رواية دحيحة الدفعة والمعاق الجزء الثانى 2 الفصل الخامس 5 بقلم يارا عبد السلام

رواية دحيحة الدفعة والمعاق الجزء الثانى 2 الفصل الخامس 5 بقلم يارا عبد السلام

رواية دحيحة الدفعة والمعاق الجزء الثانى 2 البارت الخامس 5

رواية دحيحة الدفعة والمعاق الجزء الثانى 2 الجزء الخامس 5

رواية دحيحة الدفعة والمعاق الجزء الثانى 2 الحلقة الخامسة 5

رواية دحيحة الدفعة بقلم يارا عبد السلام

رواية دحيحة الدفعة

رواية دحيحة الدفعة والمعاق الفصل الخامس 5

#دحيحة_الدفعة2

#الخامس

خالد:لو هزعل على ايدك معنديش مانع وبعدين هوا أنا مشبهش سي امير اللى كنتى قاعده معاه من شويه دا

قوليلي بيعمل اي وانا اعمل وصدقيني هبسطك اووي..

بسمه بعصبية رفعت ايديها ونزلت على وشه بالق*لم ..

بسمة بقوة:مسمحلكش تكلمنى بالطريقه دي واياك تعترض طريقى تانى انت فاهم..

ولسه هتمشي مسك ايديها ولقى اللي بيمسك أيده وبيبعدها عنها وزقه على الأرض ..

بسمه بصت على اللى واقف لقته امير اللي يصلها بابتسامه وثبات:يلا روحى انتى وملكيش دعوة بأي حاجه ..

بسمة بقلق:ارجوك أنا مش عوزا مشاكل..

امير:متقلقيش أنا مش هعمل مشاكل أنا بس هديله درس صغنن ازاي يتعامل مع البنات المحترمه ...

يلا روحى..

بسمه ركبت تاكسي وروحت..

وهى كل تفكيرها في امير وفى اللي ممكن يعمله في خالد...

امير قرب من خالد بهدوء :لو بصتلها بطرف عينك بس أو اتعرضتلها تاني مش هتعرف أنا ممكن اعمل اي،واسمع منى الكلمتين دول ..بسمه غير اي بنت انت تعرفها بسمه مش نوعك ولا شكلك فابعد عنها يا خالد احسنلك ..

خالد بسخريه:امممم وبسمه شبهك انت صح ونوعك انت المفضل يا صاحبي..

امير:اياك تقول كلمة صاحبى دي على لسانك تاني انت انسان طول عمرك خا*ين لنفسك وللصحوبيه وبتحب اللي في ايد غيرك وبتحب التملك زي ما علمك بابى ومامى وانا بقولك اهو ابعد عن بسمه يا خالد .

خالد بسخرية:مش هبعد يا أمير وورينى هتعمل اي ووقوفك قدامى النهارده خلانى اتمسك انى احصل عليها اكتر..

امير بعصبية ضربه بالبونيه:يا ابنى افهم انت مريض ومحتاج تتعالج ..

خالد بضحكه:اعمل اللى نفسك فيه الموضوع بقى تحدي بالنسبالى وانت اكتر واحد عارف انا في التحديات عامل ازاي ولا ناسي ايام ثانوي ..

_انت اي انت اي يا شيخ مبترحمش..

_لا انت اكتر واحد عارف انى بشجع اللعبه الحلوة والصراحة هى حلوة اووي فصعب الصراحه تفلت من تحت ايدي بسهوله حتى لو هتوصل لجواز يا يا صاحبي..

امير بعصبية:ماشي يا خالد هنشوف اخرتها ويانا يا انت..

امير مشي وخالد وقف مكانه وبص في أثره بخبث...

بليل...

عند بسمه كانت قاعده في اوضتها هتموت من القلق متعرفش اي اللى عملته دا واى الحوارات اللى دخلت فيها من يوم وليلة دي..

*اعمل اي اعمل اي اقول لبابا لا بابا عصبي وممكن يتجنن عليا اقول لمالك ،لا ممكن يقول لمعاذ ومعاذ عامل زي بابا بالظبط ،طب مليكه ،لا لا دي هبله ومبتعرفش تتصرف ،ماما...

لى لا ماما اى ماما ،ماما اصلا عميدة الكليه اللي فيها الزفت خالد دا ممكن تساعدنى بس لا هى متفقه معانا أننا منعرفهاش برا البيت طب اتصرف ازاي يا ربى اتصرف ازاي..

فجأه الباب خبط وبسمه قامت اتنفضت من مكانها:دا اكيد بابا ياربي اعمل اي اعمل اي ...

الباب خبط تانى فخدت نفس عميق وقربت من الباب وفتحت ولقتها اختها ملك جايه وفي ايديها الكتاب ومعاها طبق جاتو كبير..

_نعم

ملك ببراءه:في كام مسئله معصلجه معايا كدا على كام درس علوم قولت بس مفيش الا بسومتى حبيبتي اللي تساعدني صح يا باسومتى..

_تصدقى بالله لو ما حلتيش عن دماغى دلوقتي يا ملك لأقوم مغطسه وشك في الطبق دا 

_امممم طالما كدا اروح بقى أنا أقول لماما وبابا ومريم وعمر ومالك ومعاذ على حوار امير دا وهم يتصرفوا..

_اممم ولسه ناقص ياسين وفريده وحبيبه اللي في خامسه ابتدائي معرفتش..

_لا كدا كدا ياسين وفريده عارفين مقدرش أخبى عنهم حاجه..

_نعم يا اختى..

_ها عوزا الباقى يعرف ولا هتذاكريلي من سكات..

بسمه بتذمر:طب تعالى يا آخرة صبرى لما نشوف اخرتها..

ياسين دخل على عمه المكتب..

_ممكن اتكلم معاك شويه يا عمى..

مراد :تعالى يا حبيبي..

ياسين تتنهد وهوا بيفتكر كلام بسمه أنه لازم يجري ورا حلمه ويحققه..

قعد قدام مراد بتوتر ..

_بص يا عمى أنا هدخل في الموضوع على طول ..

_قول

_انا أنا عاوز افتح مطعم يكون خاص بيا وكل اللي محتاجه مبلغ صغير كدا ابدأ بيه المشروع واسدد الفلوس من الأرباح أن شاء الله..

مراد بصله وسكت وياسين قلق:أنا عارف ان مش وقته بس دا حلمى يا عمى وصدقنى مش هيأثر على دراستى بس انا شغفى الطبخ والأكل ونفسي اعمل مطعم صغير ابدأ بيه حياتى لانى عاوزها تكون مستقله بعيد عن الشركات والمصانع وغيره عاوز ابقى عندى مطعم باسمى ..

مراد ابتسم ابتسامه خفيفه:وانا واثق فيك يا ياسين وموافق انى اعطيك المبلغ السلفه زي ما بتقول ..

ياسين بفرحه:بجد يا عمى شكرا جدا جدا وقام باسه من رأسه ..

ووقف بفرحه بس كشر تانى:بس مريم وعمر

مراد:متقلقش أنا هقنعهم..

بس عاوز منك وعد 

_انت تؤمر

_عاوزك تكون قد الثقه اللي واثقها فيك يا ياسين وتحط جواك يقين انك كدا كدا ناجح مهما كانت النتيجه ومهما كان انت بتمر بأيه هى بس بتكون مسألة وقت مش عاوزك تيأس في اي يوم فهمت..

ياسين بابتسامه وثقه:وانا هكون عند حسن ظنك يا عمى طول منا شايف الثقه دي في عينيك ليا عمرى ما هخذلك ابدا..

تانى يوم ..

كان يوم إجازة والكل متجمع وكمان بيرتبوا لكتب كتاب معاذ ومليكه ..

بسمه كانت قاعده مع مليكه وبيتكلموا

مليكه:اخبار الكليه اي

بسمة بتوتر:حلوة اووي عال العال كمان 

_حد اتعرضلك تانى..

بسمه:الصراحه اللى اسمه خالد دا مش مبطل مش عارفه عاوز منى اي

_قولى لماما هوا في الكليه بتاعتها وهى هتتصرف معاه..

_مش عوزا اقولها تكبر الموضوع انتى عارفه فيروز كل خطوة لازم بابا وانا مش عوزا بابا يعرف ممكن ساعتها ينقلنى من الكليه ..

_طيب ما تتنقلي..

بسمة بتوتر:اصل الصراحه أنا حبيت الكليه دي..

مليكه بخبث:حبيتي الكليه ولا اتحاد الطلبه بتاع الكليه من اولها كدا..

_اوعى تفهمينى غلط

_يبت دانا اللى مربياكى

_تربيه متشرفش يا اخت مليكه والله..

_طيب أنا هقوم اجهز علشان كتب كتابى على قرة عيني النهارده ..

_هيييح ايوا كدا حبو بعض يا عيال حبو بعض .

كان ياسين وملك وفريده بيزينو الفيلا..

ملك :خد يا ياسين علق الورد دا

ياسين:أحلى ياسين اتقالت النهارده يا قلب ياسين من جوه..

ملك:يوه ما تكسفنيش بقى يا سي ياسين..

فريده برفعة حاجب:سي ياسين !!مرارتى هتتفقع..

ياسين كانت عينيه على ملك حب عمره وبس فجأه لقى كف سداسى الابعاد على قفاه..

مالك:اي يا حنين مش هتخلص الزينه ولا هتفضل تسبل..

بقى انتو يا عيال بتحبوا في بعض وانا مش لاقى كلبه تعبرنى

ياسين:واحنا مالنا الطيور على اشكالها تقع وانا ملوكتى فينا حاجات كتير مشتركه واولها الاكل..

مالك:هوا الاكل بس معتقدش في الاشتراكات تاني لأن دي اولوياتكوا..

فريده:فعلا والله مبيبطلوش اكل ومش باين عليهم..

ياسين:الله اكبر في عنيكوو.

بسمه جت وكلهم اتجمعوا وفضلوا يتكلموا ويهزروا ويضحكواا..

في الوقت دا دخل من باب الفيلا شخصيتين نعرفهم كويس من اول الروايه وهم(على وسلمى )مع اختلاف الاعمار طبعا ومعاهم شاب وسيم وهوا ابنهم محمد ..

على:عاملين اي يا ولاد اخواتى...

الكل اول ما شافوهم جريوا عليهم بالاحضان والسلامات ...

على:وحشتونى يا عيال فين كنت سايبكم وانتو قد كدا ..

وبص لمعاذ:كبرت يا معاذ وهتتجوز..

معاذ:وانت يا بابا كبرت وبقيت احلى منى..

على خده بالحضن بسعاده وبعدين قال:فين مراد وعلى..

كلهم:طبعا في الشغل..

وضحكواا...

عند مراد ..

دخلت السكرتيره

_مستر مراد في واحد اسمه امير عاوز حضرتك

مراد باستغراب:خليه يتفضل..

السكرتيره دخلته وامير دخل بابتسامه وقعد بكل ثقه:احم أنا امير في كليه طب سنه تالته مع بنت حضرتك بسمه..

مراد ببرود:ايوا يعنى عاوز اي وتعرف بسمه منين

_لا خالص أنا كنت جاى طالب من حضرتك ايد الانسه بسمه ...

_نعم!!!

#يارا_عبد_السلام

رواية دحيحة الدفعة والمعاق الفصل السادس 6 من هنا

رواية دحيحة الدفعة والمعاق الجزء الثانى 2 من هنا

رواية دحيحة الدفعة والمعاق الجزء الأول 1 من هنا

تابعونا على التليجرام من هنا (روايات شيقة ❤️)