رواية معلمة من الصعيد الفصل الثالث 3 بقلم مريم شعبان
رواية معلمة من الصعيد البارت الثالث 3
رواية معلمة من الصعيد الجزء الثالث 3
رواية معلمة من الصعيد الحلقة الثالثة 3
رواية معلمة من الصعيد بقلم مريم شعبان
 |
| رواية معلمة من الصعيد |
رواية معلمة من الصعيد الفصل الثالث 3
بسم الله الرحمن الرحيم
(بارت³)
موده: صباح الخير
الكل: صباح النور
سهام: تعالي يا حبيتي افطري ،موده راحت قعدت جنب صابر
موده: أنا حضرت شنطتي
صابر: تمام يا حبيبتي
نبيل: ليه انتوا ماشين
موده: لا يا خالو هنروح عند عمتو احسن هكون قاعدة براحتي هناك
سهام: ليه يا بنتي حد زعلك مننا
موده: لا و الله بس عادي يعني اروح أقعد معها شوية
سهام: يا بنتي
موده: يا سوسو هكون مرتاحة
سهام: تمام يا بنتي
صابر: يلا يا موده
سهام: انتوا كده فطرتوا
موده: اه الحمدلله اشوفكم بكرة علي خير باذن الله
*
صابر و موده راحوا عند أخته
ف فيلا سليم السيد
سليم كان قاعد ف مكتبه هو نبيل و ماهر
سليم: البنت مش عايزة تقعد حتي يومين هنخليها تقعد على طول ازاي
نبيل: يا بابا عشان لسه مش متعودة علينا
سليم: لا دي عايزة ترجع انهاردة قبل بكرة بلدها و شوفت راحت عند عمتها علي طول مش عايزة تقعد معنا ف لازم نعمل حاجة عشان تقعد معنا علي طول
نبيل: هنعمل اي يعني
سليم: لو اتجوزت واحد من عيالك هتقعد علي طول
ماهر: أنا برة اللعبة دي
سليم: مش قصدي عليك انا قصدي علي عز
نبيل: طيب ازاي عز مستحيل يوافق هنعمل اي
سليم: هقولكم
*
عند موده و صابر واصلوا عند عمتها ف مكان شعبي
صابر: عمتك عايشة هنا و يشاور علي شقة
موده: الله دي بلكونة بتاعتها كلها زرع
صابر: اه ما عمتك بتعشق الزرع يلا نطلع
موده: يلا و يطلعوا و صابر يخبط علي الباب و تفتح امرأة ف سن الخمسين (هيام)
صابر: السلام عليكم ورحمه الله وبركاته
هيام: وعليكم السلام ورحمه الله وبركاته يا حبيبي و تحضنه
موده: نحن هنا اخدتي اخوكِ بالحضن و انا يا ست هيام
هيام: بسم الله ماشاء الله تعالي يا قلب عمتك و حضنتها
موده: عاملة اي
هيام: الحمدلله بخير يلا بقي واقفة من الصبح بعمل فطير عشان خاطر عيونك
موده: فطير و عسل اسود و جبنة قديمة صح
هيام: صح يا حبيتي
موده: طيب يلا يا هيام ده الواحد جعان اوي و تدخل
صابر بضحك: مجنونه
هيام: ربنا يحفظها
****
نبيل: متسحيل يا بابا هنضحك عليهم
سليم: اه عشان ابنك مش هيوافق ولا موده هتوافق علي الجوزاة ف احنا نعمل كده عشان يوافقوا
ماهر: ده جواز اجباري
سليم: اي كان المهم بنت عمتك تفضل هنا
ماهر: دي أنانية
نبيل: ماهر اتكلم كويس
ماهر: أنا خارج اساسا بس خلي ف بالك يا جدو ده حرام للي انت عايز تعمله ده و يخرج
نبيل: الصراحة يا بابا عنده حقيقي
سلي:م محدش ليه دعوة أنا هعمل كده و مش عايز حد يعرف
نبيل: تمام يا بابا و يخرج
سليم: لازم تفضل معايا علي طول لازم
****
موده: الله عليكي يا عمتو حلو اوي
هيام: بالهنا يا حبيبتي اقوم اعمل شاي
موده: لا خليكي هقوم أنا
هيام: لا يا بنتي
صابر: يا ستي اقعدي سيبها هي
موده دخلت المطبخ غسلت الاطباق و وقفت تعمل شاي عند هيام و صابر
هيام: عامل اي يا اخوي
صابر: كويس الحمدلله
هيام: و القردة دي عاملة معك اي
صابر: هي مطلعة عيني بس قلبها طيب
هيام بضحك: معلش هي شكلها مجنونة شوية
صابر: شوية دي مجنونة كتير
موده: أنا المجنونة دي
هيام بضحك: الصراحة اه
موده: شكرا شكرا أنا اروح اكمل المواعين احسن
****
سهام: أنا مش موافقة علي كده
نبيل: بس صوتك عالي أنا غلطان اني قولتلك
سهام: كمان مش عايز تقولي مستحيل لا مستحيل اعمل ف ابني و موده كده
نبيل: و الله أنا كمان مش موافق
سهام: طيب هنعمل اي
نبيل: مش عارف الصراحة أنا تعبت اوي
سهام: كل حاجة ليها حل
نبيل: طيب اي ماهر مراته ماتت بقالها اربع سنين و هو لسه مش عايز يتجوز زهراء تعبانة و مفيش حل ل فوبيا بتاعتها و جاد و مصايب بتاعته جواز عز للي انا متأكد أنه لو عرف احنا عايزين نعمل هسيب البيت اعمل اي دلوقتي
سهام: صدقني كل حاجة ليها حل عز و موده مش لازم يتجوزوا مش لازم نسمع كلام بابا المرة دي ما كل مرة بنسمع كلامه و بيحصل مصايب بسبب القرار بتاعه ماهر ربنا يرزقه بالزوجة الصالحة للي تكون كويسة مع عياله زهراء بدعي ربنا كل يوم انها ترجع كويسة جاد ربنا يهديه
نبيل: يارب يارب
سهام: بس خلي ف بالك أنا بحب بابا اه و علي راسي بس عيالي خط احمر يا نبيل كفايه ماهر بوظتوا حياته و خرجت
نبيل: يارب اعمل اي أنا اسمع كلام ابوي للي متاكد أنه غلط ولا اعمل اي
******
عند هيام كانوا قاعدين بيشربوا شاي بالنعناع و الباب يخبط
هيام: ده اكيد حاتم
موده: هقوم افتح و تروح
موده: جايه اصبر يا زفت و تفتح
حاتم: ساعة عشان تفتحي
موده: براحتي ادخل يلا و اقفل الباب وراك و تدخل
حاتم يدخل: انتِ يا بت
موده: نعم
حاتم: بالحضن يا قلب اخوك و حضنها( اخوات ف الرضاعة)
موده: عامل اي
حاتم: كويس الحمدلله اخبارك
موده: زى الفل و يدخلوا
حاتم: اهلا خالو عامل اي
صابر: الحمدلله يا بني
هيام: عامل دوشة ليه
حاتم: ما الزفتة دي بقالها ساعة جاية عشان تفتح
موده: براحتي براحتي
صابر: لا انا مش عايز خناق دماغي مصدعة و هقوم انام شوية مسعش دوشه
موده: حاضر
هيام: لو سمعت صوت حد فيكم هيبات برة
موده: الكلام ده طبعا لك يا حاتم
هيام: لكوا انتوا الاتنين ياحبيبتى و تقوم
موده: بتموت فيا ياعمتو والله
حاتم: منورة
موده: بنورك يا حبيبي
حاتم: حبك برص
موده: يا عم أنا كلمتك عامل اي ف الشغل
حاتم: كويس الحمدلله و يطلع المسدس بتاعه
موده: هتموتني و لا اي
حاتم: يكون احسن و الله نفسي اخد مرة عندنا القسم كده هنعمل معكي الواجب و زيادة
موده: تاخد بنت خالك القسم عيب ف حقك و الله
حاتم: عادي مش مهم
موده: لا يا واد شكلك قمر و انت داخل كده باشا ف نفسك كده انت رتبه اي صح
حاتم بتكبر مصطنع: رائد
موده :فخور اوي لمي تبقي لواء هتعمل اي
حاتم: اول حاجة هقطع علاقتي بيكي
موده: انت تحمد ربنا اني ف حياتك يا بني اسكت اسكت
حاتم: طيب ما تخليكي جدعة و اعملي اي سندوتش
موده: افكر
حاتم: يا بت اخلصي
موده: حاضر عشان بس شكلك تعبان
حاتم: اه يا بنتي أنا من امبارح اساسا ف القسم
موده: ربنا يعينك يا حبيبي
حاتم: يارب
**
سليم: نبيل كلم موده خليها تجي عندنا
نبيل: يا بابا سيبها تقعد انهاردة و بكرة تجي
سليم: خايف تسافر خايف تروح مني تاني
نبيل: متخافش بس خليها عند عمتها احسن ليها هتكون مرتاحة هناك
سليم: ليه احنا مالنا يعني ما تقعد معنا
نبيل: يا بابا مش متعودة علينا
سليم: تمام عايزك تكلم موده تقولها تعالي عشان اقولها
نبيل: لو سمحت لا مش عايز اعمل فيهم كده
سليم: و انا قولت هنعمل مش عايز كلام تاني
نبيل: يا بابا
سليم: نبيل أنا قولت كلمتي بالله لو ده مش حصل انت ولا ابني ولا اعرفك اي علي اخر زمان مش هتسمع كلامي
نبيل: تمام يا بابا بعد اذنك
****
عند هيام كانوا قاعدين كلهم و موبايل موده يرن
موده: دي زهراء و ترد
موده: السلام عليكم ورحمه الله وبركاته
زهراء: وعليكم السلام ورحمه الله وبركاته عاملة اي
موده: الحمدلله بخير
زهراء: بقولك يا موده جدو عايزك
موده: حاضر باذن الله بكرة هيجي
زهراء: لا دلوقتي
موده: دلوقتي ليه ف حاجة
زهراء: مش عارفة هو قال اكلمك اقولك أنه عايزك
موده: هشوف بابا و هرد عليكي
زهراء: تمام و تقفل
صابر: في أي
موده: زهراء بتقول اني جدها عايزني دلوقتي
صابر: دلوقتي
موده: اه اعمل اي
هيام: روحي يا بنتي
صابر: طيب يلا هلبس و اجي معكي
هيام: خليك انت حاتم يروح معها و انت أقعد
حاتم: تمام خليك صح يا خالي
صابر: لا يا بني انت عندك شغل
حاتم: لا يا خالي لسه هروح القسم بعد الفجر كده هروح اوصلها و اجيبها و نجي علي طول
صابر: تمام يا بني قومي البسي يا موده يلا
حاتم: خمس دقائق و تكوني جاهزة
موده: ده ازاي يعني
حاتم: اظن يعني مفيش مكياج و مفيش اي حاجة فاضية بتلبسي جلبابك و خمارك و يلا بينا
موده: و مين قالك اني مش بحط مكياج هحط براحتي
حاتم: الكلام ده صح يا خالي
موده: مش مصدقني أنا أقوم اجهز بقي و تقوم
حاتم: اقسم بالله لو حطتي حاجة علي وشك مفيش نزول أساسا
موده: انت مالك يا اخ انت
حاتم: هضربك أنا اخوكي الكبير علي اخر الزمان تحطي مكياج قال
صابر: يا بني بتهزر و اي هضربك دي
حاتم: احم مش صدقي ضرب يعني دي كلمة بس شوف بتقولك هتحط مكياج
موده: يا عم بهزر
حاتم: ايوه كده يلا البسي بسرعة يلا
موده: حاضر يا باشا
هيام: بطلوا جنان بقي
حاتم: هي للي بتحرق دم الواحد
صابر: يعني يا ذكي هي من امت بتحط مكياج هي و خارجة
حاتم: قولت يمكن البت انحرفت
صابر: انحرفت انحرفت
حاتم: طيب استأذن أنا بقي
صابر: أقعد مكانك يا حيوان مين دي للي انحرفت
هيام: احمد ربنا انها بتلبس اقسم بالله لو سمعتك هتولع فيك
حاتم: أنا الرائد حاتم يتولع فيا
صابر: رائد علي نفسك
حاتم: خلاص يا حاج بهزر بهزر
هيام: طيب البس يا بني عشان تروح مع موده
حاتم: هروح كده
هيام: ترنج
حاتم: اه
هيام: روح البس حاجة كويسة
حاتم: مش هنزل من العربية
هيام: براحتك
موده خرجت: يلا أنا خلصت
حاتم: يلا
موده: هتنزل كده
حاتم: لا ثواني و يروح يجيب المسدس بتاعه
موده: احم انت جايب ده ليه
حاتم: عشان اقتلك و اخلص
موده: أنا بقول اروح انام احسن
حاتم: يلا يا بت قدامي
موده: حاضر يا باشا سلام يا جماعة و تخرج
صابر: خلي بالك منها
حاتم: من عيوني يا باشا
****
عز: أنا مش عارف انا قاعد ليه انا ورايا مشوار أنا مالي ست الحسن والجمال جاية اعمل اي مش هي لسه ماشية الصبح
نبيل: ما تقعد ساكت بقي
عز: يا بابا ورايا مشوار مهم أقعد ليه
ماهر: جدك قال كده
عز: اوف بقي
سليم: عامل دوشة ليه
عز: يا جدو عندي شغل و لازم أخرج
سليم: مش لازم أنا عايزك ف موضوع مهم
سهام: أنا مش موافقة يا بابا
نبيل: اطلعي فوق يا سهام و ملكيش دعوة
سهام: لا
عز: في أي يا ماما
سهام: عايزينك تتجوز موده
نبيل: سهام اطلعي فوق
عز: اتجوز مين ده هزار صح
سليم: لا مش هزار هتتجوز موده انا قررت
عز: يعني اي قررت ده متسحيل يحصل أنا لسه شايفها امبارح و هي برضو ذنبنا اي نتجوز بسببك انت أنا مش هعمل كده
سليم: لو معملتش كده اعتبر جدك مات و تطلع برة
عز: طيب تمام انت للي قررت أنا مش زيهم هسمع كلامك و كل مرة بتكون غلط
نبيل: اتكلم كويس
عز: أنا مش بقول حاجة غلط ليه الظلم ده ليه تظلموا موده دي لسه جايه حرام عليكم بجد و كنت عايزها تحبك تحبك ازاي كده هتكرهك اكتر ليه علي طول عايز كلامك يمشي ليه عايزين كلنا نعيش ف حزن بس عشان انت تكون مشيت كلامك بجد حرام عليك ليه بتعمل فينا كده
نبيل: عز اطلع برة مش عايز اشوف وشك و اتكلم كويس
عز: تمام أنا ماشي اساسا
سليم: لو خرجت مش هترجع تاني و اعمل حسابك بنت عمتك جاية و لو مش موافقة مش هتخرج من هنا غير لمي توافق
عز: اي ده بجد
سليم: ده للي هيحصل كلامي همشي علي الكل عايز تمشي اتفضل بس هتجوز غصب عنك و غصب عنها كمان
عز: أنا أمشي
سهام: عز عز
نبيل: سهام متروحيش ورايا و يلا علي فوق
سهام: ابني لا حرام عليك يا بابا
سليم: كلامي هيمشي غصب عنكم كلكم و يدخل مكتبه
سهام: عجبك الكلام ده
ماهر: اهدي يا ماما كل حاجة ليها حل
*
عز كان خارج ف وقت دخول موده بوابة الفيلا عز جري عندها استغربت هو بيجري كده ليه
عز: ارجعي بسرعة
موده: ف اي
عز: مش وقت كلام و شدها من أيدها
موده: سيبي ايدي كده حرام
عز: اسف بس لازم نمشي بسرعة و يخرجوا
موده: انت يا بني سيبي ايدي؛ ينزل حاتم من العربية
حاتم: انت يا كابتن ماسكها كده ليه و يشد موده
عز: انت مين انت
موده: حاتم ابن عمتي
عز: طيب امشوا بسرعة
موده: ليه في أي
عز: اقسم بالله ما وقت كلام لو قعدتي ثانية هنا مش هتخرجي تاني
موده: طيب في أي
عز بزعيق: جدو عايزنا نتجوزِ غصب
موده بصدمة: اي
حاتم: طيب يلا اتفضل معنا و يركبوا كلهم و يمشي حاتم
موده: ممكن تفهمني في أي
عز حكلها كل حاجة
موده بصدمة: بتهزر اتجوزك انت
.........
#معلمة_من_الصعيد
#مريم_شعبان
رواية معلمة من الصعيد الفصل الرابع 4 من هنا
لقراءة الرواية كاملة اضغط هنا (رواية معلمة من الصعيد)
تابعونا على التليجرام من هنا (روايات شيقة ❤️)
