رواية عشق ودموع الفصل الثامن عشر 18 بقلم رنا حسن
رواية عشق ودموع البارت الثامن عشر 18
رواية عشق ودموع الجزء الثامن عشر 18
رواية عشق ودموع الحلقة الثامنة عشر 18
 |
| رواية عشق ودموع |
رواية عشق ودموع الفصل الثامن عشر 18
بارت ١٨
على النيل...
ليلى: انا آسفة على اللى حصل آخر مرة..
آسر: عادى ولا يهمك...
مر و قت و نست ليلى كل شئ كان كل تركيزها على آسر فقط...
ليلى: ايه رأيك نبدأ من جديد فى علاقتنا...
آسر: قصدك ايه..
ليلى: قصدى كأننا لسة متعرفين و نتصاحب...
آسر بفرحة: و ده شئ يفرحنى جدا...
ابتسمت ليلى.... فهى اول ما ترا آسر تنسى كل شئ
و على الناحية الاخرى عند مازن...
نظموا مازن و عبدلله خطة لكى يأخذوا سيراى و والدتها و بالفعل تمت الخطة ثم اخذهم الى بيته.................
رن مالك جرس البيت..
فتحت مليكة(اخت مازن) بإستغراب: مين دول يا مازن...
مازن: ادخلى الاول وانا هشرح حاجة...
مليكة: اتفضلوا...
وبالفعل دخلوا و كانوا سيراى و والدتها منى خجولين...
اسماء(والدة مالك): تعالوا... تعالوا.. اتفضلوا.. نورتونا و الله..
مليكة: مين اللى نورنا يا ماما.... مين دول... و مين الشخص ده (كان عبدلله)...
مازن و هو يهمس لها: اخرسى بقا و لمى لسانك و انا هفهمك كل حاجة.....
مليكة: و بعدين مين البن القمر دى.... اسمك ايه..
-سيراى..
مليكة: ايه سيراى دى يا ختى..... ده اسمك ولا اسم زيت للشعر...
ضحك الجميع و خجلت مليكة...
اسماء: اخرسى بقا... روحى اعملى حاجة نشربها..
(اسماء تعرف كل شئ... اخبرها مازن بالهاتف قبل ان يأتى الى البيت)......
مليكة: هو كل شوية مليكة..... قولى لمازن شوية بقا....طول اليوم برا و بيتفسح..
وما مازن فسحبها من يديها و دخل بها الى الغرفة....
اسماء: معلش هى دى مليكة..... اسم مش على مسمى خالص.... لسانها اطول منها....
سيراى: لا والله هى قمر اوى...
اسماء: ده بقى ابنى التانى عبدلله.. بيخدمنى اكتر من مازن.... ثم قالت لعبدلله......
اسماء: قوم يا بنى اعمل حاجة نشربها لحد ما الخربانة تطلع من جوا....
عبدلله: انا...
اسماء: ايوه انت يلا قوم...
عبدلله: حاضر.... و بالفعل قام عبدلله ليحضر مشروب فهو يعرف كل شئ بخصوص المطبخ لانه يعيش لوحده.. والديه متوفيان.. فهو يعتمد على نفسه فى كل شئ......
منى: انا عارفة ان احنا هنتقل عليكم...
اسماء: لا لا مين اللى قال كده.... ده احنا قاعدين هنا زى المطلقين و لا بنخرج و لا بندخل..... ده انتى هتملى علينا البيت...
مليكة من خلفها: و فرصة برضوا الاقى حد ينضف معايا البيت بدل ما انضفه لوحدى كل يوم... مش كده ولا ايه يا سيراى..
سيراى: ااه طبعا...
مليكة: مش كان فى واحد معاهم هنا قاعد...... ده كان عفريت ده ولا ايه...
عبدلله من خلفها: العفريت ده كان بيحضر العصير...
مليكة: هى دى الرجالة يا استاذ مازن..... شوف الحلاوة والطعامة... مش زيك يا فاشل يا ضايع.... ياللى بشوفك مرة فى الاسبوع...
سيراى: كفاية فضحتى الراجل..
مليكة: سبينى بس ده انا شايلة منه كتير...
مازن: سيبوها دى هى كل يوم كده..... يلا يا عبدلله نمشى...
اسماء: طفشتى اخوكى...
مليكة: و انا مالى يا لمبى دى سيراى..
ضحك الجميع على مليكة و على لسانها الطويل و مشاغبتها طول الوقت.....
اما فى قصر الجارحى....
كانت يارا تجلس امام التلفاز تسلى نفسها و بعد قليل جاء باسل من خلفها......
باسل: و لو قولتلك و حشتينى...
يارا: هو انت فاضيلى من الشركة...
باسل: اعمل ايه طيب.... الواحد كبر و عجز...
يارا: لا يا عسل كلك.... احكى عن نفسك بس.... انا لسة صغيرة و زى القمر....
باسل: طب ما تيجى نروح السينما انهاردة...
يارا بفرحة طفولية: بتتكلم جد يا باسل....
باسل: هو باسل لما بيقول حاجة بتطلع غلط...
يارا: لا..... اقوم اجهز...
باسل: قومى...
اما فى مكان مليئ بالاعاب و الاطفال و الاكلات و المشروبات.....
كان ياسين و مالك يجلسان ينظران الى هذه الاطفال.... نعم انهم شروق و سارة.....
ياسين: انا تعبت...
مالك: مش قدى..
ياسين: تتخيل العبيطة دى لحد معترفتش بحبها ليا.....
مالك بإستغراب: لازم تصارحها و فرصة انتوا انهاردة لوحديكم...
ياسين: اشطااا يا باشا.... المهم انت عملت ايه فى موضوع سارة...
مالك: استنى المفاجأة الكبيرة.....
ياسين: لما نشوف آخرتها ايه....
اما عند شروق و سارة و هما يلعبان..
شروق: يا ترا حصل ايه مع آسر و ليلى...
سارة: مش عارفة.... بس الحمدلله الخطة نجحت..
شروق: الحمدلله..
سارة: بس حلوة وى اللعبة..
شروق: جامدة يا بنتى جامدة...
سارة: اوباااااااااش.... فى راجل هناك بتاع غزل بنات اهو تعالى نجيب و نرجع نكمل لعبة...
شروق: يلا..
مالك و ياسين بصوت واحد: ايه ده انتوا رايحين فين...
شروق و سارة بصوت واحد: وانتوا مالكم..... احنا نعمل اللى احنا عايزينه...
نظروا لبعض هما الاربعة ثم ظلوا يضحكون...
شروق: رايحين نجيب غزل بنات..
سارة: و هنرجع نكمل لعبة...
مالك: لا انتى هتقعدى وانا اللى هروح اجيب..
سارة: بس ااا..
قاطعها مالك: مش عايز كلام تانى...
شروق: طب انا رايحة....... مسكها ياسين من يديها و جعلها تجلس بجانب سارة....
ياسين: ما تتحركيش من هنا......
شروق: ايه يا عم العلاقات الخربانة......
سارة: انا قولت من الاول مش عايزة زفت حب...
و بعد قليل جاء مالك و معه ياسين....
ياسين: اهو جبنا اللى انتوا عاوزينه...... يلا علشان نروح...
مالك: ايوه يلا..
شروق: بس احنا ملحقناش نلعب..
سارة: لا انا مش همشى كده كده...
مالك بصياح: يلا يا سارة...
سارة بذعر: بتزعق ليه انا كنت بهزر يا لطفى...
ياسين: مش عايز اسمع كلمة واحدة.... يلا قدامى...
شروق: هو انا اتكلمت..
وبالفعل ذهبوا و كل واحد مع حبيبته........ عند ياسين و شروق...
ياسين: شروق انتى بتحبينى و لا لا...
شروق و قد احمر و جهها ثم اردفت: انا الصراحة عمرى ما فكرت فى السؤال ده قبل كده...
ياسين: عايز اجابة...
شروق:------------------
يا ترا ماذا سيكون رد شروق....
رواية عشق ودموع الفصل التاسع عشر 19 من هنا
لقراءة الرواية كاملة اضغط هنا (رواية عشق ودموع)
تابعونا على التليجرام من هنا (روايات شيقة ❤️)
