رواية جعلتنى ملتزمًا الفصل الثالث عشر 13 بقلم حفصة نصر
رواية جعلتنى ملتزمًا البارت الثالث عشر 13
رواية جعلتنى ملتزمًا الجزء الثالث عشر 13
رواية جعلتنى ملتزمًا الحلقة الثالثة عشر 13
رواية جعلتنى ملتزمًا بقلم حفصة نصر
 |
| رواية جعلتنى ملتزمًا |
رواية جعلتنى ملتزمًا الفصل الثالث عشر 13
البارت الثالث عشر اتمنى يعجبكم ♥♥
صلي على النبي ويلا بينا 🤍🤍
#جعلتني_ملتزما✨
في شقة رنا
هشام ...عندي ليكي ديل(اتفاق) ايه رأيك ف اللي يرجعلك أدم لغاية عنك
رنا بلهفة ...ازاي
هشام ...عايزك توقعي بينه وبين حبيبة تفضلي وراه لغاية ما يحن وانا عارفه قلبه رهيف ومش هيستحمل وظهورك ف حياته تاني هيفرق اوي معاه
رنا...هشام أنا غلطت غلطة زمان لما بعت أدم بالفلوس ليك فاكر لما ضحكت عليا وقولتلي انك هتسرق بضاعة من مخزنه وانا جبتلك مفاتيح المستودع ومفاتيح غرفة المراقبة مقابل نص مليون جنيه
عارف ايه اللي حصل بعد كده شركة أدم انهارت وبسبب انهيارها أدم اتجوز حبيبة وضاع من أيدي يعني أنا اللي ضيعت أدم يا هشام بسبب طمعي
هشام ....وجاتلك الفرصة ترجعيه قلتي ايه بقا فكري ما تتصرعيش انا لولا باقي عليكي ما كنتش جتلك مانا ممكن اجيب واحدة من الشارع توقع بينهم لكن انتي ليكي سحرك الخاص علي أدم
رنا ....بهدوء....اطلع برا يا هشام انا بعت أدم مرة ليك مش هبيعه تاني
هشام ....انتي غبية المرة دي أنا مش قاصد أدم يا رنا أنا عايز حبيبة فكري مش هتندمي
رنا حطت ايديها علي ودانها وغمضت عينيها ...وقال بصوت عالي .....اطلع برا يا هشام برا برا انت شيطان
قام هشام ماسك رنا من شعرها وهي بصتله وبرقت وكانت ببتتألم....
هشام ....اسم الله علي الملاك اللي طالع منك يا روح امك انتي هتوافقي غصب عنك بالذوق بالعافية هتوافقي
في اللحظة دي كانت ميرنا خارجة بالعصير قامت رمته علي الارض وجريت مسكت ف هشام
ميرنا ....سيبها يا حيوان انت مين اصلا سيبها .كانت بتضرب فيه بقبضتها
هشام دفع ميرنا وقال لرنا ...أنا هاسيبك تفكري وهجيلك تاني ...سلام يا قطة
&&&&&&&&&&&&&&&&&&&
طبعا أدم بدأ تنفيذ مشروع ارض الاحلام وهو دلوقتي مشغول جدا مش هادي ابدا بيجري يمين وشمال في موقع البناء رغم أنه عنده مكتب مكيف هناك إلا أنه بيقضي يومه كله وسط العمال تحت الشمس بيشرف علي كل حاجة بنفسه...وطبعا دي حاجة طبيعية لما يكون شغلك هو شغفك وادم عنده شغف كبير بالهندسة ومبدع بجد
وفي يوم رجع أدم بعد يوم طويل من شغله وكان ظاهر عليه الإرهاق الشديد شكله كان واخد ضربة شمس
في شقة أدم
وصل أدم الشقة
أدم ...السلام عليكم. يا حورية
حبيبة ...حمدالله ع السلامة يا حبيبي اكلت
أدم ...اممم..اكلت مع العمال
حبيبة....انت دماغك ناشفة يا آدم أنا قلتلك ميت مرة خد علبة الغدا معاك انت رافض
أدم .... حبيبة هو أنا ف كي جي تو عشان اخد علبة غدا وبعدين هبقي محرج وسط العمال ..ريحي نفسك يا حوريتي أنا بتصرف ماتقلقيش
حبيبة...أدم ليه حاسة انك مرهق وتعبان
أدم ....أنا كمان حاسس اني عايز انام .أنا هادخل اخد شاور وصلي المغرب وبعدين انام ..ماتصحنيش إلا لما اصحي لوحدي تمام
حبيبة ...اوك يا حبيبي
وفعلا أدم نام وحبيبة استنت كتير بس أدم ما فاقش قلقت عليه ودخلت الأوضة تشوفه لقت وشه احمر وجبينه كله عرق حطت ايدها علي جبينه لقته سخن جدا قامت جابت ميه ساقعة وعملتله كمادات وفجأة.....
أدم بدأ يهلوس ويتكلم وهو نايم .....رنا لا رنا تعالي رنااا
حبيبة سمعت أدم بيقول اسم رنا حست بسكين طعنتها ف قلبها كملت كمادات بس كانت مقهورة اوي لدرجة أنها بكت
معقول أدم لسة بيحب رنا
وبعد مرور وقت
أدم بدأ يفوق بص لقي حبيبة قاعدة علي كرسي ونايمة وفي كمادات علي راسه (صاحي بعد ما عكيت الدنيا 🤣🤣)
أدم مسك ايد حبيبة .....حبيبة حبيبة اصحي
حبيبة نومها خفيف صحيت علي طول وقامت ساحبة أيدها من أيده وقالت بحزن
.....انت كويس دلوقتي
أدم ...هو أنا كنت تعبان
حبيبة ....كان عندك حرارة بس الحمد لله شكلها نزلت وقامت وقفت
أدم ....حبيبة رايحة فين تعالي نامي شكلك مانمتيش
حبيبة .....بنفس الحزن.....أنا هقرا قرآن في الصالة
أدم ....لا تعالي اقري هنا جمبي
حبيبة خلاص مش قادرة تضغط علي أعصابها .....فقالت بصوت عالي
..........لا أنا هاقرا برا ولا كل حاجة انت عايزها تمشي بمزاجك
أدم انصدم هي مش بتتعصب بسهولة وصوتها مابيعلاش ابدا
.......حبيبة مالك هو حصل حاجة انا زعلتك
حبيبة ......بغضب وبصوت عالي برضو.....لا مافيش اي حاجة وانت عمرك ما بتزعل حد ولسة هتمشي بس اترعبت من صوت أدم اللي فقد أعصابه من المجنونة دي
أدم......انتي بتزعقي ليه دلوقتي مالك اتجننتي ولا ايه
حبيبة ...... ممكن أسألك سؤال يا آدم ...انت اتجوزتني ليه انت عمرك ما شفتني ولا كنت تعرفني قبل كده
أدم......ممكن أنا أسألك سؤال حبيبة ...لا جاوب الاول
أدم ....لا هسأل انتي ايه اللي خلاكي تسألي عن الموضوع دا
حبيبة ...عايزة اعرف انت اتجوزتني ليه
أدم ....عشان ابوكي يساعدني اني انقذ شركتي
حبيبة .....امممم ...قول كده جواز مصلحة يعني
أدم ....كان كده ف البداية بس انتي عارفة اني حبيتك
حبيبة....حبتني اه فعلا....عمتا يا آدم الشخص اللي انت كنت عامل حساب لزعله مات خلاص طلقني واتجوز البنت اللي انت لسة بتحبها
أدم ...هيتجنن ...ومين بقا أن شاء الله اللي انا لسة بحبها
حبيبة ...رنا ...اول ما قالت رنا أدم ابتسم لأنها بتغير عليه
بس هي فهمت أنه ابتسم لما سمع اسم رنا
فنزلت دموعها تلقائي
أدم مش بيستحمل يشوفها بتعيط بتبقا زي الاطفال قام اتحامل علي نفسه ووقف وراح ناحيتها وحضنها بهدوء كأنها بنته
أدم .....ايه اللي خلاكي تفكري في رنا دلوقتي
حبيبة وهي بتعيط .....الاستاذ اللي طول الليل بيحلم بيها ويقول ف اسمها
أدم ابتسم ....طب هو أنا لو حلمت بعفريت وصرخت وقلت عفريت ابقي بحبه
حبيبة .....بصت له وقالت. ......لا
أدم...ابتسم الحمدلله انك بدأتي تفهمي ..وبعدين أنا كنت بحلم حلم وكنت هحكيه للشيخة حبيبة عشان تفسره
حبيبة......حد قالك اني أنا الشيخ ابو زر المغربي
أدم ضحك .....مش انتي من أولياء الله الصالحين
حبيبة....ما اقدرش اقول كده عن نفسي (ولا تزكوا أنفسكم هو أعلم بمن اتقي )
بس انت حلمت ايه
أدم ...حلمت أنه رنا بتلعب وتتنطط جمب حفرة فيها نار وانا بزعقلها عشان تبعد عن النار بس هو دا كل الموضوع يا مدام
حبيبة ...احم ..اقدر اقولك انها ممكن تكون واقعة ف مشكلة وانت هتحاول تساعدها
أدم ....بركاتك يا شيخة حبيبة
حبيبة ضحكت وضربته ....أنا مش عارفة ازاي انت بتمتص غضبي كده
أدم قام قرب وباسها ببطء شديد وقال لها ...بامتصه كده
حبيبة اتصدمت من رقته
وهو ضحك واتجه للحمام وهو بيقول
.....حبيبة فوقي وتمالكي اعصابك وروحي اتوضي الفجر بيأذن ...
حبيبة ...ها اه الفجر صح
&&&&&&&&&&&&&&&&&&&&&
في الصبح بقا
أدم راح الشركة اللي كان مرحاهش من أسبوع لانه مشغول في موقع مشروع ارض الاحلام
طلب من السكرتيرة ميرنا تجيبله ملفات الأسبوع كله وأثناء ماهو بيطلع عليها
الباب خبط دخلت بنت لابسة دريس محتشم ولابسة حجاب رقيق
أدم بص واتفاجئ لما شافها
ادم وقف مكانه .....رنااا انتي اتحجبتي مبروك ربنا يثبتك
رنا والحزن اثر فيها بجد ....الله يبارك فيك يا آدم ممكن اقعد
أدم ....اتفضلي
رنا ......ادم أنا عايزة أقولك علي حاجة ..خلي بالك علي حبيبة
أدم .....بقلق ...انتي بتقولي كده ليه
رنا ....هشام جا لي البيت امبارح وكان عايزني أوقع بينكم ولما رفضت هددني وقالي أنه هيخليني اوافق غصب عني
أدم كور أيده وخبطها علي المكتب......لااااا هشام الكلب دا زودها اوي أنا هروحله
رنا ....لا يا آدم أنا عارفة حاجة علي هشام تدخله السجن بس مش هقدر اقول اي حاجة دلوقتي الا لما اخلص إجراءات سفري ..أنا مسافرة ل بابا ومراته وأخواتي قررت اعيش معاهم في السعودية لذلك عشان اكون في امان مش هقول حاجة الا لما اكون هسافر ف نفس اليوم
أدم......رنا بجد شكرا بس نصيحة مني لو جالك هشام تاني وطلب منك نفس الطلب انك توقعي بيني وبين مراتي وافقي عشان يبعد عنك
رنا سمعت كلمة مراتي وحست بوجع ف قلبها ودموعها خلاص هتنزل فلحقت نفسها
رنا ....وقفت بسرعة ..أنا هامشي يا آدم وبصت له شوية ومشيت علي طول وهي خارجة كان مروان داخل
رنا ....ازيك يا مروان مروان ....كويس مبروك الحجاب يارب تعملي بيه
رنا .....مروان أنا آسفة علي اي حاجة عملتها وضايقتك
مروان اندهش دي رنا بجد ولا شبهها ....حصل خير
رنا مشيت علي طول
مروان دخل لادم المكتب
مروان بشك ....ياتري الباشا له علاقة بالحجاب
أدم .....انت بتلمح لايه فاكر اني أنا اللي قلت لرنا تتحجب
مروان ....اسمع يا آدم انت معاك بنت جوهرة اوعي تغلط يا صاحبي وتخونها
أدم ......انت بتقول ايه مالك كده قالبها دراما يابني كل الموضوع ........وحكي أدم لمروان كل اللي قالته حبيبة
مروان .....يابن ال****** بقا كده ..بس رنا شكلها مكسور اوي
أدم ....ربنا يوفقها ف حياتها مسافرة لوالدها
مروان .....بقلك امتي هتحنوا عليا واجي أخطب ست الحسن والبغال اختك
أدم .....ما تحترم نفسك يالا ...والله لاقولها
مروان .....لا يا صاحبي ارجوك هو احنا فينا من كده هنفتن علي بعض علي اخر الزمن
أدم ....اه عشان تتربي
مروان ...مانا لو رايح اخطب الاميرة ديانا مش هتركن الركنة السودة دي
ادم......خلاص بابا مستنيك انهاردة بالليل
مروان ......هتيجي انت وابلة حبيبة عشان تبقي ولي امري صح
ادم ...ابلة حبيبة!!!!! دانت قد أبوها ..وبعدين ايه ولي امري دي أحنا في مدرسة السعدية بويز(boys )
خلاص بالليل اجهز وكلمني وانا وحبيبة هنسبقك علي هناك
مروان بهزار......داكور يا حج.
&&&&&&&&&&&&&&&&&&&&
أدم خلص شغله وركب عربيته وراح ع البيت
وصل الشقة طلع مفاتيحه ودخل الشقة
أدم ....حبيبة .....حورية .....يا حورية ....أدم اتصدم لما شاف حبيبة واقعة ع الأرض عند المطبخ ومغمي عليها
أدم ....حبيبةااااااااااااااااا...............يتبع
&&&&&&&&&&&&&
رواية جعلتنى ملتزمًا الفصل الرابع عشر 14 من هنا
لقراءة الرواية كاملة اضغط هنا (رواية جعلتنى ملتزمًا)
تابعونا على التليجرام من هنا (روايات شيقة ❤️)
