رواية ألم الرحيق الفصل التاسع 9 بقلم سمية عبد السلام
رواية ألم الرحيق البارت التاسع 9
رواية ألم الرحيق الجزء التاسع 9
رواية ألم الرحيق الحلقة التاسعة 9
رواية ألم الرحيق بقلم سمية عبد السلام
 |
| رواية ألم الرحيق |
رواية ألم الرحيق الفصل التاسع 9
البارت التاسع
في الجامعة
ندى لبست ووصلت الكلية كانت ماشية تفتكر المواقف بينها وبين صحبة عمرها، والدموع في عنيها.
اما عند عمر كان راكب عربيته ووصل الجامعة وتلفونه رن.
عمر_الو يا بيبي.
آدم =انت فين يازقت؟
عمر_عارف اني وحشتك.
آدم =وحشك عفريت، انا في الشركة، انت مجتش؟
عمر_انت ناسي اني عندي كلية رحت عندي محاضرة النهاردة هخلصها واجيلك.
آدم قفل السكة في وشه، عمر بيحط الفون جمبه ومش واخد باله من اللي ماشية.
عمر_الحمدلله كنت هخبطها.
البنت بصوت عالي _ما تحاسب انت اعمى، تلاقي امك اللي جيبهالك.
عمر وقف العربية ونزل يشوف مين قليلة الادب دي.
البنت اول ماشافت الباب بيتفتح ونزل منه شخص طويل، تحسه خارج من برنامج مصارعة، خافت منه وجريت.
راحت عند المدرج وخدت نفسها_ أخيراً، يالهوي لو كان مسكني كان عمل مني كفتة وحلى بأم علي.
شوية وسمعت هدوء في القاعة.
الدكتور دخل وقال_السلام عليكم، عاملين ايه النهاردة؟
البنت_يالهوي هوا انت، انا خلاص ضمنت اني شايلة المادة.
وبعدين خبطت البنت ال جمبها.
البنت بوجع_ااه، في اي ياندى
(نعم اعزائي انها ندى ام لسان طويل)
ندى_هوا مين ده؟
البنت بأعجاب_ده الدكتور عمر المهدي، الدكتور الجديد منتي بقالك اسبوع ما بتجيش، بس دكتور زي القمر.
ندى بتريقة_ما اقوم اجبلك رقمه احسن، ايه المحن ال انا فيه ده علي الصبح.
عمر بصوت عالي _البنت ال ورا
ندى_اا... انا
عمر بحدة_ايوة
ندى وقفت وقالت_نعم يادكتور
عمر_مقلتليش رأيك في العربية اللي جبتهالي امي؟
ندى بسرعة_تحفة... احم قصدي والله مكنت اعرف انه حضرتك.
عمر_تمام.... اتفضلي اطلعي برا مش عشان قلة ادبك معايا لأ.... عشان محترمتيش وجودي، وكنتي بتتكلمي مع ال جمبك... يلا اطلعي برا
ندى وهيا بتمتم_برا برا ده حتي محاضرة تغم النفس.
القاعة كلها ضحكت عليها
عمر_بتقولي حاجة؟
ندى_بقول طالعة اهو
ندي اول مخرجت برا_ابو شكلك واحد غتت، طب اعمل ايه دلوقت اروح اقلهم اطردت حتي تبقا وحشة في حقي، انا اروح الكافتيريا اشربلي حاجة واقرأ اي رواية لحد ما الوقت يعدي،
وكملت بصوت عالي_قشطة عليك ياندى مش ساهلة انا برضو.
_انتي لسه هنا؟
ندى بخضة_بسم الله الرحمن الرحيم هما بيطلعو امته دول؟
عمر _بيطلعو اما يشوفوك
ندى كانت لسه هتمشي بس صوت عمر وقفها
عمر_استني
ندى في نفسها_شكله هيعتذر ويرجعني المحاضرة.
ندى لفت وقالت ببتسامة_نعم
عمر بنفس الابتسامة_ابقي قابليني لو نجحتي السنادي، عشان انا غتت.
وسابها ودخل.
ندى كانت واقفة مصدومة وقالت بكره_مش قلت انك غتت.
________________~________________~
في القصر بالليل
نسرين كانت لابسة وواقفة قدام المراية ومعاها اية والباب خبط
اية راحت فتحت الباب كانت دادة فاطمة
فاطمة اول ما شافت نسرين _بسم الله ماشاء، تبارك الرحمن زي البدر.
نسرين اتكسفت ووشها احمر =شكراً يادادة
فاطمة_آدم بعتني عشان اقلك ان لو حطيتي نقطة مكياج مش هيحصل كويس، بس انتي اللهم بارك قمر من غير حاجة.
نسرين بصتلهم بحزن وقالت=كان نفسي بابا وماما يبقو موجدين معايا، اي نعم جوازة مش بمزاجي بس لو كانو موجدين كنت عرفت اختار ال اتجوزه مش جدي.
فاطمة بزعل _اخص عليك يانسرين، يعني انا مش زي المرحومة امك؟
اية كتبت علي الورقةو ادتها لنسرين _آدم طيب جداً ومتأكدة انك هتحبيه.
نسرين حضنتهم =ربنا مايحرمني منكم
~~~~~~~~~~~~~~~~~~~~~~~~
تحت
آدم قاعد وجمبه عمر والنحية التانية المأذون وجمب المأذون جده، وايمان وامها جمب بعض وقصادهم فوزي وعم حسن.
المأذون _امال فين العروسة؟
الجد ببتسامة_نازلة علي السلم اهي
كلهم بصو نحية السلم معادا آدم، بس لما لقي الكل متنح وخصوصاً عمر، بص لاقى نسرين نازلة ولابسة فستان سماوي منفوش وخمار بنفس اللون كانت قمر.
آدم في نفسه=يخربيتك انا مكنتش متخيل انه هيكون جميل عليكي كده وكمان مش حاطة مكياج امال لو حطت.
وبعدين بص لعمر ال بيبص بأعجاب
آدم بخبث=استعمل عنيك كتير عشان هتوحشك ياغالي
عمر _احم..... وبعدين على صوته _ازيك ياعم حسن وحشني ياراجل، وقام من جمب آدم
فاطمة وهيا مبسوطة _ العروسة اهي ياسيدنا الشيخ.
المأذون_ما شاء الله دي حلوة اوي
آدم بهمس للمأذون =انا بقول تكتب الكتاب احسن، وكمل بخبث=ولا انت مش عايز تشوف عيالك تاني؟
الماذون بخوف_انا بقول كده برضو
**بعد شوية**
المأذون_بارك الله لكم وبارك عليكما وجمع بينكما في خير
فاطمة زغرطت وكانت فرحانة هيا واية بس نسرين كانت زعلانة عشان كان نفسها ابوها وامها يكونو موجدين وكمان هتجوز وهيا مش فاكرة اي حاجة عن حياتها.
آدم لاحظ انها زعلانة وفهم انه عشان مجبورة علي الجواز منه ووافقت بس عشان خاطر جده
ايمان وامها مكنوش طيقين نسرين
الجد بفرحة_مبارك ياولاد عقبال ما اشوف عيالكم.
عمر بخبث_ وانا كمان نفسي اشوف عيالك اوي يا آدم،عشان اربيهم بنفسي.
آدم بحدة =مش لما اربيك انت الاول؟
عمر _احم....وحب يغير الموضوع_هوا الفرح امته ياجدي.
الجد_بعد شهر من دلوجت...وكمل_انا هدلى علي الصعيد بكرا انا وعمك ومرات عمك وهناجي احنا وقرايبنا كلاتنا (كلنا) عشان نحضر الفرح.
______________~__________________~
في شقة مفروشة
ياسر بخبث _ها ايه اخر الاخبار؟
_متقلقش هتسمع اخبار حلوة قريب.
ياسر_احلى حاجة انك سكرتيرة آدم،ده مسهلنا الشغل اوي
نورا_ياسر احنا لسه علي الاتفاق صح؟
ياسر بخبث_ااه طبعا انا هاخد فلوس آدم وانتي هتتجوزيه
نورا_وده هيحصل امته؟
ياسر_قريب قريب اوي،وكمل _بقلك ايه متيجي نكمل كلامنا جوا
نورا ضحكت بصوت عالي
ياسر_ايوة كده
_______________~_________________~
رواية ألم الرحيق الفصل العاشر 10 من هنا
لقراءة الرواية كاملة اضغط هنا (رواية ألم الرحيق)
تابعونا على التليجرام من هنا (روايات شيقة ❤️)
