رواية دماغ سم الفصل الثانى 2 بقلم ولاء حامد
رواية دماغ سم البارت الثانى 2
رواية دماغ سم الجزء الثانى 2
رواية دماغ سم الحلقة الثانية 2
رواية دماغ سم بقلم ولاء حامد
 |
| رواية دماغ سم |
رواية دماغ سم الفصل الثانى 2
نوفيلا دماغ سم
الفصل الثاني
محمود: انا هابعتلك فلوس لمصروف البيت ولسه قدامك اسبوعين على الولاده انا هاكون اتصرفت في فلوس
نرمين: منين الفلوس دي يا محمود اوعى تكون هاتستلف
محمود بهزه راس: لا يا نرمين خالص دي الفلوس اللي بركنها على جمب لمصاريفي والباقي بشيله
نرمين: تمام الله المستعان وانتا حاول تتكلم معاها في موضوع الولاده
محمود : حاضر من عنيا هاسيبك بقى علشان اشوف شغلي وبكره روحي البنك هتلاقي حواله بإسمك
نرمين: تمام يلا لا إله إلا الله
محمود: سيدنا محمد رسول الله
**********
ساميه: بقولك ايه يا ماما ما تديني الفين جنيه والنبي الدنيا مزنقه معايا على الآخر والثلاجة فاضيه مفيهاش بوق ميه
ساميه بشهقه: فاضيه ليه والمحروس فين
ساميه: منتي عارفه يا أمي إللي فيها يوم فيه وعشره مفيش واللي بييجي مبيقضيش
حميده: بس كده من عنيا يعني هما حلال على اللي ما تتسمى وحرام علينا
ودخلت جابت لبنتها فلوس
ساميه : إيه ده كله يا ماما
حميده: خير اخوكي يا بت دول 3 بواكي ونص خليهم معاكي واوعي إللي ما يتسمى ياخد منهم قرش عشان القرشانه أمه يا اختي ياكشي ربنا ياخدها ونرتاح منها
ساميه بغل: آمين يارب يسمع من بوقك ربنا دي وليه عامله زي الجدار متبته في الدنيا وعامله فيها غلبانه وهي تعبانه ميه من تحت تبن
قطع كلامهم ونميمتهم التليفون
ساميه بتعوجة بوق: اهي كملت المحروس بيتصل
حميده: طيب هبي في الفلوس بسرعه يلا قبل ما افتح
خبت ساميه الفلوس وكأن شيء لم يكن
حميده بلوع: ازيك يا ضنايا عامل ايه خاسس كده ليه
محمود بتعب: بشتغل يا أمي بشتغل علشان مراتي اللي على وش ولاده بشتغل وطفحان الدم علشان بنتي تيجي تلاقي عيشه كويسه وهدمه كويسه مش هدوم مقطعه ومرقعه ومبقعه ولا إيه يا أمي
حميده: ايه يا ابني حيلك حيلك داخل فيا زي القطر كده ليه ايه اللي حصل لده كله
محمود بزعيق: انا أمنتك أمانه قوليلي يا أمي اديتي لمراتي فلوس الولاده اديتيها فلوس تجيب لبس لبنتي اديتيها فلوس تجيب اكل وشرب وعلاجها ولا خدتيهم واديتهم لساميه تصرفهم على نفسها بعد صعبانيات ومصعبش عليكي ابنك اللي متمرمط في الغربه ولا صعب عليكي مرات إبنك اللي على وش ولاده
حميده بدموع تماسيح: انا يا ابني اخص عليك دي آخرة تربيتي فيك اخص عليك أنا هاكل مراتك الله يسامحك دي جزاتي اني بحافظلك على فلوسك لحد ما تيجي تولد دي آخرتي اني بتبتبلك القرش على القرش بدل بعزقه مراتك الله يسامحك يا ابني
ساميه بجحود: في ايه يا اخويا هو خدوهم بالصوت ليغلبوكم مره مراتك ومره انتا اييه جرا ايه بتزعق لأمك علشان المحروسه ليه كانت أمته احتاجت حاجه وقصرنا قولي أمته ولا هي خلاص ركبت ودلدلت رجليها
محمود : عنيا تحبي تعرفي من أمته؟؟!!من اول ما تعبت ساعه الحمل وكانت بتنزف وانتي وامك سيبتوها وكانت هاتموت لما كانت في المستشفى بين الحياه والموت وانتي أمك طلعتوا تفتشوا في شقتها واخدتوا باقي مصروف البيت وآخرها عايزين توكلوا مراتي بواقي الفطار
ساميه بشرشحه: وفي ايه عنيا مش نعمه ربنا ولا هانتبطر
محمود بشخط: تتبطر لو كان انتوا كلتوا من الاكل داه مش انتوا تاكلوا فراخ مشويه ومراتي اللي على وش ولاده تاكل فول ومسقعه
الا قوليلي بالحق يا ساميه اللبس الفخم اللي جيباه لبنت اخوكي المطقع والمهلهل والمرقع داه كلفك قد ايه هاا
ساميه وحميده بيبصوا لبعض بلويه بوق الكلام مجاش على هواهم
محمود بزعيق: متردي ايه بلعتي لسانك انا عايز اعرف انتي ملكيش بيت وراجل 24 ساعه قاعده في البيت هنا فهميني عايزه توصلي لأيه بجو الصعبنيات اللي بتعمليه ده
حميده بلوم وزعيق: في ايه نازل فينا سلخ علشان المحروسه اللي ما تتسمى اختك يا حبيبي تقعد في بيت ابوها زي ما تحب ده بيتها وبيت ابوها يعني هي جوه وانتا ومراتك بره ومتخلنيش اتجنن واطلع ارميهالك بره لحد ما يبنلها صاحب
ساميه بتأييد: ايوه يا حبيبي ده بيتي وزي ما ليك زي ما ليا انا وأمي ده بيت ابويا غصب عن عين التخين
محمود بهدوء حذر ونبرة شيطانيه: لا الظاهر انك نسيتي يا حبيبة أمك ان بعد وفاه أبوكي الله يرحمه اصريتي تبيعي البيت وفضحتنيني وعايزه حقي عايزه حقي وانتا هتاكل حق الولايا ولا نسيتي
وكمل بزعيق البيت ده بيتي انا انا اديتك حقك كامل مكمل وانتي يا أمي زيك زيها ايدتييها وعايزه حقي واللي واثق منه انك عطيتيها الفلوس بتاعتك كمان ده شيئ مايخصنيش انا اللي يخصني هي مراتي اللي راعت ربنا فيا اللي صانت غيبتي وحفظت عرضي مراتي اللي مرحمتيهاش انتي وبنتك في أول الجواز وجيت عليها خلاص يا أمي زمن محمود الطيب مات لما شوفتك انتي وبنتك بتسقطوها بعيني ياريت كل واحد يلتزم حدوده ومصروف البيت يطلع لمراتي إلا بالحق يا ساميه فلوس نصيبك في بيت ابوكي عملتي بيها إيه
ساميه بلجلجه وخوف بصتله وسكتت
محمود اقولك انا......
يا ترى محمود هايقول إيه
رواية دماغ سم الفصل الثالث 3 من هنا
لقراءة الرواية كاملة اضغط هنا (رواية دماغ سم)
تابعونا على التليجرام من هنا (روايات شيقة ❤️)
