رواية نعم يا حبيبتى الفصل الأول 1 بقلم رقية حمدى
رواية نعم يا حبيبتى البارت الأول 1
رواية نعم يا حبيبتى الجزء الأول 1
رواية نعم يا حبيبتى الحلقة الأولى 1
رواية نعم يا حبيبتى بقلم رقية حمدى
 |
| رواية نعم يا حبيبتى |
رواية نعم يا حبيبتى الفصل الأول 1
《1》
موسى بضيق: اوووووف اى الحر ده!!
ضغط موسى على الكلاكس جامد
موسى بعصبية: ياجدعان افتحوا الطريق
سائق إحدى السيارات بعصبية: هو احنا قافلينوا بمزاجنا يعنى ما انت شايف ان الأشاره لسة مفتحتش
احدى سائقين التاكسى كان ماسك خله أسنان وبينظف أسنانه بس بطريقة مقرفه سائق التاكسى بسماجه: ياعم هدى أعصابك...لو حران اوى شغل مكيف عربيتك ما مش معقول عربية زى الى انت راكبها دى مفيهاش مكيف
موسى بقرف: ياعم بطل القرف الى بتعمله ده واغسل سنانك زى بقيت البشر
قفل موسى شباك عربيته قبل ما يسمع رد سواق التاكسى وشغل التكييف والاغانى
نار فى قلبى ناااار...بعدك انتحار...يطلع النهار مع ابتسامتك...حبك احتلال انساكى شئ محال...عايز اع.....
كان موسى مندمج اوى مع الأغاني قاطعه خبط على شباك العربية
فتح موسى الشباك لقا طفل صغير
الطفل ببراءة: عمو ممكن فلوس...عايز اكل
موسى بلا اهتمام: ربنا يسهلك يا حبيبى
حط الطفل الفوطه الى فى ايده على زجاج على العربية علشان يمسحها
موسى بعصبية: لا لا بتعمل اى كده هتوسخها مش تنضفها
خاف الولد من موسى ونزلت دموع من عنيه
اتفتح شباك عربية واقفة جمب عربية موسى وظهر منه بنت
البنت بعصبية: ليه يعنى تكسر بخاطر طفل يعنى ده جبر الخواطر عن ربنا
كان موسى مصدوم من طريقتها معاه
البنت للطفل الصغير: تعالى يا حبيبى اركب وانا هجيبلك الى انت عايزه
الطفل بدموع ونفس مكسوره: شكرا يا طنط
البنت بحنية: والله ما يهون عليا العيون الحلوه دى تعيط ابدا
البنت بحماس: تعالى يلا بسرعه الأشاره هتفتح عايزين نروح ناكل
بص الولد بخوف حواليه وركب معاها بسرعه
كل ده تحت صدمه موسى الى مش مصدق ان فى واحده قدرت تعلى صوتها عليه
الأشاره كانت فتحت فا اتحركت البت بعربيتها وخبطت عربية موسى من الجمب ومشيت بسرعة
موسى بعصبية: يا بنت ال....وربنا لو شفتها تانى لأوريها مين موسى الصياد
سمع موسى صوت كلاكسات كتير وأصوات ناس بتزعق
احد الركاب بعصبية: يااااعم ما تمشى ورانا مصالح
راكب اخر بصوت عالى: اتعميت ولا اطرشت يعنى
طلع موسى راسة من الشباك وقال بعصبية: ما طريق فاضى اهو ما تمشى ولا الحته الى انا واقف فيها عليها عسل
ومشى موسى على أقصى سرعه من غير ما يسمعهم
*فى أحد المطاعم
البنت بحنية: حلو الأكل
الطفل وهو بياكل بسعاده: اوووى
البنت: بالهنا والشفا يا حبيبى...مقلتليش اسمك اى بقا ؟؟
الطفل: اسمى ياسين
البنت بابتسامه: اسمك جميل اوى
ياسين بابتسامه: اول مره حد يقولى كده...انتى اسمك اى بقا ؟؟؟
البنت: انا اسينا
ياسين باستغراب: اسي...اى قولى تانى كده
اسينا بضحك: اسم غريب شوية انا عارفة...ا..سي..نا اسينا سهله اهى
ياسين بمحاوله انه ينطق اسمها: اسينا صح كده ؟
اسينا بضحك: صح جداا
خلص ياسين اكله وقعد ساكت
اسينا: خلصت يا حبيبى
ياسين بحزن: اه
اسينا بحنان: مالك
بدأ ياسين يعيط
قامت اسينا وقعدت جمبه وحضنته ومهتمتش لهدومه الى متبهدله تراب
اسينا بحنان: اى بس مالك يا ياسو
ياسين بدموع: مش عايز امشى واسيبك
اسينا بحنية: ليه؟؟
رفع ياسين كم القميس الى لابسه
ياسين: بصى
ظهر مكان حرق على ايد ياسين
اسينا بصدمه: اى ده بابا وماما الى عملوا فيك كده
ياسين ببراءة: الناس الى عايش معاهم
اسينا: يعنى انت مش عايش مع بابا وماما
ياسين: تؤ...هما قالولى انهم لقوني مرمى فى الشارع فا اخدونى
اسينا: طب وهما بيعملوا فيك كده ليه ؟
ياسين: لما مش بجيب فلوس مثلا وانا مروح بيعقبونى كده
اسينا بحزن: لا حول ولا قوة الا بالله
اسينا: يلا نمشى يا بابا
خرج ياسين مع اسينا من المطعم وراحوا ناحية العربية
فضل ياسين واقف وباصصلها بعيون كلها رجاء انها متسيبوش
نزلت اسينا فى مستواه وحضنته
اسينا بحنية: مش هسيبك صدقنى
حضنها ياسين وركبوا العربية
*فى شقة موسى
شرب موسى من الكاس الى فى ايده بعصبية وقال: عرابى الكلب مكلمنى يديلى اوامر وانا اصلا لسة موافقتش اشتغل معاه
راحل(راحل صقر صاحب موسى واكتر حد بيثق فيه)بضيق: مش كنت بطلت شرب القرف ده...ده انا الى بعمل ذنوب الدنيا كلها مبشربوش
موسى بعصبية: أدى الكاس اهو يا عم متزعلش نفسك
رمى موسى الكاس فى الحيطه نزل ميت حته
بص راحل على مكان الكاس ورجع بص لموسى
راحل: وانت من امتى بتسمع كلام حد وانا رأى متوافقش...بس ده مش السبب الوحيد ورا عصبيتك
افتكر موسى الى حصل معاه الصبح
موسى بعصبية: البت بكل بجاحه بتعلى صوتها عليا وخبط العربية
راحل باستغراب: اى الى حصل
حكى موسى لراحل على الى حصل معاه الصبح
موسى بضيق: وانت عارف الا حوار النظافة ده
راحل: ياعم طفل صغير ميقصدش
موسى بتوعد: بس اشوفها تانى
*فى شقة اسينا
ياسين بفرحه: واااو شقتك حلوه اوى يا.....
فضل ياسين يفكر فى اسمها شوية لحد ما افتكره... يا اسينا
ضحكت اسينا على طفولته وقالتله: يلا بقا عايزين نستحمى وننام
دخل ياسين استحمى ولف الفوطه حوالين جسمه كله وطلع لاسينا
ياسين: اسينا انتى عندك هدوم على مقاسى اصلا؟
كانت اسينا قاعده قدام شنطه هدوم وبتعيط
ياسين: اى ده انتى بتعيطى؟؟
------------------------------
يتبع........
بقلم/ رقية حمدى
نعم يا حبيبَتىِ
رواية نعم يا حبيبتى الفصل الثانى 2 من هنا
لقراءة الرواية كاملة اضغط هنا (نعم يا حبيبتى)
تابعونا على التليجرام من هنا (روايات شيقة ❤️)
