رواية نعم يا حبيبتى الفصل الثانى 2 بقلم رقية حمدى

رواية نعم يا حبيبتى البارت الثانى 2

رواية نعم يا حبيبتى الجزء الثانى 2

رواية نعم يا حبيبتى الحلقة الثانية 2

رواية نعم يا حبيبتى بقلم رقية حمدى

رواية نعم يا حبيبتى

رواية نعم يا حبيبتى الفصل الثانى 2

《2》

دخل ياسين استحمى ولف الفوطه حوالين جسمه كله وطلع لاسينا

ياسين: اسينا انتى عندك هدوم على مقاسى اصلا....

كانت اسينا قاعده قدام شنطه هدوم وبتعيط

ياسين: اى ده انتى بتعيطى!!!

راح ياسين وقعد جمبها وطبطب عليها

ياسين ببراءة: انتى بتعيطى ليه يا اسينا؟ الناس الحلوه مش بتعيط

ضحكت اسينا من بين دموعها وقالت: اى ده مين قلك كده!!!!

ياسين ببراءة: عمو الى كنت عايش معاه كان بيقولى كده وكان بيقولى انت بتعيط علشان انت وحش مش حلو

مسحت اسينا دموعها وقالت: مين ده الى وحش ده انت احلى منى ما شاء الله ده كفاية العيون الخضرة دى

حضنها ياسين بحب

اسينا: اى رأيك تلبس ده او ده؟؟

كانت اسينا مطلعه له بيجامه لونها ازرق عليها توم اند جيرى وبيجامه لونها احمر عليها ايرن مان

ياسين بحيره: امممم هلبس دى

اختار ياسين البيجامه الزرقاء

وقام لبسها

ياسين بسعاده: اى رأيك

ابتسمت اسينا بحزن وقالت بصوت مكتوم من العياط: شكلك حلو اوى

ياسين: طب بتعيطى ليه؟

اسينا بابتسامة حزن: اصل انت شبه نوح اوى فى البيجامه دى

ياسين: مين نوح؟

اسينا: اخويا

ياسين: هو فين؟

فلاش بااااك

اسينا قاعده فى الكفتيريا بتاعت الجامعه وجالها تليفون من جارتها

اسينا: طنط فتحية ازيك

فتحية: الحقى يا اسينا بيتكوا بي*ولع

قفلت اسينا الموبيل وجريت ركبت عربيتها ووصلت بيتهم لقت المطافي بتحاول تطفى الشقة

اسينا بدموع: حد كان فى البيت يا طنط

فتحية بدموع: كلهم يا قلب امك

لسة اسينا هتطلع شقتها مسكتها فتحية وقالتلها: الأسعاف طلعا ليهم يا اسينا

نزلت الأسعاف ومعاها ابو اسينا ومامتها ونوح اخوها الصغير

اول مشافت اسينا منظرهم وقعت اغمى عليها ونقلوها المستشفى

بعد مده فاقت اسينا لقت فتحية جارتها وياسمين بنتها موجودين معاها فى أوضة المستشفى

فتحية: حمد الله على سلامتك يا حبيبتى

اسينا بدأت تعيط: ماما وبابا ونوح كويسين؟؟

فتحية بدموع: شدى حيلك يا بنتى

بااااك

ياسين ببراءة: خلاص متزعليش يا حبيبتى انا هفضل معاكى ومش هسيبك ابدا ابدا

اسينا بضحك: حبيبتي!!

ياسين: اه علشان انا بقيت بحبك اوووى

حضنته اسينا وباسته من خده وقالت: وانا بحبك جدااا

ياسين: انتى عندك كام سنه انا 6

اسينا بضحك: يا خلاثى انت صغنن خالص...انا عندى 24

ياسين ببراءة: وبتشتغلى اى..انا بمسح عربيات

اسينا: من انهرده عمرك ما هتعمل كده تانى ان شاء الله تبقى دكتور زى او مهندس

*فى مصنع مهجور

موسى ببرود: انا مبخدش اوامر يا عرابى

عرابى( تاجر آثار اسمه الحقيقى ربيع): انت بتشتغل عندى

خبط موسى بايده على الترابيزه وقال: لاااا انت عايزنى اشتغل معاك وانا لسة موافقتش

شرب عرابى من الكاس الى فى ايده وقال: بس انا محتاجك فى الشغل

موسى: وانا مليش فى الآثار

ضحك عرابى بصوت عالى وقال: لا شريف امال المخدرات دى اى بضرة اطفال

موسى ببرود: اشتغل فى الى عايزه ملكش فيه وتتكلم معايا عدل يا عرابى

عرابى بسخرية: عرابى حاف كده ده انا قد ابوك ولا انت ملكش اب بقا بصله عرابى بشماته وقال صح نسيت ان ابوك اتبرى منك

صوب موسى سلاحه ناحية عرابى

وفجأه كل الحرس بتوع عرابى رفعوا سلاحهم كراسه لقائدهم وحراس موسى كانوا جاهزين لتبادل ضرب النار

حط راحل ايده على سلاح موسى وقال: مش دى طريقتنا فى الرد يا موسى

ضرب موسى طلقه فى السقف فا اتخض عرابى

ضحك موسى وقال: مش قلتلك خفيف روح غير بنطلونك بقا

ومشى موسى وراحل ورجالتهم

*فى بيت اهل موسى

شادية(ام موسى) قاعده تصلى وتدعى ربنا وهى بتعيط: ياااارب رده ليا ياارب....يارب حنن قلب ابوه عليه...يارب احميه واحرسه

قاطعها دخول رشدى(ابو موسى)

رشدى: اهى دى الحاجه الوحيده الى مش قادر امنعك منها يا شادية

مسحت شادية دموعها وقامت من على سجاده الصلاه

شادية: ربنا الوحيد الى حاسس بيا وانا حاسه ان موسى كويس

قعد رشدى بتعب على السرير وبص لشادية بحب وقال: انتى الوحيده الى بسمحلها تجيب سيره موسى قدامى وانتى الوحيده الى بيبان ضعفى واشتياقى ليه قدامها اتجمعت دموع فى عيون رشدى وقال: الواد واحشنى اوى...ياما نفسى يرجع عن الى هو فيه

اخدت شادية رشدى فى حضنها وقالت: ربنا يرده لينا بالسلامه

*فى أوضة همسه(اخت موسى)

كانت همسه بتكلم موسى فى الموبيل

همسه: وحشتنى اوى يا موسى

موسى: وانتى اكتر والله يا حبيبتى...خالد عامل اى وبابا وماما

همسه: بابا وماما الحمد لله كويسين وخالد زى ما انت عارف على طول بره

موسى: هحاول اتصرف فى حوار خالد ده مع انه مش بيطيقنى اصلا

همسه بزعل: متقولش كده هو بس علشان متعلق ببابا اوى ف زعلان منك

موسى بحزن: المهم خلى بالك من نفسك ولو عوزتى اى حاجه كلمينى

همسه: حاضر يا حبيبى...باى

قفلت همسه بسرعه مع موسى وكان فى حد بيتصل عليها

همسه بصوت واطى: معلش يا حبيبى كنت بتكلم

يوسف بغيره مصتنعه: بتكلمى مين

همسه بكدب: بكلم واحده صحبتى

يوسف بمكر: المهم مش هتقابل بقا

همسه: هبقى اشو...

فجأه باب أوضة همسه اتفتح

رشدى: بتكلمى مين يا همسه

همسه بارتباك: بكلم ساره صحبتى يا بابا

رشدى بشك: ورينى الموبيل ده

ادت همسه الموبيل لرشدى بتوتر

رشدى بجدية: الوو

قلد يوسف صوت بنت: ازى حضرتك يا عمو

أدى رشدى الموبيل لهمسه

رشدى: انتى عارفة انى واثق فيكى اوعى تكسرى الثقه دى يا همسه

بلعت همسه ريقها بتوتر وقالت: طبعا يا بابا ثقتك فى محلها

باس رشدى راس بنته وخرج من الأوضة

همسه: اووووف كنت هموت...انت عملت اى لما كلمك

يوسف بتريقة: عملت صوت بنت هعمل اى يعنى

همسه بضحك: برافو يا بطه

يوسف بصدمه مصتنعه: بت اى بطه دى

*صباحاً فى شقه اسينا

اسينا: اصحى يا ياسو قووم بقاا

ياسين بنعاس: صباح الخير

اسينا: قوم البس يلا هنروح نجيب شوية هدوم وحجات وبعدين نروح مشوار كده

قام ياسين علشان يلبس

خلص ياسين لبس وطلع لاسينا

ياسين: حلو؟؟

اسينا: قمر ما شاء الله...يلا بينا

نزلت اسينا هى وياسين وركبوا العربية وراحوا على المول

*فى المول

اشترت اسينا لياسين كل الى هو عايزه

اسينا: تاكل ايس كريم؟

حرك ياسين راسه بمعنى ايوة

اسينا: تاكل شكولاته ولا اى؟

ياسين بتفكير: اممم شكولاته اه

اسينا: فى توت تجربه...انا هجيب شكولاته وتوت

ياسين: هاتيلى زيك

أكلوا الأيس كريم فى العربية علشان زحمه المول

ياسين بتعب: يلا نروح

اسينا: لسة مشوار صغنن

بعد مده من الوقت وقفت اسينا

*قدام دار المحبه والرحمه للأيتام

وقفهم الأمن على الباب

حارس الأمن: حضرتك داخله فين

اسينا: لو سمحت عندي معاد مع مدام جميلة

حارس الأمن: اتفضلى

اسينا: مكتبها منين لو سمحت؟؟

حارس الأمن: اخر الطرقة دى يمين

دخلت اسينا وياسين مكتب مديره الملجأ

استقبلتهم مرأه فى عقدها الخامس

اسينا: مدام جميله انا اسينا أكرم الى كلمت حضرتك امبارح

جميله: اهلا وسهلا اتفضلى

بصت جميله لياسين وقالت: اسمك اى يا صغنن

ياسين: اسمى ياسين

جميله: اسمك جميل اوى

ياسين: شكرا

ضغطت جميله على زرار على المكتب فا دخلت واحده ست

جميله: كوثر خودى ياسين يلعب بره شوية

بص ياسين لاسينا

اسينا: روح يا حبيبى

بعدما ياسين خرج

جميله بابتسامه: حضرتك كنتى عايزانى فى اى؟

حكت اسينا لجميله على ياسين وأنها ازاى لقته

جميله بشفقه: يا حبيبى ده اتبهدل خالص

اسينا: انا جاية بقا لحضرتك علشان انا عايزه اتكفل بياسين لأن انا سمعت ان التبنى حرام

جميله: بصى انا اقدر اساعدك بأنى ادخل ياسين الملجأ علشان أسهل عليكى الإجراءات وبعديها تعملى ورق التكفل عادى...بس ياسين لازم يفضل معانا هنا لحد ما ورقك يبقى جاهز

اسينا بتساؤل: يعنى مينفعش يروح معايا

جميله: لا للأسف

اسينا: طيب انا هخرج اتكلم معاه وافهمه

خرجت اسينا من مكتب المديره وراحت على الجنينه

فضلت اسينا تضور على ياسين لحد ما شافاه وندهته

اسينا: انت عارف احنا جينا هنا ليه

ياسين: تؤ

اسينا بفرحه: انا جيت هنا علشان اخليك تعيش معايا

حضنها ياسين وقال بسعاده: بجد!

اسينا بأسف: اه والله بس للأسف انت المفروض تفضل هنا كام يوم على ما اخلص الورق

ياسين بزعل: يعنى هتسبينى

اسينا بزعل: غصب عنى والله بس هجيلك كل يوم وعد

اسينا بتغيير للموضوع: تيجى نلعب شوية

ياسين بحماس: يلاااااا

بعد مده من اللعب جت المشرفه

المشرفه: يلا يا ولاد كل واحد على اوضته...معلش يا فندم والله وقت الزيارات انتهى

بص ياسين لاسينا بعيون كلها رجاء انها متسبوش

اسينا وهى بتحاول متعيطش: هجيلك بكره صدقنى

حضنها ياسين وعيط

اسينا وهى بتطبطب عليه: والله غصب عنى...انا بعمل كده علشان تبقى معايا على طول

بعد فتره من اقناع ياسين انه يسيب اسينا اخيرا سابها وطلع مع المشرفه

خرجت اسينا من الملجأ وركبت عربيتها وطلعت على المستشفى الى بتشتغل فيها

*فى شقه موسى

موسى كان بيتكلم فى الموبيل وراحل بيعمل قهوه

موسى ببرود: اى يا عصام اى الى رماك عليا

عصام(واحد من رجال الماف*يا بيتاجر فى الأطفال الصغيره): ينفع يعنى يا موسى ترفع سلاحك على عرابى ده راجل كبير وليه مقامه بردو

موسى بعصبية: وانا الى يجيب سيرة ابويا اق*تله مش ارفع سلاحى عليه احمد ربنا انى مدتلوش رص*اصة فى نص دماغه الى عاملة زى البسلة دى

عصام بتحزير: انت كده بتخلى فى عداء مبين رجالة المافيا ودى مش أصول

موسى ببرود: اولا انا محدش يدينى اوامر انا الصياد يا عصام ومحدش يقدر يقف قصادى...متدخلش انت بس علشان منخسرش بعض

وقفل فى وشه التليفون

راحل: ماله بتاع الأطفال(قصده على عصام) كان عايز اى

موسى: بيتكلم على الى حصل مع عرابى الصبح

راحل بضيق: مبقبلوش الواد ده...بص هو من ساعه ما احنا انفضلنا عن البندارى وقدرنا نخلص عليه ونصفيه هو رجالته وهما خافوا على نفسهم فا قالوا يكسبونا فى صفهم

موسى: وانا عمرى ما هبقى معاهم اصلا وهيفضلوا اعدائى هو عصام الكلب ده هو السبب ان ابويا عرف كان قاصد يعرفه علشان ميبقاش هو الوحيد الى اهلوا اتبروا منه

*فى المستشفى

اسعد(مدير اسينا فى المستشفى): عليكى نبطشية الطوارئ انهردة يا اسينا وانتى معاها يا رحمه

اسينا: تمام يا دكتور

رحمه: تمام

راحت اسينا ورحمه على مكتبهم

رحمه: بس مسؤولية طفل مش ابنك دى حاجه صعبه اوى يا اسينا وكمان انتى مش متجوزه وده بيقلل فرص جوازك

اسينا بثقة: هى مسؤولية فعلا بس مدام ربنا هو الى حطنى فى طريق ياسين وخلاه يحبنى فى يوم وليله وكمان الهمنى فكره التكفل بيه يبقى دى حاجه هقدر عليها لا يكلف الله نفساً إلا وسعها

رحمه: ونعم بالله...ربنا يعينك يا حبيبتى...هقوم انا بقا...باى

كانت اسينا عندها نبطشية لحد تانى يوم الصبح

بعد أذان الفجر

*فى بيت اهل موسى

شادية: قوم يا حج يلا الصلاة...يا حج يلا عايزين نصلى جماعه

رشدى:.........

بدأت تهز شادية جسمه براحه وقالت بقلق: اى يا رشدى متقلقنيش قوم يلا يا حبيبى عايزين نصلى مع بعض

بدأت شادية تعيط وتهز فى جسم رشدى وهو مش بيفوق......

____________________

يتبع.......

بقلم/رقية حمدى

نعم يا حبيبَتىِ