رواية الورث الفصل الثالث 3 بقلم رنا سليمان

رواية الورث الفصل الثالث 3 بقلم رنا سليمان

رواية الورث البارت الثالث 3

رواية الورث الجزء الثالث 3

رواية الورث الحلقة الثالثة 3

رواية الورث بقلم رنا سليمان

رواية الورث

رواية الورث الفصل الثالث 3

الحلقه التالته 

كريم:حتت بنت زي دي لا راحت ولا جيت هتلعب علينا كلينا وتمشينا علي مزاجها

جمال:المصيبه اننا محتاجنها علشان نقدر ناخد فلوسنا منها

كريم:لا يا حبيبي اتكلم عن نفسك انت والباقي لكن عمري ما هدخل البيت دا طول ما هي فيه.......ولو علي حقي في الورث ف انا عارف كويس اوي انا هجيبه ازاي......حتي لو كان الثمن موت البنت دي

جمال:انت اتجننت يا كريم........عايز تقتل بنت عمك علشان الفلوس

كريم:جدك مسبليش حل غير كده يا جمال……اللي جدك عمله دا هيخلينا نكره بعض اكتر ما احنا بنكره بعض اصلا

جمال:مهما كان يا كريم دي بنت عمنا والمفروض اننا نحميها ونخاف عليها مش نكون احنا اكتر ناس تأذيها

كريم:انا مش فاهم انت بتدافع عنها كده ليه……يبني دي واخده فلوسنا كلها اللي هي من حقنا اصلا

جمال:نور عمرها ما توافق علي حاجه زي دي يا كريم الا لو جدك اصر عليها……..هي اكتر واحده فينا بتحب جدك ومبتحبش تزعله وطالما طلب منها حاجه بتنفذها مهما كانت نتيجه الحاجة دي ايه

كريم:والله انا مش مصدق حرف من اللي انت بتقوله دا…….لو انت مقتنع بكلامك دا روح واقعد في بيت الست هانم واسمع كلامها زي العيل الصغير وخليها تتحكم فيك انت وكل اللي هيروحلها……لكن انا مش هعمل كده وهرجع حقي بالذوق او بالعافيه يا جمال

نور:انت ايه اللي جابك هنا

رؤوف:انا جاي بيت ابويا الله يرحمه

نور:ابوك؟!……انت جاي تفتكر انك ليك اب دلوقتي……دا انت حتي مجيتش علي نفسك وجيت تحضر العزا

رؤوف:انتي هتحاسبيني ولا ايه يا نور……شكلك نسيتي اني ابوكي

نور:لا مش شكلي……انا فعلا نسيت انك ابويا……نسيت من يوم ما رميتني ل جدو وروحت انت عيشت حياتك…….من ساعاتها وانا ناسيه ان ليا اب

رؤوف:هو انتي مش هتبطلي الاسطوانه بتاعتك دي…..كل ما تشوفيني تقوليلي الاسطوانه دي……انا تعبان وعايز انام……نبقي نتكلم الصبح ان شاء الله وهقعد اسمع في اسطوانتك المتكرره دي الصبح 

نور:لا هو مفيش بكره……وانت اصلا مش هتقعد هنا ولا دقيقه واحده بعد كده

رؤوف:ليه هو انتي هتمنعيني ادخل بيت ابويا كمان

نور:لا مهو مبقاش بيت ابوك خلاص……اصل جدي الله يرحمه كتب البيت دا والشركه والمصنع وكل حاجة ب اسمي انا…….وانا بقي مش عايزاك تقعد في البيت دا ولا اشوف وشك هنا لحظه كمان

رؤوف:ماشي يا نور……انا همشي……بس صدقيني مش هسيبك تتهني في حياتك يوم واحد بعد انهارده

خرج من البيت…….فضلت باصه علي الباب وحابسه الدموع في عنيها……سمعت صوته وهو بيتكلم

خالد:شكلنا كده هنشوف دراما كتير في البيت دا…..يلا يا حبيبتي نطلع الاوضه علشان انا تعبان وعايز انام ومش ناقص دراما 

مسك ايديها وطلعوا علي اوضته…….سابتها واقفه وطلعت اوضتها…….قفلت الباب علي نفسها……بدات تعيط…….مكانتش مصدقه انها ممكن تشوف اكتر انسان اذاها في حياتها من تاني……في لحظه دخوله القصر وهي افتكرت لحظه رميه ليها لجدها علشان مراته طلبت منه كده……وانه عمره ما كان بيسأل عنها…….كان ممكن حياتها تدمر لو جدها كان وحش زي ما بيقولوا وعمل زيه ورماها ومسألش فيها……جدها الوحيد اللي كان جمبها وعوضها عن غياب ابوها اللي رماها وامها اللي ماتت …….مكانتش عارفه ايه اللي جابه بعد كل الوقت دا وجاي عايز ايه أصلا

باب اوضتها خبط…….مسحت دموعها واتكلمت وهي باصه قدامها

نور:ادخلي يا داده 

فتح الباب واتكلم وعلي وشه ابتسامه

جمال:ممكن ادخل 

بصيت للباب وهزيت راسها ب اه……ورجعت بصيت قدامها تاني…..دخل وقفل الباب وراه 

جمال:انتي كويسه 

نور:شايفني بشد في شعري ولا بصوت علشان تسأل السؤال دا؟!

جمال:انا عرفت من داده رحمه ان عمو كان هنا وعارف انك بتدايقي من وجوده علشان كده سألتك

نور:متقلقش عليا انا كويسه…..مش محتاجه حد يطمن عليا او يسأل عني

جمال:طول عمرك مبتحبيش تبيني ضعفك قدام اي حد…….حتي اقرب الناس  ليكي 

نور:ومين قالك اني ضعيفه؟!

جمال:هو انتي ليه كده……ليه مش بتحبي تقربي من حد ولا تحبي ان حد يقرب منك……ليه دايما خايفه من كل اللي حواليكي انتي حتي بتخافي تبيني ضعفك

نور:علشان معنديش استعداد ولو ل واحد في الميه اني اقرب من حد واثق فيه ويسيبني…….علشان اللي شوفته قبل كده كان كفيل اني افقد الثقه في كل الناس……الوحيد اللي مفقتدش الثقه فيه كان جدو واهو راح دلوقتي وبقيت لوحدي من تاني 

جمال:ومين قالك انك لوحدك يا نور……انا جيت علشان ابقي جمبك واساعدك

نور:تساعدني في ايه…..انا مطلبتش منك مساعده 

جمال:يعني انتي عايزه تقنعيني انك هتقدري تنفذي وصيه جدو لوحدك

نور:وصيه ايه يا جمال……مفيش وصيه غير ان كل حاجه بقيت ب اسمي غير كده خلاص

جمال:وشروطك علشان كل واحد فينا ياخد حقه من الورث دي كانت ايه يا نور

نور:علشان عايزه نكون عيله واحده ونقرب من بعض ونحافظ علي بعض مش اكتر واللي مش عايز كده يبقي حر وميلومش ساعاتها غير نفسه 

جمال:تمام يا نور……براحتك……انا واثق من اللي قولته حتي لو كدبتيني……وهعمل اللي هقدر عليه علشان اساعدك في اللي انتي عايزه توصليله يا نور……عن اذنك

سابها وخرج من الاوضه…..اتنهدت وقعدت علي السرير……مسحت علي وشها بعصبيه 

قاعدين في كافيه…….متعصب وهو قاعد قدامه ماسك تلفونه وبيضحك 

رؤوف:بقي بتطردني من بيت ابويا……هي مبقاش حد قادر عليها خالص

زياد:مانا قولتلك يا عمو من الاول……بنتك شكلها مش ناويه علي خير ابدا ومفيش اي حد هيوقفها عن اللي في دماغها الا بقي في حاله واحده

رؤوف:وايه بقي اللي هيوقفها عن اللي بتعمله دا

زياد:الجواز……اكيد لما تتجوز هتعقل……وانا بصراحه شايف اني انسب حد ليها وهترتاح معايا جدا…..علشان كده يا عمو انا طالب ايد نور بنت حضرتك واوعدك اني هخليها اسعد انسانه في الدنيا……وعلشان كمان احافظ عليها من شر ولاد عمامنا التانين……قولت ايه يا عمي

……يتبع…..

"الورث"

رنا سليمان💜

رواية الورث الفصل الرابع 4 من هنا

لقراءة الرواية كاملة اضغط هنا (رواية الورث)

تابعونا على التليجرام من هنا (روايات شيقة ❤️)

تابعونا عبر أخبار جوجل من هنا (روايات شيقة ❤️)