رواية ألم الرحيق الفصل الثانى عشر 12 بقلم سمية عبد السلام
رواية ألم الرحيق البارت الثانى عشر 12
رواية ألم الرحيق الجزء الثانى عشر 12
رواية ألم الرحيق الحلقة الثانية عشر 12
رواية ألم الرحيق بقلم سمية عبد السلام
 |
| رواية ألم الرحيق |
رواية ألم الرحيق الفصل الثانى عشر 12
البارت الثاني عشر
في بيت عم مصطفي
سنية في المطبخ بصوت عالي_بت ياشهد قومي افتحي الباب.
شهد وهيا رايحة نحية الباب_حاضر، حاضر
بعد شوية
سنية خارجة من المطبخ_مين يابت، انتي مالك واقفة متنحة كده؟!
بصت مكان ما شهد بتبص
سنية صرخت وقالت _عفريييت
شهد بصدمة_رحيق؟!!
رحيق دخلت ببتسامة كبيرة علي وشها وحضنت شهد، وشهد لسه في صدمتها.
سنية بخوف_متخلاهاش تحضنك دي العفريت بتاعها.
رحيق بنفس الابتسامة=ازيك ياخالتي سنية؟
سنية_يالهوي دي عارفة اسمي انا هروح اجيب الشيخ مبروك يصرفها.
كل ده و آدم ماسك نفسه من الضحك، وبعدين اتكلم=احم.... مدام سنية بعد اذنك ممكن ادخل واشوف عم مصطفي وانا هفهمكم كل حاجة.
سنية وهيا بتبص علي آدم ومتنحة _اااه وماله ياخويا فهمنا متفهمناش ليه؟ بس انا حاسة اني شفتك قبل كده انت ممثل صح؟
رحيق وشهد ضحكو
شهد بأعجاب _ده البشمهندس آدم البنهاوي ياماما مفيش حد في مصر ميعرفوش.
سنية في سرها_وقعت واقفة بنت فاطمة
سنية بمكر_اتفضل اتفضل ده حتى عمك مصطفي عيان.
رحيق بخضة=بابا!!! هوا فين؟
آدم =استني يارحيق مينفعش تدخلي مرة واحدة كده، والدك مريض ومحتاج يعمل عملية قلب مفتوح وانتي لو دخلتي قلبه مش هيتحمل الصدمة سبيني ادخل واشرحله كل حاجة.
رحيق استغربت آدم عرف ده ازاي، وهزت راسها بمعني تمام
آدم وسنية دخلو عند مصطفي
شهد كانت واقفة مش عارفة تفرح عشان اختها عايشة ولا تزعل ان البنت المسؤالة عن تعاستها رجعت تاني (شهد فاكرة كده)
رحيق حضنتها تاني=وحشتيني اوي ياشهد.
شهد ببتسامة باردة وبتشيل ايد رحيق من عليها _وانتي كمان، بعد اذنك عشان عندي مذكرة مانتي عارفة انا في تالتة ثانوي
وسبتها ودخلت.
~~~~~~~~~~~~~~~~~~~~~~~~
بعد حوالي تلت ساعة
مصطفي بفرحة _يعني رحيق بنتي عايشة يعني رحيق الجنة لسه عايشة؟!!!
آدم كان لسه هينده علي رحيق بس الباب اتفتح ودخلت منه.
رحيق بزعل طفولي=كده ياصوفي تصدق اني مت اوعى تفتكر اني هسيبك هفضل كابسة علي نفسك.
مصطفي ببتسامة_احلى كابسة في حياتي تعالي يارحيق الجنة تعالي في حضن ابوك.
رحيق جريت علي ابوها وحضنت وفضلو يعيطو سوا.
آدم كان مبسوط بس مكنش عارف هوا ليه فرحان كده المفروض يكون زعلان عشان بنت عمه ماتت.
اما سنية كانت هطق ونفسها تولع في رحيق.
آدم وقف وقال بجدية=طب استأذن انا.
مصطفي _مينفعش تمشي لازم تستنى وتتعشى معانا.
سنية_ايوة ده حتي شهد بتطبخ حلو اوي.
آدم اتجاهل سنية ورد علي عم مصطفي =معلش مرة تانية لازم ارجع الشركة وانتي يارحيق الشنطة دي فيها الادوية بتاعتك خديها في معادها.
مصطفى _كتر خيرك يابني، الحمدلله ان بنتي وقعت مع ناس طيبة زيكم.
آدم اكتفى ببتسامة وخرج، فتح باب الشقة ولاقى ندى في وشه.
ندى_احم.... هيا خالتي سنية موجودة؟
آدم وهوا باصص في ساعته=ايوة جوا، بعد اذنك عايز اعدي
ندى خدت بالها انها تقريباً سادة الباب، رجعت لورا و آدم خرج وهيا دخلت
~~~~~~~~~~~~~~~~~~~~~~~~
عند عم مصطفى
سنية_سيبي ابوك يرتاح بقا يارحيق ابوك تعبان.
مصطفي بص لسنية بحدة_لأ مش تعبان انا طالما شفتها خلاص خفيت مش عايز حاجة تاني.
رحيق وهيا بتمسح دموعها=معلش يابابا انت فعلاً لازم ترتاح، وكملت بهزار=وبعدين انا هروح فين قاعدة علي قلبك يابرنس.
سنية ورحيق خرجو ولقو ندى واقفة في الصالة
ندى_عندك بصل ياخالت......... اول ماشافت رحيق كانت لسه هتصوت
رحيق بسرعة=متصوتيش استهدي بالله وانا افهمك كل حاجة.
ندى بصدمة_!!!!!!!
~~~~~~~~~~~~~~~~~~~~~~~~
في البلكونة
رحيق=بس ياستي دي كل الحكاية.
ندى_والله يابت يارحيق حكايتك دي متتصدق بربع جنيه مخروم حتى.
رحيق=وانا هكدب عليك ليه يعني؟
ندى بأعجاب_يعني انتي عايزة تقليلي انك كنتي عايشة مع الموز ال قابلني علي الباب ده؟
رحيق حست بغيرة وقالت=ايوة ياختي.
ندى بصوت عالي _اوعدنا يارب
رحيق=بدي اشتمك بس استحي.
ندى_الواد مز اوي وكاريزما كده تخيلي بقله خالتي سنية موجودة يبص في الساعة ومايبصش في وشي حتى، ولا الحراسة اللي جيا معاه قافلة الشارع كله من اوله لاخره.
رحيق=ما هما اغنيا
ندى_اغنيا بس، ده آدم البنهاوي عارفة يعني ايه؟ ده معاه فلوس تحل مشاكل شعب بحاله ده معروف عنه بوحش المعمار، محدش يقدر يوقف قصاده واللي تستغربيه اكتر ان شغله كله في النضيف وعلي مسمع انه محترم وكمان الي حد ما ملتزم وفعلاً اتأكدت من ده لما مرضيش يبصلى.
رحيق بتريقة=مخدلك منه معاد ايه رأيك؟
ندى_ياريت هوا انا اطول
رحيق=طب قومي يابت من هنا بدل ما اجيبك من شعرك.
ندى بتمثيل الزعل_كده يارورو، دنا مكنتش باكل ولا بشرب ولابروح الكلية الا اخر يومين بس.
رحيق=فكرتيني، الكلية اخبارها ايه؟
ندى بلوية بوز_ليه السيرة ال تسد النفس دي؟
رحيق بضحك=ليه؟ اكيد حاجة حصلت قولي
ندى_أبداً ياستي، واحد متخلف ومهزق شايف نفسه علي ايه معرفش، مفهوش ميزة واحدة غير بس انه طويل ودقنه جميلة اوي يابت يارحيق ولا لما بيتكلم تحسي انك في عالم تاني.
رحيق بتريقة= امممم واضح فعلا انه مفهوش ولا ميزة واحدة.
ندى بتهز راسها بتأكيد وبعدين لقت الشبشب في وشها
ندى_ااااخ في اي؟
رحيق=في انك نسيتي تغضي البصر ياروح طنط، دانتي ناقصة تقليلي لون عيونه ايه؟
ندى بسرعة _عسلي
رحيق=كماان وربنا لاربيك
ندى وهيا بتجري وباصة وراها_ده لو عرفتي تمسكيني.
وهوب لبست في الحيطة.
رحيق بضحك=ههههههه
-------------_________
*رحيق مصطفي دي بطلة الرواية بنت ملامحها جميلة وعندها قبول وكل ال يشوفها يحبها معادا شوية كده بنت ملتزمة، لون عنيها بني غامق ورموشها طويلة، طولها متوسط بس مقارنة ب آدم قصيرة، ونفسها تلبس النقاب وقرة عنيها ال يلبسهولها *
________________~________________~
في الشركة
آدم =عملت ايه؟
عمر_بص ياسيدي الحكاية مطلعتش مدبرة ولا حاجة، فعلآ كلام الممرضة كله صح وفي ست اسمها نعمة عقلها علي قدها شوية عشان بنتها ضاعت منها وهيا صغيرة ومن ساعتها وهيا بقت حالتها صعبة وهيا ست وحيدة ملهاش اهل، ها هتعمل ايه معاها؟
آدم =دخلها المستشفي بتاعتنا وخليها تتعالج ومتدفعش جنيه واحد.
عمر بصدمة_يابني انت ايه؟ دانت ناقص بعد ما تخف تجبها تعيش معاك.
آدم =والله فكرة حلوة.
عمر_الطم، انت مش مكفيك ال بتعمله، مستشفي بتعالج بيها الناس الغلابة وده ملوش علاقة بالمستشفي الخاصة ال نص ارباحها بتروح للملاجأ وكمان كل 6شهور بتوزع لحمة تقريبا علي نص مصر
آدم =الله اكبر، ربنا بيقول في كتابه{ واقيمو الصلاة و اتوا الزكاة وما تقدمو لأنفسكم من خير تجدوه عند الله ان الله بما تعملون بصير}
والحمدلله ربنا مباركلي في شغلي وعطيني كل حاجة ومش كتير لما اعمل كده.
عمر ببتسامة_خلاص ال تشوفه.
___________________~_____________~
بعد اسبوع في الشركة
عمر_ايه ياعم مالك الفترة دي مش مركز وديما سرحان؟
آدم وهوا باصص للسقف =عارف لما يكون في حد في حياتك بتحبه وملكش غيره وفجأة يروح منك وانت واقف تتفرج مش قادر تعمل حاجة، الم الرحيل صعب اوي ياعمر.
عمر بخبث_الم الرحيل برضو ولا الم الرحيق
آدم =تصدق بالله
عمر_لا إله إلا الله
آدم =انا اللي منعني من اني اقلتك حب جدي ودادة فاطمة ليك
عمر بهزار_طلقني مش عاجبك طلقني
آدم =حاضر هطلقك بطلقة تجيب اجلك.
عمر _احم...... لأ طالما فيها ضرب نار استأذن انا
آدم =اقعد يلا، بقا بالزمة انت دكتور في الجامعة وبتدرس ل700 او800 طالب؟!
عمر_ليه ياخويا مشبهش ولا مشبهش
آدم بضحك=ماهي المصيبة انك تشبه فعلآ
الباب خبط
آدم =ادخل
نورا_بشمهندس آدم ياسر باشا برا
آدم =خليه يدخل
نورا=حاضر
عمر_معرفش انت عايز تشتغل معاه ليه، ده اكبر رجال الاعمال يتمنو يشتغلو معاك
آدم =الشغل عايز كده
عمر بخبث_الشغل برضو، علي العموم انا ماشي عشان المهمة ال كلفتني بيها
آدم =تمام
ياسر وهوا داخل_اي هيا اذا حضرت الشياطين ذهب عمر
عمر _هما فعلا شياطين
وسابهم وخرج
ياسر ببتسامة مزيفة_دمه خفيف صحبك ده
آدم بجدية =سيبك من صحبي وركز معايا.
ياسر_دي كل اوراق الصفقة انت ممكن تخلي المحامي يراجع ال.......
آدم بمقاطعة=مش آدم البنهاوي ال حد يقله يعمل اي وميعملش ايه. ولا ايه ياياسر باشا
ياسر بغل_حقك، انت تعمل ال انت عايزه
آدم =طب نكمل كلامنا بقا.
"" "" "" "" "" "" "" "" "" "" "" "" "" "" "" "" "" "" "" "
"أحياناً يجب علينا فعل الصواب ولو كان سيوجع قلوبنا"
"" "" "" "" "" "" "" "" "" "" "" "" "" "" "" "" "" "" "" ""
~~~~~~~~~~~~~~~~~~~~~~~
في بيت عم مصطفي
ندى_هيا فين رحيق ياشهد؟
شهد_في اوضتها.
عند رحيق
ندى_ايه ياختي هيا القعدة في البيت عجبتك ولا ايه؟ مش ورانا كلية
رحيق بحزن=بابا تعبان اوي ياندى ومحتاج فلوس كتير عشان يعمل العملية وخالتي سنية عمالة تزن علي دماغي عشان اشتغل، مش عايزة تصرف عليا من فلوسها وانا والله مش لاقية شغل.
ندى بزعل علي صحبتها_ياحبيبي ربنا يقومه بالسلامه ان شاء الله.
رحيق=اسمها بأذن الله
ندى_هوا ده وقته.
رحيق=ايوة، لازم اعلمك الصح لان فيه فرق بينهم
ندى_وايه الفرق الاتنين بقدم فيهم المشيئة.
رحيق=طب بصي يا ام جهل ان شاء الله نقلها لما تكون حاجة احنا ال هنعملها زي مثلاً انا رايحة الكلية بكرا ان شاء الله اما بقا بأذن الله لما يكون حاجة ربنا هوا ال هيعملها زي بابا هيقوم بالسلامه بأذن الله فهمتي؟
ندى_اه...... اه، وبعدين كملت ببتسامة_ليك عندي خبر حلو.
رحيق بسرعة=ومستنية ده كله قولي.
ندى_قومي البسي عشان نروح الكلية
رحيق بضيق=هوا ده الخبر الحلو
ندى_لأ هنروح الكلية وبعدين هنطلع علي الشركة طالبين مهندسين تحت التدريب وقدمت فيها ليا وليك والنهاردة الانترفيو.
رحيق حضنت ندى=مش عارفة اقلك ايه انتي اكتر من اخت ليا ياندى والله
ندى_عارفة، يلا بقا عشان منتأخرش.
_______________~________________~
في الكلية
ندى_الحمدلله ابو دم غتت مجاش النهاردة
رحيق=يابت بطلي تشتميه بتاخدي ذنوب علي الفاضي.
ندى_طب يلا ياست الشيخة عشان نلحق المقابلة
~~~~~~~~~~~~~~~~~~~~~~~
ندى ورحيق نزلو من التاكسي قدام الشركة وماشيين بس رحيق وقفت
رحيق=الصفا للهندسة والمعمار، وبعدين بصت لندى=دي شكلها شركة كبيرة اوي انا بقول نروح بكرامتنا احسن.
ندى_سبيها لله فرجه قريب، هوا انا ال هقلك كده يارحيق
ندى ورحيق دخلو عند السكرتيرة ال تقريباً مكنتش لابسة حاجة.
ندى_لو سمحتي احنا مقدمين علي الوظيفة ال.....
السكرتيرة بقرف_ايوة ايوة اتفضلي حضرتك هاتي لcv بتاعك
رحيق=مهوا اصل احنا مش معانا cv احنا لسه طلاب
السكرتيرة_واتنين زيكم جيين يعملو ايه في شركة محترمة زي دي؟
ندى بهمس لرحيق_هجبها من شعرها.
رحيق بصوت واطي=احنا جيين نشتغل مش جايين نتخانق، وبعدين علت صوتها =انتو عايزين مهندسين تحت التدريب ماشرتطوش ان يكون في خبرة
السكرتيرة بتناكة_طب اتفضلو استنو هنا لحد ما دوركم ييجي.
ندى ورحيق قعدو، السكرتيرة بصوت واطي_معرفش بلاوي ايه ده ال بتتحدف علينا بس ياربي
رحيق =لأ كده كتير هقوم اجبها مش شعرها عروسة المولد دي
ندى بضحم_احنا جايين نشتغل مش جايين نتخانق.
رحيق=وانا اقول في عجز في البويا (الوان الحيط) ليه اتريها حطاها كلها علي وشها.
ندى _بلاش تنمر ياشيخة رحيق
~~~~~~~~~~~
بعد ساعة
ندى لسكرتيرة_هوا لسه بدري علي دورنا احنا جيين قبل الناس ال دخلت دي كلها.
السكرتيرة_معلش اصل ده النظام هنا ال معاه cv بيدخل الاول، اظن متعرفوش ده، اصل هتعرفو ازاي وانتو طلبة
وبتدين التلفون رن
السكرتيرة_ايوة يافندم
_.....
السكرتيرة_تمام
وحطت الفون جمبها_مين فيكم رحيق مصطفي
رحيق=انا
السكرتيرة_ اتفضلي ادخلي المدير مستني حضرتك جوا، وبعدين بصت لندى_وانتي اتفضلي ارجعي مكانك.
رحيق خبطت علي الباب
صوت من الداخل _ادخل
رحيق فتحت الباب واتفأجت من ال شافته.
...لسه الحكاية مخلصتش....
عم مصطفي هيعمل العملية ولا كده خلاص دوره هينتهي معانا لحد هنا؟
ياسر ليه بيكره آدم اوي كده؟
ورحيق ممكن تتعرف علي حد في الشركة الجديدة دي وتتجوزه وتبدأ حكاية جديدة؟
وليه اتفأجت لما دخلت المكتب؟
#رواية_الم_الرحيق
#سميه_عبدالسلام
رواية ألم الرحيق الفصل الثالث عشر 13 من هنا
لقراءة الرواية كاملة اضغط هنا (رواية ألم الرحيق)
تابعونا على التليجرام من هنا (روايات شيقة ❤️)
