رواية نعم يا حبيبتى الفصل السادس 6 بقلم رقية حمدى
رواية نعم يا حبيبتى البارت السادس 6
رواية نعم يا حبيبتى الجزء السادس 6
رواية نعم يا حبيبتى الحلقة السادسة 6
رواية نعم يا حبيبتى بقلم رقية حمدى
 |
| رواية نعم يا حبيبتى |
رواية نعم يا حبيبتى الفصل السادس 6
《6》
بعد مدة طويله من ضرب النار حاول كل واحد فيهم يطلع من مخبئه
راحل بسرعه: موسى خلى بااااالك
كان فى حد مستخبى واول ما شاف موسى كان هيضرب عليه بس راحل شافه ولحق موسى
كان موسى مستخبى بعيد عن راحل
شاور موسى بإيده لراحل بمعنى يلا على الباب
اتحرك راحل ناحية الباب لنه كان اقرب ولسة موسى بيقوم فجأه نط عليه واحد وكان بيحاول يخنقه
ضربه موسى جامد ووقعه على الأرض...خرج موسى سل*احه وصوبه على راس الراجل
موسى بغضب: اتشاهد على روحك
خبط الراجل برجله مسدس موسى ف وقع على الأرض
جرى راحل علشان يلحق موسى
الراجل بشر: موت*ك على ايدى
طلع الراجل من جيبه مط*وه وكان بيهدد موسى
الراجل: لو صاحبك قربلى هقت*لك
موسى بتحزير: راحل خليك بعيد
قرب الراجل من موسى والمط*وه فى ايده
موسى بسخرية: سيب الى فى ايدك ده ليعورك
الراجل بضحكه كلها شر: لا هى هتعورك انت
حاول الراجل انه يعور موسى بس موسى قدر يتفاداها
بحركة سريعة من الراجل كان دخل المط*وه فى بطن موسى
موسى بوجع: اااااه
وقع موسى على الأرض من كتر الوجع وايده وهدومه كلها د*م
جرى راحل على الراجل وفضل يضربه لحد ما اغمى عليه
راح راحل ناحية موسى
راحل بقلق: قوم قوم معايا بسرعة
موسى بوجع: شيلها
راحل: اشيل اى؟؟
موسى بوجع: شيل بالبتاعة الى فى بطنى دى خلص
مسك راحل المط*وه وشدها
موسى بتألم: اااااه
راحل: معلش حاول تقوم معايا لازم نمشى....اكتم الجرح ب اى حاجة
سند راحل موسى لحد العربية وطلعوا على المستشفى
*فى العربية
موسى بأنفاس متقطعه: مم...مش عايز حد يع..يعرف اننا رايحين المستشفى
راحل بقلق على موسى: يعنى اعمل اى حدد كلامك
موسى بوجع: كك...كل واحد هيلبس كمامه والبس انت طاقية او اى حاجة
راحل: حاضر
كان راحل حرفيا طاير كان بياكل الطريق
*فى المستشفى
ياسين بزهق: هنمشى امتى
اسينا: 5 دقايق كده ونم.....
قاطعهم خبط على الباب
اسينا: ادخل
ممرض: حالة طوارئ يا دكتور
اسينا: حاضر جايه اهو
اسينا لياسين: خليك هنا اوعى تتحرك
خرجت اسينا بس ياسين كان خايف وجرى وراها بس هى مشفتوش
*فى غرفة الطوارئ
دخلت اسينا لقت واحد نايم على الترولى شبه غرقان فى د*مه ومعاه واحد تانى
الممرض: هبعت لحضرتك الممرضين حالا
*فى المكان المهجور الى حصل فيه الأشتباك
*فى أوضة مكتب
عرابى بعصبية: يا اغبية قلتلكوا خلصوا عليه مش عوروه
الراجل الى ضرب موسى: الرجاله كلهم اضربوا وانا كنت هموته لولا صاحبه الى ضربنى
دخل عصام المكتب
عصام: متقلقش يا باشا انا بعت الرجاله تخلص عليهم
عرابى بتساؤل: وانت عارف هما فين اصلا
عصام: كنت عامل حسابى وموقف رجاله بره بعيد عن هنا واتفقت معاهم لو خرجوا يمشوا وراهم
عرابى بسعادة: عفارم عليك يا عصام...المهم هما فين؟؟؟
عصام: فى المستشفى بتاعت موسى
عرابى: خلى الرجاله تخلص عليه فى المستشفى
عصام بنظره كلها شماته: حصل يا باشا
*فى المستشفى
بعد ما خرج الممرض
شال المريض الكمامة
اسينا بصدمه: موسى!!! يانهار ابيض اى الى عمل فيك كده؟؟؟؟
موسى بوجع: م...مش عايز حد يعرف انى هنا متدخليش ممرضين...وانت يا راحل اطلع خليك بره علشان محدش يدخل وكلم الحراسة
اسينا باعتراض على كلام موسى: مينفعش انا محتاجه حد معايا
موسى بعصبية: قلتلك محدش يدخللل....ااااه
راحل بقلق: حاضر حاضر
وطلع راحل بره
كل ده تحت أنظار ياسين الى كان متقوقع فى كورنر جمب الباب وخايف من منظر الد*م
قصت اسينا حته من القميص بتاع موسى
اسينا بصدمه: اى ده دى لازم تتخيط...انت اتعورت كده ازاى
موسى بسخرية: ما انا عارف انها لازم تتخيط مكنتش جيت المستشفى يا اذكى اخواتك...مط*وة حلو كده
اسينا بغيظ: حتى وانت تعبان مش مبطل
موسى بوجع: هى عميقة اوى
اسينا: لا مش اوى الحمد لله
بره الأوضة
راحل: فى اى يا محسن مبطلتش رن
محسن(رئيس الحرس): يا باشا فى عربية قاعده تحوم حولين المستشفى مش مطمنلهم شكلهم من رجاله عصام ولا عرابى
راحل: امنلى المخرج السرى يا محسن اول ما موسى يخلص هنمشى
محسن بسرعة: دول دخلوا المستشفى يا باشا بيكسروا فى كل حاجه
راحل بعصبية: امنلى المخرج بسرعة
دخل راحل بسرعه لموسى
كانت اسينا لسة هتبدأ فى تنظيف الجرح
راحل بعصبية: انتى لسة مخلصتيش!!!!
اسينا بضيق: هو انا لحقت!!
راحل بقلق: يلا يا موسى لازم نمشى بعتوا رجالتهم ورانا وهما فى المستشفى بيضوروا علينا.....لازم نمشى حالا
حاول موسى يقوم منعته اسينا
اسينا: انت رايح فين مينفعش تمشى
موسى: هيقتلونى لو لقونى...وهيقتلوقى انتى كمان لو عرفوا انى كنت عندك
اسينا بصدمه وخوف: ليه يقتلونى انا معملتش حاجه
موسى: يلا بينا بسرعة
راح موسى وراحل ناحية الباب
موسى: بقولك يلاااا
اسينا بخوف: ثوانى انده ياسين
جرى عليها ياسين وهى شالته ومشيت معاهم لحد ما وصلوا لمخرج للمستشفى فى الشارع إلى ورا المستشفى
موسى بوجع: اركبى
اسينا بخوف: حاضر
بعد مرور نص ساعه
*فى المستشفى
احد رجال الشرطة: بتتهجموا على مستشفى يا ولاد ال***
واحد من الممرضين: مين الى كلم البوليس
حد الممرضات: بيقولوا حد من اهلالى المرضى
الممرض: الحمد لله انقذنا
الممرضة: اه والله الحمد لله
فى عربية راحل
راحل: مش هينفع نروح البيت هنروح فين؟؟
موسى بتعب من كتر الد*م الى فقده: اى حته من بتوعنا قريبة...انا بموت مش قاااادر
ياسين ببكاء مكتوم: مين دول؟؟
اسينا بهمس: معرفش...بس متخافش انا معاك
اتصل راحل بمحسن
راحل: احنا رايحين على فيلا اكتوبر هات حرس وسلاح علشان تأمنوا المكان
محسن: الحمدلله على سلامتكوا....تمام يا باشا اعتبره حصل
بعد مدة بصيته وصلوا
نزل راحل وسند موسى لحد ما دخلوا
موسى بانفاس متقطعه: لل...لو حح....حصلى حاجة اهلى فى رقبتك يا ر....راحل
راحل بخوف على صاحبه: متخافش والله هتبقى كويس
راحل بعصبية: اعملى اى حاجه الراجل بيموت
كانت اسينا بتعيط من منظر موسى
اسينا بدموع: حاضر حاضر
مسحت اسينا دموعها وراحت ناحية موسى
اسينا: طيب انا محتاجه حاجات لتنظيف الجرح وادوات خياطه طبية
طلع راحل على الأوضة فوق ونزل تانى
راحل: اتفضلى بس مش لاقى ادوات الخياطه....اجبلك ابره وخيط عديين
اسينا بصدمه: هو فستان هصلحه ولا اى
راحل: جماااال
جمال(واحد من الحرس): نعم
راحل :اطلع دور فى الأوضة بسرعة على أدوات خياطه وشوف لو فى بنج موضعى وكحل
جمال: حاضر
وطلع جمال على فوق
اسينا: مفيش اى برفان حتى علشان ابدأ فى تنظيف الجرح على ما يلاقى الحجات
راحل بسخرية: فى خم*رة تنفع
اسينا: اه تنفع
بصلها راحل باستغراب وراح يجيب الخمرة ورجع
اسينا لموسى: بص هتوجع شوية بلاش تتحرك
موسى بوجع: حا....حاضر
بدأت اسينا فى تنظيف حول الجرح
موسى بوجع: اااااه براحه شوية
اسينا وهى بدأت تعيط: معلش حاول تستحمل
خلصت اسينا تنظيف الجرح وكان جمال لقا الحجات
اسينا انا محتاجه حد يثبته من كتفه وحد يثبته من رجليه
موسى بضحكة تعب: هو انتى هتعملى اى فيا
اسينا بتوتر: هخيط الجرح من غير بنج
جه واحد من الحرس وثبت موسى من رجله وراحل ثبته من كتفه
اسينا بتحزير: خليك مكانك يا ياسين...وانت اوعى تتحرك
كانت اسينا لابسه اسكارف شالته وادته لراحل
اسينا: حطه ما بين سنانه
فى بيت اهل موسى
*فى أوضة همسه
كانت همسه بتتكلم فى الموبيل
همسه بصوت واطى: ازاى يعنى يا يوسف هقلهم اى؟؟؟
يوسف بضيق: مليش دعوة يا همسه انا عايز اشوفك
همسه بارتباك: بس ي....
قاطعها يوسف بحدة: خلاص يا همسه
همسه بزعل: متزعلش منى بقا يا حبيبى
يوسف بزعل مصتنع: خلاص يا همسه عرفت انك مش بتحبينى ولا بتثقى فيا
همسه بدموع: لا والله انا بحبك وبثق فيك جدااا
يوسف بتريقة: اه ما هو باين
همسه بأسف: خلاص يا حبيبى انا اسفة.. هتصرف واقولك نازلة فى اى مكان
يوسف بأبتسامه خبيثه: ايوة انا كده احبك
همسه: طيب هننزل فين؟
يوسف بخبث: انا هبقى فى استوديو واحد صاحبى بكره تعالى ونقعد هناك
همسه بقلق: اصل يعنى....بلاش اول مره ننزل نقعد فى مكان لوحدنا كده
يوسف بزهق: امال نروح فين؟؟؟
همسه: نروح اى كافيه هادى كده بس بعيد عن المدرسة والجامعة علشان محدش يشوفنا او كده
يوسف بكذب: مش عارف انتى ليه مش قايله لصحابك ومخليانى مقولش لصحابى ما انا هتجوزك يا حبيبتى
همسه بفرحه: هتتجوزنى بجد يا يوسف
يوسف بكذب: طبعااا يا عيون يوسف...بس اخلص الكلية الأول
همسه بحب: كنت متأكده انى اخترت صح
*فى الصالة
رشدى بتساؤل: اى مالك يا شادية؟
شادية بخنقه: مش عارفة من الصبح قلبى مقبوض وقلبى اتقبض دلوقتى اكتر
رشدى بحنية: اهدى يا حبيبتى مفيش حاجه ان شاء الله ما الولاد كويسين اهو
افتكرت شادية موسى بس متكلمتش
شادية بتمنى: خير ان شاء الله
*عند موسى
موسى بألم يفوق الوصف: خلصى بقااااا
اسينا: خلاااص خلصت الحمد لله
موسى وهو شبه فاقد الوعى: وو...وانا خلللصت
وراس موسى وقعت للجمب....
يتبع......
بقلم/رقية حمدى
نعم يا حبيبَتىِ
رواية نعم يا حبيبتى الفصل السابع 7 من هنا
لقراءة الرواية كاملة اضغط هنا (نعم يا حبيبتى)
تابعونا على التليجرام من هنا (روايات شيقة ❤️)
