رواية نداء القلب الجزء الثانى الفصل الأول 1 بقلم نورهان ناصر
رواية نداء القلب الجزء الثانى البارت الأول 1
رواية نداء القلب الجزء الثانى الجزء الأول 1
رواية نداء القلب الجزء الثانى الحلقة الأولى 1
رواية نداء القلب بقلم نورهان ناصر
 |
| رواية نداء القلب |
رواية نداء القلب الجزء الثانى الفصل الأول 1
البارت •1• الجزء الثاني من نداء القلب ♥️ بقلمي نورهان ناصر
"نور"
مكنتش عارفه أضرب كويس بالمسدس إللي عطاهوني ماهر ....ده غير إنه كان تقيل أوي على أيدي مكنتش متخيلة إنه بالتُقل ده ..... وأنا طبعًا لا عارفه أضرب ولا أعمل كانت طلقه تصيب وطلقه تخيب .....!!
أما ماهر بسم الله عليه كان زي إسمه بالظبط ماهر جدآ .....بس رجالة لارا مش بيخلصوا خالص يخربيتها إيه معسكر رجالة ماشيه بيه ....!!
في الوقت ده أنا ابتديت أتعب أكتر ورجليا لسه بتنـ...ـزف ....بصيت عليها كان فيه جرح عميق في ركبتي واصل لحد كعب رجلي من تحت أنا وقعت على شيء حاد أوي ....... كمان عيوني صدعت أنا مطبقه من انبارح وعيوني اتنفخت من كُتر العياط ووارمه بطبيعة الحال ....حسيت إني مش شايفه كويس ......!!
ولارا بدأت تقرب مني وماهر كان ملخوم برجالتها وبيضرب عليهم هو بردو مهما كان قوي بس الكُتره تغلب الشجاعه .....كان هيهتم بيا ولا يخلي باله من نفسه لتصيبه رصاصه كده ولا كده .........!!
فضلت أجر في رجلي وأحاول على قد ما أقدر أبعد شوي ......وهي كانت ماشيه ورايا وصوت ضحكاتها وصلاني ........!!
سمعتها بتقول بضحك وسخرية : أجري أجري كده كده همسكك ياه على المتعه .... أول مرة استمتع بمهمه كده ......تعرفي إني مرتحتش ليك من أول مره شوفتك فيها .... أصلك كنتي بتبصي لي بغرابه كده وأنا ليه نظرة وبعرف أفهم الشخص إللي قُدامي نظرتك كانت كلها استحقار وكره غريب حسيته من ناحيتك رغم إني أول مرة أشوفك ...زي ما يكون قتلتلك إنسان عزيز عليكي .....مع إنك حاولتي تظهري إنك لبقه واتكلمتي بذوق بس قناعك ده مأقنعنيش ....وكمان لما سألتك إذا كان حصل حاجه غريبه أو لقوه حد هنا وقتها أنكرتي بسرعه وده شيء مريب للشك آه هي المنطقة مش مأهوله بالسكان كتير بس بردو غريب إنكم متسمعوش شيء عنه خصوصاً إنها مفهاش حيوانات مفترسه وغير ده كله إن جثته تختفي كده ده طبعاً لو هو مات أصلاً ..... وعلشان كده في الليلة التانية جيت أنا وداني كان عندي أمل كبير إني هلاقيه في البيت ده إللي قولتي إن أهله مش موجودين فيه ومسافرين ظهورك أصلا في التوقيت نفسه كان مثير للشك .....!!
ولما دخلنا وقتها لقينا دم في الأوضة والبيت كان نضيف وفيه أكل لسه صالح للاستخدام ...من وقتها وأنا عرفت إنك كدبتي وأنا بعت لمتخصصه في الرسم ورسمتك بالظبط يا بتاعت الخمار لأنك أكيد عارفه مكانه وكمان كلفت حد يراقبك لحد ما أخيرا ظهرتي وقدرت أوصلك ........!!
كنت سامعه كلامها ومهتمتش وأنا بحاول أبعد قدر الإمكان لو هي بس لوحدها يمكن أعرف اتعامل معاها رغم إنها أكيد متدربة كويس وهتكون لياقتها البدنية أحسن مني ميت مره ...بس معرفش أنا وقتها فكرت كده ......!!
شوية ولقيتها بتقول بسخرية : إنتي بتحبي شمس صح ....واضح واضح عليك ....متخبيش أنا كمان بحبه ....هههههه بس حب مفيش منه حب كده نادر ....مفيش منه زي ما قولتلك بحبه حب محبوش حد قبل كده .....لا بس تعرفي عرف يلعبها صح ....ودخلي دخله ....عصريه زي ما بيقولوا .....قدر يمثل ويضحك عليا ......!!
سكتت شوي وكملت بضيق شديد حسيتها متغاظه أوي : تعرفي إنه غبي أوي وطلع أعمى كمان علشان يضيع فرصة يكون فيها معايا ويرفض الحقير ........ محدش يقدر يقاومني ....بس أنا كنت متغاظه منه أوي ......تعرفي أنا ليه خيطت شفايفه ...علشان أعاقبه ....ميقدرش يقرب من أي حد .....كنت عايزة أشوه ملامحه كلها أخليه محدش يطيق يبص في خلقته أصلا ..... والأهم من ده كله علشان اذله .....ويكون حاجه كده تشمئزي منها وتنفري عنها ...من الخوف والقرف وهو شفايفه متخيطه ......زي ما بعد عني ومسمحليش أقرب منه الحقير ...... بس للأسف التعليمات جاتلي بأني اتخلص منه بسرعه ......فخيطتها وكنت مبسوطه لأقصى درجة وأنا بسمع صراخه إللي كان أحلى موسيقى سمعتها في حياتي كلها ....خيطتها ...... ومش بس كده حطتله غراء لاصق علشان تتشوه أكتر وتتهري مع السلوك ويبقى من دون شفايف زي بقيت الناس لا يقدر ياكل ولا حتى يشرب يموووت بالبطيء وعلشان يبقى مذلول ده طبعا لو هو عاش أصلا ...كنت بخيطهاله بغل جوايا ولو شوفته تاني هعمل الابشع هقفله عيونه علشان ميشوفش تاني هههههههه .........!!
اللي سمعته منها مكنش طبيعي دي انسانه مريضه لدرجه أنا مش قادره أتخيلها دموعي نزلت بقهر ووجع على كمية الحزن إللي عاشه شمس واللي عذبتهوله الملعونه دي ........!!
رجعت تكمل بابتسامه : هقولك سر كده كده هتموتي محدش هيعرف فيه ....هو كان عاجبني أوي ....عاجبني لدرجه متتخيلهاش كله على بعضه كان داخل مزاجي كانت أول مرة في حياتي أتمنى حد كده أو أفكر فيه أصلا ......ولما عرفت كان بيعمل إيه فيا؟! وكمية التخدير إللي لقيتها في جسمي بعد كده ....ده كله علشان ميقربش .....وقتها كرهته كرهته أوي إزاي يعمل فيا كده أنا لارا فاتنة روسيا يخدرني زي الحيوان ويسبني مرمية في الأوضة لوحدي وكأني شيء مقرف خايف يقرب منه ........!!
كنت بكح جامد وبنهج وهي عماله ترغي ومش مبطله وأنا كنت فرحانه بالإحساس إللي وصلهولها شمس هي فعلاً شيء مقرف محدش يحب يقرب منه ....بس هي رجعت كملت وقالت بخبث : بس تعرفي
فكرت في إحتمال تاني وحبيت الإحتمال ده أوي وهو إنه كان خايف يضعف قُدامي طبعًا لأنكم معندكمش الجمال الأوربي ده انتوا بقى غفر زي ........!!
قاطعتها بغضب شديد وأنا ببصلها باستحقار: اخرسي هو أصلا مستحيل يفكر فيكي سواء صاحية أو نايمه .....مستحيل يلوث نفسه بيكي ...وزي ما قولتي أنا بقى برجح الإحتمال الاول لأنك شيء مقزز مينفعش حد يقرب منه .......ومهما تعملي البدع عمره ما كان هيضعف .......حتى لو كنتي ملكة جمال العالم ولو قدت أيديك شمع ليه .........وغير ده كله يا حقيره هو متربي كويس وعارف شرع ربنا ......مش هيلمس واحدة لا تحل له ...علشان كده كان لازم يبعد عنك ويخليكي تنامي بأي شكل ...... علشان ميضطرش يقعد معاك وقت أكتر ودي تبقى خلوه في شرعنا يا فصيحه لأنك ببساطه مش مراته أصلا ....... أيوة عملتوا فرح وعارفه إن الجواز إشهار بس أوراقكم الشخصية مزيفه مش حقيقية واللي جوزكم مش مأذون ولا حتى محامي ....وده ميبقاش جواز صحيح .... تقدري تقولي لي فين بقى نانسي سيف النصر دي أو حتى شمس الدين محمد الشرقاوي الحقيقي ...... نانسي دي شخصية وهم خيال ملهاش وجود أصلا فتقدري تقولي لي بقى في حد بيتجوز وهم أو خيال ......!!
سكت شوي بتعب وأنا بنهج بقوة وكملت بضيق ......أنا أصلا مش عارفه أنا بقولك كده ليه وانتي غبية ومش هتفهمي ... أي حاجه ...... شمس حبيبي وفي جداً .....ليا ......ومش في طبعه الخيانه وكمان حبه عفيف ......!!
قاطعت كلامي وقتها وبصتلي بنظرة ذات مغزى وبعدها ضحكت بصوت عالي وقالت : عايزة تفهميني إن طول الفترة دي محصلش بينكم أي حاجه هههههههه ....ولا لا استني كده أكيد مش هتسمحيله ...... لأنك أكيد اتقرفتي من شكله هههههههه !
محستش بنفسي غير وأنا بضرب رصاصه طايشه كده عديت من جنبها وصرخت بغضب : حقيره ....مشكلتكم أنكم مفكرينا زيكم ..بنجري ورى شهواتنا وبس ...بس هقول إيه ....انتوا عندكم مبادئ أصلا ...ولا أخلاق ....انتوا شوية فسده مبوظين الكوكب ....حُثالة قرفينا في حياتنا كائنات مقززة .......رُخاص ملكمش تمن أساسا سلعه حقيره ....بتتباع وتشتري ....لكن إحنا عمرنا ما نكون زيكم علشان إحنا عندنا إللي مش عندكم عندنا قيم ومبادئ وأخلاق عندنا دينا وإيمانا مصدر قوتنا عندنا رب يحمينا وينصرنا عليكم وعلى إللي بتعملوه مهما اشتد ظلمكم وفسادكم زمان كان فيه أسوأ منكم ولا اقولك كانوا زيكم بس انتوا بقى ليڤل أعلى اوي ..... والإسلام زلزلهم كلهم اقراي التاريخ شوفي امبراطوريه الفرس والروم أعظم امبراطوريتين في التاريخ وكلهم خضعوا للإسلام على يد واحد من أعظم الخلفاء سيدنا عمر بن الخطاب ....الظلم عمره ما هيدوم واللي بيحصل في بلادنا العربية مسيره يجيله يوم وينتهي ربنا سبحانه يمهل ولا يهمل .....!!
علشان كده عمركم ما هتقدروا علينا أبدا ..... مهما حاولتوا ده حتى ماهر رغم إنه كان فاقد الذاكرة بيقرف منكم ومن معتقداتكم مقدرتوش تتغلغلوه لدينه علشان هو قوي وإيمانه بربنا قوي وقلبه لسه زي ما هو طاهر مقدرتوش تدنسوه بإيديكم القذره .......!!
سكت شوي وهي كانت بصالي بتركيز بتسمع كل كلامي وأنا كملت بابتسامه : وأنا عمري ما اتقرف من شكل شمس أيا كان شكله إيه ؟! هفضل أحبه وأتمنى قربه وهيحصل إن شاء الله وهيعمل عملية وهيرجع أحسن من الأول وإنتي هتموتي بقهرتك !!
ضحكت بسخرية وقالت : جميل أوي ياه اتأثرت أوي ....الكلام ده كان زمان مش دلوقت الأخلاق راحت ومبقاش فيه حد مهتم بالدين أساسا ...وفري المحاضرة لحد غيري أنا اتعلمت وشوفت أكتر منك تقدري تقولي لي فين أخلاقكم دي لما جرائم الاغتصاب ماليه بيوتكم والتحرش وغيره والزنا والسرقه وغيرها وعمليات خطف البنات والأطفال وسرقة الأعضاء والهروين والمخدرات اللي بتذهب عقولكم مش بردو محرم عليكم أي حاجه تودي بذهاب عقل الانسان زي السُكر والخمر والمخدرات وأي شيء بيؤدي لنفس النتيجة ....مش ربكم حرم عليكم ده وحرم السرقة وغيرها ونهاكم عن حاجات كتير زي الزنا وغيره فين بقى إللي بيعمل بالشرائع الإسلامية دي ؟ فين دينكم إللي مصدر قوتكم ؟ فين جاوبيني الأخلاق دي اللي بتقولي عليها ؟؟ انطقي أنا دارسه ومتدربة على أعلى مستوى ودخلت اكتر من بلد عربية وعملت نفسي مسلمه زيكم ولبست الحجاب وروحت دول الخليج لقيت بنات وستات بشعرها ومسلمين وحاطين مكياج ولبس مكشوف وغيره ده حتى هنا في بلدكم .....عارفه أنا قرأت عن الدين الاسلامي ....و ملقتش زي ما بيقول المرأة يعني مثلاً جميع بدنها (جسدها )عوره ما عدى الوجه والكفين ....ممنوع تسافر إلا في وجود محرم شعرها مينفعش حد يشوفه ....الحجاب عندكم فرض مش حاجه تختاري تلبسيها أو لأ ومفيش حاجه اسمها اقتناع هو فرض زي أي فرض عليكم ...هههه بس فين بقى الكلام ده ؟ ..... آه وبردو مينفعش تختلي براجل لا يحل لها ...مفيش حاجه في دينكم إسمها صداقه بين شاب وبنت .....دينكم حرم الاختلاط منعًا للفتن وحفظًا للاعراض .....بس فين بقى الملتزمين بالكلام ده؟! ليه مش بتنفذوا إللي بيقولكم عليه دينكم ؟! ليه مجموعه تنفذ والباقي لأ؟! ليه مانتوش متحدين مع بعض ؟! أقولك انتوا خلاص اتطبعتوا بطبعنا إحنا ملناش دين زيكم ولا عندنا أخلاق ومبادئ وقيم زيكم إحنا بلاد كلها مجون وفسق صح مش كنتي بتقولي علينا شوية قذارة وحثالة قرفينكم ومبوظين الكوكب شوية فسده ..... بنجري ورى شهواتنا مش كده .... طب ليه مشيتوا ورانا ليه ؟!.... مسألتيش نفسك ....ليه قلدتونا؟!
ده بيوت الضعارة مالياكم والفسق والفجور فيكم انتوا انتوا اللي ضعفتوا ....تخليتوا عن القيم والمبادئ والأخلاق إللي بتقولي أنها عندكم واحنا منملكهاش وقلدتونا وقدرنا نتغلغل جواكم وشوية شوية بنجركم لينا الكباريهات ماليه بلادكم وبيجيلها من كل شرق وغرب وبشوف فيها ناس من دول العربية المسلمة السعودية وغيرها .....ده غير اللي بيبعوا نفسهم ووطنهم علشان شوية فلوس تعرفي كم واحد وكم شركة أدوية بيتعاملوا معانا والممول الرئيسي ليهم هو اسرائـ....يل فين القضية اللي بتدوروا عليها وعمالين تهتفوا بيها وبتفدوا أرواحكم ليها ....كم شخص من جوه مصر وغيرها ولاؤه لينا إحنا ...عارفه إحنا غلبينكم ليه؟! ...علشان متتفككين من جوه مذبذبين مانتوش متحدين مع بعض ده السعودية إللي بيحميها الجيش الأمريكي مقابل ثروات البلد انتوا ضُعاف أوي قدامنا إحنا اقوي منكم علشان متحدين مع بعض .....وبطلي تتوهمي لأنكم كلكم هتموتوا وأولهم إنتي .......!
*-عايزة رأيكم في الكلام إللي بتقوله لارا وهل هو صح أو لأ طبعا هي غلط في تعميمها بس انتوا رأيكم فيه إيه اتمنى محدش يتجاهل ويديني رأي واضح مع إني أنا شايفه إن كلامها صح إحنا اللي مشينا وراهم بس بردو احب اسمع وجهات نظركم -*
كنت سامعه كلامها وانفجرت من العياط هي معاها حق فين تمسكنا بدينا واخلاقنا ليه مش بنلتزم باللي أمرنا بيه ربنا ورسوله ليه بقينا كده ....؟! فين إسلامنا فين عبادتنا لربنا فين الأخلاق إللي علمهالنا رسولنا ....ليه جرينا وراهم ليه متحدناش مع بعض ضدهم ليه رضينا بالظلم ده ليه عملنا في نفسنا كده ليه تخلينا عن مبادئنا واخلاقنا ده الرسول صلى الله عليه وسلم قال " إنما بُعثت لأتمم مكارم الأخلاق" فين أخلاقنا لما بقينا كده آه يا رسول الله مش عارفه هتشفع لينا إزاي وأحنا مليانين ذنوب ومعاصي معقول دي الأمة اللي رسولنا هيتباهى بيها على سائر الأمم دي الأمة اللي هيشفعلها .....وآسفاه وآسفاه .....!!
ياه على كمية الخنقة والقهر والوجع والحزن اللي حسيته واحدة زي لارا الروسية إللي ملهاش ملة معينه بتدينا إحنا كـ...مسلمين محاضرة في الأخلاق وعن دينا صحيح مش بتؤمن بيه ولكن قرأت عنه ولقتنا مش زي ما بيقول الكتاب ....لقيتنا تخلينا عن دينا وتعاليمه لما بقينا نخرج بنص شعرنا لبرى ونلبس ضيق ونفتن الشباب أكتر وغير التبرج ...والكل أتخلى عن القيم والمبادئ ...... إللي المفروض اتربينا عليها ....وهي عصمتنا .... للأسف ضاعت الأخلاق ....في وسط مجتمع بالطريقه دي ....في وسط ناس نسيوا إن في آخره لكل ده ..نسيوا إن فيه رب هيحاسبهم .......معقول قدروا ينتصروا علينا قدروا يخلونا زيهم وآسفاه .... إلا من رحم ربي ......!!
Writer ♥️
كان لازال مستمراً في السير ورائهم وإحساس طغى عليه بأنهم سيقودونه إلى مكان نور .....!!
لا يعلم لما شعر بذلك ولكنه وجد نفسه يتبعهم
هتفت سيرين بضيق : ألم نصل بعد ؟! أخشى أن نكون قد ضللنا الطريق آيلة !
أجابتها آيلة بهدوء وهي تفكر : لا أعتقد هذا هو المكان لقد وضعت جهاز التتبع في شعرها سيرين انظري الإشارة قوية في هذا الطريق كدنا نصل !
أغام بضيق: تلك الغبية كم أكرهها وأكره ذاك القائد !
سيرين بهدوء : أوه يا عزيزتي كلنا نكرهه لا أعلم فيما يفكر الجنرال چنراڤيل عندما سلم له هذا المنصب ولابنة أخيه المدلله تلك !
كانوا يتحدثون وهما مازالوا يتابعون الركض وفجأة توقفت أغام عن السير وهي تتلفت خلفها بريبة
سيرين بقلق: لما توقفتي ما الأمر ؟
أغام بضيق: أشعر أننا مراقبون أحد ما يتبعنا !
آيلة بهدوء: بربك أغام لم أشعر بأي أحد هيا لنتابع السير أخشى أن تقتل دانييل !
سيرين باستغراب : دانييل !! وما شأنك به؟!
آيلة بارتباك : لا شيء لا تُسيئي فهمي أقصد لو قتلوه فلن يسامحكِ شمس تذكري أنتِ من أعطيتهم البيانات وبناءًا على ذلك قد أخذوه .....
أغام بسخرية : كفاكِ كذب ...ببساطه المجنونه تحبه مثلك سيرين ... تحبين شمس والأخرى تحب أخيه ماهر ....لقد فقدتم عقلكم أوه ياللسخرية !
آيلة بارتباك: لا ليس الأمر كذلك ....
سيرين بغضب: توقفوا الآن هذا ليس وقت الكلام يجب أن نجد لارا قبل أن تفعل أي شيء هيا !
هتف شمس في داخله بصدمة لقد تذكر من تكون هذه الفتاة تذكر إسمها الآن أخذ يحدث نفسه
: مروة معقول سيرين صح أيوة هو ده الإسم الحقيقي ليها واللي لقيته في الملفات إللي سابهالي بابا ......ماهر لارا هتقتله لازم أمشي وراهم دلوقت وأخيرا هشوفه .... أخويا ...ماهر مش هسمحلهم يأذوه ......!!
بينما على الضفة الأخرى كانت الأجواء مشتعلة وإطلاق النار قد طغى صوته على أي صوت آخر .....!!
هتفت لارا بحدة وهي تخاطب نور التي انحصرت بالزواية وما من مفر : طول عمركم هتفضلوا أغبياء .......بعترف في منكم لسه متمسك بدينكم بس دول قلة خالص ومسيرهم يمشوا ورانا ...القوة اللي اتكلمتي عنها دي زمان مش دلوقت دلوقت المادة اللي بتحكم الاستعمار ....هو النظام الجديد .....ودلوقت بقى نسيبنا من محاضرة الأخلاق والدين دي ونركز في حاجه أهم ...... أمي سيطرت عليكم ومقدرتوش تكشفوها إلا بعد إيه بعد ما خلصت عليكم ونجحت في مهمتها !
تعلم نور أنها تستفزها كثيراً فهتفت بضيق شديد وهي تقول: أمك دي ألعن من إبليس نفسه ..... واحنا خلصنا منها بأبشع طريقه زي ما هنخلص منك بردو ومن كل ده وحبيبي رجع لي تاني وأخوه كمان محدش منكم هيفرقنا تاني .....!!
ضحكت لارا بشدة ثم قالت بدموع مصطنعه: مشهد مؤثر أوي عيوني دمعوا هههههههه خليك في الوهم إللي إنتي عايشه فيه مسكينه مبتسمعيش النصايح إنتي براحتك بقى !!
نور بضيق وهي تستند على جزع شجره : هقتلك يا لارا قبل ما تفكري تعملي أي حاجه بصي رجالتك كلهم بقوا على الأرض ياااه متشكرة أوي لأنكم دربتوه وبقى بالشراسه والقوة دي برااافووو عليكم !!
نظرت لارا خلفها فوجدت أغلب رجالها مُطرحون أرضًا والبعض يحاول التماسك بينما ماهر يقاتل بخفه وبراعه شديدة كما أن حركاته رشيقه جدا .....!!
لارا بسخرية: متفرقش ودلوقتي قولي لي فين شمس ؟! وإلا هقتلك وفورا !!
أنهت حديثها وأطلقت رصاصه دون سابق إنذار بجانب رأسها فأصابت الطلقة الشجرة خلفها .......!!
ارتعدت نور لدرجه أن وقع منها سلاحها على الأرض وما كادت تميل لتحضره حتى عاودت لارا إطلاق المزيد من الطلقات فكادت تصيب يدها ومع ضعف نور وفقدها للكثير من الدماء أحست بالدوار وزاغت الرؤية أمامها رفعت لارا سلاحها وابتسمت بشر ثم كادت تضغط على الزناد ففوجئت بمن يصرخ عليها من بعيد .....
صرخ ماهر بحدة : نووووووور لاراااا متقتلهاش ....!!
يتبع
نداء - القلب ♥️
البارت - الأول من الجزء الثاني
بقلمي نورهان ناصر
رواية نداء القلب الفصل الثانى 2 من هنا
رواية نداء القلب الجزء الثانى 2
رواية نداء القلب الجزء الأول 1
تابعونا على التليجرام من هنا (روايات شيقة ❤️)
