رواية عشق ودموع الفصل الأول 1 بقلم رنا حسن
رواية عشق ودموع البارت الأول 1
رواية عشق ودموع الجزء الأول 1
رواية عشق ودموع الحلقة الأولى 1
 |
| رواية عشق ودموع |
رواية عشق ودموع الفصل الأول 1
رواية عشق و دموع بقلم رنا حسن
البارت ١
ليلى : اغيثوناااااااا ايه ياقوم ياللى ف البيت محدش هيحضرلى الفطار ولا ايه
الام(زينب):وانا من امتى وانا بحضر الفطار
ليلى: لا خلاص انا كبرت وبقيت ف كلية يلا قومى ياهرم مصر حضريلى الفطار مش هتأخر من اول يوم ليا ف الكلية
الام: تعال شوف بنتك ياحااااج..بتكبر علينا من دلوقتى شكلها كده وحشها الشبشب ابو وردة بتاع زمان
ليلى: ولا وحشنى ولا حاجه..ده انا كنت بهزر والله ياحجه..هقوم هحضره حالا.
الام: حجه!..بتقوليلى ياحجه . بتكبرينى ف السن يابت
ليلى: لا والله ياحجه..قص ق. قصدى يا هرم مصر.
الام: ايوه كده اتعدلى
ذهبت ليلى مسرعة إلى المطبخ لكى تحضر الافطار حتى لا تتأخر.
إنتهت ليلى من الافطار وذهبت إلى غرفتها لكى تبدل ملابسها وكانت مكونة من تيشيرت باللون الوردى وبنطال ابيض ورفعت شعرها إلى الاعلى...كانت جذابة جدا..ليلى وهى تخرج بعدما ارتدت ملابسها ..
ليلى: ماما انا ماشية هاتعوزى حاجه يازوزا
الام بتكرار : خلى بالك من نفسك ولو حد ادالك حاجه متخديهاش منه.
ليلى: يا ماما حرام عليكى انا كملت ٢٠ ولسة بتقوليلى كده...ناقص تقوليلى لو حد قالك تعالى اوديكى عند ماما متروحيش معاه
الام بضحك: ايوه بالظبط كده.. عليكى شاطرة يابت واسمع الكلام.يامفيش جامعه تانى
ليلى: انا قولتلك ف الاول جوزينى وقعدينى ف البيت..لتجرى ليلى مسرعه قبل أن تنتظر الشتيمة من امها.
*****************************
الكاتبة: رنا حسن
****************************
أما عند هذا الوسيم.
كان تليفون آسر يرن بصوت عالى
آسر: ايوه يازفت عايز ايه ع الصبح
مالك: طب قول صباح الخير الاول
آسر: تمام برضوا عاوز ايه
مالك: القائد عملنا اجتماع ..باين كده ف مهمة جديدة
آسر: طيب يا وحش اعتبرنى جيت
مالك : سلام
آسر: سلام
أما آسر ذهب ليتوضئ ويؤدى فرضه..ثم بدل ملابسه المكونة من بنطال اسود وقميص اسود ..ثم نزل هذا الوسيم لكى يفطر
باسل : ايه ياآسر مش انت واخد إجازة الايام دى
آسر: معلش يابابا القائد عامل اجتماع .فى مهمة تقريبا
باسل: ربنا يوفقك يابنى
ياسين : ف واحد قاعد هنا والله..طب احلفلك أن انا اخوك يعنى..ليا الحق انك تصبح عليا
آسر: بس يلا
سارة: هوب هوب قصف جبهة
آسر: بس انتى ملكيش دعوة
ياسين: هوب هوب قصف جبهة
ضحك الجميع وودع آسر عائلته ثم ذهب ليلتحق الاجتماع.
*******************************
وصلت ليلى أمام الجامعه نظرت إلى الطلاب وجدت كل بنت واقفة مع ولد وهزار وضحك ظيطة بقا.
ليلى: لا حول ولا قوة الا بالله البنات حصلها ايه ياشعب ..والمصيبة الأكبر أنهم اشكال معفنه..تقرف تبص عليها..وه وه بص الواد بيضحك ازاى..طب ع طلاق الواد ده فى انوثة عنى...جاءت شروق من خلفها.
شروق: طب ع طلاق حصل
ليلى: نيههاهاها...والله يابت ياشروق كنت خايفة ادخل اظبطك مع واحد جوه
شروق: عيب عليكى انا كده برضوا
ليلى: ونعم تربيتك يابت ام شروق
ضحكوا الاثنان ثم ذهبوا إلى المحاضرة الأولى لهم
شروق: يااه يابت يا ليلى لو دخلنا دكتور مز وفى يوم من الايام آجى متأخرة يروح متخانق ونحب بعضينا زى ما بيحصل ف الروايات كده.
ليلى بإستفزاز: تعالى قبلينى لو مدخلكيش دكتور مكسح.
وفجأة:
رواية عشق ودموع الفصل الثانى 2 من هنا
لقراءة الرواية كاملة اضغط هنا (رواية عشق ودموع)
تابعونا على التليجرام من هنا (روايات شيقة ❤️)
