رواية لا أهتم الفصل الثالث 3 والأخير بقلم سوليبة نصار

رواية لا أهتم الفصل الثالث 3 والأخير بقلم سوليبة نصار

رواية لا أهتم البارت الثالث 3 والأخير

رواية لا أهتم الجزء الثالث 3 والأخير

رواية لا أهتم الحلقة الثالثة 3 والأخيرة

رواية لا أهتم بقلم سوليبة نصار

رواية لا أهتم

رواية لا أهتم الفصل الثالث 3 والأخير

الجزء الأخير♥️بقلم سولييه نصار♥️

-خلاص والله أنا اسفة ...اسفة .. 

قالتها وهي بتعيط ...فقربت منها بشرا*

سة وقولت:

-شوفي لو في يوم لمستي شعر بنتي تاني او فكرتي تقربي من اولادي عامة أنا بجد هق*تلك ...الا اولادي انتي فاهمة....اولادي لا ...لا. ...خدي مروان ...كده كده مبقتش اهتم بيه ...لكن أولادي ملكي ...ملكي وبس!!...

وبعدين ز*قيتها لحد ما طردتها برا وقفلت الباب ....بصيت لمروان بغضب ...كان غضب العالم كله جوايا ...قربت منه وانا بطلع نا*ر من راسي ...وقولت:

-اسمعني يا مروان خيا/ناتك بسكت عليها لاني غسلت ايدي منك ...مديت ايدي ليك مرة واتنين ومية وكنت مصمم تبقي مقر*ف للاخر لكن أولادي اللي انا مستحملة قر*فك عشانهم وعشان ميتحرموش منك وميتشتتوش بيننا هتدخلهم في قر*فك اقسم بالله اقت*لك واخلص منك...انت فاهم يا مروان ...اولادي خط احمر ...انت فاهم ....

رجع مروان لورا وقال:

-فاهم ...فاهم يا زينب اهدي ...

وبعدين روحت علي اوضتي وانا ماسكة دموعي ...مكنتش عايزاه يشوف دموعي ابدا ...هو ميستاهلش ...دخلت الاوضة وقفلت علي نفسي الباب ودموعي بتنزل ...قعدت علي الأرض وحطيت ايدي علي بوقي وفضلت اعيط ...مش سهل اتحمل الوضع ده د..بس كان لازم اكون باردة ...في اللحظة اللي بقيت فيها ام وعدت نفسي اني هعيش أولادي عيشة احسن مني بكتير ...أنا عيشت وامي وابويا منفصلين...ورغم انهم حاولوا ميقصروش الا اني دايما حسيت بالنقص ...حسيت اني محتاجة يكونوا سوا ...كنت محتاجة لدفا العيلة ...كنت بزعل من جوايا لما بشوف اهل اللي حوليا معاهم ويمثلوا العيلة اللي انا عايزاها   وانا اهلي لا ....عشان كده رفضت ان عيالي يعيشوا نفس الحياة استحملت الخي*انة مرة واتنين وعشرة وحاولت اصلح كتير بس ده طبع فيه لحد ما قررت ان كده كفاية ....ر*ميته من حياتي وخليته في حياتي عشان اولادي وبس ...رفضت اني ابو*ظ صورته في عيون اولادي ...عارفة انهم هيكتشفوا أكيد بس وقتها يحلها ربنا المهم دلوقتي ميتحرموش منه ...وانا مستعد اتحمل ...زي ما اتحملت طول عمري ...مش مهم ...مسحت دموعي وقومت من علي الأرض وروحت الحمام غسلت وشي ولبست عشان اروح النادي .....

كنت ماسكة كف اولادي وانا خارجة ومروان كان قاعد علي الانترية حاطط ايديه علي راسه...أول ما شافنا قال :

-مش هتسلموا عليا يا أولاد ...

جريوا الاولاد عليه وحضنوه وبعدين خرجنا ....

.....

روحنا النادي وانبسطنا ...كنت مبسوطة وانا مش حارمة اولادي من أي حاجة ...مهما حصل ومهما هيحصل هيفضلوا اولادي هما السبب اللي بحا*رب عشانه أي حد ...واي حد هيجي علي اولادي هأكله بأسناني ...هما جيشي في الحياة ديه واغلي ما عندي ....

....

خلصنا لعب في النادي وقعدنا لحد بالليل نهزر ونضحك  ...واليوم كان لطيف ...نساني المر*ار اللي شوفته النهاردة ...حضنتهم في التاكسي وهما تعبانين...أه لو يعرفوا أنا بتعب ازاي عشانهم ...

.....

رجعت وخليتهم يأخدوا  دوش بسرعة ولبسوا وراحوا ناموا علطول ...

بعدها أنا روحت أعمل كاكاو سخن وقعدت اتفرج علي فيلمي المفضل ...دخل مروان وقتها البيت ولقاني قاعدة ...قرب مني وقال:

-انا قطعت علاقتي بأشرقت وبأي بنت بخرج معاها...

شربت الكاكاو ببرود وقولت:

-قررت تبطل قر*ف يعني ده كويس ليك... لدينك ولصحتك ...توب بقا ...

- أنا عايزك تسامحيني يا زينب ونبقي زي الأول ...

ضحكت بتريقة وقولت:

-كان علي عيني والله بس انت استنفذت كل فرصك معايا 

-يا زينب ربنا بيغفر انتي مش هتسامحي ...

هزيت كتفي وقولت:

-ربنا لانه أكبر من أي ذن*ب بيغفر...لكن اغلاطك في حقي خلتني انفر منك ...مش هقدر اسامح ....اللي بطلبه منك أنك تحافظ علي صورتك وسمعتك عشان اولادك...اولادك اللي أنا عايشة معاك بسببهم ...لكن أنا بطلت احبك 

ابتسم وقال بحزن :

-انا هعمل المستحيل عشان اخليكي تحبيني تاني وتسامحيني وتحبيني من تاني. ..

هزيت كتفي وقولت :

-good luck♥️

وبعدين قومت ...مين عارف بكرة ممكن يحصل ايه ...ممكن فعلا يحاول لحد ما يصل لنقطة تخليني اسامحه واحبه من جديد بس الاكيد الغفران مش هيكون بسهولة...هيكون صعب اووي وممكن مستحيل كمان  ...وسواء سامحت او مسامحتش مش مهتمة طالما اولادي بخير ♥️هما سبب حر*بي في الحياة ♥️

تمت

#لا_اهتم

#سولييه_نصار

لقراءة الرواية كاملة اضغط هنا (رواية لا أهتم)

تابعونا على التليجرام من هنا (روايات شيقة ❤️)