رواية نجمة كيان الفصل الأول 1 بقلم هاجر سلامة
رواية نجمة كيان البارت الأول 1
رواية نجمة كيان الجزء الأول 1
رواية نجمة كيان الحلقة الأولى 1
رواية نجمة كيان بقلم هاجر سلامة
 |
| رواية نجمة كيان |
رواية نجمة كيان الفصل الأول 1
= عشان خاطري بلاش تعمل كده ده انا ابقى مرات اخوك الله يرحمه مش اخوك وصاك علينا ليه بتعمل فينا كده .
جمال بقسوه..بقولك ايه ياست انتي يلا غوري من هنا روحي في اي حته انا عايز ابيع الشقه دي الشقه مكتوبه باسمي يلا اطلعي بره انتي وبنتك الفقر دي.
إيمان.. طب خليني اشتغل عند مراتك خدامه بس مترميهاش في الشارع احنا ملناش حد في الدنيا غير اخوك الله يرحمه.
جمال بقسوة.. لا امشي غوري من هنا يا ست انتي.
إيمان قعدت تترجاه كثير وبنتها اسمها نجمة اللي عندها سنتينن بتعيط على مامتها.
جمال.. هو انتي يا وليه مش هتسمعي الكلام ومسكها من ذراعها وطلعها بره البيت ومسك بنتها وطلعها وراها.
إيمان قعدت تعيط وقامت تمشي لقت واحدة جارتها اسمها هويدا اي يا ست ايمان ايه اللي مطلعك ف الوقت دا و بتعيطي ليه.
إيمان حكتلها.
هويدا بصلتها بشفقة وقالت خلاص تعالي اقعدي عندي يومين كده كده جوزي مش هنا مسافر هيجي بعد شهر تعالي عندي لحد اما تشوفيلك حل واعملي اللي انتي عايزاه تعالي اتفضلي ودخلتها عندها وبنتها بدات تنام وهويدا اخدتها وودتها اوضه الاطفال وقعدت مع ايمان تتكلم معاها وتهون عليها.
**تاني يوم**
هويدا..بصي يا ايمان في واحده كلمتني على شغل ست محتاجه واحده مربيه لعيالها المرتب هيكون 4,000 في الشهر ولو شاطره وكده هتاخذي اكثر هي في فيلا موافقه تروحي ولا لا
إيمان..بلهفه اكيد موافقه كلميها وبكره هروحلها خليها هي بس تديني العنوان بس ياريت تديني اوضه عندها في الفيلا او اي حته المهم يكون في اوضه ليا ولبنتي.
هويدا.. ايوه فعلا ليكي اوضه هناك خلاص هكلمهالك واديكي العنوان تروحي بكره.
إيمان عيطت.. والله ما عارفه اقولك ايه انتي جدعه واصيله جميلك ده هشيله فوق راسي العمر كله.
هويدا.. متقوليش كده احنا اخوات ومفيش بيننا الحاجات دي لو عوزتي اي حاجه كلميني في واحده هناك معاكي شغاله اسمها كريمه لما تشوفيها قوليلها ان انتي ايمان ولو حصل اي حاجه كلميني معاها رقمي
إيمان.. ربنا يسعدك ويفرحك ياحبيتي
هويدا.. ربنا يخليكي يلا بقى خشي نامي مع بنتك وبكره هصحيكي تروحي وهيكون معايا العنوان بكره الصبح هديهولك.
إيمان.. ماشي تصبحي ع خير.
هويدا..وانتي من اهله.
تاني يوم
هويدا اديتها العنوان وايمان راحت وصاحبه الفيلا اديتها اوضة جمب المطبخ وحطت بنتها فيها وبدات انها تشتغل بعد شهر من الشغل بدا جوز الست صاحبه الفيلا يبصلها نظرات مش حلوه في الرايحه والجايه وايمان بدات تخاف صاحبه الفيلا اسمها صفاء وجوزها اسمه حسن وعندها ولد ٦ سنين و تؤام بنت و ولد.
حسن بدا يقولها كلام قذر من تحت لتحت.
ف يوم صفاء كانت خارجة وايمان كانت مع الولاد بتنيمهم وكانت فاكره انه حسن جوز صفاء في الشغل بس حصل اللي محدش يتوقعه.
إيمان بعد اما نيمت الاولاد طلعت بره الاوضه وتنزل علشان تشوف بنتها وتاكلها لقت اللي بيمسك بوقها وبيزقها على اوضه اتصدمت انه حسن بدا انه يتحرش بيها وهي بتحاول تبعد عنه وتضربه علشان يسيبها وهو مكتفها وبيحاول يقرب منها اكثر واغتص بها بقوه بعد شويه قامت ايمان وهي منهاره من العياط ولبست ونزلت اخذت بنتها وشويه الفلوس اللي كانت محوشاهم ومشيت وقالت حسبي الله ونعمة الوكيل بدات تمشي في الطريق وفجاه لقيت الصدمه.
رواية نجمة كيان.
بقلم هاجر سلامة.
رواية نجمة كيان الفصل الثانى 2 من هنا
لقراءة الرواية كاملة اضغط هنا (رواية نجمة كيان)
تابعونا على التليجرام من هنا (روايات شيقة ❤️)
