رواية معلمة من الصعيد الفصل الأول 1 بقلم مريم شعبان
رواية معلمة من الصعيد البارت الأول 1
رواية معلمة من الصعيد الجزء الأول 1
رواية معلمة من الصعيد الحلقة الأولى 1
رواية معلمة من الصعيد بقلم مريم شعبان
 |
| رواية معلمة من الصعيد |
رواية معلمة من الصعيد الفصل الأول 1
بسم الله الرحمن الرحيم
(بارت¹)
:نرجع القاهرة ليه يا بابا
:عشان جدك نفسه يشوفك و خالك كمان
:بس انا بحب اعيش هنا
:يا حبيبتي هنرجع علي طول باذن الله جدك تعبان و نفسه يشوفك
:طيب و المدرسة ده فاضل اسبوعين و تبدأ اعمل اي
اسبوعين نكون راجعنا باذن الله يلا يا مودة حضري نفسك
:لا يا بابا مش هسافر لا و تدخل اوضتها
**
ف القاهرة ف فيلا سليم السيد
سليم: أنا كلمت جوز اختك الله يرحمها و قالتله اني نفسي اشوف مودة يا نبيل
نبيل: بجد طيب هتجي
سليم: باذن الله حضري بقي البيت يا سهام
سهام: من عيوني يا حاج ده انا هيطير من الفرحة مش مصدقه مودة جاية
سليم: باذن الله يا بنتي يارب توافق تجي
:مين دي للي توافق تجي
سهام بفرحة: تعال يا عز بنت عمتك جايه بكرة باذن الله
عز: بنت عمتي مين
سهام: مودة يا بني هو انت عندك بنت عمة غيرها
عز: مودة مش دي للي عايشة ف الصعيد هتجي هنا ليه
سليم: أنا للي طلبت كده من صابر أنه يجيب مودة و يجي
عز: ليه يا جدو احنا ناقصين
سهام: عز احترام نفسك عيب كده
عز: حاضر
سهام: معلش يا بابا
سليم: ياريت تعرف عيالك يا نبيل ان بنت اختك زيهم بظبط وان البيت ده بيتها تيجى وقت ماتحب وتمشى وقت ماتحب
نبيل: طبعا يا بابا بيتها طبعا
سليم: تمام أنا عرفت انها مدرسه و عايزها تكون ف مدرستنا
عز: نعم
سهام: عز .. اسكت
عز: مدرستنا اي يا جدو عايز تجيب واحدة جاهلة جاية من الصعيد و تخليها ف مدرستنا الي فيها كل اولاد رجال الأعمال و الوزراء و اهم ناس ف البلد وبيدرسلهم احسن مدريسن تجيب بنت جهله ومتخلفه اقصى حاجه تعرفها عن التعليم الف ارنب ب بطه
نبيل بصوت عالي: عز احترام نفسك و تكلم كويس علي بنت عمتك
عز: فى ايه يا بابا مش بقول الحقيقه .. ازاى هتجيب واحده زى فى مدرسه انترنشونال مستحيل ده يحصل
سليم بغضب :احترم نفسك ياولد .. واه هيحصل يا عز انا الى اقول ايه الى يحصل وايه لا
عزبغضب مكتوم: تمام ياجدى .. عن اذنكم
واتجهه ل اوضته ودخل جاد اخوه الصغير
جاد: مساء الخير خير فى ايه صوتكم عالى ليه كده
سهام: انت رجعت من الدرس بدري كده ليه
جاد: عادي يا سمسم بس مين كان بيزعق
نبيل: اخوك المجنون
جاد: ليه
سهام: عشان بنت عمتك جايه بكرة من الصعيد و جدك عايز يخليها تقعد معنا علي طول ويخليها مدرسه ف المدرسة
جاد: مدرسة اي
نبيل: بتاعتنا
جاد: نعم من الصعيد و ف المدرسة بتاعتنا لا لا طبعا
سليم: خلي الواد ده يطلع هو كمان مش ناقص وجع قلب
جاد: جدو لا هي تجي عادي بس مش نخليهل ف المدرسة يل خبر لو الناس عرفوا اني بنت عمتي جاية من الصعيد و جاهلة
سليم: أنا رايح اوضتى قبل ما ضغطى يعلى اكتر
سهام: أنا معرفتش اربي والله
جاد: أنا قولت اي يعني
نبيل: مين قال انها جهلة يا بنى ادم انت وهو دي اشطر مدرسه عندهم ومتعلمه احسن تعليم
جاد: يا بابا مش انت بتقول من الصعيد هو الصعيد فى تعليم بنات اصلا
سهام: أنا دمي اتحرق منكم أنا رايحة اشوف بابا و تطلع و نبيل يقوم وراها
جاد: هو أنا قولت حاجة غلط ده ايه ده ملهم دول
****
عند موده كانت قاعدة ف اوضتها متعصبة و الباب يخبط
موده: بابا لو سمحت مش عايزة اتكلم
:أنا رحاب يا موده في أي يا بومة
موده: رحاب اقسم بالله انا روحي ف مناخيري مش قادرة
رحاب: يا بنتي اهدي بطلى جنان
موده: هو الي كلمك
رحاب: عمو صابر بصراحه اه ما تروحي تشوفي جدك يابنتى فيها ايه
موده: بت و الله هضربك
رحاب: مش قولنا اهدى
موده: مش عايزة اروح ياستى مش عاوزه انا مبحبش القاهر والزحمه
رحاب: طيب ممكن نتكلم بهدوء
موده: اتفضلى
رحاب: عشان خاطر مامتك الله يرحمها روحي شوفي جدك هو حد قالك عيشى هناك دى مجرد زياره بس هطول شويه
موده: انتي عارفة المدرسة فاضل عليها قد ايه هم اسبوعين
رحاب: دول اسبوعين يا موده مش ساعتين روحي اسبوع و ارجعي علي طول ابوكى كلم جدك و قال إنكم هتكونوا هناك بكرة
موده: شوفتي بقي صابر بيعمل اي من ورايا عشان عارف انى مش هروح بيحطنى قدام الامر الواقع
رحاب: ما انتي عنيدة اوي
موده: مش هروح برضو
رحاب: طيب عشان خاطري أنا
موده: بت اسكتي
رحاب: موده انتى كده بتقطعى صله رحم حرام عليكى
موده: صلة الرحم هم لسه فاكرين اني عندهم حفيدة
رحاب: خليكى انتى الاحسن و روحي .. عشان متصغريش عمو صابر قدمهم كمان
موده:
رحاب: هه قولتى
موده: هقول ايه يعنى اهو اسبوع ويعدى
باب اوضتها يتفتح
:الله اكبر عليكي يا رحاب عرفتي تقنعها
موده: الله انت واقف ورا الباب يا حاج صابر مش عيب الحركات دي
صابر: حضري شنطتك يلا يا قلب باب
بتروح موده عنده بعصبية و تبوس خده
موده: هروح عشان خاطرك بس
صابر: ربنا يحفظك ليا يارب
يخرج
رحاب: يلا نحضر الشنط
موده: يلا و يروحوا و رحاب كانت معها
موده: رحاب هاتي الخمار و الجلباب الكشميري هلبس كده بكرة
رحاب: تمام يا حبيبتي اهو علي جنب
موده: تمام خلصت كده
رحاب: تمام قوليلى صحيح
موده: نعم
رحاب: انتِ متعرفيش اي حد ف أهل مامتك غير طنط سهام صح
موده: اه يا بنتي ما انتِ عارفة هي الوحيدة الي بتكلمني علي طول
رحاب: ربنا يحفظها ليكي يارب عندك ولاد خال صح
موده: اه أربعة ماهر و عز و زهراء وجاد
رحاب: ماشاء الله تعرفي حد فيهم
موده: أنا بكلم زهراء بس معرفش الباقي غير من خالتو سهام
رحاب: كب كويس بتأكد انك مش هتطونى لوحدك اوى .. يلا همشى انا بقى
موده: ليه لسه بدري
رحاب: لا كفاية كده نامي عشان تقومي بكره بدري
موده :حاضر
و تمشي رحاب
صابر: تعالي دود عاوزك
موده: نعم يا بابا
صابر: أنا عارف انك بكرة رايحة غصب عنك بس يا بنتي انا بعمل ده كله عشان خاطر مامتك عشان تكون مرتاحة و مبسوطة بينا صدقني أنا كل للي يهمني ف الموضوع والدتك الله يرحمها فمتزعليش و هنرجع علي طول
موده: الله يرحمها مش زعلانة يا بابا انت عندك حق انا بس اتعصبت عشان انت عارف ان بحب حياتى هنا ومبحبش اغيرها
صابر: صح يا بنتي يلا قومي نامي عشان بعد الفجر علي طول هنمشي باذن الله
موده: باذن الله تصبح على خير
صابر: و انتِ من أهله
***
ف غرفة سليم قاعد علي الكراسي و ماسك صورة بنته (والدة موده) و الباب يخبط
سليم: ادخل
سهام: عامل اي يا بابا
سليم: كويس يا بنتي تعالي
تروح عنده
سهام: أنا اسفة جدا علي كلام عز و جاد هم بس لسه مش عارفين موده
سليم: الغلط عليا أنا انا غلطان سبتها السنين ده كلها و جاي دلوقتي اسال عليها تفكتري هتحبني و توافق تعيش معنا هنا
سهام: باذن الله يا حبيبي باذن الله
سليم: يارب يارب
سهام: يلا بقي عشان تاكل و تاخد الدواء
سليم: حاضر يا بنتي
**
عند موده بترد على تلفيونها
موده: عايزة اي انتي كمان
زهراء: كلمني باحترام
موده: بت اخلصى
زهراء: بقولوا انك جايه بكرة صح ده
موده: اه يا ختي صح
زهراء: يلاهوى على الفرحه انا فرحانة اوي اوي انك جايه
موده بفرحة علي فرحتها: اه يا حبيبتي باذن الله بكرة بليل هكون عندكم
زهراء: اخيرا هشوف
موده: حضري اوضتك بقي عشان انام عندك الاسبوع ده
زهراء: ده انتي تنوري بس اسبوع اي
موده: اه ما أنا هيجي اسبوع و امشي علي طول
زهراء: بتهزري صح
موده: عندي مدرسة يا بنتي و لازم اكون موجودة عشان الدروس و الطلاب و حوار كبير كده
زهراء: انتِ رخمه اوي
موده: شكرا يا محترمة
زهراء: امشي يا موده
موده: سلام يا حب المهم اجى الاقيكى مجهزه الغدا
زهراء: حاضر يا ختي يلا سلام مفجوعة
موده بضحك: سلام
*
نرجع القاهرة ف اوضة عز قاعد هو ماهر
عز: شفت جدك بيعمل اي
ماهر: عامل اي يعني ده بنت عمتك المفروض تتكلم عنها باحترام
عز: بيقولك عايشة طول عمرها ف الصعيد يعني مش شبهنا
ماهر: عز بطل طريقة الكلام دي دي بنت عمتك فى الاول وفى الاخر وكمان مالهم الصعايدة يعني
عز: اكيد تعلمه قليل لو متعلمه اصلا واسلوبها هيكون ايه تفتكر
ماهر: انت شوفتها عشان تحكم عليها
عز: ما هو واضح زى الشمس اهو تفتكر بنت عايشه حياتها كلها فى الصعيد هتعرف ايه عن الاتيكت والرقي وحياه القاهر عمتا لا وكمان جدك عاوزه تبقى مدرسه فى مدرستنا دى هي الى عاوزهه تتعلم اصلا
ماهر: انت يا بني جدك تعبان بطل اسلوب ده وكمان ممكن هى متوافقش اصلا
عز: دي ما هتصدق تقعد ف فيلا زى دى وهي طول
ماهر: أنا رايح اوضتي انت النقاش معاك ملوش فايده
عز: احسن بردو امشى دى لو خلتها تقعد اكتر من اسبوع هنا مبقاش انا عز
جاد: عز عز
عز: عايز اي يا زفت
جاد: هات ٣٠٠ جنية
عز: ليه أن شاء الله
جاد: عايزهم يا سيدي هيجيب حاجة
عز: طيب خد من الدرج عندك
جاد: حبيبي يا اخوي حبيبي و ياخد الفلوس و يخرج
عز: صبرك عليا ياست المدرسه
*
الفجر في بيت موده صليت و قرأت الاذكار و الورد و قامت تجهز لبست جلباب كشمير و خمار من نفس الوان
موده: قمر يا موده قمر
صابر: موده
صابر: نعم يا بابا خلصتي يا بنتي
موده: اه يا حبيبي انا جايه و تخرج
صابر: ماشاء الله قمر
موده: حبيبي
صابر: انتِ حاطة حاجة ف وشك
موده: لا و الله ده كريم مرطبب وسن بلوك بس
صابر: تمام يا حبيبتي يلا بينا
موده: يلا و يخرجوا و يركبوا عربية صابر
صابر: دعاء السفر يا موده
موده: الله أكبر الله أكبر الله أكبر سبحان الذي سخر لنا هذا وما كنا له مقرنين وإنا إلى ربنا لمنقلبون اللهم إنا نسألك ف سفرنا هذا البر والتقوى و من العمل ما ترضي اللهم هون علينا سفرنا
صابر: الهم امين يلا توكلنا على الله
موده طلعت عسيلة و قعدت تاكلها
صابر: يا بنتي ارحمني ده رابع عسيلة لحد دلوقتي
موده: بحبها اوي يا بابا
صابر: بالهنا يا حبيبتي
موده: هو فاضل كتير
صابر: لسه بدري
موده: تمام و سرحت ف المنتظر ليها هناك يا ترى هتكون اول لقاء ليها مع اهلها ازاى يا ترى هيكونوا مبسوطين بوجدها ولا لا
موده: يارب خير يارب
و تسند رأسها علي الشباك
.......
#معلمة_من_الصعيد
#مريم_شعبان
رواية معلمة من الصعيد الفصل الثانى 2 من هنا
لقراءة الرواية كاملة اضغط هنا (رواية معلمة من الصعيد)
تابعونا على التليجرام من هنا (روايات شيقة ❤️)
