رواية عشقت جميلة الصعيد الفصل الثانى 2 بقلم هاجر محمود

رواية عشقت جميلة الصعيد الفصل الثانى 2 بقلم هاجر محمود

رواية عشقت جميلة الصعيد البارت الثانى 2

رواية عشقت جميلة الصعيد الجزء الثانى 2

رواية عشقت جميلة الصعيد الحلقة الثانية 2

رواية عشقت جميلة الصعيد بقلم هاجر محمود

رواية عشقت جميلة الصعيد

رواية عشقت جميلة الصعيد الفصل الثانى 2

༺بسم ﷲ الرحمن الرحيم༻

(2)

❀❀❀❀❀❀❀❀❀

كان يجلس علي الاريكه يقرأ كتاب حسناً هو لا يقرأ ولكن يهرب من نظرات بنات عماته وعمه

عمر بصراخ: "ايه يَـ بنتي متيجي تقعدي علي رجلي احسن" 

نظرت له "أميمه" بخجل واستنكار: "يووه دمك خفيف جوي يـَ ابن عمي" 

عمر: "ربنا يكرم اصلك والله بس ممكن توسعي شوية متوسعوو يجدعاااان ايه القرف ده" 

لم يبتعدو بل ظلو واقفين حوله كدائرة

هانم: "منجدرش يَـ ابن خالي ستي نسمه تموتناا قالتلنا عينكم علي عمر حفيدي" 

لتكمل هند الاخر: "ايوة وكلام ستي نسمه سيف علي رجبتنا" 

عمر ببلاهة: "ربنا ياخدكم وياخدها آميين متقولو آميين يبنات" 

رددو جميعهم بِـ آميين لينصدم ويذهل منهم 

عمر باإبتسامه: "الحمدلله عرفت ان عيلتنا كلها يقولو للغبي قوم وانا اقعد مكانك" 

ليجد صوت اخر تقف بعيداً عنهم: "لاه يَـ ابن عمي محدش اهنه غبي الغبي الوحيد انت عشان رضيت تيجي اهنه" 

عمر: "وسعوا كده يَـ بنات اما نشوف مين ام قلب جامد دِ" 

نظر لها بدهشة ثم ضحك بشدة مش معقول سردينه هانم

نظرت له بإبتسامه وغيظ في آن واحد: "منور الصعيد كلها يَـ ابن عمي" 

عمر وهو يسلم عليها: "منورة بيكي يَـ سردينه" 

هند: "وهه انتو تعرفو بعض" 

عمر: "ااه كانت بتيجي عننن..... امممممم امممممم" 

جنه شقيقة هانم: "وهه انت بتعملي ايه يَـ سيلين كاتمه نفسه ليه" 

سيلين بتحذير لعمر وابتسامه: "كان عايز يجول لفظ وحش يَـ خيتي" 

عمر بغباء: "لاء كنت عاوز اقول اعرفك لما كنتي بتهربي" 

سيلين بصراخ: "يَـ ابن الغبية اسكت" 

أميمه: "انا مش فاهمه حاچة بتهرب فين دِ سيلين عمرها مَـ خرجت برة الدار من الكلية للبيت ومن البيت للكلية" 

عمر يكتم ضحكته بصعوبة بينما تنظر له سيلين بتحذير بأن يفتح فمه 

ايه اللي بيحصل اهنه! "نسمه" 

عمر: "تيتا حبيبتي عايزة اكلمك في موضوع" 

نسمه: "عنيا يَـ ولدي چول عايز ايه" 

عمر: "احمم بما ان شايف معظم البيت بناات وكده وكلهم مزز مزز يعني (وبصوت منخفض يارب سامحني علي الكدبة دِ) فَـ ميصحش اقعد هنا يَـ تيتا" 

نسمه: "اممم وانا فكرت كده يَـ ولدي عشان كده قررت قرار" 

عمر بفرحه: "ايه يَـ تيتا اوعي تقولي القاهرة ازعل وأكمل بمسكنه بس اخلاقي متسمحليش  افضل هنا" 

سيلين بهمس: "اخلاااق مين يابو اخلاااق دي بتبكي في الزاوية" 

عمر بهمس: "اسكتي يَـ بت مش عايز اضحك" 

نسمه: "اجفو صف يَـ بنات اكده يلااا اتحركووو" 

وقفو جميعهم صف واحد باستغراب 

(هانم، جنه، سيلين، نسمه، هند، أميمه، فتون، نانسي، رحمه، زينب) 

نسمه: "يلا يَـ ولدي اختار اي بنت منهم نجوزهالك" 

عمر بصدمه وببلاهة: "ممش فاهم انت عايزة ايه" 

نسمه بحدة: "هو اللي مش مفهووم اختار واحدة نجوزهالك" 

عمر ببكاء مصطتنع: "واشمعنا انا!" 

نسمه: "لان مينفعش تقعد في الدار وسط البنات" 

عمر: "مين قال الكلام الفارغ ده انا اخووهم مش هبصلهم يعني" 

نسمه بخبث: "ونسيت بسرعه كلامك يَـ عمر" 

عمر: "كلام ايه يَـ نسمه ثم اكمل بهمس ربنا ياخدك عديتي ال80 ولسة" 

نسمه: "يعني مش عاوز ترجع القاهرة" 

عمر: "لاء عاااوز بس ايييه لما تيتا حبيبتي تسمحلي" 

نسمه: "عفارم عليك يَـ ولدي جهز حالك هتيجي معايا بيت الحاج اشرف تعتذر من دهب" 

عند ذكر اسمها سرح قليلاً في اعينها الواسعه عسلية اللون 

نسمه: "سرحت فين يَـ ولدي" 

عمر بانتباه: "مفيش بس انا مش حعتذر المفروض تعتذرلي انا اتضربت بسببها" 

نسمه: "بس انت عاكستها وخطيبها الحاج عادل شافك والدم غلي في عروجه" 

عمر: "خطيبها!!! هيا مخطوبة" 

نسمه: "اللي ضربك علي وشك هوو ده" 

احس بحزن قليل عليها والشفقة ايضا اومأ لجدته وذهب لغرفته يبدل ثيابه والحقت به سيلين 

_في الغرفه_

عمر: "سيلي هيا دهب ازاي مخطوبة لراجل كده" 

سيلين: "ابوها راجل غلبان بيمشي ورا كلام اخوه الكبير وخلاها تتخطب بالغصب لعادل ده متجوز تلاته ومخلف بس عايز دهب" 

عمر بحزن: "معرفش اول لما شفتها حسيت بحاجة كأنها مني" 

سيلين بتريقة: "اسطوانه كل بنت تشوفها يَـ عمر" 

عمر بشرود: "مش عارف بس بجد بقالي يومين عمال افكر فيها" 

سيلين: "ياعيني صعبت علياا خاالص المهم حسام عامل ايه" 

عمر بغمزة:"متكلميه واسألي بنفسك عليه"

سيلين بخجل: "بطل يَـ عمر وقولي" 

عمر: "انت وش كسوف وبعدين مش عايزاني اقولهم اني بهربك وبنخرج" 

سيلين: "شششش حد هيسمعك نسمه هانم تقتلنا فيها" 

عمر بضحك: "انا معرفش مالها الولية دي" 

سيلين: "مشفتهااش لما بتتحول بليل يلهووووي" 

عمر: "مبتتحولش يختي بتبقي عندناا بتوريني الويل بس" 

سيلين: "لااه ده من فترة كده بقينا نلاحظ عليها حاجات غريبة" 

عمر: "ايه بتبقي عفريت يعني" 

سيلين بضحك: "تبقي انزل وشوف بنفسك بدل مانت حابس نفسك فوق" 

رن هاتف عمر لينظر لها بخبث: "اتفضلي ده حسام باشا" 

سيلين بخجل وفرحه:"طب رد عليه "

الوو… ايه يَـ حبيبي عامل ايه

حسام: "ايه فقري انت ابوك قفشك تاني" 

عمر: "جاية لمصلحتك استني هسمعك حاجه" 

ثواטּ وسمع صوتها ليندهش ويفرح

حسام: "سيلين" 

سيلين: "ازيك" 

حسام بإبتسامه متسعه: "بقيت كويس لما سمعت صوتك" 

عمر: "ايهَ يَـ باشااا نحن هنااا!" 

حسام: "طب متمشي بعيد عنها يَـ بارد" 

عمر: "اطلعي برة يَـ بت خليني البس واروح للمزة" 

حسام بصدمه: "يابني مش هتحرم بقاا المرادي جدتك مش هترحمك" 

سيلين بضحك: "تعال شوف وشه معتش عندو ملامح اصلا" 

حسام بدهشة وضحك: "لااء ازااي ده احكيلي" 

عمر: "طب اطلعي احكيله بره عااايز اتشيك عشان البت" 

ضحكت سيلين وخرجت تحدث حسام قليلاً 

___________________________________________

في منزل الحاج اشرف والد دهب 

كان يجلس عمر يكتم ضحكته من منظر جدته نسمه وجد دهب "حسن" 

حسن بحب: "منورة يَـ نسمه" 

نسمه بخجل: "بنورك يَـ حسن" 

اردف حسان بغلظة: "خير يَـ حاجه نسمه ايه سبب الزيارة دي" 

حسن بغضب: "نسمه تيجي زي ماهي عايزة يَـ حساااان ملكش صاالح انت" 

حسان: "زي مانت شايف يَـ بوي" 

نسمه: "انا جايبة ابن عبدالحميد يعتذر لدهب" 

حسن بابتسااامه: "به به به انت ابن عبدالحميد منور يَـ ولدي اسمك ايه" 

نسمه: "ااسمه عُمر" 

حسان: "ايه الاسم المايع ده" 

عمر: "انا اسمي مااايع؟" 

نسمه مؤكدة: "هو كله علي بعضه مايع" 

عمر بصدمه: "انت جيباااني تهزقيني يَـ تيته" 

حسن: "لييه يعتذر لدهب عمل ايه" 

نسمه: "متأخذنيش يَـ حاج هو جه لاول مرة الصعيد وعاكسها طيش شباب والحاج عادل علمه الادب" 

حسان بغضب: "عملت ايه يَـ ابن الـْ..." 

حسن بعصبية: "حسااااان مسمعش صوتك وااااصل وروح نادي لاخوك وبنته" 

ذهب حسان بضيق ينادي اخاه وابنته دقائق وعادو 

دهب بإبتسامه: "ازيك يَـ تيتا نسمه منورة الدار" 

نسمه بحب: "منورة بيكي يَـ أميرة الصعيد عاملة ايه يَـ دهب" 

دهب: "االحمدلله يَـ تيتا ثم نظرت بطرف عينها لعمر لتنصدم قائلة: انت بتعمل ايه هناا" 

عمر: "مش عارف تيتا جيبااني هنا" 

نظرت له بسخرية ولم تتحدث جلست بجانب جدها 

نسمه: "يلاا يَـ عمر اتأسف لدهب" 

عمر : "اسف يَـ انسة دهب بس انا عايز طلب منك يَـ حاج حسن" 

نسمه بهمس: "اعقل يَـ عمر" 

تجاهلها ونظر لحسن الذي ينتظر حديثه 

عمر بخبث: "عايز اتجوز دهب" 

صرخت بحدة: "نععععم يخويااا" 

؁•؁•؁؁•؁•؁•؁•؁•؁•؁•؁•؁•؁•؁•؁•

#يتبع

#عشقت_جميلة_الصعيدة

#hager

رواية عشقت جميلة الصعيد الفصل الثالث 3 من هنا

لقراءة الرواية كاملة اضغط هنا (رواية عشقت جميلة الصعيد)

تابعونا على التليجرام من هنا (روايات شيقة ❤️)

تابعونا عبر أخبار جوجل من هنا (روايات شيقة ❤️)