رواية نعم يا حبيبتى الفصل الخامس 5 بقلم رقية حمدى
رواية نعم يا حبيبتى البارت الخامس 5
رواية نعم يا حبيبتى الجزء الخامس 5
رواية نعم يا حبيبتى الحلقة الخامسة 5
رواية نعم يا حبيبتى بقلم رقية حمدى
 |
| رواية نعم يا حبيبتى |
رواية نعم يا حبيبتى الفصل الخامس 5
《5》
*فى مكان اخر
مكان كان يشع منه رائحة الخ*مر والدخان السجائر
كان موسى وراحل قاعدين وجمبهم بنات من النايت كلَبْ
موسى بصوت عالى علشان راحل يسمعه: الليلةُ خم*رٌ ونساء
راحل بضحك: لا مفيش خم*رٌ عايز نساء انت حر... بس هما حلوين فعلا
واحده من البنات بدلع على موسى: افتحلك ازازة يا باشا
موسى بضحك وتريقة: بابا راحل قال لا يا ستى
عدى اليوم بسلام من غير مصايب
*صباحاً فى بيت اسينا
صحيت اسينا على صوت الموبيل
مسكت الموبيل علشان تعرف الساعه كام لقيتها 7 الصبح
اسينا بنعاس: ياااه نسيت اقفلك لسة شوية على ما اصحى
ونامت تانى
*فى بيت اهل موسى
شادية: قومى يا همسه هتتأخرى كده على المدرسة
همسه بنعاس: صباح الخير
شادية: صباح النور يلا قومى اجهزى بسرعه انتى متأخره اصلا
همسه وهى لسة مغمضه: حاضر قايمه اهو
قامت همسه ولبست هدوم المدرسة
همسه وهى على باب الشقة: هاتى يا ماما الموبيل من جوه لو سمحتى على ما البس الكوتشى
شادية: عيشنا وشوفنا العيال بيروحوا المدرسة بموبيلات....ده انا لما كنت قدك
همسه بتكرار كلام مامتها: كنت لايمكن افتح التلفزيون غير يوم الخميس وممنوع حتى امسك سماعة التلفون الأرضى...ده انتوا جيل مدلع والله.....حفظت السيناريو والله يا ماما
همسه بهزار: احنا ايامنا غير ايامكوا والله يا ماما
شادية بضحك: ماشى يا لمضة اتفضلى على مدرستك
باست همسه شادية من خدها وقالت وهى نازله على السلم: باى باى يا مامتى
شادية بحب: توصلى بالسلامه يا قلب مامتك
رشدى: همسه نزلت خلاص
شادية: لسة حالا
رشدى: والأستاذ الى جوه ده مش وراه كلية
شادية: هدخل اصحيه
دخلت شادية أوضة خالد وكانت متبهدله على الأخر
شادية بقرف: جتك القرف يا خالد دى منظر أوضة
شادية: قوووم يا خالد مش وراك جامعة
خالد وهو نايم: بعدين بعدين
شادية بنفاذ صبر: قوم يا خالد ربنا يهديك
مردش خالد عليها وفضل نايم
شادية بغيظ: والله لجبلك ابوك يصحيك
خرجت شادية من أوضة خالد
شادية بزهق: تعالى انت صحيه بقا لأنى تعبت منه
دخل رشدى أوضة خالد علشان يصحيه
رشدى بصوت خشن وعالى: خااالد
قام خالد بسرعه من على السرير
خالد وهو بيحاول يفتح عنيه: اى يا حجوج مش كده صلى على النبي
رشدى بضحك: عليه افضل الصلاة والسلام...عيال متجيش إلا بالعين الحمرا
رشدى: يلا علشان نفطر ومتتأخرش على كليتك
*فى بيت اسينا
بعد مرور اكتر من ثلاث ساعات
ياسين بنعاس: اسينا قومى موبيلك بيرن بقاله ساعه
اسينا بنعاس: هى الساعة كام
مسكت اسينا الموبيل علشان تشوف الساعة كام
اسينا بخضه: يانهار ابيض انا اتأخرت اوى
كانت اسينا خايفة تسيب ياسين لوحده فى البيت
اسينا بسرعة ولغبطة: قوم البس يا ياسين...ولا اقولك بلاش...لا لا قوم اجهز مش هينفع اسيبك لوحدك
ياسين: حاضر
جهزوا هما الأتنين بسرعه ونزلوا ركبوا العربية وطلعوا جرى على المستشفى
*بعد ما وصلوا المستشفى
اسينا: اكيد طبعا جعان
ياسين بكسوف: اه بصراحه
اسينا: هبعت اجعلنا فطار دلوقتى
صغطت اسينا على زرار عندها على المكتب بعدها ب بكام دقيقه دخلت الممرضة
اسينا: قولى لعم فتحى يجيب فطار ليا انا وياسين لو سمحتى
الممرضة: حاضر
اسينا: اقعد بقا مؤدب علشان محدش يزعق ووعد لو سمعت كلامى لحد ما نروح هجبلك حاجة حلوة
بعد مرور اربع ساعات
ياسين: هو احنا هنمشى
اسينا: هنمشى الساعة 5 كده لسة شوية...انت تعبت؟؟
ياسين بنعاس: عايز انام
اسينا بلطف: طيب روح نام على الكنبة وهبقى اصحيك
*فى شقة موسى
موسى: عايزين نخلى الرجالة جاهزه ل اى حركة غدر
راحل: عامل حسابى
*فى مكان مهجور الساعة 6
موسى ببرود: افتح يبنى الباب ده
احد الرجالة الى واقفين على باب المخزن: اوامرك
دخل راحل وموسى بهيبتهم (كمية كاريزما ياااالهوى) ومعاهم الحرس بتوعهم
وكان عرابى وعصام قاعدين ومعاهم رجالتهم
عرابى: انتوا طبعا عارفين انى عملت القاعدة دى علشان كل واحد يقول رأيه الاخير فى شراكتنا ونفتح صفح جديدة مع بعض
عرابى بتكبر: مين معايا
عصام بابتسامه سمجه: معاك يا كبير
موسى لعصام بأستفزاز: ما هو ده اخرك تكون دلدول لحد لايمكن تكون قائد ابدا
عصام بعصبية: ما تلم نفسك يا موسى مش عايز اغلط
موسى ببرود: هات اخرك
عرابى بتحزير: عصاااام
عصام بعصبية: اتخرست اهو
عرابى: قرارك الأخير اى يا موسى
موسى بسخرية: هو انت مبتسمعش ولا اى قلتلك قبل كده لا مبتفهمش عربى ولا اى
موسى بضحك: استنى استنى ناخد رأى راحل ما هو شريكى بردو
راحل: يا عم قولنا نوووووو حلو بالانجليزى
بص عرابى لعصام بنظرة هو الى جابه لنفسه
فلاااش باااك
عرابى بقلق: موسى وراحل مش هيوافقوا على الشراكه وصعب يبقوا اعداء هيصفونا زى البندارى
عصام: وانا ف ظهرك الكتره تغلب الشجاعة
عرابى: لا لو موافقوش لازم نخلص عليهم
عصام بتساؤل: هتعمل اى؟؟
عرابى بشر: هنجهزر الرجالة لو موافقوش يضربوا نار ويخلصوا عليهم هما ورجالتهم...هنعمل كلمة سر لما اقولها الرجالة تضرب نار
عصام: وهى اى؟؟
عرابى بتفكير: ناولنى يابنى الكاس ده
بااااك
بص عصام لعرابى بمعنى هتعمل اى
عرابى لحد الحراس : ناولنى يابنى الكاس ده
وفجأه بدأوا حراس عرابى وعصام يضربوا نار على رجالة موسى وراحل
كل واحد راح فى حته علشان الرص*اص ميجيش فيه
موسى بعصبية: كنت متأكد انكوا هتعملوا الحركة ال**** دى
راحل بعصبية: مش قلتلك مش مطمن...هيخلصوا على الرجالة
*فى المستشفى
اسينا: يلا يا ياسين علشان ماشيين
ياسين بفرحة: يااااه اخيرا
قاطعهم خبط على الباب
اسينا: اتفضل
دخل عليهم دكتور اسعد
دكتور اسعد: اسينا معلش احنا محتاجينك تفضلى موجودة للساعة 8 لان رحمة حصلها ظروف وهتتأخر شوية
بصت اسينا لياسين بقلة حيله وقالت: معلش يا ياسو بقا
دكتور اسعد بأستغراب: ده الى سمعته فى المستشفى حقيقى بقا
بصتله اسينا بأستغراب وقالت: سمعت اى يا دكتور؟؟
دكتور اسعد بضيق: أنك فعلا تكفلتى بطفل
اسينا بضيق من دكتور اسعد: ياسين بقا ابنى يا دكتور ولو سمحت مش عايزة حد يتكلم فى الموضوع ده نهائى
اسعد بضيق: على راحتك يا دكتورة
اسعد: عند اذنك
اسينا: اتفضل
*عند موسى وراحل
بعد مدة طويله من ضرب النار حاول كل واحد فيهم طلع من مخبئه
راحل بسرعه: موسى خلى بااااالك
------------------------------
يتبع.....
بقلم/رقية حمدى
نعم يا حبيبَتىِ
رواية نعم يا حبيبتى الفصل السادس 6 من هنا
لقراءة الرواية كاملة اضغط هنا (نعم يا حبيبتى)
تابعونا على التليجرام من هنا (روايات شيقة ❤️)
