رواية الاسطا سارة الفصل السادس 6 بقلم فاطمة عادل
رواية الاسطا سارة البارت السادس 6
رواية الاسطا سارة الجزء السادس 6
رواية الاسطا سارة الحلقة السادسة 6
رواية الاسطا سارة بقلم فاطمة عادل
 |
| رواية الاسطا سارة |
رواية الاسطا سارة الفصل السادس 6
"البارت 6 "
ايهاب : فرش حش|يش
سارة : ياليله سودا ومهببه بهباب
والله ياباشا معرف حاجه عنها ، انا سمعتى معروفه فى الموقف وعمرى ماعملت حاجه غلط
ايهاب : الكلام ده بقى نعرفه فى القسم
سارة: ومالو ياباشا حقك ، نروح القسم
ايهاب : ياخسارة يا انسه سارة ، كنت فاكر انك غير البنات وأنك بنت جدعه وبمية راجل ، طلعتى عكس توقعاتى
سارة بحده ودموع : حضرتك تعرفنى منين عشان تحكم عليا ، تعرف منين اللى مريت بيه ، تعرف حقيقتى وحكمت عليا باى صفه وباى حق ، اخدت نفس وبعدين قالت : يلا يا ايهاب بيه ع القسم واللى عايزه ربنا هيكون
ايهاب عايز يصدق كلامها ومتاثر بس ادامه دليل ومش عارف يعمل ايه
أحدها ايهاب وحطها فى البوكس وركب جنب العسكرى
اطلع يابنى
فى مكان بعيد شويه
احمد فى التلفون: حصل ياباشا
فى القسم
وصل ايهاب وسارة وفى ايديها الكلبش
دخل ايهاب المكتب وقعد وسارة واقفه ادامه
ايهاب : ها ياست سارة ، تعرفى ايه عن اللى لقناه فى عربيتك
سارة : معرفش اى حاجه حضرتك ، انا خرجت زى كل يوم الصبح وروحت الموقف واخدت دورتى فى العربيه ،وصلت لمكانى وانا راجعه حضرتك كنت فى الطريق والباقى معروف
ايهاب : يعنى عايزة تفهمينى أن فرش الحش|يش دخل عربيتك لوحده من غير ما تعرفى
سارة : معرفش مين ممكن يعمل كده ، حتى التباع اللى معايا واخد اجازة بقاله كام يوم عشان عمل عمليه ، ومعرفش مين ممكن ياذينى كده
ايهاب : انت ليكى أعداء
سارة : أعداء ايه بس يابيه، انا واحده على باب الله ، لا انا سيدة أعمال ولا ليا أسهم في البورصة عشان يكون لى أعداء
ايهاب : كده انت مش بتساعدينى خالص وهتضطر احطك فى الحجز اربع ايام على ذمه التحقيق
سارة بحزن : اللى عندى قولته ياباشا وربنا معايا ، بس ينفع اطلب طلب
ايهاب : خير
سارة : اتصل باخواتى واطمن عليهم
ايهاب : حقك واخد سماعة التلفون وقالها تقول الرقم
سارة : الو ايوة يا سلمى
ايهاب سمع اسم سلمى قلبه دق جامد
سارة : اسمعينى كويس ، انا فى القسم وممكن ابات
يابت افهمى ومتتخضيش ، أن شاء الله ربنا معايا
محامى ايه هو انا لاقيه اكل
اسمعى بس خلى بالك من اخواتى وانا أن شاء الله هخرج من هنا ، اوعى تسبيهم يا سلمى
يلا فى رعايه الله
سارة : شكرا ياباشا
ايهاب : العفو ، ياعسكرى
تمام يا افندم
ايهاب : خد المتهمه ع الحجز
تمام يا افندم
ادامى يابت
سارة : اللهم طولك ياروح
دخلت سارة الحجز وبتبص حواليها ، اخدت جنب وقعدت فيه
سارة : يارب مليش غيرك ، يارب مين بس يكون عايز يلبسنى مصيبه زى دى ، والله انا فى حالى ومليش دعوة بحد
واحده من اللى فى الحجز : قومى يابت ده مكانى
سارة : دافعه تذكرة يعنى ولا مكتوب عليه اسمك
الست : الاه الاه ده انت حلوة بقى وقلبك جامد
سارة : الحلو بعد الكشرى يا حليتها ، وغورى من هنا انا روحى فى مناخيرى
الست مسكت سارة من هدومها وقفتها والستات كلهم اتلموا عليها
سارة بتبص على ايد الست : انت اد المسكه دى
الست : ونص يا عنيا ولسه هتمد أيدها تضر|بها سارة مسكت أيدها الاتنين وقامت ضر|باها بالدماغ
ااااااااه يابنت المفتريه
سارة : اى واحده هنا رجليها شيلاها تقرب منى
بعد ربع ساعه كل المسجونات واقفين ورافعين أيديهم فوق وواقفين وشهم للحيط
الست : احنا اسفين ياكبيره ، اللى مايعرفك يجهلك ، بس ارحمينا احنا تعبنا
سارة : هوششسس ، بس ياوليه انت دماغى وجعانى وعايزة انام
نسوان تسد النفس صحيح
عند منصور
منصور : عفارم عليك ياسيد عملتها
سيد : ايوة ياباشا بس انا كده استفدت ايه ، البت اتحبست ومجتش راكعه زى مانت قولت
منصور : انا مش برجع فى كلامى واهم حاجه انك اخدت حقك ، ولا ايه
سيد : ها ، اه اه طبعا
منصور شاور للراجل اللى وراه والراجل اداله شنطه
حطها ادام سيد اللى عينه هتطلع حرفيا ع الشنطه
فتح الشنطه اللى كان مرصوص فيها 50 الف جنيه
منصور : اتفضل يابو السيد ، مش خسارة فيك
سيد عينه لمعت: ياباشا احنا فى الخدمه واخد الفلوس
منصور : بس لما اعوزك بقى الاقيك
سيد : خدامك ياباشا
مشى سيد ومنصور عمل اتصال
اؤمر ياريس
منصور : اخر الاخبار عندك ايه
مؤمن : البت اترمت فى الحجز ، بس لسه تميم موصلش
منصور: حلو اوى كده ، ابقى عرفنى الاخبار اول باول
فى القسم
وصل تميم ودخل عند ايهاب الاول قبل مايروح مكتبه
تميم : صباح الخير ، ااااه نفسى اخد اسبوع اجازة كده
ايهاب ساكت مش بيرد
تميم : ماترد على اللى خلفونى ، هو انا بكلم نفسى
ايهاب : احم ، فى خبر مش حلو
تميم : فى ايه
ايهاب : .................
البارت انتهى
اتمنى يعجبكم🤍
#الاسطا_ساره
#فاطمه_عادل
رواية الاسطا سارة الفصل السابع 7 من هنا
لقراءة الرواية كاملة اضغط هنا (رواية الاسطا سارة)
تابعونا على التليجرام من هنا (روايات شيقة ❤️)
