحت إنها تسمع اول كلمة ماما منك وأنت كنت هتعمل نفس الحاجه مع رحيل قولي بقا اي الغلط في اللي عملته هي كانت اخت قبل ما تكون ام وبعدين كانت أم ليك مش لازم باللقب الام بتبان من المعامله يا آدم لو حسيت إن طنط داليا مكانتش تعاملك زي ياسين ورحيل وقتها تقدر تقولها إنها مكانتش ام ليك شكلي طولت عليك انا همشي عشان اتأخرت بس فكر في كلامي
آدم بتردد:اوصلك ؟
-لا شكراً السواق مستنيني
في مكان آخر
-أنت هتتجوز يا أحمد
احمد:مروه مش من الصبح في الحوار دا قولت مش هتجوزها
مروه:اومال روحت الخطوبه ليه
أحمد بتأفف:ما انتي عارفه ماما
مروه:طب هتعمل اي
أحمد:هتجوزك
مروه بإستغراب:طب ما احنا متجوزين
أحمد:لا ياقلبي هتجوزك قدام كل الناس احنا اه متجوزين بس محدش يعرف وانا هستغل الفرصه دي عشان نبقى مع بعض على طول
مروه بفرحه:بجد بجد يا احمد ثم أكملت بحزن بس تفتكر مامتك هتوافق عليا دي خلتك تطردني من الشركه
أحمد بخبث: ما تخفيش هتضطر توافق بسبب اللي هعمله
مروه بفضول:هتعمل اي
أحمد: هوافق اتجوز البنت المشوهه دي
مروه:انا مش فاهمه حاجه
أحمد:متشغليش بالك اهم حاجه تبقي جاهزه لفرحك ياعروسه
عند رحيل ونغم
صوت من الخلف:امممم ومين بقا دا قرة عينك ياست نغم
نغم بتوتر:ها ياسين
ياسين:ايوه ياسين كنتي بتتكلمي عن مين بقا
رحيل بخبث:اصل في واحد متقدم لنغم هو أنت متعرفش
نغم بصدمه:احلفي
رحيل وتضربها في رجلها وهي تغمز لها:ايوه العريس اللي كان جايلك امبارح بس أنتي اجلتيها عشاني
نغم وهي تكمل معها:ابو صح قرتي عين خطشيبي
ياسين وهو يقترب بغضب جحيمي:نعم ياروح أنتي وهي مين دي اللي هتتخطب طب ابقي اعمليها يانغم
رحيل بخبث:وأنت مضايق ليه بقا
ياسين بغضب:عشان نغم مش هتتجوز حد غيري
رحيل:ما كان من الأول لازم الحوار دا
ياسين:قصدك اي مفيش عريس
نغم:هو انا حد معبرني ياحسره
نظر لها ياسين
نغم:اهو انت عبرتني ياشبح
ياسين:ومين قرة عينك دا بقى
نغم بتسرع:هو في حد غيرك
ياسين وهو يبتسم: وماقولتليش ليه
رحيل:تقولك اي ياخويا بعدين لاحظ إنك مينفعش تقف معانا كدا عشان حرام احم قصدي عشان نغم وكدا
نغم:ويفيد ب اي البوح لو البعيد لوح نظر لها كلا من ياسين ورحيل برفع حاجب احم متاخدوش في بالكم كملوا
تحدثوا قليلاً ثم ذهبوا حتى يفطروا جميعا وكانت داليا قد ذهبت لغرفتها تبكي بسبب ما حدث وتخشى الا يسامحها آدم وبعد الفطار كان يتحدثون جميعهم وكانت رحيل تشرد منهم كثيرا فتذكر ياسين الصوت العالي الذي سمعه صباحاً
ياسين:كنت سامع صوت عالي الصبح اي اللي حصل
رحيل وقد عاد لها حزنها:آدم اخونا يا ياسين
نغم وياسين:انتي بتقولي اي
رحيل:زي ما بقولكم
ياسين:ازاي
رحيل:......حكت له كل ماحدث منذ أن عرفت الحقيقه حتى الآن
ياسين:طب وهو فين دلوقتي
رحيل:مش عارفه بس هو قالي إنه كويس وهيرجع
ياسين بفرحه:برغم اني زعلان عليه بس مبسوط إنه اخويا آدم دايما كان اخونا الكبير حتى من غير ما نعرف دلوقتي مش لاقيله مكانه اعلى لانه كان اخونا فعلا
آدم من الخلف بمرح:ممكن ابقى باباك مثلا
ياسين وهو يقترب منه ويعانقه:لا يا راجل عشان أكبر مني بسنه يعني
آدم:طبعا وعشان أخوك الكبير
كانت رحيل مكانها ودموعها تتساقط فذهب لها آدم
آدم: بنوتي الحلوه بتبكي
رحيل بدموع كاالاطفال:عشان كسرتلك قلبك ومقولتلكش من اول ما عرفت بس والله ما كنت اعرف
آدم:كسرتيلي اي يختي هو انا كوبايه بعدين انا اصلا كنت هتجوزك شفقه عشان اكسب فيكي ثواب خوفت على اللي هيتجوزك مش هيستحملك دقيقتين ويطلقك قولت يا واد يا آدم نظرت له رحيل فأكمل ايوه زامبقولك قولت ياواد يا آدم اتجوزها اهو تاخد فيها ثواب وبعدين ياستي أنتي كنتي واعده ماما إنك ما تقوليش عاوزه تخلفي بالوعد
رحيل وهي تضربه:بقا انا محدش يستحملني ماشي ماشي يا أبو آدم بعدين انت قولت ماما ثم أكملت بفرح
انت سامحتها صح
آدم بغيظ:بت قولتلك متقوليش الاسم دا تاني ثم أكمل بإبتسامه شارده في حد عرفني إن اللي ماما عملته هو الصح يلا بقا امشي من هنا هطلع انام رجعت من السفر ما نمتش
ياسين:خدني معاك يا كوتش
أمام فيلا رحيل كانت توجد عربيه سوداء وبداخلها رجال ضخام وشكلهم إجرامي
رجل1:بقالنا ساعتين واقفين ولسه ما خرجتش
رجل 2:المعلم قال ما نرجعش الا والبنت دي في إيدنا
في الداخل
نغم: رحيل أنا همشي بقا عشان اتأخرت وقولت لماما هرجع الصبح بدري
رحيل:تمام يا نونو خلي بالك من نفسك
نغم:حاضر يلا سلام
في الخارج
رجل 1:اهي خرجت اتحرك
رجل 2:تمام
ثم تحرك بالعربيه ناحية نغم التي كانت ستركب سيارتها لولا تلك العربيه التي اخدتها ووضعت شيئ على وجهها
في غرفة ياسين كان يرتدي ثيابها حتى يذهب إلى النادي فلم يذهب منذ مده بسبب كثرة المهام حينما رن هاتفه برقم قائده فأستغرب وفتح
ياسين: الو يافندم
القائد:الو يا ياسين في اخبار مش كويسه
ياسين بقلق:في اي يافندم
القائد:رفعت هرب امبارح
ياسين بغضب:ازاي يافندم ازاي يهرب
القائد:لحد دلوقتي منعرفش حاجه بس حبيت أحذرك عشان أنت اللي كنت السبب في القبض عليه فهتكون أول أهدافه انت وعيلتك
ياسين بخوف ليس عليه بل على عائلته:تمام يافندم معلش هقفل دلوقتي عشان اشوف هعمل اي
وأثناء إغلاقه للهاتف ووحد رحيل تقتحم الغرفه بعنف وهي تبكى
رحيل وهي تلهث وتبكي:الحقني يا ياسين نغم اتخطفت
ياسين:...................
hend✍️😇
رواية بنت القلب الفصل الثالث عشر 13 من هنا
تابعونا على التليجرام من هنا (روايات شيقة ❤️)
