رواية دحيحة الدفعة والمعاق الجزء الثانى 2 الفصل الأول 1 بقلم يارا عبد السلام
رواية دحيحة الدفعة والمعاق الجزء الثانى 2 البارت الأول 1
رواية دحيحة الدفعة والمعاق الجزء الثانى 2 الجزء الأول 1
رواية دحيحة الدفعة والمعاق الجزء الثانى 2 الحلقة الأولى 1
رواية دحيحة الدفعة بقلم يارا عبد السلام
 |
| رواية دحيحة الدفعة |
رواية دحيحة الدفعة والمعاق الفصل الأول 1
#دحيحة_الدفعة_والمعاق
#اهواك
#الجزء_الثانى
#الاول
بعد مرور عشر سنوات..
_يبنتى ارحمينى بقى لففتينى وراكى كل حته في الفيلا
_مش عوزا اسرح شعري
_يبنتى هوا أنا بعذبك
_اه بتشدي شعري جامد ..
وهى بتجري منها خبطت في مراد اللى كان لسه مخلص مكالمة التليفون..
اتنهد ونزل في مستوى بسمه اللى كانت واقفه ببراءه وملامحها تشبه فيروز إلى حد كبير..
_مزهقه ماما لى
_مش عوزا اسرح علشان بيوجعنى..
_يعنى يرضيكي اخواتك يبقوا مسرحين وانتى لا..
حطت ايديها على شعرها بتفكير:قصدك مين مليكه هه مليكه كدا كدا كبيره وبتسرح لنفسها وساعات معاذ بيسرحلها ..
مراد:نعم
وبص لفيروز اللى اتوترت وقربت من بسمه:انتى قليلة الادب يلا بقى تعالى علشان اسرحلك ..
بسمه بصت لمراد ببراءه:شكلى عكيت الدنيا ولا اي كتنى نيله..
مراد باستغراب:هى جابت الكلام دا منين
فيروز:منها لله مريم أنا اللى سبتلها بنتى تربيها
مراد:واضح التربيه..
وبعدين سمعوا صوت زعيق جاي من برا ..
كان عمر داخل ووراه مريم:طلقنى يا عمر انت خاين
عمر وقف قدامها واتنهد:يبنتى انتى غاويه نكد هوا كل لما تحسي نفسك زهقانه ومودك مش متظبط تقولى طلقنى وخائن!!خنتك امتى أنا ..
مريم بدموع:مع السكرتيره أنا شفتها خارجه من مكتبك بعنيا وقربت من مراد:يرضيك كدا يا مراد يخونى مع حته سكرتيره..فيها اي احلى منى
عمر تتنهد بتعب:يا ولى الصابرين ...أنا اللى جبته لنفسي معلش اكيد دا ذنب بيطلع عليا..
مراد ضحك وبص لمريم:مريم عمر عمره ما خانك انتى عارفه كويس أنه بيحبك ومش بيحب غيرك وعارفه هوا استحمل ازاي علشان يتجوزك صح
مريم بهدوء بصت لعمر:صح
وقربت من عمر :أنا اسفه يا عموري بس انت عارف ان الحمل بيجيبلى تهيوءات وبعدين بصتله بتحذير:بس برضو السكرتيره تتغير ويجي بدالها راجل فاهم..
عمر مسك ايديها وباسها:حاضر يا عمري انتى تؤمري
مريم:خلاص بحبك
مراد تتنهد بقلة حيله وخد مراته وطلع ...
_بابا بابا
عمر قرب من البنت وشالها:فريده حبيبة بابا عامله اي
_الحمد لله بابا بسمه شدتنى من شعري
بسمه كانت واقفه بعيد ببراءه:أنا يبنتى
فريده:ايوه علشان انتى مبتسرحيش شعرك
بسمه بحزن:شكرا يا بنت عمر
عمر قرب من بسمه:بوسه تعالى يا حبيبة عمر
_نعم يا عمر
_مبتسرحيش لى
_مش بحب اسرح
_لا انتى بنوته لازم تكونى حلوة كدا علشان لما تكبري تكونى قمورة ويجيلك عرسان وتتجوزي ونخلص
_بجد ماشي أنا هروح اسرح
_استنى..يلا يا فريده اتصالحوا
فريده:اسفه يا بوسي
بسمه حضنتها:مش زعلانه منك انتى اختى الصغيره
فريده:يلا نلعب
_يلا
وراحوا يلعبوا...
وعمر قرب من مريم:اي رايك نخاوي فريده
مريم:امال اللى في بطنى دا اي وياسين بيعمل اي ها..
_صدقي نسيت الواد دا راح فين ..
_مش عارفه
عمر:اكيد في التلاجه..
_تفتكر
عمر خدها ودخلو المطبخ ولقوه قاعد على السفره وقدامه سندوتشات كتير وبياكل..
مريم:عليه العوض ومنه العوض الواد دا انا عرفت هيخلص فلوسنا على اي
عمر بصداع:يا شقايا اللى هيضيع عالاكل دا
وقرب من ياسين:ياسين حبيبي انا جيت
ياسين بصله وبقه مليان اكل:مساء الخير يا معلم اتفضل كل
مريم بصتله:شفت تربيتك
عمر:أنا حاسس كدا والله اعلم انى معرفتش اربي
_حاسس !؟
ولقو ملك بنت مراد داخله من باب المطبخ ومعاها حلويات وراحت تقعد جنب ياسين
ياسين:تعالى يا حبيبتي جبتى اللى قولتلك عليه
ملك ببراءه:ايوا ..
ومسك منها الحلويات وبدأو ياكلو..
مريم:شايف اللي أنا شايفاه
عمر:أنا وأخواتي مربناش
مريم بعصبية:انت السبب..
ياسين :روحوا بقى اتخانقوا بعيد علشان اركز
_ركز يا حبيبي ركز ..
وسابوه وخرجوا بقلة حيله وبصو لقو معاذ ومليكه داخلين
معاذ بعصبية:لو شفتك بتكلمى ولاد غيري تانى هزعلك يا مليكه انتى حره
مليكه بعصبية:وانت مين أن شاء الله علشان تتحكم فيا
معاذ:ابن عمك وان شاء الله هكون جوزك
مليكه:لا أنا مش موافقه
معاذ:لى بقى أن شاء الله ناقص ايد ولا رجل وبعدين أنا كام مره اقولك متخرجيش من غيري للدرجادي كلامى مش بيتسمع
_انت مالك انت أنا مستأذنه من ماما
معاذ:مليش دعوة أنا كلامى هوا اللي بتسمع..
مليكه نفخت وبصت لعمر بعصبية وطلعت
عمر:طب وانا مالى أنا ..
عمر وقف قدامه:مراد التانى يا اخواتى اي يا سبع الرجال مزعل البت لى..
معاذ:مفيش يا عمر لقتها واقفه مع ولد رخم كدا فزعقتلها مبحبهاش تقف مع غيري انا..
_لا حمش وراجل يلا دانا معملتهاش وانا قدك دانا بدأت صياعه وانا عندي عشرين سنه وعمك كان واقفلي عالواحده..
على فكره لو مراد شم خبر باللي انت عامله دا هيعلقك أنا قولتلك اهو
معاذ ببرود:مبخافش..وكلامى بتسمع..
عمر:هوا مراد هوا مراد ببروده ياربي ومسك ايد مريم وطلعوا :تعالى يا حبيبتي احسن تولدي بسبب الواد دا..
*مراد وفيروز خلفوا اربعه
_مليكه ومالك وبسمة وملك
*على وسلمى
_معاذ ومحمد
*عمر ومريم
فريده وياسين ولسه في نونو في الطريق....
في منتصف الليل..
مريم بصويت:عمرررر عمررر الحقنى بولدددد
عمر قام مفزوع وبصلها بقلق:طب اعمل اي نامي واستنى الصبح
مريم ضربته على كتفه بغل:قوم يا عمر قوم يا خاين عاااااا
عمر قام بسرعه ولبسها ونزل بيها راح المستشفى بعد ما قال لمراد يحصله...
"على وسلمى مسافرين في شغل ليه وواخدين معاهم ابنهم محمد لأن معاذ رفض يروح معاهم"
وصلو المستشفى..
عمر كان رايح جاي بقلق وكأنها اول مره..
مراد ساب فيروز مع الولاد وراح هوا..
عمر بقلق:أنا خايف عليها اووي
مراد بسخرية:دي تالت مره اقف مربع كدا واشمت فيك وفي اللي بيحصلك
عمر :انت متأكد أنك اخويا
مراد:طبعا
عمر:لا لا انت مستحيل تكون انسان
مراد برفعة حاجب:امال اي
عمر بخوف:انت انت ملاك
_بحسب..
بعد شويه الممرضه خرجت بابتسامه:المدام جابت بنت زي القمر ..
عمر بفرحه:طب مريم كويسه
_كمان شويه هننقلها اوضه عاديه
عمر بص لمراد. واتنهد :لا كفايه كدا مش هجيب عيال تاني..
مراد:ايوا كفايه فساد
عمر:تشكر مش هرد عليك
_نعم!
_اقصد علشان متزعلش منى يا عم مالك كدا
عمر باس راس مريم:حمد الله على السلامه يا حبيبتي اخيرا هخلص من النكد
مريم :أنا نكديه يا عمر
_لا يا حبيبتى أنا اللى استاهل انى اتجوزت اصلا
_والله
_هتسميها اي
مريم بابتسامه:حبيبه
_حلو حبيبه
مريم:عمر
_قلبه
_بحبك يا ولا
_وانا بحبك يا قلب الولا..
بعد اسبوع كانوا عاملين حفلة كبيره سبوع للمولود..
مالك كان شايل حبيبه بحب ..
فيروز:سيبها يا حبيبي احسن يحصل ليها حاجه
مالك:متقلقيش يا ماما أنا واخد بالى..
وبص لعمر وقرب منه:بقولك يا عمر متجوزهالى
عمر:خلاص يا حبيبي يلا نقرأ الفاتحه متغلاش عليك دي حتى صدعتنى طول الليل عياط مش بنام
مالك إدهاله:لا أنا عاوزها لما تكبر احجزهالى بقى
_هى تلاجه يا ابن مراد
مالك:هقول لبابا
_يا حبيبي متغلاش عليك انت تؤمر
مالك:تشكر يا عموري ..
معاذ وقف جنب مليكه:آسف
مليكه بتذمر:كل مره بتزهق عليا وتعتذر
_انتى عارفه انى مش بحب الواد دا
مليكه:وانت عارف انى بحبك
معاذ بحب:امتى بقى الخمستاشر سنه دول يخلصو علشان نتجوز
مليكه بحب:هانت يا حبيبي..
ياسين وملك كانو قاعدين بياكلو في السبوع والحاجات الحلوة..
ياسين:كلى يا ملك علشان لما نتجوز ونخلف نبقى ناكل كلنا سوا
ملك:حاضر يا ياسو بس امتى بقى
_هانت كلها عشرين سنه بس
ملك:ماشي يا ياسو..
كانو فرحانين جدا وبيغنوا وكانو عازمين ناس كتير اوووي ...
دخلت وسط المعازيم بابتسامه وقربت من فيروز وخبطت على كتفها..
_الف مبروك
ومدت ايديها بالهديه ..
فيروز بصدمه:سما!
#يارا_عبد_السلام
رواية دحيحة الدفعة والمعاق الفصل الثانى 2 من هنا
رواية دحيحة الدفعة والمعاق الجزء الثانى 2 من هنا
رواية دحيحة الدفعة والمعاق الجزء الأول 1 من هنا
تابعونا على التليجرام من هنا (روايات شيقة ❤️)
