رواية تزوجت عمياء الفصل الثانى 2 بقلم زينب محروس
رواية تزوجت عمياء البارت الثانى 2
رواية تزوجت عمياء الجزء الثانى 2
رواية تزوجت عمياء الحلقة الثانية 2
رواية تزوجت عمياء بقلم زينب محروس
 |
| رواية تزوجت عمياء |
رواية تزوجت عمياء الفصل الثانى 2
#تزوجت_عمياء
لؤى فاق من النوم كانت سيلين لسا نايمة .... دخل الحمام اخد شاور وخرج برا ... دخل المطبخ جهز الفطار و راح عند اوضة سيلين يخبط على الباب بس مفيش حد بيرد فتح الباب و دخل و فى نفس الوقت كانت سيلين خارجة من الحمام لابسة فستان لركبتها و بتنشف شعرها ... لؤى لما شافها اكنها سحرته فضل واقف ساكت بيتأملها قد ايه هى جميلة قابل بنات كتير بس دى اول واحدة تأثر فيه كدا .... سيلين حست ان لؤى واقف
سيلين : لؤى انت هنا ؟ ..... بس طبعا هوا لؤى مش سامعها
واخيرا فاق لنفسه : احممم .... انا كنت جاى اندهلك عشان تفطرى دقيت الباب كتير بس محدش رد فقلقت و دخلت علطول
سيلين : اسفة كنت فى الحمام و مسمعتش .... انا خلصت اهو هسرح شعرى بس
لؤى : تمام انا هستناكى برا ............. وخرج يستناها برا
سليم لنفسه : معقول اكون حبيتها بس انا معرفهاش الا من يومين .... اكيد لاء عادى دا مش حب ممكن يكون اعجاب عادى ... بس دى اول واحدة تشدنى ليها كدا
فاق من شروده على صوت فتح باب الاوضة ... وطبعا كانت سيلين بعد ما سرحت شعرها و ربطته ديل حصان
لؤى : اقعدى هنا يا سيلين .... ثوانى هحط الاكل على السفرة
سيلين : لاء خليك هجهزه انا
لؤى : هو جاهز هجيب الاطباق على السفرة بس
و بعد ما خلصوا فطار
سيلين : هدخلهم انا
لؤى : لاء خليكى
سيلين : لؤى ارجوك متحسسنيش انى عاجزة
لؤى : مش قصدى والله بس ....
سيلين : يبقى خلينى اساعدك
لؤى : طيب براحتك .... اغسليهم معايا
سيلين : ماشى يلا
و دخلوا المطبخ و لؤى كان بيغسل و سيلين تنشف و بعد ما خلصوا عملوا نسكافيه ....... و خرجوا يشربوه فى الفراندا لحد ما الضهر اذن
لؤى : انا نازل اصلى عايزة حاجة اجيبهالك و انا جاى
سيلين : لاء سلامتك بس متتاخرش عشان انا بخاف اقعد لوحدى
لؤى : طيب هصلى و اجى علطول
و خرج لؤى يصلى و سيلين اتوضت و لبست الاسدال و صلت هى كمان و بعد ما خلصت سمعت خبط على الباب راحت تفتح كانت سميرة حماتها
سميرة : ازيك يا مرات ابنى
سيلين : الحمد الله يا ماما اتفضلى
دخلت سميرة وقعدت على الكنبة الى فى وش المطبخ
سيلين : تشربى ايه يا ماما
سميرة : ولا حاجة يا حبيبتى ... انا جاية اطمن عليكم اومال لؤى فين
سيلين :لؤى بيصلى يا ماما و زمانه جاى .... تحبى تشربى عصير و لا حاجة سخنة
سميرة : طالما مصرة بقى هاتيلى عصير
قامت سيلين دخلت المطبخ تجيب عصير و بتتحرك براحة .. و سميرة متابعها
سميرة : اما نشوف يا عامية هتجيبى عصير ازاى ..... لو مش فلوسك مكنتش وافقت تتجوزى ابنى ... بس يلا فلوسك تغطى على عيوبك
سيلين جابت العصير و دخلت و قدمته لسميرة
سميرة : منتحرمش يا حبيبتى ......
سيلين : بالهنا يا ماما
سميرة : الله يا سيلين ايه الحلق الحلو ده باباكى اللى جايبهولك
سيلين : اه يا طنط كان هدية عيد ميلادى من بابا
سميرة : دا سوليتير ؟
سيلين : اه
سميرة : ممكن اجربه
سيلين و هى بتقلعه : طبعا يا طنط ..... اتفضلى
سميرة اخدته و لبسته و بصت لنفسها فى المرايا : الله دا جميل عليا بس لازم اقلعه بقى عشان مش بتاعى مينفعش البسه
سيلين : خليكى لبساه يا ماما خديه ليكى
سميرة : لاء يا بنتى مينفعش .... دا غالى اوى
سيلين : مفيش حاجة تغلى عليكى يا ماما خليكى
سميرة : ميرسى يا روحى .... طالما مصرة بقى هاخده
و هما بيتكلموا سمعوا صوت الباب بيتفتح و دخل لؤى
لؤى : السلام عليكم ..... ازيك يا امى
سميرة : الحمد الله يا حبيبى انا كويسة
و فضلوا يتكلموا و ابو سيلين جيه و اتغدوا سوا و بعد ما مشيوا المغرب و لؤى نزل يوصلهم و صلى المغرب و رجع لقى سيلين بتعيط
لؤى بقلق : سيلين انتى بتعيطى ليه ؟ انتى كويسة ؟
سيلين بعياط : لاء مش كويسة
لؤى : ليه ايه اللى حصل ايه اللى تاعبك
سيلين : كنت عايزة اعمل فشار بس مش عارفة
لؤى : 😂😂😂😂😂😂 فشار 😂😂😂 بتعيطى عشان مش عارفة تعملى فشار
سيلين زادت فى العياط اكتر
لؤى بطل ضحك : فى ايه بس خلاص بطلى عياط و انا هعملك
سيلين : انا اول مرة احس بالعجز اول مرة عايزة اعمل حاجة و مش عارفة
لؤى : خلاص و لا تزعلى تعالى وانا اخليكى تعملى فشار
سيلين : بجد .. ازاى
لؤى : تعالى و انا هساعدك
و اخدها و دخل المطبخ و خرج حلة
لؤى مسك ايدها و مسكها الحلة : يلا يا ستى هنحط الحلة و نولع النار و بعدين نحط الزيت و بعدين الدره و نحط الغطى و تعالى نقعد على الكرسى
كل الخطوات دى و لؤى ماسك ايدها و بيوجهها .
سيلين : هو غاب كدا ليه
لؤى : اصبرى ..... اهو يا ستى خلص تعالى بقى نفضيه و كدا خلصتى عمايل الفشار
سيلين بفرحة كانها عملت انجاز :تعالى بقى ناكله بره
لؤى :ايه رايك نتفرج على فيلم أجنبى
سيلين : بس ازاى و أنا......
لؤى : انا هحكيلك اللى بيحصل
سيلين : تمام ... يلا
و قعدوا يتفرجوا على فيلم لحد ما فى مشهد كان فيه بنت بتصوت ... ابتدت سيلين هى كمان تصوت و تعيط بهستيريا
لؤى : سيلين مالك .... اهدى اهدى انا هنا
سيلين بصريخ : ابعده عنها ... لاء لاء ...... يا ماما انا خايفة
لؤى : اهدى ...هشششش ... اهدى مفيش حاجة
سيلين : ابعده ... ابعده .... خليه يبعد لاء متقربش ... ابعد ابعد
لؤى اخدها فى حضنه و فضل يمسح على شعرها : اهدى انا هنا هبعده مفيش حاجة هتحصل اهدى اهدى خلاص انا هنا مش هيحصلك حاجة
واخيرا هديت شوية : خليك معايا متسبنيش انا خايغة
لؤى : مش هسيبك انا معاكى متخافيش
وشالها و دخل حطها على السرير و جى خارج مسكت ايده
سيلين : خليك معايا مش تسيبنى لوحدى
لؤى و هو ينام جنبها : خلاص انا جنبك نامى انتى .... انا هنا
سيلين و هى بتحضنه و بتروح فى النوم : خليك .خ.ل.ي.ك
لؤى شدد من احتضانها : و نام هو كمان
و الساعة اتنين قلق لؤى من نومه و بص فى فونه لقى الساعة اتنين و نص ..... قام بهدوء عشان ميقلقش سيلين
و راح اوضته اتوضى و اخد مصحفه و راح يقرا قران جنب سيلين عشان لو صحت ... و صلى الفجر و نام جنبها على الكنبة اللى جنب السرير .
و الصبح صحى على عايط سيلين
لؤى : مالك يا سيلين زعلانة ليه
سيلين حضنته و مردتش و هى بتعيط
لؤى : اهدى يا سيلين ... كله هييقى تمام
سيلين : انا خايفة انتى هتسيبنى
لؤى : لاء مش هسيبك انا معاكى و محدش هيإذيكى
سيلين اكتفت بهز دماغها
لؤى : يلا بقى عشان تاخدى شاور .... انا هجهزلك البانيو
ودخل الحمام جهزلها الحمام و طلعلها غيار وخرج و ساعدها تدخل
لؤى : انا بره لما تخلصى اندهيلى
و خرج رتب السرير ..... كانت خلصت و خرجت من الحمام
قعدها قدام المرايا و سرحلها شعرها وعملهولها ضفيرة و اخدها المطبخ قعدها على كرسى و جهز الفطار و بعد ما انتهى بدء ياكلها و ياكل و لما خلص غسل الاطباق و عمل نسكافيه و دخلوا يشربوه فى الفراندا ...... ولما الضهر اذن
لؤى : يلا عشان نصلى
سيلين : اه
لؤى : طب يلا ادخلى اتوضى
سيلين : متمشيش
لؤى : انا واقف هنا مش همشى .
دخلت تتوضى و لؤى تليفونه رن
لؤى : السلام عليكم
محمد ابو سيلين : ازيك يا لؤى عامل ايه و سيلين اخبارها ايه
لؤى : احنا كويسين يا عمى بس فيه حاجة حصلت امبارح مع سيلين ( و حكاله اللى حصل )
محمد بقلق :و هى عاملة ايه دلوقت
لؤى : هى كويسة دلوقت
محمد : هقولك بس متقولش لسيلين انى حكيتلك .
لؤى : خير يا عمى ايه اللى حصل
محمد : ....................
يا ترى ايه اللى حصل ؟
ايه اللى خلى سيلين تصرخ كدا ؟
نعرف فى الفصل الجاى .
#زينب_محروس
#الفصل_الثاني
#تزوجت_عمياء
رواية تزوجت عمياء الفصل الثالث 3 من هنا
لقراءة الرواية كاملة اضغط هنا (رواية تزوجت عمياء)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
