رواية العائلة الفصل الثالث 3 بقلم سلمى إبراهيم
رواية العائلة البارت الثالث 3
رواية العائلة الجزء الثالث 3
رواية العائلة الحلقة الثالثة 3
رواية العائلة بقلم سلمى إبراهيم
 |
| رواية العائلة |
رواية العائلة الفصل الثالث 3
رواية العائله بارت 3
كريم بخضه..نووووور
شالوها من ع الارض ودخلوها اوضه رغد واداها مروان حقنه وكان كريم هيموت من القلق عليها خصوصا ان حصل كدا بسببو وبدأت تفوق لكن كانت بتخرف في الكلام
نور بعدم وعي..اوووف ...يكريم سامحني بقا ونبي ..والله بحبك ..عارفه اني غلطت ...عارف لو قعدت جنب البت البارده اللي اسمها علا دي تاني والله هولع فيها ...بحبك اوي
كانو كلهم سامعين الكلام دا وبيبصو لكريم لكنو مش مدي اي رياكشن بس من جواه فرحان وحاسس انها وحشتو
تقي بضحكه علي نور..نور ...اصحي يبت اصحي
فاقت نور..اي دا هو اي اللي حصل
يوسف..الحمدلله انك صحبتي انتي بهدلتي الدنيا
نور..بطلو هزار بقا في اي
مروان بضحك اوي..مفيش حاجه يغاليه مفيش قومي بقا اوعي تنامي تاني
نور بقلق..هو نا خرفت في الكلام
هزت راسها رغد .،اه
بصت نور لكريم باحراج وهو حس احراجها ف....
كريم..هستاذن انا يحماعه ..وبصلها وكمل ..الف سلامه ...وبعدها مشي
ندهت نور لتقي وبصوت واطي
نور..تقي تعالي
تقي.،اي يقلب تقي
نور..هو نا قولت اي بالظبط
تقي بضحك..هبقا اقولك بعدين
يوسف..تقي..تعالي عاوزك
تقي..طب بصي هشوف يوسف عاوز اي
نور..انا عاوزه امشي انا محروجه اوي
تقي..يبت عادي يعني ما كلنا عارفين انك بتحبيه وعاوزاه هي جديده يعني
جالها يوسف ومسكها من دراعها
يوسف بنرفزه خفيفه..هو نا مش قولتلك تعالي عاوزك
تقي..براحه ييوسف سيب ايدي كدا ...كنت بكلم نور
يوسف..ماشي يبقي تقوليلي هخلص مع نور واجيلك مش ولا كأني موجود كدا
تقي..اسفه متزعلش
يوسف بضربه خفيفه..اسفه اي يهبله نتي ...تعالي تعالي
تقي بطفوله..عاوز اي
يوسف..عاوز اقولك بحبك اوي
تقي بابتسامه..ونا بموت فيك اوييي
نور..خليكوا انتو حبو في بعض كدا وسيبوني كدا
يوسف..يبت متخافيش ..انا هخليلك كريم البارد دا يبقي بتوجاز كدا من الغيره عليكي
...................................................
في اليوم التالي..صحي مروان كان رايح الكليه
عايده..اي يبني اللي مصحيك بدري كدا
مروان..عندي سكشن والدكتور دا مبيرحمش مش عاوز اتأخر
خرج يوسف من اوضته
يوسف..صباح الخير
عايده..صباح الفل يحبيبي..اي اللي مصحيك بدري نت كمان
يوسف..يا أمي كنت بصحي في المعسكر من الفجر كدا حلو اوي
مروان ..طب انا همشي بقا انا
عايده.،لا اقعد افطر الاول
مروان..يماما افطر اي بس بقولك متأخر
يوسف..انت بتكلم امك كدا ياض ..طب تصدق بقا انك هتعد تفطر والله منتا خارج قبل ما تفطر
مروان..يجماااااعه هتاااااااخرررررررر
وفي الاخر قعد فطر مروان غصب عنو ووصل الكليه
مروان قدام السيكشن لنفسو..يالهوي ..هعمل اي بس الدكتور بدا ...هدخل وخلاص نا مروان بردو
دخل مروان بكل هيبه وبرستيج
الدكتور..استني عندك نت فاكر نفسك فين
مروان..يادكتور والله اتاخرت غص..............
الدكتور..انا مليش علاقه اتقضل برا
مروان..يادكتور بس......
الدكتور..اتفضل برا
خرج مروان وماشي لقا نادين جايه تجري من بعيد
مروان..استني استني راحه فين
نادين ..نت اللي واقف هنا لي
مروان..لا بلاش تدخلي عشان الدكتور هيطردك
نادين بضحكه..ونت اتطردت
مروان بثقه..لا طبعا ...انا اللي خرجت بمزاجي ..تيجي نقعد تحت في الكافتيريا لحد ما يخلصو
نادين بفرحه..طبعا ..يلا بينا
ونزلوا قعدو في الكافيه
...................................................
في المعهد بتاع رغد
رغد..يعني مازن قالك كدا يكنزي
كنزي صاحبه رغد ..اه والله ..اسمعي كلامو بقا انتو بقالو 3 ستين مع بعض
رغد..بقولك قفشتو كان واخدها عوامه ابوه ودخلت لقيتو واخدها في حضنه وبيبوسها
كنزي..اه بس هو جاي معتذر اهو ...خليكي حلوه بقا
رغد..يجي لحد تندي ويعتذرلي وافكر ساعتها
جهه مازن من وراها وحضنها من ضهرها وباسها من خدها
مازن..انا اهو يستي وبقولك انا اسف
بصتلو رغد كدا بتكبر وقرف
مازن..اسف بقا يقلبي متزعليش
رغد..كل مره اقفشك وتقولي اخر مره ومتزعليش
مازن..المره دي بجد .....خلاص بقا
رغد..ماشي يمازن خلينا وراك للآخر
مازن..بموت فيكي
..............................................
كان قاعد كريم بيخلص ورق في الشغل في البيت وبعد ما خلص قام كدة من ع الكتب وقعد علي الكرسي بتاعه ورجع راسه ورا وغمض عينه وكان ماسك الكوره بتاعت التوتر دي وفضل يفكر في نور ويقول لنفسو...هو نا لي قاسي معاها كدا هي فعلا غلطت لكن انت متأكد من جواك انها ندمت لكن بردو كل مره بتيجي علي قلبك وعلي نفسك وعليها هي كمان ..كفايه يكريم ..بس لا مش بالسهوله دي ..هي لو حاولت تكلمني تاني مش هسمعلها لكن بعد كدا مش عارف بقا هقدر اقاومها واقاوم كلامها وحضنها ولا لا ............
..................................
في الكافتيريا عند مروان و نادين........
مروان..بس يستي هي دي حكايتي ..اي رايك بقا
نادين..لا حلوه اوي بصراحه...بس انت شايل منها حته كبيره اوي
مران..حتت اي بقا
نادين..يمروان دا نت كلمت بنات بعدد خطوات رجلك
مروان بضحك..لا والله مش للدرجة دي ...سيبك مني بقا احكيلي عن نفسك ...طبعا زي اي بنت مصريه كافحت عشان تدخل طب
نادين..يارتني زي اي بنت مصريه
مروان..مش فاهم قصدك اي
نادين..الحقيقه انا عندي...............مكملتش وفونها رن
نادين..الو ....اي يبابا.............
الاب(مدحت)..بقولك اي انزلي المنصوره انهارده ضروري
نادين بقلق.لي ....في اي
مدحت..انهارده خطوبتك من هشام ابن عمك
نادين بزعيق مما قلق مروان..انت بتقول اييييه انت
مدحت..انتي بتزعقي يبت انتي ليا
نادين..سلام يحاج انا جايه اهو ..نشوف بقا نت عاوز اي
نادين لمروان.. معلش يمروان همشي دلوقتي
مروان..طب حصل اي طيب
نادين..سلااام
مروان..ناديين
ومشيت من ادامو بسرعه وركبت أوبر وهي في طريقها لبيتها في المنصوره
..........................................
خرج كريم راح الشركه وكان قاعد بيخلص ورق مهم ودخلت ساره ليه
ساره..مستر كريم في واحد عاوزه تدخل لحضرتك
كريم..مين يعني
ساره..بتقولك اسمها نور
كريم ضربات قلبو زادت..طب بصي خليها بره 5 دقايق ودخليها
ساره..تحت امرك يا افندم ..وخرجت
كريم..هففففففف ....نت عملت كدا لي امسك نفسك يكريم ..اهدي
ودخلت نور وهو كان ماسك ورق عامل نفسو مشغول يعني
نور بعشم..ازيك يكريم...عامل اي
كريم ببرود..الحمدلله ونتي عامله اي
نور بدموع..كريم هو نت هتفضل تعاملني كدا كتير بقالك 6 شهور بتعمل معايا كدا
كريم..مش فاهم عاوزه اي يعني
نور بدموع اكتر..كريم.....هو نت بطلت تحبيني
كريم بهدوء.. ممكن بس متعيطيش ..اهدي ينور
نور..بص انا كل دا علي امل انك هترجعلي واي حد بيتقدملي برفعه لاني مستنياك..بس لو نت خلاص شلتني من دماغك قولي عشان اشوف حالي
هنا كريم فقد بروده واتحول من شخص هادي وبارد لشخص غيور جدا وعصبي لانو حس انها ممكن تضيع منو
كريم.. نعععم يختي ....هو نتي اصلا في حد بيشوفك وبتعجبيه وعاوز يتقدملك كمان
نور..اه اكيد نش بنت
كريم بصوت عالي سمع الشركه كلها ..انتي اتجننتي يبت ولا اي ...دا اللي يفكر ياخدك مني اقتله
نور بفرحه..كريم اهدي الناس في الشركه هسمعو
كريم قام مسكها من دراعها وشدها..قومي معايا يبت انتي عشان في قاعده انهارده مع امك
شدها واخدها راكبها العربيه وهي كانت هتموت من الفرح وكان هو طول الطريق متعصب وسايق باقصي سرعه
..................................................
خرجت رغد ومازن من الكليه وكان واخدها العوامه بتاعتو
رغد..احترم نفسك بعد كدا ماشي
مازن..والله خلاص اخر مره
رغد..طيب ..انا مش هعرف اسهر معاك انا اخويا في البيت .
مازن..مش هنتاخر متخافيش
واخدها ودخلو العوامه وجابلها كاس خمرا وشربت معاه وقعد يقرب عليها وحده وحده ويلمس جسمها بطريقه قذره ...قامت هي ......
رواية العائلة الفصل الرابع 4 من هنا
لقراءة الرواية كاملة اضغط هنا (رواية العائلة)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
