رواية لقاء آخر الفصل الخامس 5 بقلم هاجر العفيفى
رواية لقاء آخر البارت الخامس 5
رواية لقاء آخر الجزء الخامس 5
رواية لقاء آخر الحلقة الخامسة 5
رواية لقاء آخر بقلم هاجر العفيفى
 |
| رواية لقاء آخر |
رواية لقاء آخر الفصل الخامس 5
البارت الخامس
يونس بصدمه : لسه حامل ازاى !!
كريمه : مش عارفه يابنى رقيه تعبت واحنا جبنا الدكتوره وقالت كده
رقيه خرجت من الاوضه وقالت بصدمه : الكلام ده حقيقى
ملك سندتها وقالت : ايوه حقيقي يارقيه
رقيه بدموع وفرحه : يعني أنا لسه حامل بجد
يونس ابتسم بسخرية على فرحتها بس محدش لاحظ
كريمه : ايوه يابنتي
يونس بجديه : على العموم موضوع الحمل مش هيغير حاجه المحامى قال إن جمع الدليل وهيروح القسم وهيقدم الدليل
قال كلامه وهو مترقب رد فعلها
رقيه بشرود : تمام المفروض هروح اشهد امتي
يونس : احتمال الاسبوع الجاي
رقيه : تمام
كريمه دخلت تصلى وملك دخلت ترد على تلفونها
رقيه بإحراج : شكرا يايونس على كل ال بتعمله معايا
يونس بجمود : لسه بتحبيه
رقيه اتصدمت من سؤاله وقالت بتوتر : ل ل لاء كنت بحبه دلوقتي لاء
يونس بسخريه : أهه تمام
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروا
أحمد : مش لاقيها
سعاد بصدمه : يعني ايه مش لاقيها
أحمد : رقيه اختفت هي وامها مش فى بيتهم القديم دلوقتي لو قدمت بلاغ ايه ال هيحصل
سعاد : بالعكس ياعبيط لو قدمت بلاغ هما هيقدروا يجيبوها وهيثبت أنها سر"قت كل حاجه وهربت هى وأمها
أحمد : بس كده رقيه هتتحبس
سعاد بغضب : وانت دلوقتي يهمك ست زفته ولا يهمك أننا هنترمي فى الشارع
أحمد بضيق : دى مهما كان كانت مراتى
سعاد بسخريه : طيب ياحنين لازم تدور عليها بأى طريقه
أحمد بحيره : هلاقيها فين
سعاد : البت صاحبتها دي كانت معاها اخر مره اكيد هي عندها
أحمد بغضب : ملك ؟؟
سعاد : انا اعرف بقا اكيد هى
أحمد : تمام انا عرفت هي فين
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
يونس كان فى العياده وخلص شغل بإرهااق ورجع راسه للخلف بتعب وافتكر هو ورقيه زمان
يونس بابتسامه : خلاص ياخالتى اتفقنا أن شاء الله هسافر كام شهر بس أرتب نفسي وارجع نكتب الكتاب علطول
رقيه باندفاع : ايه السرعه دي
يونس باستغراب : مالك يارقيه وبعدين بقولك لسه هسافر يعني هتاخدي وقتك
كريمه : يونس عنده حق يابنتي
رقيه بضيق : ماشى
يونس : هو انتي متضايقه
رقيه بتوتر : ل لاء مش متضايقه ولا حاجه
يونس بشك : تمام
رجع من تفكيره وضحك بسخريه وقال : كنت على وهم انك بتحبيني ياخساره
كان لسه هيقوم دخل عليه الممرض
الممرض باحترام : دكتور يونس في واحده عايزه حضرتك بره
يونس بإرهاق : مش قادر على كشوفات تانى النهارده
الممرض : بس دي عايزه حضرتك ضرورى ومش كشف
يونس باستغراب : خليها تدخل
الممرض دخلها ويونس قال بجديه : حضرتك عايزاني
البنت بتوتر : ايوه مش حضرتك دكتور يونس برضوا
يونس : ايوه
البنت : انا أسمى مريم جايه وعندي ليك حاجه تخص مدام رقيه من طليقها
أحمد بصدمه : رقيه !!!!
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
الباب خبط وملك كانت فى شغلها وكريمه بتصلى رقيه قامت تفتح على أساس أنها ملك قامت بتعب ولبست الخمار وفتحت بس اتصدمت لما شافت أحمد قدامها
رقيه بصدمه : أحمد !!!!
أحمد بخبث : وحشتيني ياروكا
رقيه بعصبيه : عايز مني ايه تاني
أحمد قرب منها وقال : عايزك وعايز نرجع
رقيه زقته بعصبيه وقالت : انت حيوا"ن اطلع بره
اتصدمت لما قلم شديد نزل على وشها منه ووقعت على الأرض من قوة الضربه
يتبع
ياترى ايه ال هيحصل ويونس هيلحقها ولا لاء توقعاتكم ؟؟؟
متنسوش ذكر الله ❤️
#لقاء_أخر
بقلمى #هاجر_العفيفى
دمتم في حفظ الرحمن 💚
رواية لقاء آخر الفصل السادس 6 من هنا
لقراءة الرواية كاملة اضغط هنا (رواية لقاء آخر)
تابعونا على التليجرام من هنا (روايات شيقة ❤️)
