رواية طفلة التميم الفصل الخامس عشر 15 بقلم مارينا عبود
 |
| رواية طفلة التميم |
رواية طفلة التميم الفصل الخامس عشر
🖤البارت الخامس عشر 🖤
فرح اخدت نفس عميق واتكلمت " انا عاوزه منك تطلب من مالك وماما سوزان يحضرو فرحى انا معنديش حد غيرهم من اهلى لو سمحت مترفضش مش عاوزه احس انى وحيده فى يوم زى ده
تميم ابتسم وباس جبينها " من غير ما تطلبى انا كُنت عندهم من شويه وطلبت من ماما سوزان ومالك يحضرو الفرح وعزمتهم وكمان شويه ماما سوزان هتكون هناا وأختى رهف كمان هتكون معاكِ وانا وبابا أنتِ مش وحيده يا فرح
فرح ابتسمت بفرحه وحضنته وهو ضمها لحضنه وفضل يمشى ايده على شعرها
فرح طلعت من حضنه وبصتله بتوتر " هو أنتَ مش هتتضايق من وجود مالك
ارجوك بلاش مشاكل معاه النهارده
تميم ابتسم وهز رأسه" لا مش هضايق من وجوده ويلاه هسيبك انا وأنتِ جهزى نفسك علشان بعد ساعتين لازم نكون فى القاعه
تميم سابها وطلع ووقف وهو بيفكر " مالك مستحيل يجى النهارده هو اكيد مش هيستحمل يشوف فرح بتروح من بين ايده اكيد مش هييجى
تميم فاق من شروده على صوت رهف " تميم طنط سوزان وصلت وهى تحت
تميم بهدوء" تمام طلعيها وهاتيها اوضة فرح وعاوزكِ متسبيش فرح نهائى النهارده
رهف ابتسمت " حاضر يلاه روح واجهز
تميم " تمام
تميم سابها ودخل اوضته لقه غسان نايم على سريره
تميم بيأس" أنتَُ مستحيل تتغيرررر قوم يا ز"فت
غسان بغيظ" ايه فى ايه ده أنتَ حتى عريس وانا مش عاوز اغلط فيك وبعدين هو انا اخلص من اختك تيجى أنتَ
تميم بصله ببرود ووقف قدام المرايه يظبط نفسه " تستاهل قولتلك اتنيل واتجوزها خلينا نخلص منكم روحت تتجوز غيرها
غسان بضحك" تميم أنتَ صدقت انى هتجوز ولا ايه دنا إللى مهرب العروسه قال اتجوز قال
تميم " طيب قوم هاتلى جاكت البدله وتعال لبسهولى
غسان بحزن " تميم أنتَ مش ناوى تصالح مالك
تميم التفت وبصله بغضب بس اتصدم لما مالك فتح الباب ودخل
غسان بفرحه" اوباااا كده اكتملت الليله
تميم بصله بصدمه وهو مش مصدق، مكنشى متوقع انه ييجى
ومالك قرب من الدولاب وجاب جاكيت البدله ومسك تميم ووقفه قدام المرايه وتميم مستسلم ومش بيتكلم بس من جواه فرحان انه مالك رغم كل المشاكل إللى ما بينهم واقف جنبه فى اليوم ده
مالك لبسه الجاكت وعّدلهُ بدلته من غير كلام
تميم افتكر ذكره ما بينهم زمان
Flash Back
تميم ومالك كانوا واقفين بيجهزوا نفسهم علشان يروحوا فرح واحد صديقهم
تميم " أنت يا ز*فت قوم من على السرير وهاتلى جاكِت البدله وتعال لبسهولى
مالك بضحك" يابنى هو فرحكَ دنت بقالك ساعه واقف بتجهز نفسك
تميم بغيظ " طيب قوم بس أنتَ عاوز البنات فى الفرح تاكل وشى يعنى ويشفونى مش حلو
مالك بصله وانفجر ضحك " تميم تعرف انك تافه اووى
تميم بصله بغيظ ومالك جاب الجاكت ولبسهوله " خلى بالك يا تميم انه يوم فرحكَ محدش هيجهزك غيرى خليك فاكر ده وعد
تميم بحب وفخر" طبعنا يا صحبى وانا ليا غيرك
مالك ضحك وحضنه وتميم بادله الحضن وهو بيضحك
Back
تميم عيونه اتملت دموع ومالك قرب وحضنه وهو بيهمس فى أذنه " مهما حصل ما بينا هتفضل برضوا اقرب صديق ليا وانا منستش وعدى على فكره انا قولتلك يومها انه انا إللى هجهزك واهو وفيت وكل يوم بثبتلك انى عمرى ما فكرت اخونك فى يوم بس أنتَ هتفضل طول عمرك اعمى عن الحقيقه وبتصدق كل إللى بتشوفه عموما الف مبروك يا صاحبى وربنا يتمملك بخير
مالك قال كده وسابه ومشى وتميم لف وشه الناحيه التانية وعيونه دمعت
غسان قام وحضنه " صدقنى هو مستحيل يعمل اى حاجه تأذيك اكيد فى حاجه غلط فى الموضوع انا مش مصدق انه ممكن يعمل كده
تميم مسح دموعه وأتكلم بجمود" بعدين نشوف الموضوع ده يلاه بينا
غسان بتنهيده" يلاه
____________________
فرح كانت واقفه ولابسه الفستان وعليه تاج وكانت زى الملكات بلبسها وجمالها وكانت معاها سوزان ورهف والميكب أرتست
سوزان بحب " الف مبروك يا بنتى
فرح دمعت وحضنته " شكرا انك معايا
سوزان ضمتها لحضنها وطبطبت عليها
فرح بعدت عنها وبصتلها بحزن "ماما هو مالك مجاش
سوزان بابتسامه" لا يا حبيبتى هو جه وقاعد تحت مع عمك عاصم وكمان عمك جلال كلمنى وطلب منى اباركلك بالنيابه عنه لانه مش هيقدر ينزل من السفر
فرح ابتسمت بفرحه
رهف بابتسامه " طنط يلاه بينا ننزل وتميم بعد شويه هييجى ياخدها
سوزان هزت رأسها بالموافقه واخدت فرح ونزلت
______________
تميم دخل اوضة وفضل متنح من جمالها وفرح منزله رأسها بخجل
تميم ابتسم وقرب بأس جبينها وحضنها " متخفيش اوعدك هحطك فى عينى
فرح ابتسمت وبادلته الحضن
تميم مسك ايدها واخدها ونزلوا
فرح بتساءل " تميم هما راحوا فين
تميم بابتسامة" غسان أخدهم وراحوا القاعه
يلاه بينا
فرح هزت رأسها بالموافقه وتميم اخدها وطلعوا وبعد وقت وصلوا القاعه وسط فرحة الجميع وحزن مالك
تولين حطت ايدها على كتفه وبصتله ومالك بصلها وابتسم
وبعد مرور وقت تم جوازهم وبقاا رسمى والكل فرحان بس فجاة
- الجوازه ديه مستحيييل تتم
الكل التفت وتميم اتعصب وهو شايف ....
نهاية البارت الخامس عشر
رواية
طفلة التميم
بقلمى
مارينا عبود
رأيكم مهم "وانتظرو البارت القادم "
رواية طفلة التميم الفصل السادس عشر من هنا
لقراءة الرواية كاملة اضغط هنا (طفلة التميم)
