رواية قضية خلع الجزء الثانى 2 الفصل الثامن 8 بقلم عمرو راشد
رواية قضية خلع الجزء الثانى 2 البارت الثامن 8
رواية قضية خلع الجزء الثانى 2 الحلقة الثامنة 8
رواية قضية خلع بقلم عمرو راشد
 |
| رواية قضية خلع |
رواية قضية خلع الجزء الثانى 2 الفصل الثامن 8
ايوا يا نادية انا اللي اته*جمت عليكي ، كنتي وحشاني اوي ونفسي فيكي خصوصا بعد ما احلويتي أوي كدا
= انت عرفت مكاني منين
يعني بعد الغياب دا كله يكون دا اول سؤال عندك ، مفيش حضن ولا بوسة
" فؤاد قرب منه ، نظرات ترقب من وائل وفجأة فؤاد ضر*به بالبوكس
انت عايز مراتي تحضنك يا ابن ال******
= قبل ما تكون مراتك فهي كانت مراتي و دلوقتي انا عايز ارجعلها فيها ايه يعني
فيها ان دا هيكون اخر يوم في عمرك
= بس ايه رأيك فيها ، تجنن صح؟ ، شوفت العلامات اللي في ضهرها دي انا اللي عاملها
" بص ليا وهو مبتسم ابتسامة قذره
تحبي احكيله على اليوم دا ولا لا
" فؤاد ضر*به تاني ، بيضر*به بشكل متواصل لحد ما وائل وقع على الارض والدم سايل على وشه ، فؤاد اخد خطوتين ل ورا و رفع المس*دس بتاعه في وش وائل وفي لحظة واحدة كل شئ انتهى لان الرص*اصة استقرت في دماغ وائل ، مفيش صوت خالص ، سكوت تام مكنش فيه غير صوتي وانا بصرخ
لااااااا
" قومت مفزوعة من النوم لقيت حسام في وشي
اهدي مفيش حاجة
" بدأت ااخد نفسي
كنتي بتحلمي
= حلم وحش أوي
خلاص متفسريش ، قومي و استعيذي بالله من الشيطان الرچيم
" قومت من مكاني ومشيت عشان ادخل الحمام
بسرعة بقا عشان انا هحضر الفطار
" اكتفيت ب اني لفيت وشي و ابتسمت ، دخلت الحمام و وقفت قدام المراية ، لحد امتا يا وائل هتفضل تطاردني ، مش عايز ترحمني حتى في أحلامي ، بجد مش عارفة ليه بحلم بيك انت بالذات ، نفسي تطلع من أحلامي زي ما طلعت من حياتي كدا ، غسلت وشي عشان افوق وخرجت لقيته حسام حضر الفطار
يلا بقا خلينا نفطر
= على فكرة انت المفروض تعبان يعني تقعد وترتاح
لا أنا احب اعمل كل حاجة بنفسي و بعدين اعتبريه اني بشكرك على انك جبتيني هنا امبارح
= لا عادي دا بيتك يعني
طالما أنتي اللي قاعدة فيه يبقا بيتك ومينفعش اكون موجود فيه معاكي لوحدنا
= بس انا واثقة فيك
لا دا عشانك أنتي عشان محدش يتكلم عليكي نص كلمة
= انت مكبر الموضوع أوي
قوليلي بس هو انا خرفت قولت ايه امبارح ، انا مش فاكر اي حاجة
= لا انت كنت مش في وعيك اصلا
يعني مقولتش حاجة
= اممم لا انت كنت نايم بس
اه كدا كويس
= وانت خايف من ايه
لا ساعات كدا في كلام مينفعش يطلع
= وليه مينفعش يطلع
عشان لو طلع في وقت مش بتاعه مش هيكون لييه لازمة
= بس هتكون استفدت انك خرجت اللي جواك
و ايه الفايدة طالما اللي قدامي محسش الكلام
= مش جايز هو حاسس
لو كان حاسس كان اتكلم
= جايز هو مستنيك تبدأ انت
بدأت واتكلمت ولمحت كتير وهو برضو مش حاسس
= طب ما تقوله بشكل مباشر
مانا بقولك فات الأوان خلاص
= دا في دماغك انت بس إنما ممكن هو بكون مستنيك
لا هو مشي من بدري ومعرفش راجع امتا
" مش قادر ينسا اللي حصل حتى وهو بيحاول يداري اللي جواه ، كل حاجة باينة عليه ، خلصنا اكل واستأذن عشان يمشي
لو حصل اي حاجة ابقي كلميني
= انت مش هترجع تاني؟
اكيد مش كل شوية هتلاقيني بخبط عليكي يعني
= طب وفؤاد
هحاول اكلمه ونشوف حل
" مشي ، سمعتو بيقول ايه ، هيشوف حل يعني هيكلم فؤاد بنفسه ويحاول يرجعنا لبعض ، يا ترى هو حاسس ب ايه وهو بيحاول يحل خلافات بيني وبين جوزي والمفروض أنه كان.. ، كان بيحبني ، واول علامة تظهرلي وتبينلي ان اختياري غلط ، تفتكرو مثلا لو حسام كان هو اللي اتخانق معايا معقول كان هيسيبني يومين من غير ما يعرف مكاني انما فؤاد محاولش يوصلي رغم انه عنده علاقات كتير وممكن يحاول يعرف مكاني ، هل دي علامة فعلا ولا انا بيتهيألي ، عدا يومين من غير مكالمة من حسام حتى انا مكلمتوش ، انا بقيت محرجة اشوفه أصلا ، كل ما بشوفه بحس ان الكلام وقف على لساني و.. ، ثواني دا حسام بيتصل
مفتكرتش انك تطمن عليا غير دلوقتي
= انتي فاضية؟
" ايه الرد اللي ملوش علاقة بالسؤال دا
اه فاضية
= طب البسي و انزلي ، انا واقف تحت البيت
هنروح فين
= هنروح البيت عندك
ليه
= هنحاول نشوف حل مع فؤاد
" دا هيروح يشوف حل ، نهار اسود فؤاد وحسام هيتقابلو تاني ، يارب اروح فين و ااجي منين ، اتصل اقوله اني تعبانة ومش هقدر اخرج طيب ، لا لا يعني هو اكتشفت اني تعبانة بعد ما قفل ، يارب عدي اليوم دا على خير ، لبست بسرعة ونزلت
كان قدامك دقيقة واحدة تأخير كمان وامشي
= على فكرة انا لبست بسرعة
" بص في ساعته
ايوا فعلا باين السرعة ، هايل ، برافو عليكي لبستي بسرعة في ساعة و 45 دقيقة
= طب ايه بقا مش كفاية التفاصيل دي
اكيد لازم يبقا كفاية
" مشينا بالعربية ، كنا ساكتين كل واحد فينا مستني التاني يبدأ وانا لو كنت بدأت كان هيتعصب ف فضلت ساكتة ، بعدها بشوية هو اللي بدأ
انا مكنتش اقصد اتعصب عليكي ، انا اسف
= عادي انا مزعلتش
بلاش بس الحركات دي ، الواحدة منكو تقول مزعلتش وعادي وبعد 3 سنين تفضل فاكرة الموقف بتفاصيله ب لون الشراب اللي كنت لابسه وقتها
= امال عايزنا ننسا يعني عشان منعرفش ناخد حقنا
لا طبعا وهو دا ينفع
" فضلت اضحك في سري على عصبيته وهو بيتكلم
انا اسف مرة تانية ، احنا نسكت احسن طول الطريق
= احسن حل
" عدت دقيقتين بالظبط
تسمعي اغاني
= اسمع
" الاغنية دي انا عارفاها كويس بس مش وقتها خالص
" هموت وارجع وكل ما اقول وايه يمنع بخاف اسمع كلمة خلاص مبقاش ينفع ، حاجات جوايا تعباني ومش بنسا ، وحشااني ااه من البعاد لما بيوجع🖤 "
" كل نظراتي كانت قدام ، باصة على الطريق ومحاولتش ابص ناحيته خالص بس انا كنت شايفاه وحاسة بيه وهو باصصلي مع كل كلمة في الاغنية ، مفيش حاجة بتيجي في وقتها خالص ، وصلنا البيت ، نزلنا من العربية ووقفنا قدام العمارة
انتي تمام
= اه تمام
جاهزة يعني
= جاهزة
" طلعنا البيت ، خبطنا اكتر من مرة بس محدش فتح ، نفخت ب ضيق
شكله مش هنا
= او نايم ، وطبعا المفتاح مش معاكي
انا سيبت كل حاجة في الشقة التانية
= كدا كدا احنا محتاجين ندخل
ليه
= عشان نتأكد من اللي أنتي قولتيه
طب وهندخل ازاي
" بنظرة كلها ثقة منه ، مد ايده تحت الدواسة اللي قدام باب الشقة وجاب مفتاح
انت عرفت ازاي ان في مفتاح هنا
= يمكن عشان فؤاد صاحبي بقاله 20 سنة مثلا ف عارف عنه كل حاجة
" كلامه كان مقنع بصراحة ، دخلنا فعلا الشقة بس ، فؤاد مكنش موجود ، بدأنا ندور في كل مكان ، مش عارفة بندور على ايه ، بس عايزة اطمن ان مش هو اللي عمل كدا ، دخلت أوضة النوم ملقيتش فيها حاجة ، فتحت الدولاب ووسط مانا بدور لقيت تليفون ، فتحته و..... ، وقعت على الارض من الصدمة ، حسام جري بسرعة عليا
مالك في ايه ، نادية أنتي كويسة
" لمح التليفون في ايدي وشاف اللي جواه ، بعدها قام وقف وخبط الدولاب ب ايده
والله العظيم يا فؤاد ما هرحمك حتى لو هيكون اخر يوم في عمري
" اللي كان جوا التليفون فيديو ، بس فيديو انا اللي موجودة فيه ، انا و فؤاد تحديدا ، ف...ف... فؤاد مصورنا واحنا مع بعض ليلة دخلتنا!!!
#عمرو_راشد
#قضية_خلع "حبيت اتنين 8
يتبع
رواية قضية خلع الفصل التاسع 9 من هنا
لقراءة الرواية كاملة اضغط هنا (رواية قضية خلع)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
