رواية نداء القلب الفصل الثانى 2 بقلم نورهان ناصر
رواية نداء القلب البارت الثانى 2
رواية نداء القلب الجزء الثانى 2
رواية نداء القلب الحلقة الثانية 2
رواية نداء القلب بقلم نورهان ناصر
 |
| رواية نداء القلب |
رواية نداء القلب الفصل الثانى 2
البارت 2
"نور"
وقـ*ـع مني على الأرض لأن المخدر ده مفعوله سريع ...
قعدت على الأرض وأنا بعيط مش عارفه أعمل إيه إتوترت أوي و كل إللي جه في عقلي إني دخلت واحد غريب على بيتي والله أعلم وراه إيه إفتكرت أهلي في الصعيد وتربية جدي ليا بعد وفاة بابا الله يرحمه كان معلمني الصح من الغلط وهو إللي ساعدني أكمل تعليمي بعد ما كانوا خلاص هـ.......
قطع حبل أفكاري نغمة تلفوني فقومت علشان أجيبه وسيبته زي ما هو مرمي على الأرض مرضتش أقرب منه تاني وقفلت باب الأوضة وسبته وطلعت ....
لقيت المدير بيتصل عليا اتنهدت ورديت عليه : السلام عليكم ورحمه الله !
رد عليا السلام ولقيته بيقولي : يا نور متتاخريش انهاردة واحتمال يكون فيها بيات أنا قولتلك !
نفخت الهواء وأنا بقوله بضيق واضح على ملامحي : إن شاء الله هنبقى نشوف موضوع البيات ده يلا سلام يا دكتور !
قفلت معاه وقعدت على الكنبة وأنا بقول لنفسي : قال بيات قال مستحيل على جثتي أبات في المستشفى .....
سكت بعدها شوي وأنا بفكر هعمل إيه في المصيبة دي إللي دخلتها على بيتي إستغفرت ربي وقومت دخلت الحمام ( عافانا الله وإياكم) اتوضيت وطلعت لبست إسدال صلاتي ووقفت أصلي وأنا بدعي ربي إنه يقدم لي الخير ومكونش غلط بالحركة دي .....
خلصت صلاتي وروحت فتحت باب أوضتي بحذر علشان أجيب هدوم ليا من الدولاب ولقيته زي ما هو مرمي على الأرض على وشه بصيت عليه شويه وأنا خايفة وبعدها اتنهدت وروحت حاولت أسنده وقومت بيه لحد ما وصلت للسرير رقدته عليه وطلعت هدومي وغيرت في أوضة تانيه ولفيت خماري وجهزت الفطار ......
ولقتني قبل ما أحط لقمة في بو*قي قومت رايحه ليه ودخلت له صينيه أكل وحاولت إني أصحيه وأشوف حكايته إيه ؟.... أنا دخلتله وأنا سايبه الباب مفتوح ....مكنش معايا في شقتي دي غير القطة بتاعتي دخلتها معايا ...وضحكت وأنا بقول لنفسي...هعتبرها محرم علشان الخلوة ....!!
كنت لسه هتكلم لقيته بيتقلب ومسك رأسه وفتح عينيه بصعوبة للأسف المخدر مش بيطول أكتر من ساعة إلا ربع بس الغريب أن عينيه كانت ثابته متحركتش حاول ينطق معرفش زي المرة إللي فات .....وبصراحه أنا مركزتش في ملامحه وكنت بـبُـص في الأرض أنا مش ناقصه ذنوب ولما عقمتله الجـ*ـرح انبارح مركزتش في ملامحه عقمت الجـ*ـرح وربطت رأسه بشاش أبيض وسبته وطلعت على طول مينفعش أقعد معاه أكتر من كده .....!
قطع شرودي ولقيته بيحرك أيديه وبيصدر الهمهمات إللي مفهمتهاش دي تاني وعمال بيشاور على بو*قه رفعت بصري وكانت أول مرة أرفع عيني ... وبصيت على وشه علشان أفهم والمصيبة هي لما شفت ...........!!
شهقت بقوة ولقيتني بتراجع لورى بخوف واتكعبلت في سجادة الأرض ووقعت وأنا هموت من الخوف من هــ*ـول المنـ*ــظر طلعت بره بسرعه وأنا بتنفس بقوة وقفلت الباب عليه وسيبته وطلعت وأنا بحاول تحرك رجليا إللي حسيت إنهم اتجمـ"ـدوا فجأة.... وبصراحه إللي شوفته مخلانيش أعرف أفكر صح ...وقتها مكنش فيا عقل من أساسه طلعت أجري على تلفوني واتصلت على نهى وأنا برتجف من الرعب معنديش غيرها بعد ربنا وقولتلها وأنا همـ"ـوت من خوفي .....
_ ألو السلام عليكم ورحمه الله يا نهى إلحـقيني !
رديت نهى السلام وقالت بقلق: مالك يا نور في إيه ؟
لسه هرد عليها لقيت إللي مسكني وحط إيده على بوقـ* ـي وقلبي خلاص حسيته وقف................
يتبع
نِـدّاء الـقلـب♥
البـارت الثاني
بقلمي نورهان ناصر
رواية نداء القلب الفصل الثالث 3 من هنا
لقراءة الرواية كاملة اضغط هنا (رواية نداء القلب)
تابعونا على التليجرام من هنا (روايات شيقة ❤️)
