رواية الورث الفصل التاسع 9 بقلم رنا سليمان

رواية الورث الفصل التاسع 9 بقلم رنا سليمان

رواية الورث البارت التاسع 9

رواية الورث الجزء التاسع 9

رواية الورث الحلقة التاسعة 9

رواية الورث بقلم رنا سليمان

رواية الورث

رواية الورث الفصل التاسع 9

الحلقه التاسعه

 (٩)

نور:انا مش قولتلك ترجعي علي البيت ……بتعملي ايه هنا

علياء:مش همشي يا نور……مش همشي غير لما افهم انتي ايه اللي جابك للمكان دا وايه علاقه بالناس اللي كانت خطفاني وبعدين انتي فوقتي من الغيبوبه امتي

نور:كل دا ميهمكيش يا علياء…….انتي الحمد لله كويسه ومحدش قدر يأذيكي ودي اهم حاجة……غير كده ملكيش فيه يا علياء……روحي وادي الورقه اللي ادتهالك ل داده رحمه 

علياء:لا يا نور مش همشي غير وانتي معايا…….انتي عارفها احنا كنا قلقانين عليكي ازاي يا نور…….احنا كنا هنموت من الخوف عليكي

نور:علياء…….انا عارفه كويس اوي انكم كنتم قلقانين بس مش عليا…..انتو كنتو قلقانين علي فلوسكم اللي مكتوبه ب اسمي واللي لو انا حصالي حاجه هتروح ل حاتم وداليدا أخواتي وساعاتها هما مش هيدوكم حاجه

علياء:لا يا نور……احنا فعلا كنا خايفين عليكي انتي……كنا خايفين يحصلك حاجة ونخسرك……انا مش متاكده اذا كان الكل كان عنده نفس شعوري وخوفي عليكي ولا لا……بس اللي انا متاكده اني كنت خايفه عليكي اوي……كنت خايفه اني اخسر اكتر واحده كانت بتحبني واحنا صغيرين واكتر واحده كانت قريبه مني وكانت اكتر من اختي…….انا لاول مره اخاف اني اخسر حد كده يا نور…..انا اكتشفت متاخر انك اكتر من اختي واني كنت غلطانه لما بعدت عنك وافتكرت انك بتكرهيني وانك كنتي بتاخدي كل حاجه انا بحبها مني فهمت انك اطيب واحده واكتر واحده كانت بتحبني يا نور

ابتسمت وبصيت في الارض……رجعت بصتلها وبدات تتكلم 

نور:هو انتي مفكره اني هصدق الكلام الفارغ دا……عايزه تقنعيني انك اكتشفتي بين يوم وليله انك بتحبيني وخايفه عليا……..انا مش طفله هتضحكي عليها بكلمتين وتسامحك علي فكره 

علياء:انتي ليه مش عايزه تصدقيني 

نور:انا مبقتش عايزه اصدق حد ولا اثق في حد خلاص…….انا تعبت ومبقتش قادره اتحمل اني اشوف وش حد فيكم تاني…….لو انتو خايفين عليا ف متخافوش…….انا بقيت كويسه اوي وبقالي يومين فايقه من الغيبوبة…….ارجعي بقي البيت وعرفيهم كلهم اني كويسه واني خرجت من المستشفى ولو زي ما بتقولي كانوا قلقانين عليا خليهم يطمنوا اني كويسه……وقوليلهم يفرحوا علشان هسيبلهم كل حاجه وامشي من فلوس وشركات ومصانع والقصر حتي القصر هسيبه…….خليهم بقي يفرحوا 

علياء:يعني ايه يا نور…….اللي انتي بتعمليه دا غلط يا نور……انتي لسه خارجه من المستشفى ومحتاجة حد يبقي جمبك ويراعيكي 

نور:انا اقدر اراعي نفسي كويس……متشغلوش بالكم بيا…….انا انقذتك من الناس اللي كانت خطفاكي دي……بس لو حاولتي تيجي ورايا او تتكلمي معايا انتي او اي حد من الباقين…….ساعاتها انا اللي هأذيكم بنفسي……ابعدو عني وسبوني في حالي

سابتها ومشيت……فضلت واقفه مكانها وباصه عليها…….بصيت علي ايديها……فتحت ايديها وبصيت للورقه اللي ادتهالك وفضلت ساكته

قاعده علي الكرسي …….ساكته وباصه قدامها…….جسمها كله بيترعش وخايفه تتكلم …..قاعد قدامها…….رافع راسه ل ورا…..بصلها وبدا يتكلم

سيف:يا انسه داليدا……حضرتك بقالك نص ساعه قاعده قدامي ولا بتتكلمي ولا بتعملي اي حاجه……يا ريت لو عندك حاجه تقوليها ولو معندكيش اتفضلي علشان ورايا شغل ومش فاضي

داليدا:اصل انا جايه ابلغ عن اللي قتل خالد ابن عمي

اتعدل في قعدته وبدا يتكلم

سيف:انتي عارفه مين اللي عمل كده؟!

داليدا:ايوه…..اللي عمل كده اخويا حاتم رؤوف الهواري

سيف:انتي معاكي دليل علي الكلام دا 

طلعت من شنطتها فلاشه وحطتها علي المكتب……بدات تتكلم وهي باصه في الارض

داليدا:الفلاشه دي عليها حاجات كتير اوي تخص حاتم……مش بس في قضيه قتل خالد الهواري…..لا هي كمان عليها حاجات تخص الحادثه اللي حصلت ل نور الهواري من شهر وقبلها جدو الله يرحمه وكمان في حاجات بتاكد ان حاتم اخويا تاجر مخدرات كبير 

كان بيسمعلها ب صدمه وفي نفس الوقت مستغرب انها بتبلغ عن اخوها 

سيف:هو انتي ازاي جايه تبلغي عن اخوكي ب تهم توصله ل حبل المشنقة 

داليدا:مش مهم……اهم حاجة اني جيت وبلغت عنه……اهم حاجة انه يتمسك في اقرب وقت ممكن……عن اذنك

سابته وخرجت من المكتب…..فضل باصص عليها لحد ما خرجت وقفلت الباب……اخد الفلاشه وفتح اللابتوب وشغله……بدا يشوف اللي موجود علي الفلاشه بتركيز

زياد:يعني ايه ملقتهاش يا جمال……هتكون راحه فين يعني

جمال:معرفش يا زياد……انا زيي زيك……انا روحت المستشفى واول ما دخلت الاوضه ملقتهاش فيها…….سألت الممرضين والدكاتره كلهم بيقولوا محدش شافها ولا يعرفوا هي راحت فين

كريم:انا مش فاهم يعني ايه محدش يعرف هي راحت فين……هو مش المفروض انهم مسؤولين عنها في غيابنا ولا انا مش فاهم

فايز:انا مش فاهم اللي بيعمل معانا كده عايز مننا ايه……خالد وعلياء حتي نور……مصلحته ايه في اللي بيعمله دا

علياء:السؤال دا اجابته عند كريم 

بصوا علي الباب…….اتصدموا لما شافوها……..جرا عليها وحضنها بفرحه…….فضلت واقفه في مكانها وباصه عليه

رحمه:حمدلله على سلامتك يا بنتي……الحمد لله انك بخير ورجعتي بالسلامة 

علياء:الله يسلمك يا داده……..الحمدلله ان عرفت اهرب منهم في الوقت المناسب والا الله اعلم كان هيحصل فيا ايه……مش هتقولي حمدلله على السلامة يا كريم ولا ايه

كريم :حمدلله على سلامتك يا علياء……انتي مش عارفه احنا كنا خايفين عليكي ازاي 

علياء:مانا عارفه كويسه…….زي ما كنت خايف علي نور وبتداري علي اللي عمل فيها كده بالظبط

كريم:ايه اللي انتي بتقوليه دا يا علياء وانا هعمل كده ليه يعني

علياء:مانا قولتلك اجابه السؤال دا عندك انت مش عندنا احنا……احنا كلنا قاعدين مستنين نعرف منك اجابه السؤال دا يا كريم…….ليه داريت علي اللي عمل كده في نور 

زياد:الكلام اللي علياء بتقوله دا صح يا كريم

فضل باصص عليهم وساكت

جمال:متتكلم يا كريم……ساكت ليه اتكلم قول اي حاجة يا كريم

كان نازل علي السلم بعصبيه وهو بيتكلم في التلفون 

حاتم:يعني ايه هربت منكم……هو انا سايب عيال صغيره ولا ايه مش فاهم…….حسابي معاكم لما اجي

قفل في وشه……قرب من الباب وفتحه……لقاه واقف قدامه وكان لسه هيرن جرس البيت…..ابتسم واتكلم

سيف:مساء الخير……حضرتك حاتم الهواري مش كده؟!

حاتم:ايوه انا اؤمرني؟!

……يتبع……

"الورث"

رنا سليمان

رواية الورث الفصل العاشر 10 من هنا

لقراءة الرواية كاملة اضغط هنا (رواية الورث)

تابعونا على التليجرام من هنا (روايات شيقة ❤️)

تابعونا عبر أخبار جوجل من هنا (روايات شيقة ❤️)