رواية سيدة القصر الفصل الثانى والعشرون 22 بقلم منال عباس

رواية سيدة القصر الفصل الثانى والعشرون 22 بقلم منال عباس

رواية سيدة القصر البارت الثانى والعشرون 22

رواية سيدة القصر الجزء الثانى والعشرون 22

رواية سيدة القصر الحلقة الثانية والعشرون 22

رواية سيدة القصر بقلم منال عباس

رواية سيدة القصر

رواية سيدة القصر الفصل الثانى والعشرون 22

#سيدة_القصر  بقلم  #منال_عباس

سكريبت 22

حاولت ريم إيقاظ لؤى ولكنه ظل نائما .. اقتربت ريم أكثر منه لتوقظه لتجد فجأة يد لؤى تجذبها إليه لتقع فوقه ....

ريم بشهقه : لؤى ...ما يصحش كدا ..وحاولت الابتعاد عنه ولكنه شدد من جذبها إليه 

لؤى : وحشتينى ..يا ريمووو ونظر إلى عينيها الخضراء الساحرتين ...عارفه كنت بحلم بيكى

ريم بتنهيدة : حلمت بايه 

لؤى : بكدا ..بقلم منال عباس 

ريم : بكدا ايه ...

اشار لؤى إليها فهى لازالت فوقه 

انتفضت ريم وابتعدت عنه بسرعه 

ريم : انت قليل الادب على فكرة ...

لؤى : وانتى حبيبتى على فكرة ...

ريم : يلا علشان باباك منتظرك تحت هو ونانوو

لؤى : ريم ..

ريم : نعم ...

لؤى : ما تيجى نتجوز ..انا بتكلم جد ...

ريم : مش انت قولت أننا هنمثل أننا مش طايقين بعض ...وبينا شغل فقط ...

لؤى : ريم ...انا محتاجلك معايا ديما ..انتى معايا ومش معايا ...ثم انك لا بتروحى الجامعه ..ولا سيبانى اهتم بيكى ....

ريم : طب نطمن الأول على موضوع لوسيا وبعدها ربنا يدبرها ...اسيبك تغير هدومك ويلا بقي الكل فى انتظارك ...وتركته ونزلت للاسفل...

     عند حسام 

حسام : فين لؤى يا ريم 

ريم : خلاص صحيته هينزل دلوقتى يا اونكل 

حسام : طب تعالى اقعدى جنبي 

كانت سندس ووالدتها ينظرون إليه باستغراب 

حسام : ورينى يا ريم تصميماتك للمصنع ...لؤى قال انك ديزاينر شاطرة ..

ريم : حاضر يا اونكل بس اسكتشات الرسم بتاعتى كلها فى شقه طنط سعاد ...

سعاد : ايوا فعلا ...ممكن بعد ما نخلص مشوار المستشفى تروحى انتى ولؤى تجيبيها ..

استغربت ريم ..

ريم : وليه لؤى 

سعاد : بصي يا ريم ..انتى زى سندس بالظبط ولؤى يا بنتى ..شاب كويس واللى حصل ..حرام يفرقكم من بعض ..الافضل تتكلموا وتتصالحوا 

نزل لؤى وسمع حديث سعاد 

لؤى : سيبيها على راحتها يا طنط ..ليرد عليه حسام 

حسام : طنط سعاد ..كلامها مظبوط ..وانا رأيي من رأيها ...

أشرقت : وانا كمان ..ارجوكى يا ريم ..اسمعى الكلام

سالم : صدقينى يا بنتى ...لؤى دا زينه شباب العائله

ريم : خلاص اللى تشوفوه 

أشرقت : يعنى خلاص سامحتيه 

ريم : ايوا يا نانووو 

أشرقت : ربنا يسعدكم يا اولاد 

حسام : يلا بقي اتاخرنا على لوسيا ...

ذهبوا جميعا إلى سيارتهم 

ريم : لؤى 

لؤى : نعم حبيبتى ...

ريم : تفتكر ليه كلهم النهارده مصممين أننا نتصالح ونرجع لبعض ..

لؤى : لانهم عارفين اننا بنحب بعض ..

ريم : بس طنط وفاء مش حابه وجودى ..

لؤى : سيبك منها ..هى ما بتحبش اصلا غير نفسها

ريم : صحيح افتكرت ..فى واحد امبارح جه ل طنط وفاء 

سندس شافتها بتتسحب وخرجت ليه 

لؤى :انا كمان شوفتهم بس ما لحقتش اعرف دا مين 

فى حاجات كتير مبهمه ..عايز اوصل بس لدليل 

ريم : انا معاك يا لؤى فى اى حاجه

امسك لؤى يدها وقبلها : ودا اللى يهمنى يا ريم 

وصلوا إلى المستشفى..بقلم منال عباس 

 وجدوا باسم وسامح ووفاء ومراد مجتمعين 

القوا التحيه عليهم 

أشرقت : طمنونى لوسيا عامله ايه دلوقت

مراد بحزن : لوسيا عندها مشكله كبيرة فى نخاع العظم...ومحتاجه متبرع لنقل الخلايا الجذعية 

والدكتور بيأكد أن الوقت مش فى صالحها ...

أشرقت : الطف يا رب ..طب وايه العمل ...اعملوا اعلانات فى كل المكان المهم حياة بنتنا ..

حسام : انا بفكر أننا كلنا نعمل تحاليل ونشوف مين فينا مناسب للتبرع ل لوسيا

باسم : كل ما بيزيد التوافق بين المتبرع و المريض 

كل ما بتزيد نسبه نجاح العمليه ...واحنا اهووو كلنا من نفس العائله ...نعمل التحاليل ونشوف مين أقرب حد مناسب ..

وفاء بقلق : بس انا ...انا ..

نظر الجميع إليها باستغراب 

وفاء : انا تعبانه ومش هقدر اتبرع ولا اعمل تحاليل

مراد : انتى بتقولى ايه يا وفاء ...المفروض انتى اول واحدة .

وفاء : انا عندى الضغط مش مظبوط الفترة دى 

ابدأوا انتم بس وانا هعمل التحاليل بعدكم ...

أشرقت : ابدأوا بيا 

باسم : لا يا نانو لا انتى ولا بابا ولا اونكل سالم ولا اونكل مراد ولا حتى ماما ...

احنا هنشوف الشباب الاول ودا الافضل 

ونظر لوالدته بلوم شديد ...

لؤى : انا موجود اهووو 

سامح : ابدأ بيا انا ..

ريم : وانا كمان ...يمكن يبقي فى امل 

سندس : وانا كمان ..

باسم : يبقي يلا بينا ...

مراد : ممكن افهم ايه معنى كلامك دا يا وفاء 

بتتخلى عن بنتك فى الظروف دى 

وفاء : انا ما اتخليتش عن حد ..انا قولت هعمل انا كمان ..بس بعدين 

مراد : عليه العوض فيكى ..انا داخل ل لوسيا وتركها ودخل ...

سعاد : اطمنى يا ست وفاء أن شاء الله ربنا يشفيها ..

وفاء : بنظرة حقد ..نظرت لها من أعلى لاسفل وتركتها ...

سالم : ما تزعليش يا سعاد ...والافضل ما تتكلميش معاها ...وانتى قيمتك من قيمتها واحسن كفايه اخلاقك ...وطيبة قلبك

سعاد : مفيش حاجه اطمن ...

بدأت أشرقت تشعر بالدوار فهى مجهدة منذ فترة 

حسام : ماما مالك حبيبتى

وأخذها إلى إحدى الحجرات وذهب لإحضار الطبيب

عاد سالم وحسام ومعهم الطبيب

بعد معاينه أشرقت 

الطبيب : الضغط عالى جدا ...واضح انها اتعرضت لحاله نفسيه ...

حسام : ايوا فعلا ...هى حزينه على حفيدتها 

الطبيب: طب انا هعلق ليها المحلول دا ...وتفضل النهارده تحت الملاحظه ...

       عند لوسيا

يدخل مراد عليها 

لوسيا : بابي حبيبي ...

مراد : حبيبتى يا لوسيا عامله ايه دلوقت

لوسيا : انا كويسه اوووى يا بابا ..وعايزة اروح معاك بقي ...وحشتونى اوووووووى

مراد : أن شاء الله يا حبيبتي ..ترجعى وتنورى القصر من جديد ...بس نطمن عليكى فى كل شئ

لوسيا : انا بقيت كويسه اهوووو 

كانت وفاء تقف بالخارج وتستمع إلى ما يحدث 

وفاء فى نفسها : ياااه يا لوسيا ..فكرت أن السر دا مات وانتهى ...بسبب تعبك ...كل حاجه كانت هتنكشف ...انا عندى تموتى ..ولا أن الماضى يرجع من جديد ....انا دفنت الماضى دا ومش على استعداد ...اخسر اى حاجه ...بقلم منال عباس 

       عند باسم 

كان الجميع كل فرد ممدد على السرير لأخذ العينه منه ...

وبعد أن انتهوا ...

لؤى : تعالى يا ريم نطمن على لوسيا علشان نلحق نروح نجيب التصميمات ...لان مطلوب مننا صفقه كبيرة ...هننزل بيها للسوق 

ريم : حاضر يا لؤى ...

نظر باسم ل سندس 

باسم : انا مش عارف اشكرك ازاي

سندس : على ايه يا باسم 

باسم : انك بتفكرى تتبرعى لاختى 

سندس : لوسيا انا بحبها ..وكفايه أنها اختك يا باسم 

باسم وهو يقبل يدها : ربنا ما يحرمني منك

ذهب سامح إلى حجرة لوسيا 

لوسيا : سامح ...كويس انك جيت ...قول لبابي أنى بقيت كويسه ..عايزة اروح ..

سامح : كلها يومين ..واعملى حسابك هترجعى 

وهنتجوز على طول ...مش هقدر انتظر اكتر من كدا..وانكل مراد موافق ...مش كدا يا اونكل 

مراد : ايوا يا حبايبي ....

لوسيا : انا فرحانه اوووى ...عايزة أخرج واختار فستان الزفاف ....

مراد : أن شاء الله 

لوسيا : اومال فين مامى  ...

مراد : كانت هنا ...هخرج اشوفها وتركها والدموع تملأ عينيه ...

     عند لؤى 

لؤى : ايه اللى حصل لنانووو

ريم : حبيبتى يا نانووو انا بحسك ماما الله يرحمها

ربنا يشفيكى يارب ..

أشرقت وهى تمسك بيد ريم : وانتى حفيدتى حبيبتى .. ونظرت ل حسام 

حسام : اطمنى يا ماما كل حاجه تمت زى ما انتى عايزة ...

سعاد : الف سلامه عليكى يا ست الكل ...

أشرقت : تسلمى يا بنتى ...

مراد : مالك يا ماما انا لسه عارف حالا ...ايه اللى بيحصل لينا دا ..

حسام : الحمد لله على كل حال ...

أشرقت : خليكم ديما سند لبعض ..اوعوا حد يفرق بينكم ...ونظرت ل حسام وقالت 

سيدة القصر ...رجعت ولازم تاخد حقها ودخلت وغابت عن الوعى 

احضر مراد الطبيب بسرعه 

الطبيب : للاسف ..أشرقت هانم دخلت فى غيبوبه 

بسبب الضغط العالى ....

ريم ببكاء : نانووو حبيبتى فوقى ارجوكى ..انتى عوضتينى عن حنان الام ..

لؤى : أهدى يا ريم ....ويلا نروح نطمن على لوسيا 

وأخذها الى حجرة لوسيا 

    عند سامح 

سامح : أسيبك تستريحى وهنزل اجيب عصير المانجا اللى بتحبيه 

لوسيا : مفيش داعى يا سامح تتعب نفسك 

سامح : تعبك راحه يا قلبي ....

خرج سامح من حجرة لوسيا ...على دخول لؤى وريم 

لوسيا : لؤى وريم سوا ...فرحونى انتم اتصالحتوا 

ريم : ايوا حبيبتى ..اطمنى 

لوسيا : انا فرحانه اوووى

ريم : طمنينى عليكى 

لوسيا : انا كويسه الحمد لله ..ومفيش داعى من وجودى هنا

لؤى : هانت يا لوسيا كلها يومين نطمن عليكى بس 

لوسيا : ماشي شكلكم كلكم متفقين عليا ...

لؤى : نسيبك ترتاحى ...خلى بالك من نفسك

لوسيا : حاضر 

ودعتها ريم وغادرت هى ولؤى 

كانت وفاء تقف بالخارج وتفكر بشكل جدى كيف يمكنها التخلص من الورطه التى وضعت فيها ...

وفاء لنفسها  : لو ما خفيتيش يا لوسيا ..يبقي هتحصلى .......يتبع 

#سيدة_القصر

بقلم #منال_عباس

رواية سيدة القصر الفصل الثالث والعشرون 23 من هنا

لقراءة الرواية كاملة اضغط هنا (رواية سيدة القصر)

تابعونا على التليجرام من هنا (روايات شيقة ❤️)