رواية الورث الفصل العاشر 10 بقلم رنا سليمان

رواية الورث الفصل العاشر 10 بقلم رنا سليمان

رواية الورث البارت العاشر 10

رواية الورث الجزء العاشر 10

رواية الورث الحلقة العاشرة 10

رواية الورث بقلم رنا سليمان

رواية الورث

رواية الورث الفصل العاشر 10

الحلقه العاشره (١٠)

كريم:مكنش قدامي حل غير اني اسكت……علشان لو كنت اتكلمت محدش فيكم كان هيصدقني وكلكم كنتو هتصدقوا حاتم……لانه اخوها وفي تفكيركم عمره ما هيأذيها…….علشان كده انا فضلت ساكت ومقولتش اي حاجه 

جمال:هو انت شايف ان دا مبرر للي حصل؟!…..نور كانت بين الحياه والموت وكلنا كنا هنموت عليها وانت كنت عارف مين عمل كده وساكت

كريم:فكرت كدا مره اني اتكلم واثبتلكم ان كلامي صح بس كنت خايف علي نور…….حاتم مبقاش يهمه حد وكان ممكن يأذيها…….صدقوني والله انا عملت كل ده علشان نور

زياد:علشان خاطر نور؟!……هو انت مصدق نفسك يا كريم……هو انت كده فاكر اننا هنصدق كلامك دا

كريم:انا عمري ما اذي حد فيكم بالذات نور يا زياد

فايز:مهو واضح يا كريم……انا كنت فاكرك هتتغير للاحسن وتبقي بني ادم كويس بس لا…..هتفضل طول عمرك شخص اناني ومبتفكرش غير في مصلحتك حتي لو مصلحتك دي هتأذي غيرك……انت مصلحتك كانت مع حاتم وداليدا علشان كده سكت علي اللي حاتم عملوه ومتكلمتش

كريم:وانا ايه مصلحتي في كده يا فايز

فايز:انا وانت عارفين كويس اوي مصلحتك معاه ايه يا كريم……انت وهو مبتفكروش غير الفلوس واللي كنتوا هتخدوها لو نور كانت ماتت بعد الشر او حصلها حاجه 

كريم:دا علي اساس اني الشيطان الوحيد اللي بينكم وانا الوحيد اللي بفكر التفكير دا هنا مش كده؟!…….انتو كلكم زيي مفيش حد احسن مني هنا كلنا مبنفكرش غير في الفلوس وبس

رحمه:كفايه بقي……كفايه حرام عليكم……انتو ايه معندكوش دم…….هو دا وقت الخناق……ابن عمك لسه دمه مبردش ونور مش موجودة ومحدش عارف عنها حاجه وانتو هنا قاعدين تتخانقوا…….بدل ما انتو قاعدين تتخانقوا كده انزلوا ولاقولي نور وبعدها اعملوا اللي انتو عايزينه…….وانت يا كريم……نور لو حصلها حاجه انا مش هسكتلك ولا انت ولا اخواتها…….اطلع برا ومش عايزه اشوف وشك هنا غير لما نور ترجع……برا يا كريم بقولك

خرج من القصر وهو متعصب……قفل الباب وراه جامد……فضل واقف قدام القصر……حط ايده علي راسه……كان بيحاول يفكر يعمل ايه او يتصرف ازاي علشان يلاقيها 

فتحت الباب……دخلت وقفلت الباب وراها……بدات تمشي  بخطوات بطيئة…….كانت بتبص علي البيت بحزن……بيت صغير وبسيط وقديم …….كان كله تراب وباين ان محدش دخله من سنين

قعدت علي الكرسي اللي قدامها وهي بتفتكر اول مره دخلت فيها البيت دا معاه

نور:البيت دا شكله قديم اوي يا جدو……انت تعرف اصحاب البيت دا ولا ايه

عبد الرحيم:طبعا اعرفهم……اصحاب البيت دا يبقوا انا وجدتك الله يرحمها يا نور

بصتله بصدمه……اتكلمت وهي مش مصدقه 

نور:بيتكم؟!……انا اول مره اعرف ان كان ليكم بيت غير اللي احنا عايشين فيه 

عبد الرحيم:دا البيت اللي انا وجدتك اتجوزنا فيه…….ساعتها كنت لسه في بدايه حياتي ……تعبت كتير في شغلي واطردت من كذا مكان كنت بشتغل فيه وجدتك كانت واقفه جمبي وعمرها ما تخلت عني في يوم……قولت بعدها ابدا ابني نفسي ب نفسي……اشتغلت كتير لدرجه اني ساعات مكنتش بنام غير ساعتين تلاته في اليوم…….عملت المستحيل علشان اكبر واكبر اسمي معايا……وبعد تعب سنين وصلت ل اللي انتي شايفاه دا……وكل دا كانت جدتك جمبي ومسبتنيش لحظه………كنا عايشين اسعد اتنين……عارفه يا نور……انا كل ما احس نفسي تعبان او مخنوق من حاجه باجي هنا  واقعد مع نفسي……بقعد افتكر الايام الحلوه اللي كنت بقضيها مع جدتك هنا

قربت منه حضنته وبدات تتكلم وهي مبتسمه

نور:يعني افهم من كده ان دا مكانك السري اللي بتيجي فيه من ورايا

عبد الرحيم:اومال انا جبتك هنا ليه يا حبيبه جدو……انتو اول واخر واحده تعرف المكان دا……عمري ما قولت لحد علي المكان دا نهائي……بس علشان انا مليش غيرك…….ودا يا ستي مفتاح الشقه اهو……علشان لما تكوني مدايقه من حاجه وعايزه تقعدي لوحدك تيجي علي هنا

نور:مع اني واثقه اني مش هحتاج المفتاح دا طول ما انت معايا……بس ماشي هخليه معايا

عبد الرحيم:ربنا يخليكي ليا يا حبيبتي وتفضلي معايا وتكوني اجمل عروسه في الدنيا

نور:ممم…..شكلك زهقت مني عايز تخلص مني بسرعه

عبد الرحيم:مقدرش ازهق منك يا حبيبتي بس انا نفسي اطمن عليكي وافرح بيكي

نور:والله انا مستعده اتجوز بس اتجوز واحد يكون قمر شبهك بالظبط غير كده مش هقدر

عبد الرحيم:اما نشوف بكره لما تحبي واحد مش شبهي هتفضلي علي نفس كلامك دا ولا ايه

نور:متخافش القمر دا مفيش منه اتنين ……اقفل بقي علي الموضوع دا وتعالي وريني الشقه حته حته 

عبد الرحيم:تعالي يا حبيبتي 

اتنهدت بحزن……بدات تتكلم وهي بتعيط

نور:انا اسفه يا جدو……مقدرتش احميك من احفادك وخليتهم ياخدوك منك…….لو كنت اعرف ان دا هيحصل لا يمكن هسمح انهم يعملوا كده……عمري ما كنت اتخيل ان اخواتي يعملوا كده…….كانوا اكتر ناس بحبهم وبثق فيهم…..بس مطلعوش قد الثقه دي……انا محتاجه ليك اوي يا جدو……محتاجه تقف جمبي وتساعدني……انا خسرت كل حاجه وبقيت لوحدي……مش عارفه اعمل ايه ولا اروح لمين

الباب خبط……بصيت علي الباب ب استغراب……مسحت دموعها بسرعه وقامت علشان تفتح الباب……فتحت الباب……اتصدمت اول ما شافتها قدامها

نور:انتي؟!……انتي عرفتي مكاني منين؟!

قاعد علي الكرسي……بيهز رجله بعصبيه…….قاعد قدامه مبتسم……ماسك القلم وبيلعب بيه

حاتم:ممكن حضرتك تقولي انا ايه تهمتي اللي تخليني قاعد هنا 

سيف:هي مش تهمه واحده يا حاتم بيه…….دول تهم كتير……قتل وسرقه وتجاره مخدرات……حلو كده ولا تحب تسمع اكتر

حاتم:كل دا كدب ومفيش دليل عليه…….انا عمري ما اقتل حد ولا اذي حد نهائي…….دا اكيد طارق وشيماء اللي عملوا كده…….عايزين يوقعوني ويدمروني بعد ما رفضت اني اعترف ب ابنها بس كل اللي هما قالوه دا كذب و محصلش……بس انا مش هسكت…….انا عايز اقدم بلاغ فيهم هما الاتنين 

سيف:اهدي بس يا حاتم بيه…….انا مقولتش ان شيماء وطارق هما اللي بلغوا عنك……ولا قولت كمان اني معيش دليل…..انا معايا دليل ضدك……واللي عمل كده اقرب حد ليك…….اختك الانسه داليدا

اتكلم بصدمه وهو مش مصدق

حاتم:داليدا؟!

علياء:انتي ليكي عين تيجي لحد هنا بعد اللي عملتيه في نور دا

داليدا:انا مبقاش ليه مكان غير هنا علشان اجي فيه يا علياء……انا بلغت عن حاتم……وخايفه ارجع البيت يأذيني…….مليش مكان غير هنا علشان اجي عليه

علياء:كنتي تفكري في الكلام دا قبل ما تسكتي عن اخوكي بعد اللي عمله دا يا داليدا……لكن دلوقتي انتي مبقاش ليكي مكان هنا

داليدا:ايوه بس دا بيت اختي يا علياء……ومفيش حد يقدر يخرجني منه ابدا

زياد:اختك؟!……دلوقتي بقيت اختك…….وكانت فين اختي دي لما كانت في المستشفى بسببكم ومحدش فيكم فكر حتي اني يجي ويزورها مره واحده بس…….كانت فين اختك دي لما كلنا كنا ضدها وكانت لوحدها ومحتاجة حد فيكم جمبها……جايه تفتكري اختك دلوقتي بعد ما دمرتي حياتها……احنا اسفين يا داليدا……بس انتي ملكيش مكان بينا هنا…….لحد ما نور ترجع وتكون بينا وساعتها هي اللي تكرر اذا كنتي تيجي وتعيشي معانا هنا ولا لا

داليدا:بس انا كده هبات في الشارع……انا……انا حتي معيش فلوس اروح اقعد في فندق

رحمه:كنتي تفكري في اللحظه دي قبل ما تأذي اختك يا داليدا……انا كان نفسي اقف معاكي واعارض كلام زياد……بس للاسف زياد عنده حق……انتي متستحقيش تقعدي في البيت دا ولو للحظه واحده طول ما صاحبته مش موجودة……اول ما نور ترجع بالسلامه هي اللي تقرر وجودك من عدمه يا داليدا

…..يتبع…..

"الورث"

رنا سليمان

رواية الورث الفصل الحادى عشر 11 من هنا

لقراءة الرواية كاملة اضغط هنا (رواية الورث)

تابعونا على التليجرام من هنا (روايات شيقة ❤️)

تابعونا عبر أخبار جوجل من هنا (روايات شيقة ❤️)