رواية معلمة من الصعيد الفصل الثالث عشر 13 بقلم مريم شعبان
رواية معلمة من الصعيد البارت الثالث عشر 13
رواية معلمة من الصعيد الجزء الثالث عشر 13
رواية معلمة من الصعيد الحلقة الثالثة عشر 13
رواية معلمة من الصعيد بقلم مريم شعبان
 |
| رواية معلمة من الصعيد |
رواية معلمة من الصعيد الفصل الثالث عشر 13
بسم الله الرحمن الرحيم
(بارت¹³)
ماهر: اصبري ثواني نفسي اقولك حاجة
بيري: نعم
ماهر: احم انا عايز اتجوزك
بيري بصدمة: نعم
ماهر: موافقة
بيري: انت بتقول اي
ماهر بضحك: مصدومة كده ليه عايز اعرف رايك عشان اتقدم ل عمي رسمي
بيري: ماهر انت مش عايزيني
ماهر: نعم
بيري: زي ما سمعت عيونك بتقول كده بتقول انك جاي غصب عنك
ماهر بضحك: عيوني بطلي هبل بس
بيري: لا مش هبل دي الحقيقة انت مش عايزيني
ماهر: لو مش عايزك كنت قولتلك ليه انتي عارف ماهر عمر ما حد يقدر يغصبني علي حاجة انا عايزك و شايف فيكي ام ل ولادي
بيري: بطل كذب بقي
ماهر: بيري اتكلمي كويس
بيري: انا مش قولت حاجة غلط انت مش عايزيني و زي ما انت مش عايزيني انا مش عايزك
ماهر يمسك ايديها: جامد انتي مجنونة انتي تتمني واحد زي و اه مش عايزك بس اقسم بالله ما هسيبك
بيري: ماهر ايدي
ماهر: اجهزي يا بنت عمي فرحك بعد اسبوع
بيري: ماهر بطل جنان
ماهر: هعرفك ازاي تكلمني كده
بيري بعياط: ماهر انا اسفة بس انا مش عايزك
ماهر: انسي يا بنت عمي الخميس الجاي فرحك و يمشي
بيري تطلع اوضتها و تعيط
***
تاني يوم ف فيلا سليم الكل كان قاعد علي السفرة
ماهر: انا عايز اقول حاجة
سليم: خير
ماهر: عمي و جدي انا عايز اتجوز بيري
الكل: نعم
ماهر: زي ما سمعتوا اي ردك يا عمي
سليم: انا مش موافق
ماهر: نعم ليه
سليم: انا مش موافق بيري صغيرة عليك و من حقها واحد صغير
ماهر: و الله
سليم: اه مفيش جواز
اسماء: عمي حرام نقف قاصد سعادة الولاد
سليم: مش عايز اسمع صوت لا يعني لا
ماهر: تمام يلا يا ولاد علي المدرسة و يمشي
نبيل: ليه يا بابا
سليم: بيري يلا عشان تروحي شغلك
بيري: حاضر و تمشي و يطلع عز و جاد وراهم
سليم: نبيل كاظم تعالوا ورايا
اسماء: هو في اي
سهام: مش عارفة اصبري هنعرف
****
قدام الفيلا
ماهر: اركبي معايا
بيري: لا هروح لوحدي
ماهر: بيري اركبي و اسكتي
بيري: لا
ماهر: بيري اقسم بالله لو ما ركبتي هيكون ليا تصرف تاني
بيري: ماشي و تركب
عز و جاد كانوا واقفين مراقبين الموقف
عز: في اي
جاد: مش عارف يلا خدني معك
عز: يلا
جاد: هو احنا هنروح انهاردة بس و هنروح تاني من بداية الاسبوع
عز: اه امبارح و انهاردة للتعريف
جاد: تمام و يركبوا
عز: هنروح نجيب موده الاول
جاد: تمام
****
عند زهراء ف الكلية
زهراء: هتجي معايا بعد المحاضرة نروح المدرسة
هاجر: لا هروح علي طول عمي جاي عندنا انهاردة ربنا يستر
زهراء: خير بإذن الله فاضل محاضرة صح
هاجر: اه واحد ساعة ونص بس
زهراء: طيب الحمدلله يلا بينا
هاجر: يلا
****
ف المدرسة بيري دخلت المدرسة متعصبة و خبطت ف حد و موبايله يقع
غيث: يخربيتك ماشية كده ليه
بيري: اسفة مكنيش قصدي
غيث: اوف امشي من قدامي بدل ما اضربك
بيري: انا قولت انا اسفة
غيث: الموبايل يا بنتي
بيري: اعمل اي دلوقتي يعني
غيث: مش هرد عليكي عشان عيال عمك بس
بيري: لا رد رد ما هي ناقصك انت كمان اي القرف ده علي الصبح و تمشي
غيث: دي مجنونة اقسم بالله
****
ف الكلية عند البنات
زهراء: اه الحمدلله اننا خلصنا محاضرات انهاردة
هاجر: اه هي الساعة كام
زهراء: ١ يلا نمشي عشان الحقهم ف المدرسة
هاجر: يلا سلام
زهراء: لا اصبري هوصلك
هاجر: لا عشان تلحقي تروحي
زهراء: هم بيخرجوا ٣ يلا لسه بدري
هاجر: تمام يلا
****
ف المدرسة ف فصل جاد
موده: بإذن الله من الاسبوع الجاي مستر تامر هيكون معكم مادة الفلسفة انما انا علم نفس بس
جاد: ليه
موده: هتعرفوا الاسبوع الجاي الحصة خلصت هنبدا جد من الاسبوع الجاي و عشان نكون حلوين مع بعض ياريت تسمعوا الكلام تمام
يوسف: ان شاء الله
موده: ان شاء الله يا استاذ يوسف
***
ف مكتب سليم كلهم واقفين
ماهر: خلاص بقي
عز: منظركم امبارح كان مسخرة
ماهر: نعمل اي يعني مكنيش قدامنا غير كده، نرجع ب زمان بعد ما رجعوا من المدرسة
ماهر: بيري انا عايزك ثواني
بيري: نعم
ماهر: بصي انا هقولك بصراحة بس بالله افهمي صح انا جدي عايزيني اتجوز و الصراحة انا شايف انك صغيرة أوي عني و من حقك واحد تكوني اول واحدة ف حياته صدقني انتي احسن البنات بس مش معايا
بيري: ماهر انت اخوي مش اكتر
ماهر: ما عشان كده لازم نتصرف بطريقة مش واضحة
بيري: نعمل اي يعني
ماهر: اقولك ...
باك
زهراء: الحمدلله انها عدت علي خير و جدو مش اكتشف الموضوع و هو بيبص عليكم من البلكونة بعد ما خلص صلاة الفجر
جاد: اول مرة حد يضحك علي جدو
زهراء: واطي صوتك جدك يسمعك
جاد: لا راح يشوف الطلاب مش هيسمع صدقني
سليم: لا يا روحي جدك عارف إنكم كذابين
جاد: يلهوي
عز: الحاج منور والله
سليم: انا تضحكوا عليا يا جزم فاكرين اني مش هعرف
ماهر: احم حضرتك عرفت ازاي
سليم: شوفتكم متجمعين امبارح و سمعتكم
بيري: جدو ياريت حضرتك تفهم اننا مش مناسبين لبعض
سليم: انا مش عايز كلام بس ماشي يا احفاد سليم
ماهر: يا جدو بيري صغيرة من حقها تتجوز حد من سنها
سليم: طيب تمام بيري مش هتجوز ماهر
جاد: إيوه بقي
سليم: بس بشرط
بيري: اي
سليم: خلال شهر لو مفيش حد اتقدم ل بيري ماهر هتجوزها و من غير كلام كتير ده شرطي
بيري: جدو بس
عز: موافقين موافقين
بيري: عز
عز: اصبري بس تمام يا جدو الكل موافق صح
الكل: صح
سليم: شهر معكم شهر و انت يا زفت
جاد: انا
سليم: اه سيبك حصصك واقف هنا ليه
جاد: مش عندنا حاجة دلوقتي
سليم: تروح علي فصلك دلوقتي و يخرج
بيري: أنتوا بتهزروا هيجيب عريس مننا انا ف الشهر ده هيمشي ادور علي عريس ف الشارع
عز: يا ستي اهمدي بإذن الله هيكون فيه ندور كويس بس
بيري: انا مش بهزر
عز: طيب بصي احنا ممكن نجيب اي حد يجي يخطبك كام شهر كده لحد ما الامور تهدأ و بعد كده تسيبوا بعض
بيري: عز انت مجنون
عز: طيب هنعمل اي يعني مفيش حل غير كده الباب يخبط
الكل مين ،تدخل موده
موده: في اي قاعدين هنا كلكم ليه مالك يا بيري
بيري: مصيبة
موده: مصيبة اي بعد الشر
زهراء: عايزين عريس ف خلال شهر
موده: انا مش فاهمة
عز: بصي يا مراتي العزيزة عشان ماهر مش يتجوز بيري لازم حد يتقدم ل بيري ف خلال شهر لو مفيش ماهر هيتجوز بيري: جدك اللي قال كده
موده: نعم ازاي يعني
بيري: ده شرطه
موده: اي هنمشي ف الشارع ندور علي عريس
بيري: مش عارفة
زهراء: اهدي يا بيري اكيد ف حل ندور علي عريس نعرفه و نتفق يخطبك زي ما قال عز كده
بيري: يعني مفيش حل غير كده
موده: احم للاسف اه
بيري: طيب ندور بقي و كلهم رايحين جاين ف الاوضة بيفكروا
جاد: عريس عريس عريس إيوه
ماهر: اي
جاد: الواد سامي
بيري: سامي مين
جاد: اللي بيجيب طلبات البيت لينا
بيري: جاد اسكت بالله
عز: بس صح احنا عايزين واحد بسيط عشان ياخد الفلوس و ينفذ زي ما احنا عايزين بس بلاش سامي عنده عيال
بيري: اوف اخلصوا
جاد: اصبروا بقي افكر ف حد تاني
عز: اي رايكم ف سيد
ماهر: لا لا ده عليه قضية قتل
بيري: يلهوي يلهوي
موده: مش عايزين هزار عايزين ندور بجد
جاد: ما انا بدور شوفوا بقي عريس ل بنت عمكم شوفوا عريس يوافقوا علي الهبل بتاعنا ده
عز: مين المحروس اللي يوافق
جاد: مين يا واد يا جاد مين المحروس و الباب يخطب و يدخل غيث
غيث: عز و ماهر مستر سليم عايزكم
جاد يبص ل عز و ماهر و يبتسموا
عز: العريس
غيث باستغراب: ف اي
*****
ف بيت هيام
هيام بتحط العصير قدامهم
هيام: منورين يا ولاد
ماهر: بنورك معلش بقي جاين من غير معاد
هيام:معاد اي يا بني تنوروا ف اي وقت ده بيتكم اعملوا حسابكم الغدا عندنا انهاردة
موده: متخافيش يا عمتو مش هينزلوا من غير غدا
زهراء: لا غدا اي احنا هنتكلم و نمشي علي طول
هيام: انا قولت كلمتي خلاص الغدا عندنا انهاردة يلا اسيبكم تتكلموا
ماهر: موده غدا اي احنا بس جاين هنا عشان جدو مش يسمعنا
موده : ماهر انسا اني هيام تخليكم تمشيوا من غير غدا و عيب عليكم تدخلوا بيتنا و تنزلوا كده المهم دلوقتي هنعمل اي
غيث: انا مش فاهم حاجة
عز: بص يا غيث انت صحبي ف انت الوحيد اللي تنفع ف كده
غيث: طيب اي
ماهر: جدي عايزيني اتجوز بيري بس انا وهي مش عايزين كده و جدي حط شرط لعدم جوازنا انه حد يتقدم ل بيري ف خلال شهر
غيث: طيب انا اعمل اي
جاد: ما انت العريس يا باشا
غيث: نعم أنتوا بتقولوا اي
عز: غيث إسمعني انت الوحيد اللي مننا و جدي هيوافق عليك بسرعة عشان بيحبك و يعتبرك حفيد من احفاده هم شهرين خطوبة و بعد كده سيبوا بعض
غيث: يا جدعان بتقولوا اي بس
بيري: بص يا استاذ غيث طبعا انا موقفي زبالة أوي عشان انا اللي جاية اتقدم مش انت بس هم شهرين بس لعبة يعني علي جدو
غيث: مستحيل يا جماعة
بيري: انت يا بني انا مش هموت عليك يعني اي ياربي القرف ده
غيث: برضو تاني قرف قولتلها الصبح و انا مشيت الامور
بيري: ايوه هقولها مليون مرة و انا مش عايزة الشخص ده
غيث: اقسم بالله لا انا موافق يا جماعة
بيري: و انا قولت لا
عز: بيري بلاش لعب عيال
بيري: مش شايف هو بيتكلم ازاي بطريقة مستفزة
غيث: انا قولت حاجة انتي محتاجني دلوقتي اتكلمي كويس بقي
بيري: انا مش رخصية يا استاذ انا بعمل ده كله عشان جدو
غيث: مين قال انك رخيصة انا مش قصدي والله حاجة انا بهزر وموافق يا جماعة تمام
عز: خلاص يا بيري بقي بص غيث يومين و تجي تكلم جدي و تقوله انك عايز بيري تمام
غيث: ليه ما نخليها انهاردة
بيري: نعم
غيث: قصدي ناخد الموضوع و هو سخن
بيري: لا يومين عشان مش يشك ف حاجة
غيث: تحت أمرك يا جميل
ماهر: احترام نفسك
غيث: احم مش قصدي حاجة انا اسف
عز: فهمت هتعمل اي
غيث: اه يا جدعان
ماهر: طيب تمام يلا بينا احنا
حاتم: يلا فين
ماهر: حاتم ازيك
حاتم: الحمدلله بخير عاملين اي
الكل: الحمدلله
حاتم: تمشي فين يعني اقسم بالله ست الكل اللي واقفة ف المطبخ دي لو سمعت إنكم عايزين تمشوا هتحطكم مكان الفراخ
عز بضحك: لا لا خلاص
ماهر: هو احنا جاين نتعبكم يعني
حاتم: انت مش دخلت بيتنا انسا انك تنزلي ما نغير ما تأخد واجبك نورتوا يا شباب و الله موده روحي شوفي عمتك
موده: حاضر
زهراء: خدني معكي يلا بيري
بيري: يلا و يخرجوا
ماهر: صح يا حاتم انت شاغل اي
حاتم: انا رائد ف الشرطة
ماهر: ماشاء الله ربنا يوفقك
حاتم: يارب
غيث: جدعان انا عايز امشي
حاتم: تمشي فين
غيث: يعني أنتوا اهل ف بعض انا امشي بقي
حاتم: اقعد بس يا بني اهل اي انت مننا
غيث: تسلم و الله
جاد: جماعة ثواني
عز: خير
جاد: نفرض جدك قال الجواز يكون ف اقرب وقت زي ما حصل معك يا عز
عز: تصدق صح بس ده اللي هيحصل بجد يقولك شهر عشان تكون جاهز و الجواز يتم هيقولك شروط كتير كده
غيث شروط اي
عز: انك تقعد معنا
غيث: جدعان مش قولت خطوبة
عز: خطوبة دي قدام بيري انما هي هتوصل جواز
غيث: طيب علي بركة الله بس مش هقعد معكم ف الفيلا اكيد
ماهر: طيب هنعمل اي
عز: ما تقول رايك يا حاتم
حاتم: ما أنا مش فاهم
غيث: بص يا سيدي هقولك و يقول كل حاجة
حاتم: انا شفت مرة لمي كنت عندكم عمارة جنب الفيلا اي رايك يا غيث تأخد شقة هناك
غيث: فكرة صح برافو عليك
جاد: طيب لو قال نعمل فرح مختلط و كده
غيث: دي لا بقي
عز: متخفيش دي عليا انا
ماهر: المهر و الشبكة جدو هخليهم كتير أوي
غيث: موافق
عز: موافق علي اي
غيث: اي حاجة هو عايزها انا موافق عليها
عز: غيث انا عارف اننا متفقين معك و كله لعب بس اقسم بالله لو عملت حاجة ل بيري
غيث: يا عم انا اقدر اعمل حاجة
عز: تمام
موده: اتفضلوا يا جماعة الغدا
حاتم:اتفضلوا يا شباب تعالوا
عز: مراتي اللي طبخت
هيام: طبعا عملت السلطة
عز: السلطة بس
موده: هعمل امت يعني ما انا كنت ف المدرسة
عز: اه هناكل سلطة بعد الجواز علي طول
موده: لا يا حبيبي متخافيش مفيش اكتر من الاكل الجاهز
عز: مش بتعرفي تطبخي بقي
هيام: لا لو الحق موده اكلها جميل أوي أوي ماشاء الله
عز: طيب الحمدلله
هيام: اتفضلوا يا شباب معلش حاجة بسيطة
ماهر: بسيطة اي بس تسلم إيديك بجد
حاتم: طيب يلا بسم الله و ياكلوا ف جو لطيف و جميل و الكل كان مبسوط
****
ف فيلا سليم
سليم: هم فين لحد دلوقتي
سهام: مش عارفة و الله
سليم: العيال روحوا فين
نبيل: يا بابا احنا جاين معك مش عارفين بجد هم فين
سليم: حد يكلمهم
كاظم: محدش بيرد انا قلقان علي بنتي أوي
سليم: بنتك هربت مع الجزم اقسم بالله هولع فيهم
جاد: مساء الخير
سليم: أنتوا كنتوا فين كلكم كده
عز: كنا خارجين عادي
كاظم: انتي كويسة يا بنتي
بيري: اه يا بابا في اي
سليم: الساعة معكم كام و كنتوا فين ده كله
ماهر: الساعة ٦ كنا فين قولنا نخرج شوية بدل الزهق ده
سليم: انت يا زفت انت و هو مش هتضحكوا عليا تاني
جاد: ف اي يا حاج اي العصبية دي
سليم: بس يا جاد كنتوا فين
عز: عند موده
سهام: كلكم ليه
زهراء: عادي يا ماما عز كان رايح و قولنا نروح نرخم عليهم
سهام: برضو كلكم كده مش عيب طيب
ماهر: عادي يا ماما طنط هيام دي عسل أوي
سليم: روحتوا المكان ده تاني
عز: انا ورا حاجة مهمة بعد إذنكم
ماهر: عز خدني معك
زهراء:بيري صح تعالي عايزة اخد رايك ف حاجة
بيري: يلا و يجروا
جاد: انا اروح اذاكر بقي صح يا جدو احنا اكلنا عند طنط هيام و اكلنا كل حاجة حضرتك بتقول عليها لا و يجري
سليم: شوفت ابنك
نبيل بيكتم ضحكته: معلش يا بابا ما انت عارف جاد
سليم: ماشي ماشي يا احفاد سليم
****
يمر يومين و يجي بداية الفصل الدراسي ف المدرسة كلهم واقفين ف الطبور المدرسي
سليم: الفترة الجاية هيكون ف تغيرات كتير ممنوع الموبايلات ممنوع المكياج الزي المدرسي اتغير اخر اليوم تروحوا تاخدوا الزي الجديد
الكل قاعد يتكلم و يشتكي
سليم: مش عايز دوشة دي القوانين الجديدة
:بس يا مستر سليم احنا مش متعودين علي كده
موده: جدو لو سمحت اسمحلي اتكلم
سليم: اتفضلي
موده: انسوا اي حاجة كانت زمان
:احنا مش موافقين
موده: براحتك دي قوانين بتاعتنا اللي مش موافق يتفضل
الكل قاعد يتكلموا بعصيبة
موده بصوت عالي:انا مش عايزة اسمع صوت اي حد فيكم نطلع بنظام و مش عايزة دوشة علي السلم يلا اتحركوا الكل بدا يتحرك
*****
ف فصل جاد
تيا: لا لا ده مستحيل انا روحت اشوف الزي دي عملت فستان طويل اي الهبل ده
يوسف: اخدوا مننا الموبايلات تحت
مروان: هنعمل اي يا شباب
يوسف: مش عارف بس لازم نتصرف نلعب معها شوية
جاد: يوسف لا
يوسف: ليه ما احنا علي طول كده و مع الكل كده اشمعنا دي
جاد: دي غيرهم كلهم دي بنت عمتي
مروان: متخفيش يا جاد نلعب براحة يا عيال يا بلاش حاجات كبيرة متخفيش صدقني
جاد: مش عايز يحصلها حاجة
يوسف: عيب عليك برضو هي بنت عمتك
جاد: تمام
يوسف: بصوا بقي اول حاجة هنعمل
***
عند موده ماسكة ورقة و بتلف علي المدرسين
سليم: موده
موده: نعم يا جدو
سليم: مش ف فصلك ليه يا استاذة
موده: بلف ع زمايلي أجمع اوردر الفطار
سليم: نعم
موده: أيه يا جدو نشتغل و احنا جعانين ولا أيه
سليم: يارب لا انا صبري نفذ بجد انتي مش عارفة اني ممنوع اي اكل من برة و يجيبوا اكلهم و هم جاين
موده: اه عارفة بس تغير يا جدو و بعدين المطعم بتاع المدرسة مش فيه اي اكل حلو و احنا جعانين
سليم: موده يا حبيبتي انتي مش دلوقتي اخصائية يعني المفروض تفضلي ف مكتبك عشان لو اي حد محتاج حاجة
موده: تمام جعانة اشتغل وانا جعانة مش عيب برضو المهم اجبلك معنا اي
سليم: امشي من قدامي امشي
موده: حاضر و تجري
*****
عند عز كان ف مكتبه و تروح عنده موده
موده: صباح الفل
عز: صباح النور مالك
موده: كنت بجري من جدك
عز: ليه
موده: مش عايز نجيب فطار من برة
عز: ما انتي عارفة جدو و القوانين بتاعته
موده: القوانين دي عليكم انتم مش عليا انا
عز بضحك: والله
موده: لا بس حلو مكتبك
عز: مش اجمل منك
موده: حبيبي والله ربنا يحفظك
عز: قولي كلمة حلوة مرة انا بقيت جوزك
موده: بس يا بابا
عز: طيب يلا من هنا بقي
موده: لا هقعد هنا شوية
عز: تنوري يا وصية الرسول
موده تطلع سندويشات بطاطس و فول
موده: عز تاكل
عز: بطاطس و فول ف المدرسة جدو يا بنتي
موده: هتاكل ولا لا
عز: لا بالهنا انتي
موده: تمام صح هتبدا امت ف الجناح
عز: الاسبوع الجاي بإذن الله
موده: احنا الدور التالت
عز: اه يا حبيبتي ممكن بس ثواني عايز اركز ف حاجة
موده: تمام و تسكت شوية
موده: صح غيث هيجي بكرة ل جدك
عز: اه ثواني بس يا حبيبتي هخلص ده و نتكلم براحتنا
موده: تمام و تسكت
موده: الله الفول جميل أوي تصدق عم سيد بيعمل فول جامد والله انت مش بترد عليا ليه
عز: عشان قولت لحضرتك اني عندي بعمل حاجة قولت اقعدي ساكتة خمس دقائق بس
موده: انا غلطانة اني قاعدة معك اساسا هاكل و امشي
عز: يكون احسن ابتلاء من ربنا انا عارف
موده بصوت عالي: اي ابتلاء دي يا حبيبي
عز: بس بس صوتك احنا ف المدرسة
موده: احم مش قصدي بس عصبتني
عز: ما انا عايز كده
موده: تعصبني
عز: بحب اديقك بحب اسمع صوتك و انتي متعصبة
موده: يا رومانسي
عز: تصدقي انتي خسارة فيكي اي حاجة
موده بضحك: خلاص خلاص بس مش متعودة علي الرومانسية دي
عز: مش بقيتي مراتي اتكلم براحتي بقي
موده: اتكلم يا سيدي بس بلاش مدح أوي كده ده انا موده يعني ولا شعر اصفر ولا عيون خضرة جمالي عادي
عز: جمالك عادي
موده: اه
عز: اقولك حاجة
موده: قول
عز: انتي اجمل بنت انا شوفتها ف حياتي
موده بضحك: بطل كدب بقي
عز: اقسم بالله مش كدب انتي جميلة ب شكل لا يوصف شكلك جميل أوي روحك حلوة و شخصيتك قوية انتي اجمل بنت شفتها عيوني بجد لكي جمال خاص بيكي كده جميل عيونك السودة دي غرامي الجمال مش بيكون بالعيون الخضرة ولا الشعر الاصفر انا مش بقولك الكلام ده مجاملة يعني لا انتي بجد جميلة و جميلة أوي كمان يا موده انا بحبك كده و عايزك تكوني كده هتكون اول مرة هقول انا بحبك بجد بعشقك با موده و نفسي نفضل مع بعض علي طول
موده: انت بتقول اي
عز: بيقول الحقيقة انا بحبك أوي
موده: عز انا كنت بهزر علي الشكل و كده انت انت
عز: انا مش بهزر و يروح عندها و يمسك ايديها و باسها
موده: عز
عز: عيونه
موده: مش كدب صح
عز: ورب الكعبة بحبك بحبك يا ستي
موده: طيب ازاي امت اساسا احنا بقالنا شهر بس و بقالنا اسبوعين بس مكتوب الكتاب يعني
عز: حبيبتك من اول مرة شوفتك فيها لما حبيت ارخم عليكي و انتي عندنا بس قولت يمكن اعجاب كان اعجاب الاول بجد بس بعد كده حبيتك أوي وانتي يا موده
موده: انا اي
عز: مفيش خلاص
موده: تمام و الباب يتفتح
ماهر: بص بقي اقسم بالله هضربهم
غيث: هي اللي غلطانة
بيري: انا مش غلطانة و اتكلم كويس
غيث: انا اتكلمت
عز: ف اي
ماهر: مش احنا قولنا يقفوا يتكلموا مع بعض عشان جدو يشوفهم
عز: اه بس قولنا لما احنا نكون موجودين معهم عشان مش يوقف معها لوحدهم
ماهر: تمام لا دول واقفين انهاردة ف نص المدرسة بيتخانقوا و الهانم تقوله انا غلطانة اني دخلتك ف اللعبة دي
عز: يخربيتكم
بيري: هو اللي غلطان
موده: طيب اي سبب الخناقة
غيث: بقولها هروح انهاردة اتقدم ل جدك قالتلي لا لسه بكرة
عز: احنا مش متفقين علي بكرة
غيث: اه بس قولت يلا عادي
عز: يلا عادي طيب حصل اي بعد كده
بيري: قولت لا خلينا بكرة احسن
غيث: بذمتك قولتلي كده
بيري: مش بظبط
نومه: قولي يا بيري قولت اي
بيري: اي الاستعجال ده ولا انت لقيتها فرصة
غيث: فرصة مين بقي يا معفنة
بيري: معفنة ده انت قليل الادب
ماهر: غيث احترام نفسك
غيث: مش شايفها
ماهر: برضو كلمها كويس و بيري بس
بيري: انا مش عايزة الجوازة دي
غيث: يكون احسن برضو
عز: بس أنتوا الاتنين بس
غيث: خليها تقول اسفة
بيري: لا
غيث: بت اعتذاري
بيري: لا
ماهر: بس بقي بطلوا لعب العيال ده و موبايل موده يرن
موده: حاتم و ترد
موده: السلام عليكم
حاتم.....
موده: ليه ف اي
حاتم....
موده: اي انا هسافر دلوقتي سلام
عز: ف اي
موده: رحاب ف مصيبة يا عز
.....
#معلمة_من_الصعيد
#مريم_شعبان
رواية معلمة من الصعيد الفصل الرابع عشر 14 من هنا
لقراءة الرواية كاملة اضغط هنا (رواية معلمة من الصعيد)
تابعونا على التليجرام من هنا (روايات شيقة ❤️)
