رواية الاسطا سارة الفصل الرابع 4 بقلم فاطمة عادل
رواية الاسطا سارة البارت الرابع 4
رواية الاسطا سارة الجزء الرابع 4
رواية الاسطا سارة الحلقة الرابعة 4
رواية الاسطا سارة بقلم فاطمة عادل
 |
| رواية الاسطا سارة |
رواية الاسطا سارة الفصل الرابع 4
البارت 4
طلعت تجرى سارة وسلمى على صوت الص|ريخ
سارة : معاذ ...
معاذ كان واقع على الأرض مش قادر يقوم وراسه مف|توحه وميس جنبه بتعيط
سارة جريت عليه بسرعه وشالته من ع الارض
سلمى : يلا بسرعه على اقرب مستشفى وانا معاكى
خرجت سارة شايله معاذ وسلمى ماسكه ميس فى ايديها وبيجروا بسرعه
اول ماخرجت من باب البيت بدور على تاكسى ولا حاجه
سيد : خير ياست الكل ، فى حاجه
سارة : بقولك ايه ، مش ناقصه اهلك ، غور من وشى
سيد : ليه بس احنا فى الخدمه ، ماله الكتكوت الصغير
سلمى : زى مانت شايف مت|عور واحنا مستنين تاكسى
سيد : تاكسى وانا موجود ، العربيه تحت امرك ياست البنات
سلمى بصت لسارة وسارة من خوفها على اخوها قالت يلا احسن من الوقفه
وصلوا المستشفى وسيد نزل معاهم
سارة: متشكرين لحد هنا يا حاج سيد
سيد : تلاته بالله العظيم ابدا ، لازم اطلع اطمن على الكتكوت الصغير
سارة : يلا ياسلمى والنبى علشان مش نقصاه
طلعوا يجروا جوة المستشفى وسيد وراهم
اول ما وصلوا لقسم الطوارئ
سارة : دكتور ارجوكم بسرعه
الممرضه : الدكتور عنده حاله جوة ، استنى هنا وشويه وهو يطلع
سارة : انتى مش شايفه اخويا بي|نزف ازاى ، استنى ايه انا لازم ادخل حالا
الممرضه : هو الدكتور فاضى وانا حوشته ، بقولك عنده حاله جوا
سارة : لسه هتتكلم لقت اللى بيتكلم من وراها
هو انتى بتكلميها كده ليه
سارة بتبص لقت تميم واقف وراها
سارة : انت
تميم بيتكلم مع الممرضه ، بقولك بتكلميها كده ليه ، انتى مجرد ممرضه هنا يعنى تعاملى الناس بأدب
ايهاب : خلاص ياتميم
الممرضه مشيت وهى خايفه
تميم : خير يا انسه سارة فى ايه
سارة : احم مفيش بس لو سمحت عايزة ألحقه وهى منعتنى ادخل للدكتور
تميم : تعالى معايا
مشيت معاه وسلمى وراها وايهاب حرفيا مش منزل عينه من عليها
( سلمى بنت جميله جدا ورقيقه محجبه وجمالها هادى وبتحب سارة أوى لأنهم اصدقاء من الطفوله )
تميم دخل عند الدكتور ووراه سارة شايله معاذ
فتح الباب ودخل
الدكتور : ايه الهم|جيه دى ، ازاى تدخلوا كده بدون استئذان
تميم: اولا الزم حدودك واعرف انت بتكلم مين ، ثانيا لو كنت مشغل معاك ناس كويسه كان زمانهم بلغوك أن فى حالة طوارئ برة
الدكتور : برضو مينفعش تدخل بالطريقة دى
تميم : هسيب بقى المهم ويمسك فى طريقة دخولى ، لو سمحت اكشف ع الطفل اللى دم|ه اتصفى الاول وبعدين اتكلم
سارة حطت معاذ ع السرير والدكتور بدأ يكشف
الدكتور : محتاج تلات غرز
سارة اتخضت على اخوها وبدأت تدمع بس مش عايزة تبين ضعفها قدام حد : تمام يادكتور اعمل الازم
تميم فى عقله : ياترى مين الطفل ده ، ابنها ولا ايه ، بس لو هى متجوزة هتشتغل على ميكروباص ليه ، طب مطلقه ، يووووو روق ياتميم بكرة تعرف كل حاجه
خلص الدكتور خياطه وشالت سارة معاذ وخرجت ووراها تميم وسلمى وايهاب واقف وسيد واقف على جنب
سارة : متشكرة اوى ياباشا على وقفتك معايا
هو حضرتك هنا ليه ، انا اسفه يعنى بس بقيت بشوف حضرتك اكتر من اهلى وضحكت
تميم : صدفه مش اكتر ، جاى احقق فى قضيه
سارة : ربنا معاك ياباشا
تميم : متشكر
ايهاب بيبص على سلمى ومعجب بيها جدا وهى ملاحظه ومتوترة اوى
سيد : مش يلا ياست البنات
سارة بقرف : هو انت لسه هنا
سيد : يعنى اسيبك يعنى ميصحش
تميم بيبص عليه ولسه هيتكلم شاف ناس هو عارفهم كويس داخلين
منصور عطا : تاجر مخ|درات كبير ومعروف ، مسنود من ناس كبار ومحدش يقدر يحاسبه ، لكن تميم حلف أنه هيجيب أج|له ولازم القبض عليه يبقى على أيده
منصور : اهلا بتميم باشا ، ياترى انت هنا ليه ، على العموم احب اقولك متتعبش نفسك اللى جوة ده مش هيفتح بقه بكلمه
تميم حط أيده فى جيبه : وانت مالك متاكد اوى كده ليه
منصور : عيب عليك ياباشا ، انت مش بتكلم اى حد ، وبعدين انا حبايبى كتير يعنى زى ما قولتلك متتعبش نفسك
تميم : هنشوف يا منصور وخليك فاكر كويس اجلك على أيدى
منصور بضحكه شريرة : بلاش تفتح صدرك اوى كده عليا ، لو مش خايف على نفسك ، خاف على اختك اللى باتصال واحد منى ممكن تاخد فيها العزا بكرة
تميم مسكه من هدومه : قسما عظما اجيب اج|لك انت وأهلك لو لم|ست بس شعره منها
البودى جارد بتاع منصور قرب عشان يحوش تميم ، شاور منصور بايده: سيبه يارجاله ، حقه يت|هور دى أخته برضو
تميم : اختى اللى لو بس فكرت تلمسها هتشوف اسود ايام حياتك
منصور ضحك وبص على سارة اللى واقفه ورا تميم : والامورة تخصك
تميم : انت مال اهلك ، ايهاب خد الانسه واخواتها وخرجهم من هنا
ايهاب : مش هسيبك لوحدك
تميم : اسمع الكلام ، محدش يقدر يقربلى
اخدهم ايهاب وخرج
تميم : ايه اللى جابك ، جاى تهدد المسكين اللى جوا ، بس احب اقولك ابنك الهربان ده هجيبه وهحصرك عليه وهتشوف ، حتى لو اللى جوة ده قال إنه مقربش منه
منصور نفخ دخان السيجارة فى وش تميم : هنشوف ياباشا ، ورينا شطارتك ، يلا يارجالة
مشى منصور ووراه البودى جارد بتوعه واول ما اختفى من ادام تميم
تميم طلع موبايله بسرعه واتصل على أخته
جميله : ايه يا تيمو لحقت وحشتك
تميم اتنهد براحه : اه ياقلب اخوكى وحشتينى اوى
جميله : وانت كمان ياحب ، بس هسيبك دلوقتى عندى محاضرة وشويه واتصل بيك
تميم : جميله خلى بالك على نفسك لو سمحت وبلاش تتكلمى مع حد غريب ولو سمحتى بلاش الثقه الزيادة فى الناس
جميله : حاضر وهشرب اللبن قبل مانام ، سلام بقى
تميم : سلام يالمضه
تميم بعد ماقفل مع أخته : والله لوريك يا منصور الكلب
ايهاب بعد ما وصل سارة طلع لتميم
ايهاب : عملت ايه مع الحيوان ده
تميم : تعالى بس نمشى وهقولك
عند سارة كانت وصلت باخوها البيت ، دخلت وحطته على السرير
سارة : سلامتك ياحبيب اختك بعد الشر عنك
معاذ : الله يسلمك ، متخافيش عليا انا كنت قوى ومعيطش
سارة باسته وقالت : ايوة عارفه ، انت اشجع واحد فى الدنيا
تعالى ياميس اقعدى جنب اخوكى لحد ماروح اجيب الدوا
ميس : حاضر
خرجت سارة وسلمى قاعده برا سرحانه
سارة : ايه يا بنتى سرحانه فى ايه
سلمى : ها ولا حاجه
سارة : على ماما ، ده انا ماما يابت
سلمى ضحكت وبعدين قالت : هييييح ، الواد اللى كان مع الظابط ده امووور اوى
سارة بصت عليها بقرف : نعم ياختى ، بقولك ايه يابت بطلى شغل السهوكه ده
سلمى : هو انا فتحت بوقى ولا اللى يقول رأيه فى الزمن ده يبقى ابن ستين فى سبعين
سارة : مش رايقه لأهلك قومى معايا نجيب الدوا
سلمى : يلا ياختى
نزلوا يجبوا الدوا من الصيدلية وقفهم سيد
سيد : اخوكى عامل ايه دلوقتي ياجميل
سارة : احسن بس بقولك ايه انت مش هتاخد اخويا حجه وتوقف اهلى فى الرايحه والجايه
سيد : بطمن عليك ياجميل
سارة : ياعم متشكرين ، مستغنيه عن خدماتك وجات تمشى مسكها سيد من دراعها
سارة نزلت أيده من عليها بعن|ف : جرااا ايه ياع|رة الرجاله ، انت اتهبلت ولا اييه
سيد : اتلمى يابت بدل ما المك
سارة بصت لسلمى : هو بيقولى انا بت والمك
سلمى بتخاف اصلا من الخ|نقات هزت راسها بمعنى اه
سارة : ده انت ليلة امك سودة
جابت ح|جر من ع الارض وهووووب على دم•اغه
سيد : اااااااه الحقونى
سارة ...........
##################
البارت خلص
اتمنى يعجبكم
رواية الاسطا سارة الفصل الخامس 5 من هنا
لقراءة الرواية كاملة اضغط هنا (رواية الاسطا سارة)
تابعونا على التليجرام من هنا (روايات شيقة ❤️)
