رواية منى وعلى الفصل الثانى 2 بقلم أحمد محمود
رواية منى وعلى البارت الثانى 2
رواية منى وعلى الجزء الثانى 2
رواية منى وعلى الحلقة الثانية 2
رواية منى وعلى بقلم أحمد محمود
 |
| رواية منى وعلى |
رواية منى وعلى الفصل الثانى 2
منى وعلي 2
لاقيت في يوم الباب بيخبط بالليل متأخر
كانوا العيال نايمين وأنا وعلي سهرانين قدام التليفزيون
جري بسرعه جوزي وفتح الباب واتصدمت لما لاقيت
جارتي واقفه بشعرها و بهدوم بيتي خفيفه ومبينه جسمها
جوزي استغرب وسألها خير يا ست هالة في حاجه
ارجوك يا أستاذ علي الحق بنتي سها قاطعة النفس خالص
يا ساتر يا رب
طب اسبقيني وانا جاي وراكي حالا
قبل ما جوزي يتحرك ..قولتله على فين ؟
انتي مش شايفه
اه شايفه شايفه كل حاجه ...الست هاله لابسه
هدوم تكشف اكتر ما تستر
يا ستي هي في ايه وانتي في ايه
اكيد من لهفتها على بنتها مخدتش بالها هي لابسه ايه
وسبيني بقى اروح اشوفهم ..دول ولايا ومفيش معاهم راجل
طيب روح يا شهم ...روح
بعدها بثواني قولت ايه الهبل دا
هو انا هسيبه كدا ..رجلي على رجله
وروحت وراهم ..دخلت الشقه عندهم
ولقيت البنت واقعه ع الأرض وبتتشنج
جوزي شالها من ألارض وقال هي فين اوضتها
اهي من هنا اتفضل
دخل قدامها ولسه هتمشي وراه
مسكتها من دراعها
هو انتي مش واخده بالك من لبسك
بصت لنفسها وقالت ..يوووه معلش مخدتش بالي
هدخل احط الشال على كتفي
دخلت ورا جوزي الأوضة ولقيته بيحاول
يفوق البنت ..
وطلب من مامتها برفان
جات جري وهي حاطه شال على كتفها
وخايفه وقالت اتفضل يا أستاذ علي
رش عليها شوية وبعدها مسح على وشها
والبنت فتحت عيونها وهديت
بس بصت لنا بأستغراب
متخافيش يا حبيبتي
دا عمو الأستاذ علي جارنا
ومراته طنط منى ..
حمدلله على سلامتك يا سهى
انا مش عارفه اشكرك ازاي
لا شكر على واجب الناس لبعضها
سألتها
هي الحالة دي اول مره تجيلها
لا هي جات لها كام مره قبل كدا بس على فترات متباعدة
طب وايه السبب
الدكتور قال ضغط عصبي وارهاق بسبب الثانوي
اصلها في 3 السنه دي
جوزي قالها
ماشاء الله ربنا يوفقك يا سها
انا مدرس انجليش على فكره لو احتجتي اي مساعده
او في حاجه وقفت قدامك في المنهج انا موجود
متشكر اوي يا مستر علي ..معلش تعبنا حضرتك
مفيش تعب ولا حاجه ..المهم انها بخير
بعد اذنكم تصبحوا على خير
بعد ما رجعنا شقتنا
قولتله
معزمتهمش ليه ع الغدا بكره بالمره
ليه يعني ؟
اصلي شايفاك مهتم اوي بست هالة وبنتها كدا
عادي يعني
عادي أزاي ؟
عادي يعني عادي ..دول ناس جيرانا ولوحدهم
وبعدين الناس لبعضيها ....ويلا بقى عشان ننام
ليلتها معرفتش انام وحسيت أن وجود الست دي
وبنتها في حياتنا مش مطمني ..وكان عندي حق
..
بعد كام يوم كنت قاعده في الصاله بجهز الغدا
زمان جوزي على وصول
سمعت صوت خطواته ع السلم
انا عارفه انه هو ..جوزي بقى وبحس بيه
بس قبل ما يوصل... باب شقة هالة جارتي اتفتح
وسمعتها بتقوله
حمدلله على السلامه يا أستاذ علي
الله يسلمك يا ام سها ..طمنيني سها عامله ايه دلوقت
لا الحمدلله بخير ..ربنا يبارك في عمرك
ما تتفضل عندنا...انا عامله غدا هتاكل صوابعك وراه
يجعله عامر يا ست هالة متشكر
ايه هو انت بخيل ولا ايه
لا أبدا ...
يتبع
رواية منى وعلى الفصل الثالث 3 من هنا
لقراءة الرواية كاملة اضغط هنا (رواية منى وعلى)
تابعونا على التليجرام من هنا (روايات شيقة ❤️)
