رواية الورث الفصل العشرون 20 بقلم رنا سليمان
رواية الورث البارت العشرون 20
رواية الورث الجزء العشرون 20
رواية الورث الحلقة العشرون 20
رواية الورث بقلم رنا سليمان
 |
| رواية الورث |
رواية الورث الفصل العشرون 20
الحلقه العشرون (٢٠)
فايز:قصدك ايه يا متر…….يعني احنا كده خلاص فلسنا؟!
صبري:مش بعيد…….خلال الشهر الجاي دا لو مقدرناش نسد العجز اللي موجود دا هنضطر اننا نعلن افلاسنا للصحافه
نور:انا مش مصدقه……..ازاي كل دا يحصل من غير ما تقولي يا متر……..احنا وضعنا كان كويس جدا قبل ما اسافر…….ازاي دا حصل في المده القصيرة دي
صبري:انا قولت بلاش احكيلك علي حاجة يمكن الوضع يتحسن والشركه ترجع زي الاول ولا احسن……..لكن الوضع عمال يزيد سوء وكان لازم اقولكم
كريم:حلو اوي الفيلم دا…….يا ريت نخلص من الفيلم الجميل دا وكل واحد فينا ياخد حقه ونمشي من هنا بقي
نور:انت مش سامع اللي المتر بيقوله…….احنا خلاص هنعلن افلاسنا قريب…..وانتو السبب……..انا سيبتلكم كل حاجة ومشيت علي اساس تهتموا بالشغل وتحافظوا عليه بس لا…….الشركه بسببكم هتعلن افلاسها وكلنا هنترمي في الشارع……..مبسوطين كده؟!
زياد:لا بقولكم ايه انتي وهو……..انا مليش في الكلام دا كله…….انا عايز فلوسي…….انا ليا دعوه ب افلاس الشركه وب اي حاجه من دي
نور:وانا هجبلكم حقكم منين بقي في الوضع دا……..انا عملت اللي عليا واتصلت ب استاذ صبري علشان يجي ويدي كل واحد حقه بس انت سمعت اللي قاله يا زياد
كريم:احنا ملناش دعوه ب كل دا…….احنا عايزين حقوقنا……..اتصرفي بقي……..بيعي الشركه بيعي المصنع مش مهم…….المهم كل واحد فينا ياخد نصيبه
علياء:في ايه يا جماعة…….انتو مش سامعين المتر قال ايه……..وبعدين في امل ان الشركه تتحسن من تاني
فاطمه:ايوه علياء عندها حق…….احنا لو اشتغلنا وعملنا اللي نقدر عليه ساعتها هنقدر ترجع الشركه احسن من الاول كمان
زياد:انا مليش دعوه ب كل دا……..انا عايز فلوسي واللي عايز منكم يحل مشكله الشركه هو حر…….لكن انا مليش دعوه بالكلام دا كله
نور:وانا مش هقدر ادي لحد فيكم نصيبه دلوقتي يا زياد……..اللي عايز منكم ياخد نصيبه يستني لحد ما الشركه ترجع احسن من الاول وتعدي من الازمه دي وبعديها يبقي يجي يسألني علي فلوسه…….غير كده انا اسفه……..مش هقدر اديكم حقكم
سابت كل واحد واقف مكانه وطلعت علي اوضتها…….في منهم اللي مكنش مصدق ان الشركه فعلا افلست واللي اخدتها فرصه علشان تبين ليها انها فعلا اتغيرت وهتحاول تعمل اللي تقدر عليه علشان تخليها تسامحها…….الكل كان بيفكر ازاي ياخد حقه بعد المصيبه اللي سمعوها دي
قفلت باب اوضتها…….قعدت علي السرير بعصبية……..حطيت ايديها علي دماغها بحزن وقله حيله……..سمع صوته وهو بيتكلم…….بصيت ناحيه الباب
جمال:ممكن ادخل
نور:اهلا وسهلا……..نورت البيت يا جمال بيه……..ممكن افهم حضرتك كنت فين من الصبح……..دا لو مش هدايق حضرتك يعني
جمال:كنت في مشوار مهم يا نور……..كان لازم اروحه
نور:وايه هو المشوار المهم دا……..يا ريت تقولي عليه……..يمكن يكون اهم من الشركه اللي هتعلن افلاسها كمان شهر
جمال:كنت عند داليدا……..كنت بحميها من الموت
نور:موت ايه دا؟!
جمال:في واحد كان عايز يموت اختك ولو انا مكنتش اتدخلت في الوقت المناسب كان زمنا في جنازتها دلوقتي
نور:انت بتقول ايه…….انا مش فاهمه منك حاجة
جمال:مش مهم تفهمي يا نور……..المهم انك تعرفي ان داليدا في خطر وانها لو فضلت لوحدها ممكن تموت…….يا ريت تعتبري اختك واحده مننا وليها حق زيها زينا ولازم تيجي تعيش في القصر معانا……..صدقيني اختك لو فضلت بعيده عننا هتموت يا نور
نور:وانا اعملها ايه………مش هي اللي اختارت طريقها من الاول…….تستحمل بقي نتيجه اختيارها……..انا مليش دعوه
جمال:هو انتي بتكدبي عليا ولا علي نفسك……نور انتي اكتر واحده خايفه علي اختك ومش عجبك وضعها دا وعايزاها تبقي موجودة هنا بينا……..ليه مش عايزه تعترفي ب دا حتي لنفسك……….انا معاكي انها غلطت بس اللي بيحصل معاها دا حرام يا نور……..اختك مش عارفه تحمي نفسها من حاتم ولا من الشخص اللي عايز يقتلها دا………حتي لو مش عايزه تسامحيها يا نور هاتيها تقعد معانا هنا علي الاقل نحميها وميحصلهاش حاجة هنا يا نور…….فكري يا نور……..انا مش هطلب منك حاجة تانيه……..وبعدين ف الاول وفي الاخر القرار يرجعلك انتي…….عن اذنك
خرج وسابها واقفه مكانها………كان عنده حق……..كانت اكتر واحده خايفه عليها طول الوقت بس مش قادره تسامحها ولا حتي تعترف ب خوفها عليها حتي لنفسها……..فضلت قاعده علي السرير وبتحاول تفكر تتصرف ازاي
رايح جاي بعصبية في الاوضه……..قاعدين قدامه ……..بيهز رجله بتوتر…….قاعد بيبصلهم وساكت
زياد:وبعدين…….هنعمل ايه في المصيبة دي
كريم:مش عارف…….انا كنت فاكر انها بتضحك علينا وان الشركه وضعها كويس بس طلع كلام المحامي صح……..اتاكدت لما اتصلت وسئلت ان كلامه صح وان الشركه فعلا هتعلن افلاسها……..انا مش عارف اعمل ايه ولا اتصرف ازاي……..احنا كده حقنا بيضيع وهنروح في داهيه
فايز:طيب والحل ايه يعني دلوقتي
زياد:منعرفش يا فايز………متحاول تشوف حل معاها يا كريم…….يمكن تقدر تقنعها وترجعلنا اي حاجة من فلوسنا لحد ما الازمه دي تعدي
كريم:وانا هكلمها ازاي يعني يا زياد
زياد:انت مش قولت انكم بتحبوا بعض…….اكيد لو كلمتها مش هتقولك حاجة وتديك اللي انت عايزه طالما بتحبك
فايز:طيب ما هي محلوله اهي يا كريم…….حاول تكلمها واكيد هي طالما بتحبك هتعملك اللي انت عايزه…….حاول معاها
كريم:عندك حق……احاول معاها……..اكيد هتوافق…….انا ازاي مفكرتش في الموضوع دا من الاول
شيماء:نور طلعت عارفه كل حاجة……..الدكتور اللي خالد كان بيتابع معاه حالته طلع قايل ل جده ونور علي كل حاجة……جات وجهتني وعرفت ابوه اللي في بطني الحقيقي وقالتلي اني اول ما اولد هتاخد ابني مني وترميني انا في الشارع
طارق:مش قولتلك ان كل اللي بتعمليه دا هيجي يوم ويتكشف……بس انتي مصدقتنيش و قولتي عني اني وحش وبكرهلك الخير……..عجبك اللي حصل دا يا شيماء…….الله اعلم هي ناويه علي ايه تاني معاكي يا شيماء
شيماء:هو دا وقته يا طارق يعني……..انا فيا اللي مكفيني ومش ناقصه اسمع منك اي كلمه بجد…….كفايه اللي انا فيه…….فاكره باللي هي بتعمله دا هتخوفني وتبعدني عنها وعن اني اخد حق ابني……..بس دا لا يمكن يحصل……..تبقي توريني بقي هتعمل ايه بكره لما تصحي علي المصيبة اللي حضرتهالك
طارق:انتي تاني يا شيماء……..انتي مش مكفيكي اللي انتي فيه دا…….انتي كمان عايزه تعملي مصيبه جديده
شيماء:انت عايزني اسكت عن حقي يا طارق…….مش انا اللي تسكت عن حقها ابدا يا طارق…….انا هجيب حقي من نور وهندمها علي اللي كانت ناويه تعمله دا……..كلها كام ساعه وحقي يرجعلي
سيف:خير يا انسه نور……..قالولي انك عايزاني في حاجه مهمه
نور:لو سمحت انا جايه ابلغ عن قضيه قتل
سيف:قتل مين
نور:قتل هدير محمد وائل……..السكرتيره بتاعتي……..واللي قتلها كريم حمزه عبد الرحيم الهواري
…….يتبع……..
"الورث"
رنا سليمان
رواية الورث الفصل الحادى والعشرون 21 من هنا
لقراءة الرواية كاملة اضغط هنا (رواية الورث)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
