رواية الممرضة والمعاق الفصل الثانى عشر 12 بقلم رحمة سامى
رواية الممرضة والمعاق البارت الثانى عشر 12
رواية الممرضة والمعاق الجزء الثانى عشر 12
رواية الممرضة والمعاق الحلقة الثانية عشر 12
رواية الممرضة والمعاق بقلم رحمة سامى
 |
| رواية الممرضة والمعاق |
رواية الممرضة والمعاق الفصل الثانى عشر 12
#الممرضة_والمعاق... ❤
#الفصل_الثاني_عشر.
فجاه دخلت سالي وضر*بت نادر بالفازة وقع علي الارض قامت روح وهي مصد*ومه.
روح: اي اللي عملتيه دا يا سالي دا شكله ما*ت دا ولا اي.
سالي بتوتر: انا انا... انا مكنش قصدي كنت عايزة ابعده عنك مش اكتر.
روح: طب هنعمل اي دلوقتي استني هشوفه.
روح قربت من نادر ولاقيت ان لسه فيه النفس حمدت ربنا وقامت بسرعه وقالت: احنا لازم نكلب ليه الاسعاف مش هينفع نسيبه كدا.
سالي: انتي مجنون اكيد هيبلغ عني وهروح في داهية.
روح: وانا مستحيل اسيبه كدا وسعي من طريقي.
ولسه روح هتتصل بالاسعاف حمزة دخل الاوضة هو ومراد واتصدم من شكل اخوه بس حاول يتمالك اعصابه ومراد قال: اي اللي بيحصل هنا دا مين اللي عمل في نادر كدا.
حمزة: في اي يا مراد نادر ماله وبيعمل اي في اوضتي اصلا.
روح بسرعه: هو كان جاي يشوفك واتكعبل ووقع والفازة وقعت عليه وكنت لسه هطلبله الاسعاف.
حمزة: مراد بسرعه اطلب الدكتور الخاص للعيله.
وفعلا مراد عمل كدا وجه الدكتور وبعد ما خلص قال: متقلقش يا حمزة بيه الاصابة بسيطه وهو شوية وهيفوق بس محتاجه شوية راحه ويخف شرب شوية.
حمزة شكر الدكتور ومشي ومراد قال: انا همشي دلوقتي يا حمزة وهبقي اكلمك.
بعد ما مراد مشي... سالي بصوت واطي قالت لروح: انا خايفه اوي لما يفوق ويقول عكس كلامك.
روح بثقه: مستحيل لانه كدا هيتكشف قدام حمزة فاكيد مش هيتكلم.
سالي: بتمني دا.
حمزة بشك: هو في اي بتقولوا اي انتي وهي.
روح: ولا حاجه كنت بقولها تطلع ترتاح عشان البيبي.
حمزة: روح عندها حق اطلعي ارتاحي يا سالي.
سالي طلعت وحمزة قال: لو سمحتي ممكن تروحي تعمليلي كوباية قهوة.
روح: حاضر.
حمزة اول ما روح خرجت مسك اللاب توب وبداء يدور علي حاجه وفجاه اتصدم من اللي شافه ومكنش قادر يفكر.
*في بيت نهي وصلت البيت وقالت لامها علي الشغل وطلبت منها تيجي معاها لانها هتبقي مضطرة تعيش هناك.
ام نهي: اي يا بنتي اللي بتقوليه دا يعني بعد كل التعليم دا تروحي تشتغلي خدامه.
نهي: مين قال بس اني هكون خدامه يا ماما انا هساعد والدة حمزة وكمان هساعد في الشغل بس من البيت.
ام نهي: معرفش يا بنتي بس قلبي مش مرتاح للشغلانه دي.
نهي بحب: متقلقيش يا ست الكل انتي عارفه بنتك علي اي.
ام نهي: ربنا يسترها عليكي يا حبيبتي.
نهي: يارب يا حبيبتي هقوم بقي احضرلك العشاء عشان العلاج.
ام نهي بعد ما نهي مشيت قالت: نفسي اقولم الحقيقه يا بنتي بس خايفه تكرهيني انا كان مغلوب علي امري والله بتمني لو جه يوم وعرفتي تسامحيني.
*عند سالي فوق كانت قاعده علي السرير وبتكلم مراد.
مراد: هو اي اللي حصل بالظبط يا سالي انا مش داخل عليا الكلمتين اللي اتقالوا دوال.
سالي: وانا امتا بكدب عليك يعني يا مراد هو دا اللي حصل فعلا.
مراد: تمام بس خليكي فاكره اخرة الكدب معايا اي.
سالي: عارفه متقلقش.
مراد: تمام النهارده لازم الموضوع يتم لازم يكون في حمل انتي فاهمه.
سالي بحزن: حاضر يا مراد قولتلك كذا مره حاضر.
مراد: صوتك بقي يعلي كتير فوقي لنفسك يا حلوة.
سالي: حاضر.
*في نفس الوقت نادر بداء يفوق واول ما شاف حمزة قدامه اتوتر.
نادر: انا فين اي اللي حصل اه دماغي وجعني اوي.
حمزة: انا اللي المفروض اسالك اي اللي حصل.
نادر: مش فاكر انا كنت هنا عشان اشوفك بس مش قادر افتكر اي اللي حصل.
دخلت روح: ما انا قولتلك يا حمزة هو وقع والفازة وقعت عليه.
نادر: اه اه فعلا دا اللي حصل.
حمزة: تمام انت دلوقتي كويس تقدر تقوم تروح.
نادر بخب*ث: بس انا حاسس اني لسه تعبان انا بفكر ابات هنا النهارده.
حمزة: لا يا نادر السواق بره هيروحك.
نادر باستغراب: في اي يا حمزة... دا بيت اخويا فيها اي لما ابات هنا النهارده يعني.
حمزة: وانا قولت لا والكلام خلص فاهم.
روح كانت مستغربة بس مقدرتش تتكلم وفعلا نادر مشي مع السواق وروح جت تخرج من الاوضة وقفها حمزة.
حمزة: استني راحه فين.
روح: انت عرفت منين اني خارجه من الاوضة.
حمزة: انا اه مش بشوف بس بسمع كويس.
روح: اه تمام مفيش انا كنت خارجه اقعد بره مش جيلي نوم وبصراحه مش حابه اقعد في الاوة دي.
حمزة: تمام انا اصلا زهقت من الاوضة دي ومن هنا ورايح هنرجع اوضتك انتي.
روح باستغراب: بس دي فوق وفي سلم هتطلع وتنزل كل شوية ازاي.
حمزة: ملكيش دعوة يلا اتفضلي نطلع فوق.
طلعو سوي فعلا ودخلت روح تاخد دش ونسيت هدومها بره وقالت لنفسها: ياربي هعمل اي دلوقتي هيقول عليا اي لما اخرج كدا بس هو هيعرف ازاي وهو مش بيشوف هخرج وخلاص. خرجت روح فعلا وكان حمزة قاعد علي السرير واول ما شافها اتوتر.
حمزة: اي كل دا خلصتي.
روح بتوتر وكسوف: اه اه خلصت معلش اتاخرت جوه لو عايز تدخل قوم.
حمزة: هو مال صوتك متوترة كدا ليه ومش علي بعضك.
روح: لا مفيش حاجه انا هدخل الحمام نسيت حاجه جوه.
راحت بسرعه خدت الهدوم ولسه هتدخل الحمام حمزة قام وقرب منها بحب ومسكها وبقي باصص في عينيها وفجاه قال: تعرفي ان لون عينيكي حلو اوي خطفوني من اول ما شوفتهم مع اني مخطوف من ساعة ما سمعت صوتك.
روح بصد*مة:..........
#يتبع
#بقلمي_رحمه_سامي
رواية الممرضة والمعاق الفصل الثالث عشر 13 من هنا
لقراءة الرواية كاملة اضغط هنا (رواية الممرضة والمعاق)
تابعونا على التليجرام من هنا (روايات شيقة ❤️)
