رواية بنت القلب الفصل الخامس 5 بقلم هند حارس
رواية بنت القلب البارت الخامس 5
رواية بنت القلب الجزء الخامس 5
رواية بنت القلب الحلقة الخامسة 5
 |
| رواية بنت القلب |
رواية بنت القلب الفصل الخامس 5
رواية بنت القلب (الفصل الخامس)
احمد بدموع لاول مره تراها آسيا منذ وفاة والده فوقع قلبها :غيث يا آسيا غيث
آسيا وقد وقع قلبها:ماله غيث يا أبيه
احمد :عمل حادثه
آسيا وقد رأت تجمد أخيها ووتحدثت بدموع:يلا يا أبيه غيث محتاجنا
أحمد وقد فاق من صدمته:يلا
أخذ آسيا وركب سيارته وانطلق نحو المستشفى التي فيها أخيه
في منزل رحيل
والدة رحيل بصدمه:نواااال
والدة عشق بصدمه:دالياااا
ثم أقتربوا من بعضهم وهما لا يصدقون أنفسهم وسرعان ما هبطت دموعهم وأحتضنوا بعضهم بأشتياق
داليا:ياااه يانواااال بقا هونت عليكي تبعدي وتسبيني
نوال:انا اسفه يا داليا أنتي مكانش ليكي ذنب بس انا مكانش ينفع أفضل بعد اللي حصل كان لازم أبعد يا داليا
عشق ورحيل وقد صدموا بما حدث فكيف لوالدتهما أن يعرفوا بعضهم وقد جذبهم حديثهم حتى نست رحيل ما كانت تبكي لأجله
رحيل وهي تمسح دموعها وتتسأل:انتوا تعرفوا بعض؟
داليا بحنين وشوق:ياااه دا انا ونوال مكناش بنفترق لحد ما حصل اللي حصل
عشق بفضول:أنتوا تعرفوا بعض ازاي
رحيل:اي اللي حصل
داليا:مش
وقبل أنت تكمل كلامها قاطعتها نوال
نوال:تعالوا جوا وهنحكيلكم
داليا نظرت لنوال بنظرة تتسأل فيها لماذا قاطعتها فأجبتها نوال بنظرة هي الأخرى سأخبرك
رحيل:ماشي ياماما هو فين آدم
داليا:في المكان اللي فيه الرجاله في الحديقه بتاعت الفيلا من ساعة ما سمع الخبر وهو ومارتاحش وبيحاول يتماسك عشنا وانا شايفه حزنه على محمود دا كان بيعتبره ايوه التاني
نظرت لها نوال بمعني أن تتوقف فقد بدأت دموع رحيل تهبط مره أخرى ففهمت نظرتها وتكلمت
داليا:يلا يارحيل خدي صحبتك ورحوا اوضة المكتب وانا هاجي وراكم
وبعد أن دخلوا التفتت داليا لنوال وتحدثت
داليا:ليه قاطعتيني لما كنت هقولها مش وقته دلوقتي
نوال بحكمه:أنتي شوفتي البنت كانت منهاره ازاي علي باباها ولما سمعتنا اندمجت معانا فانا حبيتها تنسي ولو شويه عشان متتعبش انتي عارفه إني دكتورة ومن اللي شوفته بنتك لو فضلت بتفكر بحزنها بالطريقه دي ممكن تدخل في حاله من لا وعي لأنها بتحب بابها جدا وبتفتكر كل لحظاته معاه فممكن تخلق لنفسها عالم تعيش فيه معاه فلازم احنا نبقى جنبها عشان نحسسها إننا معاها في كل وقت ونعوضها عن غياب باباها
داليا:عندك حق يانوال انا مفكرتش كدا الحمدالله إن ربنا بعتك ليا في الوقت المناسب مش عارفه اشكرك ازاي
نوال:متقوليش كدا ياداليا احنا عشرة عمر هو اه بعدنا عن بعض ٢٠سنه بس عمر الزمن ما بيغير الصداقه والحب اللي بجد
داليا:عندك حق يانوال يلا ندخل للبنات
بالداخل لم تتحمل رحيل وانفجرت في البكاء مره أخرى وظلت عشق تواسيها حتي هدأت قليلاً ودخلت كلا من داليا ونوال
عشق بمحاوله لجذب انتباه رحيل:ها ياماما مقولتيش تعرفوا بعض ازاي
نوال بحنين للماضي: انا وداليا متربين مع بعض واحنا صغيرين الباب كان في الباب وماما داليا ومامتي كانوا صحاب برده من هم صغيرين
فكان البيت جنب البيت والعيلتين قريبين من بعض قوي فكنت انا وداليا تقريبا عايشين مع بعض بسبب قرب العيلتين من واحنا صغيرين كنا بنروح المدرسه مع بعض و بنروح الدروس مع بعض وكانت روحنا في بعض ما بنفارقش بعض ابدا كانوا فاكرنا اخوات اي حد بيشوفنا كان بيقول إننا مش مجرد صحاب دول اخوات فعلا لان ما كناش بنفترق ابدا لحد ما اجي يوم وغير كل حاجه وفرق العيلتين عن بعض
رحيل بإستغراب:اي اللي حصل
داليا وهي تكمل: نوال من عمرها كانت متدينه يعني كانت ملتزمه لابسه الخمار كانت جميله قوي وكانت بتحب ابو ادم (مالك)لانه كان جارنا والعلاقه كويسه بردوا بس هو ما كانش بيحبها هي عمرها ما اعترفت ليه بحبها علشان عارفه انه لازم يكون في الحلال وفضلت تحتفظ بحبها في قلبها لحد ما يحس بيها ويتقدملها ولو ربنا كاتبه لها يكون من نصيبها وفي يوم العيله جمعتنا وقالت إنها هتتكلم في موضوع مهم
نوال وهي تكمل: في اليوم ده العيله جمعتنا وقالت إنه مالك جارنا طالب ايدي انا فرحت وسجدت لربنا إنه جعل اللي بحبه من نصيبي انا ما كنتش اعرف ان مالك عمره ما حبني لاني ما فكرتش في كده ولا فكرت انه يحبني او لا انا كنت بدعي بيه بدعي ربنا انه لو كان نصيبي فيكون ولو كان مش من نصيبي فيكون للي ربنا كاتبها ليه بس اليوم ده كنت فرحانه جدا ان حلمي اتحقق وربنا جعلني من نصيب اللي بحبه وفعلا تمت الخطوبه وقعدنا اسبوعين ثلاثه انا طبعا ملتزمه بضوابط الخطوبه فكنت مش بتكلم معاه زي البنات وكدا ولما كنا نتقابل في رؤيه شرعيه مكانش بيتكلم وانا من كسوفي ما كنتش بتكلم وكنت فاكره إنه عشان مش متعود عليا مش بيتكلم بعد اسبوعين ثلاثه اتفاجئت بيه جاي وقال في التجمع العائلي انه مش هينفع يكمل معايا لانه بيحب واحده تانيه لما سالنا ليه هو خطبني من الأول قال إنه مش قصده عليا هو راح أتقدم لبابا عشان سلوى أخت داليا لأن باباهم كان مسافر وبابا يعتبر باباهم التاني بس بابا افتكر إنه متقدملي أنا بس
عشق بذهول فهي اول مره تعرف بتلك الكلام
عشق:يااااه ياماما كل دا حصل
رحيل بفضول:بعد كدا حصل اي ياطنط
داليا:انا هقولك بعد كدا بابا مكانش موافق إن سلوى تتخطب لمالك عشان مينفعش بعد ماساب اللي يعتبر أختها يتقدم للتانيه بس عشق كانت طيبه ونسيت وجعها من اللي حصل وشجعت جواز مالك وسلوى بس هي مكانتش تبقى موجوده في معاهم وتقول هنسى فوالد نوال كان جايله عقد عمل في السعوديه بس كان متردد يوافق ولا يرفض بس بعد اللي حصل وافق وسافر وكان على تواصل مع بابا وانا كنت اكلمها بس من بعد ما بابا مات غيرنا الرقم لأن التليفوم انكسر فمعرفناش حاجه تاني عنهم
نوال:واحنا حاولنا نكلمهم معرفناش وادي القصه كلها لحد ما والدك يا عشق اتقدملي وكان فيه كل الصفات الخلوقه ملتزم حافظ قرآن وكان شغال هناك عشان يجمع مبلغ يفتح بيه شركه هنا في مصر وبعدين اتجوزنا وحبينا بعض واكتشفت إن حبي لمالك كان مجرد إعجاب بس
رحيل بإبتسامه:ياااااه قصه جميله اوي
عند أحمد وآسيا
وصلوا إلى المستشفى وهبطوا من السيارة وركضوا إلى الاستقبال
أحمد بإستعجال:في واحد عمل حادثه من شويه الاقيه فين
الموظفه:الحادثه اللي جات من شويه شاب في العشرينات
آسيا:ايوه ايوه
الموظفه:للاسف نقلوه لاوضة العمليات
أحمد بصوت عالي:في الدور الكام
الموظفه:الدور الاول اوضة العمليات رقم ٥
ذهب كلا من آسيا وأحمد مهرولين لغرفة العمليات وقلبهم يكاد يخرج من مكانه وبعد دقائق وصل لغرفة العمليات ورائوا الطبيب يخرج منها
أحمد أقترب منه وهو يلهث:اخبار المريض اي يادكتور
الطبيب:انتوا تقربوله
آسيا: ايوه أحنا اخواته
الطبيب بحزن: البقاء لله يابنتي هو دلوقتي في مكان أحسن
أحمد:
رواية بنت القلب الفصل السادس 6 من هنا
تابعونا على التليجرام من هنا (روايات شيقة ❤️)
