رواية معلمة من الصعيد الفصل الرابع والعشرون 24 بقلم مريم شعبان
رواية معلمة من الصعيد البارت الرابع والعشرون 24
رواية معلمة من الصعيد الجزء الرابع والعشرون 24
رواية معلمة من الصعيد الحلقة الرابعة والعشرون 24
رواية معلمة من الصعيد بقلم مريم شعبان
 |
| رواية معلمة من الصعيد |
رواية معلمة من الصعيد الفصل الرابع والعشرون 24
بسم الله الرحمن الرحيم
بارت²⁴
يوم جديد
فيلا تيا كانت قاعدة بتصور فيديو
تيا: يا صباح الفل و الياسمين علي عيونكم قولت قبل ما اروح المدرسة اصور لكم طبعا انهاردة هيكون ف مطعم.... لو المطعم عجبني هقولكم عليه و كمان انهاردة في حفلة .... و اكيد الكل جاي ف حابة اتصور معكم و اشوفكم كلكم بحبكم باي و تقفل الفيديو و تنزله و تفتح فيديو بأغاني و ترقص عليه و الباب يخبط و يدخل اشرف
اشرف: تيا
تيا: نعم
اشرف: بتعملي اي
تيا: بصور فيديو
اشرف: اوعي تكوني بتنزلي القرف ده
تيا: بنزله اكيد أنا عندي عدد كبير متابعين ليا
اشرف: انتي بتهزري اي الهبل ده غلط يا تيا غلط
تيا: اشرف انت نسيت انت بتعمل اي
اشرف: اكيد مش ناسي بس اوعدك مش هعمل كده تاني و لا هيجي جنبك ولا اعملك اي حاجة
تيا: و ده من امت أن شاء الله
اشرف: من انهاردة باذن الله يلا البس و انا تحت عشان اوصلك
تيا: اي التغير ده من امت و انت كده
اشرف: ربك يهدي من يشاء
تيا بضحك: لا ما العالم كله يتغير ماعدا انت في شيطان يتوب
اشرف: بس انا انسان مش شيطان خلصي و انا تحت و يمشي
تيا باستغراب: لا متسحيل ده اشرف أنا بتخيل ولا اي
****
تحت عند فرح كانت بتحضر الفطار
اشرف: السلام عليكم
فرح باستغراب: و عليكم السلام رايح فين بدري كده
اشرف: هوصل تيا المدرسة
فرح: ده من امت أن شاء الله
اشرف: من انهاردة
فرح: مش لازم تعمل كده يعني قولتلك هخليك تتجوزها
اشرف: أنا لو تيا مش موافقة عليا متسحيل اتجوزها أنا هروح اوصلها عشان دي أمانة عندنا
فرح: انت بتقول انت مجنون عايزة تضيع الفلوس دي كلها علينا الورث ده كله هيروح فين
اشرف: ورث اي ربنا يطول ف عمر خالو لو سمحت يا امي انا مش عايز كلام ف الموضوع ده
فرح: انت متغير ليه كنت فين امبارح من العصر لحد الفجر داخلة البيت الفجر كنت فين يا اشرف و ليه لهجتك اتغيرت
اشرف: أنا كويس يا ماما
فرح: كنت فين امبارح
اشرف: مع ناس صحابي
فرح: صحابك مين
اشرف: صحابي يا ماما يلا يا تيا
تيا: أنا خلصت
فرح: مش هتفطري
تيا: لا مش قادرة يلا و تمشي و اشرف يمشي وراها
فرح: مالهم دول
***
قدام الفيلا
تيا: هقعد ورا
اشرف: اركبي براحتك
تيا: تمام
اشرف: تحبي تفطري قبل ما تروحي المدرسة
تيا بخوف: لا
اشرف: خوفتي كده ليه
تيا: مش عايزة منك حاجة
اشرف باستغراب: هو أنا كلمتك أنا بقولك تفطري
تيا: اه ممكن تكون حاطط حاجة ف الاكل و يحصل حاجة و أنا مش واثقة فيك بعد كده
اشرف بضحك: اي ده كله هعملك فيكي اي يعني
تيا: يعني يعني
اشرف: فهمتك يا تيا بس عايزك تنسي الكائن بتاع زمان ربنا يهديني و اكون واحد جديد
تيا: مالك يا اشرف متغير ليه في حاجة غلط
اشرف: كل الحكاية يا ستي اني امبارح كنت رايح الجامعة و أسهر مع صحابي ف اي مكان بعد كده ف المهم خلصت محاضرات علي العصر كده و انا نازل أنا و صحابي ضايقنا علي بنت مختمرة بس جميلة اوي المهم يعني واحد معنا ف الدفعة معروف بشيخ الدفعة المهم شفنا ف جيه اتخانق معنا و الله يا تيا قال كلمة خليني افوق و اركز كده
تيا: قال اي
اشرف: تخليها لو اختك او خطيبتك أو حبيتك هتوافق يحصل معها كده مقدرتيش اتخيل حد بحبه ف اللحظة دي و هو بعد ما قال كده البنت نسيت و هو راح الجامع المسجد كان عندي فضول ف روحت وراه و هو شافني قال ما تدخل واقف ليه تعال ف درس جوا
تيا: ودخلت
اشرف: اه هو شدني عشان ادخل و لقيت الناس بصت علينا ف دخلت المهم قعدت جنبه المهم كان الدرس الهداية قعدت اسمع و اول مرة ف حياتي اسمع حاجة عن القرب من ربنا و حسيت اني ربنا خليني اعمل الخناقة دي عشان اروح الجامع المهم بعد ما خلص الدرس و انا حاسس اني مش قادر حاسس اني كان في سواد قدام عيوني و راح مرة واحد و انا أقعد سرحان قال يلا صلاة العصر شدني الاخ اللي دخلني الاول بردو و روحت اتوضت زيه و ساعدني المهم روحت صليت و أول مرة اعيط اول مرة احس اني مخنوق من الدنيا كلها أقعد بادعي ربنا يغفرلي بس و يسامحني عن كل حاجة وحشة عملتها و قعدت ادعي ربنا كتير لحد ما خلصت صلاة و قومت كان المسجد فاضي مفيش غير الشخص اللي دخلت معه و الشيخ اللي كان بيقول الدرس ف شاورلي عشان اروح عنده ف روحت ف قالي مالك يا بني قولتله أنا بعيد اوي اوي أنا أول مرة اصلي قولتله تفتكر ربنا هيسامحني قالي ربنا يتقبل التوبة و يغفر الذنوب جميعا قولت انا أنا عملت حاجات كتير غلط قالي غفور رحيم قولت أنا كنت بكلم بنات و بسهر و عمري ما ركعتها قالي غفور رحيمو بدأت اتكلم معه كتير و يقولي الحلال و الحرام و قالي أنا كل يوم بعد المغرب بكون ف جامع الرحمن اللي جنب الجامعة تعال هتكون مبسوط و انت مع الصحبة الصالحة و لما رجعت قررت ابدا صفحة جديدا و اتوب و احافظ علي الحاجة اللي بحبها
تيا: ربنا يهديك
اشرف: يارب نروح نفطر بقي
تيا: ممكن ناخد سندوتشات عشان بس متأخرة
اشرف: تمام
***
فيلا سليم
سهام: يا بني أقعد افطر براحة
جاد: مستعجل يا ست الكل
سهام: هو الباص مش جاي ولا اي
جاد: مش عارف بقاله يومين علي كده
سهام: مين السواق بتاع الباص
جاد: مش فاكر في كتير
كاظم: ما تشوفوا عربية و تروح انت و صحابك وبلاش باص المدرسة اه هي بتاعتنا بس بلاش عشان المشاكل بتاعتكم
جا:د و الله شكلك عارف يا حاج
سهام: عارف اي
كاظم: البيه متخانق مع شباب ف الباص و مش عايز يركب عشان محدش فينا يقول ل بابا
سهام: تاني خناقة تاني
جاد:خلاص يا ست الكل بقي
نبيل: بس غربية مش ماسك موبايل علي الصبح
جاد: لا ما الموبايل اتكسر
سهام: اتكسر ليه
جاد: كنا بنلعب أنا و شباب و بنعدي الشارع بسرعة ف وقع مني
سهام: فديك يا حبيبي اهم حاجة انك كويس
جاد: اه الحمدلله و ماهر قالي هيجيب موبايل جديد مش صح
ماهر: صح
سهام: ربنا يحفظكم لبعض
ماهر: يارب يا حبيبتي
*****
ف المدرسة ف فصل جاد
موده: السلام عليكم
:وعليكم السلام ورحمه الله وبركاته
موده: عاملين اي
يوسف: الحمدلله وحشتني والله
موده: و الله
يوسف: والله و بعدين انتي داخلة دلوقتي ليه مش حصتك
موده: اه عارفة بس دي حصة مستر تامر
رويدا: هو مش جاي
موده: لا
فيروز: بس بقاله كتير مش بيجي
موده: اه إجازة الفترة دي بيقولوا تعبان
تيا: تمام
موده: ناخد الحصة بقي
يوسف: ما تخلي الحصة دي كده انتي كده كده خلصتي جزء كبير معنا ف الفلسفة ف البيت
موده: ممكن نخلي الحصة كده بس نتكلم مع بعض
مروان: موافقين
موده: نتكلم في أي بقي
يوسف: ما تجي نلعب
موده: اي يا استاذ يوسف
جاد: اسئلة
يوسف: بلاش
موده: بطل رخمة طيب بصوا اي رايكم اسال أنا السؤال و الكل يجاوب عليه
:موافقين
يوسف: بس بشرط
موده: اتفضل يا استاذ يوسف
يوسف: نسأل احنا كمان
موده: موافقة
مروان: كل واحد فينا سوال
موده: موافقة بردو عادي
جاد: اتفقنا يلا نبدا
موده: يلا عايزة اعرف أحلامكم اي لو نفسكم ف حاجة دلوقتي تحقق هتكون اي عايزة اعرف بجد مين يبدأ
تيا: اي حد عادي
موده: تبدأ يا يوسف
يوسف: تمام
موده: نفسك في أي
يوسف: اني بابا يرجع و يخلي ماما تقعد معايا علي طول متنزليش الشغل كتير تاخد بالها مني ميكونش الشغل أهم مني ميكونش المهم عندها شكلها و منظرها قدام الناس انجح عشان افرحها
مروان: اني بابا و ماما يرجعوا لبعض اني مقعدش لوحدي تاني نفسي أقعد وسط ناس بدل ما أنا بقعد اسابيع لوحدي لحد ما بابا يجي يقعد معايا يومين و يمشي يروح لمراته الجديدة اني حد يحس اني عايش اني اخويا يرجع و ينزل اجازة عشان اشوفه
بقالي عشر سنين مشفتش اخويا
تيا: ماما و بابا يرجعوا و يقعدوا معايا علي طول و مش مهم الشغل عمتي تسيبني و تسافر بدل ما هي طمعانة ف فلوسي علي طول ابطل اصور تيك توك عشان انا بصور و انا متضايق عشان مليش حد يقعد معايا علي طول
رويدا: حد يهتم بيا يقعد معايا بدل ما أنا قاعدة طول الوقت لوحدي معندش غير خالو مهدي ربنا يحفظه ليا
غرام: اني بابا يحبني يحب البنات عموما بدل ما هو شايف اني البنات عار عليه و أقعد مع امي و باقي اخواتي بدل ما أنا قاعدة عند جدتي عشان انا بنت
فيروز: اكون جميلة اخس عشان محدش يتنمر علي شكلي بدل ما كل حد يقولي تخنتي اوي فكري تخسي هتروحي فين تاني نفسي اخس بس مش عارفة و مش قادرة
وائل: ابعد عن أهل بابا عشان مركزين ف حياتنا اوي حاولوا يخربوا بين ماما و بابا كتير اعيش مرتاح لو مرة واحدة
يارا: انجح و افرح اهلي بيا و أقعد هنا مش ف الصعيد
ايات: اعيش مرتاحة بدون تعب و خوف و بدون ما كل شوية نروح مستشفيات عشان اختي انام مرتاحة لو مرة واحدة
امجد: نفسي احقق حلمي أنا مش حلم اهلي نفسي اختار مرة واحدة أنا عايز اي مش هم عايزين اي نفسي اعيش حياتي صح مش كل حاجة عيب غلط مينفعش طيب بص زيك بيعمل اي نفسي اعيش حياتي أنا و بس
جاد: نفسي محدش يقارني بحد نفسي ماما و بابا يفرحوا اني ابنهم مش يقعدوا يتكلموا قد اي اخواتي احسن مني و اني أنا الفاشل
موسى بضحك محزن: أنا بقي مختلف عن الكل علي القليل انتوا اهلكم كلكم عايشين بس مسافرين إنما أنا مسافرين علي طول عمري ما شوفتهم ولا مرة أنا اهلي ماتوا معرفيش عنهم اي حاجة بابا صابر خليني معه و كل اللي اعرفه عن اهلي أنه ناس طيبين و ماتوا ف حادثة بس انا محتاجهم اوي معايا محتاج حضن أمي محتاج دفئ ابوي محتاج الضحك و الهزار معها محتاج اسمع صوتهم حتي لو مرة واحدة أنا موافق اشبع من حضن امي بس انا تعبت اوي ف الحياة أنا محتاج اهلي اوي عارفين لما حد عزيز عليكم يموت عارفين لما شخص كل دنيتكم يموت عارفين الشعور ده طيب لو واحد بيكون هنموت احنا كمان بعض ما بالك اتنين بقي لا و اتنين هم اساس حياتك يروحوا انتوا ف نعمة كبير اوي من ربنا احمدوا ربنا عليها حتي لو بيعملوا فيكم اي وجود الأهل اهم من اي شي ف الدنيا ربنا يرحم اهلي و يغفر لهم و يعيط
يوسف: موسى لا و يروحوا كلهم عنده و موده كانت واقفة
يار:ا موسى اهد
جاد: ف الجنة يا موسى مش انت بتقول كده
موسى: وحشوني اوي
امجد: ربنا يرحمهم و يغفرلهم هم ف الجنة دلوقتي ف مكان احسن من هنا بكتير
مروان: هات مياه يا شباب
جاد: خد اشرب يا موسى و صل علي النبي
موسى: عليه الصلاة والسلام
موده كانت واقفة بابتسامة علي منظر الشباب و البنات واقفين حولين موسى و خايفين عليه و راحت عندهم
موده: يلا كل واحد مكانه يلا و يقعدوا كلهم
موده: أنا سمعتكم كلكم بس قبل ما كل واحد يسال سوال ممكن اقول حاجة
مروان: اكيد اتفضلي
موده: اول حاجة ربنا يرحم والدك يا يوسف و يغفرله و انت يا موسى يا حبيبي عمو و طنط ف الفردوس الاعلى و انت وسطنا كلنا اهلك و صحابك و انت اخويا حبيبي ربنا يرحمهم و يغفر لهم تقدروا دلوقتي تسألوا
يوسف: جيتي هنا ليه
موده: هنا فين بظبط
يوسف: القاهرة عموما و ليه جيتي المدرسة مع انك عارفة أننا فصل صعب و الكل بيقولوا علينا وحشين
موده: جيت القاهرة ليه عشان اشوف اهلي و يحصل شوية حاجات كده و ربنا يجعلني زوجة لعز و أقعد هنا علي طول اشمعنا بقي اختارت الفصل ده عشان انا بحبكم و انا شايفكم حاجة تانية غير كل الناس كل حاجة ليها حل يا شباب بس التغير يكون من عندكم أنا سمعت جزء بسيط من أحلامكم بس عايزة اسمع المشاكل بقي لو مش عايزين اعرف و نكون وجهنا ل وجه تقدروا تكتبوا المشاكل دي و تحطوها ف الصندوق اللي قدام مكتبي تمام و كمان حاجة حطوا علامة عشان تعرفوا اني الجواب ده بتاعكم لما احط الحل تمام موافقين
:موافقين
موده: الحصة خلصت بس انا لسه عندي وعد أنا هكمل الاسئلة بتاعتكم باذن الله ف يوم تاني و موسى تعال عايزك و يقوم موسى و يخرجوا
****
عند بيري و غيث
غيث: انت يا بت اقفي مكانك
بيري: ابعد عن وشي لو سمحت
غيث: في أي يا بنتي
بيري: انت بتلف ورايا من الصبح ليه
غيث: مش جوزك
بيري: أنا عندي حصص
غيث: و انا عملت اي يعني ده كله عشان خايف عليك و بيشوفك فين
بيري: تقوم تقعد قدام الفصل علي الارض
غيث: رجلي وجعتني اجيب كرسي من فين
بيري: امشي يا غيث أنا متعصبة دلوقتي بدل ما اموتك
غيث: اهون عليك يا جميل
سليم: ده انا هنزل عليك بالعصاية دي يا حيوان سايب حصصك و واقف بتحب
غيث: بسم الله في أي يا حاج
سليم: انت واقف هنا ليه مش المفروض عندك حصة دلوقتي
غيث: تصدق صح نسيت و يجري
بيري: عوض عليا عوض الصابرين يارب
سليم: يلا انتي كمان علي شغلك مش كفاية هو
بيري: حاضر يا جدو و تمشي
سليم: أنا هفضل امشي وراهم كده يارب استرها معنا عشان انا عندي شوية متخلفين
****
ف مكتب موده
موده: أقعد يا موسى مالك يا حبيبي
موسى: مفيش
موده: موسى أنا اختك مالك اي اللي مضايقك
موسى: أنا عايز ارجع البلد
موده: ليه بس انا زعلتك
موسى: لا
موسى: طيب بابا
موسى: لا
موده: طيب مين حاتم عمتك مين بس
موسى: مفيش حد كتر خيركم اني اقعد معكم لحد دلوقتي بس انا مش عايز
موده: بس هبل
موسى: يا موده المدرسة غالية اوي و كفاية مصاريف ف أنا ارجع البلد كفاية كده
موده: أنا ليا جزء ف المدرسة دي و انت اخويا يعني تقعد ف المدرسة ببلاش براحتك و الكلام الهبل اللي انت بتقوله ده مالك يا موسى
موسى: المصاريف زادت اوي علي بابا
موده: يا حبيبي انت ابنه ازاي ما أنا بنته
موسى: انتي بنته يا موده إنما أنا ابن بنت خالتو يعني مش ملزم يصرف عليا
موده: طيب ليه الكلام ده دلوقتي
موسى: عشان انا حاسس اني بقيت كتير عليكم مصاريف و هدوم و موبايل و خروجات و كل حاجة المدرسة عندي و مصاريف المدرسة كمان و انا مجرد واحد من العيلة و من بعيد كمان
موده: لا بقي انت اخويا اخويا اللي عاش معايا و من هو سنين اخويا اللي عاش معايا سنين عمره كله انت اخويا و غصب عنك كمان
موسى: المصاريف
موده: اقسم بالله لو هقعد سنين عمري كلها ادفع فلوس عشان تعليمك انت و يارا معندش لي مانع و يا سيدي نتفق اتفاق تمام
موسى: قولي
موده: أنا ادفع فلوس السنة دي و لما تخلص جامعة و تشتغل يبقي تحط الفلوس ف المدرسة لحد محتاج تمام
موسى: موافق
موده: يلا بقي بلاش هبل انت اخونا و هتفضل وسطنا و المدرسة مدرستك و مدرسة اختك لو حد كلمك بس تعال قولي علي طول يلا ربنا يرحمهم و يغفر لهم
موسى: يارب
موده: يلا علي فصلك بقي
موسى: حاضر
******
ف المساء فيلا سليم
ماهر: ماما
سهام: نعم
ماهر: أنا عايز أتجوز
سهام: يا ختي ما شاء الله رحاب صح
ماهر: اه هروح اقول ل جدو و بعد كده هكلمك عمو صابر
سهام: علي خير يا بني باذن الله
ماهر: هروح أقوله دلوقتي
سهام: تمام هو ف مكتبه خد القهوة معك
ماهر: تمام هاتي و يروح المكتب يخبط و يدخل
سليم: ماهر خير
ماهر: عايز حضرتك في حاجة
سليم: تعال اقعد عايز اي
ماهر: الصراحة يعني
سليم: اتكلم علي طول
ماهر: أنا عايز اتجوز
سليم: مين أن شاء الله
ماهر: رحاب رحاب بنت عم موده أي رأي حضرتك سليم فاضل ساكت شوية و بعد كده ابتسم
سليم: علي خير تكلم صابر ولا أكلمه أنا
ماهر: احلف موافق
سليم: اه طبعا مبارك
ماهر: الله يبارك فيك يا جدو اي حاجة تكلمه أكلمه اي حاجة
سليم: خلاص روح كلمه انت و بعد كده نروح كلنا
ماهر: ربنا يحفظك لينا يارب
سهام تفتح الباب: لولولولولولوي لولولولولولوي
ماهر: ماما
سهام: لولولولولولوي لولولولولولوي لولولولولولوي
سليم: كنتي واقفة عند الباب
سهام: لا انتوا اللي كان صوتكم عالي
سليم: عليا أنا الكلام ده
سهام: فرحانة اوي يا بابا لولولولولولوي لولولولولولوي و يجوا البنات
بيري: في أي يا طنط
سهام: ماهر هيتجوز يا بنات
زهراء: بجد
ماهر: اه
زهراء: مبارك مبارك مبارك
ماهر: مش عايزين تعرفوا مين
زهراء و بيري: رحاب
ماهر بضحك: هو غالبا البيت كله عارف ماعدا أنا
نورسين: هو في أي
ماهر: بابا هيتجوز
نورسين: طنط رحاب صح
ماهر بصدمة: حتي انتي يا اوزعة
نورسين بفرحة: هتتجوز طنط رحاب بجد
ماهر: انتي مبسوطة صح
نورسين: جدا جدا جدا
ماهر: اقعدي اروح اكلم عمو صابر و اجي
سهام: دلوقتي
ماهر: اه عادي يلا سلام و يمشي
سهام: الولد مستعجل
سليم: ربنا يسعده
الكل: يارب
*****
ف بيت صابر
موده: فهمتوا كده
موسى: تمام
يارا: اه
موده: طيب خدوا الأسئلة دي لحد ما اعمل سندوتشات و اجي
يارا: تمام و تقوم موده
لين: أنا جعانة
رحاب: اعملي لبنتي معكي
موده: حاضر ما أنا الشاغلة لكي ولبنتك
رحاب: براحتنا يا بت و الباب يخبط
رحاب: موسى روح شوف مين
موسى: حاضر و يروح
ماهر: السلام عليكم
موسى: وعليكم السلام اهلا يا ماهر
ماهر: اهلا بكي عمو صابر موجود
موسى: اه بابا ماهر عايزك اتفضل تعال
صابر: ماهر اتفضل يا بني
ماهر: السلام عليكم ورحمه الله وبركاته
:وعليكم السلام ورحمه الله وبركاته
هيام: تعال يا بني اتفضل
ماهر: تسلمي يا طنط عمي عايزك ف موضوع
صابر: طيب اتفضل معايا جوا و يمشوا
يارا: في أي
رحاب: مش عارفة
هيام: رحاب روحي قولي لموده تعمل عصير لماهر
رحاب: حاضر و تقوم تروح عند موده
رحاب: موده اعملي عصير لماهر
موده: ماهر عندنا ليه
رحاب: مش عارفة عايز عمك ف موضوع
موده: تمام اصبري عشان تدخلي العصير
رحاب: تمام
****
عند صابر و ماهر
صابر: اتفضل يا بني سامعك
ماهر: يعني أنا
صابر: اتكلم يا بني
ماهر: أنا طلب ايد الأستاذة رحاب
صابر بابتسامة: ماشاء الله و جاي لوحدك ليه
ماهر: عشان اعرف راي حضرتك لو موافق كلهم هيجوا
صابر: الرأي مش رايي يا بني راي العروسة
ماهر: طيب نعرف رأيها
صابر: الصبر يا ماهر يا بني و الباب يخبط و تدخل رحاب
رحاب: العصير يا عمو
صابر: تعالي يا بنتي العروسة بذات نفسها
رحاب باستغراب :عروسة اي
صابر: ماهر يا ستي بيطلب ايدك مني
رحاب بصت بصدمة و خرجت
ماهر: هي مش موافقة ولا اي
صابر: هنعرف ردها من اول مرة اصبر يا بني شوية
ماهر: طيب تمام هستنا رد حضرتك عليا و لو وافقت و اتمني من ربنا كده ياريت يكون فرح علي طول بلاش خطوبة
صابر: ربنا يقدم اللي فيه الخير يارب
ماهر: طيب استئذان أنا بقي
صابر: نعم اشرب العصير
ماهر: معلش مرة تانية بعد اذنك و يقوم
صابر: تمشي كده علي طول
ماهر: معلش يا عمو عشان عندي شغل بس
صابر: ربنا يكرمك و يخرجوا
ماهر: مستني رد حضرتك
صابر: باذن الله
هيام: نورتنا يا بني
ماهر: بنورك تسلمي يا طنط بعد اذنكم و يمشي
موده: بابا هو في أي مالها الكائن اللي جوايا دي
صابر بابتسامة: مفيش يا ستي ماهر عايز يتجوز رحاب
حسناء بفرحة: بجد
صابر: اه رحاب رحاب تعالي عايزك و تجي رحاب
رحاب: نعم يا عمو
صابر: عايز اعرف ردك
رحاب: علي اي يا عمو
صابر: علي العريس يا بنتي
رحاب بصدمة: لا طبعا مش موافقة
تبع.......
#معلمة_من_الصعيد
#مريم_شعبان
اتمني اعرف رايكم في القصة و جزاكم الفردوس الاعلى ادعولي بالنقاب و التوفيق والنجاح
رواية معلمة من الصعيد الفصل الخامس والعشرون 25 من هنا
لقراءة الرواية كاملة اضغط هنا (رواية معلمة من الصعيد)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
