رواية أحببت ملتزمًا الفصل التاسع 9 بقلم سلمى فكرى
رواية أحببت ملتزمًا البارت التاسع 9
رواية أحببت ملتزمًا الجزء التاسع 9
رواية أحببت ملتزمًا الحلقة التاسعة 9
رواية أحببت ملتزمًا بقلم سلمى فكرى
 |
| رواية أحببت ملتزمًا |
رواية أحببت ملتزمًا الفصل التاسع 9
الفصل التاسع *احببت ملتزما*
تاني يوم ابتسام صحت بدري نشيطه جدا عشان شغلها و متحمسه جدا لبست و راحت الشركه و طلعت ل مكتب محمد و خبطت
ابتسام : السلام عليكم
محمد : و عليكم السلام و رحمه الله و بركاته اتفضلي بصي انا هعلمك كل حاجه بس اهم حاجه الالتزام بالمواعيد و تبقي منظمه في شغلك
ابتسام : ان شاء الله هكون عند حسن ظن حضرتك
محمد : تمام يلا نبدا و علمها كل حاجه ف الشغل
________________________________________
في الجامعه تقى قاعده لوحدها و مفتقده مامتها جدا وحشتها اووي و نفسها تترمي في حضنها و تشكيلها و افتكرت فجاه لما ملك قالتلها لما تحبي تشتكي لحد اشتكي ل ربنا و هو هيجبرك قعدت تعيط على حالها نفسها تلتزم بس مش عارفه نفسها تعمل حاجات كتير فاتصلت علي ملك بسرعه
تقى بعياط : ملك تعالي بسرعه محتاجاكي
ملك : طب حاضر هلبس و اجيلك و قفلت
تقى هدت شويه و فجاه لقت اسيل قدامها و شدت كرسي و قعدت
اسيل : ازيك ي تقي اخبارك
تقي : تمام الحمد لله و انتي
اسيل : تمام بخير هو احنا ممكن نكون اصدقاء
تقي : اكيد طبعا و قعدوا يتكلموا و تقي مش شكت فيها خاالص
________________________________________
علي الجانب التاني ملك فكرت تقي ف البيت فراحتلها هناك و خبطت
احمد : ي تري مين
معاذ : مش عارف حتي تقي معاها مفتاح و مش بتيجي دلوقت انا هقوم اشوف مين معاذ راح يفتح الباب لقاها ملك
ملك : السلام عليكم
معاذ : و عليكم السلام و رحمه الله و بركاته
ملك : تقى موجوده
معاذ : تقى ف الجامعه لسه
ملك : اسفه هي كلمتني فكرتها في البيت
معاذ : ولا يهمك اتفضلي استنيها و انا هتصل بيها
ملك : اسفه مش هينفع ادخل و هي مش موجوده انا هستناها ممكن تتصل بيها
معاذ بتفهم : اكيد طبعا و طلع تليفونه و رن عليها
اسيل و تقي بيتكلموا و فجاه تليفون تقي رن اسيل شافت الاسم و امتلت شر و حقد
تقي : ايوه ي معاذ في حاجه
معاذ : صحبتك هنا ف البيت
تقي : صحبتي مين اه اه ملك طب مش هتاخر
معاذ : طب بسرعه و قفل
تقي : معلش اسيل بس صحبتي عندي ف البيت لازم اروحلها
اسيل : ولا يهمك ي حبيبتي اتفضلي
تقي ركبت عربيتها بسرعه و راحت البيت لقت ملك واقفه برا
تقي : ايه يابنتي مدخلتيش ليه
ملك : ما انت مش موجوده مينفعش
تقي : ي خبر اي اللي بتقوليه ده البيت بيتك طبعا
ملك : مينفعش ي قلبي و اخوكي جوا
تقي : اه طيب ادخلي و دخلوا سلموا علي ابو تقي و قبل ما يطلعوا
تقى : ميزو حبيبي
معاذ : ارغي علي طول عاوزه ايه
تقى : احبك و انت فاهمني بص عاوزه عصير مانجا من ايدك الحلوه دي
معاذ : ليه كنت الخدامه الفلبينيه بتاعتك ولا ايه
تقى : دا انا اختك حبيبتك
معاذ : حاضر ي تقى هانم اوامر تانيه
تقى : و لوازم القهده بقى انت عارف
معاذ : حاضر
تقى و ملك طلعوا فوق و اول ما دخلوا الاوضه
ملك : ههههههههههههه مش قادره يالهوووي
تقى : ايه ي هبله بتضحكي علي ايه
ملك مش قادره تبطل ضحك : عليكي انت و اخوكي
تقى بتريقه : ليه اراجوز قدامك
ملك : ههههههههه لا لا هموت بطني ااااه هههههههههههه
تقى : بقى كده ي ست ملك ماااشي و قالتها بتوعد و فجاه نطت عليها و قعدت تزغزغها و ملك هتموت من الضحك لدرجه انها عيطت و هي بتضحك
ملك : خلاص استسلمت خلاص
تقى : خلاص عفونا عنكم و قامت من عليها
ملك : هااا كنت عاوزاني في ايه
تقى : ي شيخه نستيني اصلا بصي ي ستي انا عاوزه اقرب من ربنا و التزم
ملك : سهله دي قوليلي انت بتصلي
تقى : يعني بصلي و اقطع
ملك : بصي ي قمري انت دلوقت ندمانه انك بعيده عن ربنا صح و عاوزه تتوبي
تقى : ايوه
ملك : دي اول خطوه معانا التوبه الصادقه و لازم ننوي اننا نتوب مش مجرد بقول اني هتوب يعني لازم قبل اي حاجه النيه في حديث للرسول صلي الله عليه وسلم قال " * إنما الأعمال بالنيات وإنما لكل امرئ ما نوى فمن كانت هجرته إلى الله ورسوله فهجرته إلى الله ورسوله، ومن كانت هجرته إلى دنيا يصيبها أو امرأة ينكحها فهجرته إلى ما هاجر إليه* " يعني اي يعني كل عمل هعمله لازم انوي اني بجد هعمله و كل واحد هياخد علي نيته سواء كانت خير او شر انتي عاوزه تتوبي لو بجد ناويه توبتك هتتقبل انما لو مش ناويه مش هتبقي توبه صادقه
تاني حاجه لازم اعملها اني مرجعش للذنوب اللي كنت بعملها حتى لو انا كنت بحبها و بعشقها ابطلها في حديث للرسول صلى الله عليه و سلم بيقول " *((انك لن تدع شيئا للهِ إلاَّ ابدلك اللهُ به ما هو خير لك منه))* " يعني لو سبت ذنب انا بعمله في مقابل طاعه ربنا ربنا هيرضى عني و يعوضني بالاحسن
تالت حاجه ي ست البنات هنبدا بيها في التزامنا هي الصلاه ، الصلاه دي هي صله العبد بربه ، الصلاه مش مجرد حركات بنعملها الصلاه دي حياه تانيه ، دي حياتك مع ربنا احنا بنصلي عشان نرتاح بالصلاه مش نرتاح منها *الصلاه عماد الدين من اقامها فقد اقام الدين و من تركها فقد هدم الدين* انت متخيله يعني ايه يعني لما بتصلي بتقيمي دينك و تعليه و تعظميه لما تسيبي صلاتك بتهدمي دينك ، انت بتصلي عشان انت محتاجه الصلاه دي انت اللي محتاجاها مش ربنا ، ربنا مش محتاج صلاتك ، صلاتك جنتك قال رسول الله صلى الله عليه وسلم " *(العهد الذي بيننا وبينهم الصلاة، فمن تركها فقد كفر)* " يعني ترك الصلاه كفر اللي بينك و بين الكفار الصلاه معقوله تسبيها و في حديث تاني بيقول " *(بين الرجل و الشرك و الكفر ترك الصلاه)* " يالله انت متخيله الموضوع مش سهل صلاتك تاخد رقم واحد في حياتك دي الركن الثاني من اركان الاسلام ازاي تسيبها دا انت لو عملتي كل الاعمال الخير و صومتي و عملتي حج و عمره و طلعتي زكاه بس مصلتيش مش هيتقبل مينفعش تسيبي صلاتك ، النقطه التانيه بقى الصلاه على مواعيدها مينفعش تاخري صلاتك لاي حجه ممكنه مش تصلي قبل الصلاه التانيه مش تراكمي الصلوات هتقوليلي هيبقي صعب هقولك خليكي ديما متوضيه مش هتكسلي و افتكري ان ممكن بعد كل اذان تموتي هتقومي بسرعه تصلي الاذان ده معناه ان ربنا بينادي عليكي مش هتردي عليه انت لو اخوكي اتصل بيكي و قالك تعالي هتروحي جري ليه متجريش علي ربنا بقى
#صلاتك_حياتك
*احببت ملتزما*
تقي دمعت من كلام ملك و زعلت اووي انها فرطت في حق ربها و قررت انها متسبش فرض تاني ابدا
تقى : انا مش عارفه اقولك ايه ربنا يجعله في ميزان حسناتك
ملك : آمين ياارب و اياكي بصي بقى بما انك عاوزه تتغيري ف لازم لبسك يتغير
تقي : لبسي !!! اشمعنا
ملك : تقي حبيبتي لبسك مش الزي الشرعي ولا حجابك حتي
تقى : ازاي
ملك : بصي ي ست البناات الحجاب مش مجرد طرحه ع الراس او انك تغطي شعرك و خلاص لا طبعا حجابك لازم يكون زي امهات المؤمنين هما دول يبقوا قدوتك في الحياه عمرك شوفتي السيده خديجه او السيده عائشه رضي الله عنهما لابسين بنطلوون او بدي ولا حتي تربون لا طبعا لان ده حرام
اولا مواصفات الحجاب و اللبس الشرعي فضفاض واسع لا يصف ولا يشف يعني مفيش حته من جسمك باينه او تفاصيل جسمك واضحه ربنا قال " *و قل للمؤمنات يغضضن من ابصارهن و يحفظن فروجهن ولا يبدين زينتهن الا ما ظهر منها* " يعني مينفعش تظهري تفاصيل جسمك يعني متلبسيش بنطلون لانه بيظهر حجم رجلك يبقي مش زي شرعي كمان في حديث للرسول صلي الله عليه وسلم بيقول " *صنفان من اهل النار : نساء كاسيات عاريات مائلات مميلات رؤوسهن كاسنمه البخت مائله لا يدخلن الجنه ولا يجدن ريحها* " عارفه يعني ايه كاسيات عاريات يعني لابسين لبس مينفعش متخيله ان لبسك ده يخليكي متتدخليش الجنه و كمان انت غاليه مينفعش اللي يسوي و ميسواش يتفرج علي جسمك كانك سلعه فهماني ي وردتي اما الحجاب الشرعي بقي ف ربنا قال "* و ليضربن بخمرهن علي جيوبهن* " ف احنا لازم نوسع لبسنا و نظبط حجابنا
#الجنه_تستاهل
#الحجاب_عفه_و_حياء
تقي : بس انا مش برتاح الا ف اللبس ده
ملك : طب بصي هنعمل اتفاق
تقي : ايه هو
ملك : هتنزلي اسبوعين باللبس الواسع و تجربي و بعدها قرري هتعملي ايه
تقي : خلاص اتفقنا
ملك : خلاص هجبلك لبس من عندي
تقي : طب ما تيجي ننزل نشتري كام حاجه
ملك : طب يلا بينا
معاذ سمع كلام ملك كله و اتبسط جدا و فرحان اخته ممكن تتغير و تبقي احسن و خد قرار نهائي و قرر ينفذه ي تري ايه قراره..............
________________________________________
تقي و ملك نزلوا تحت تستاذن والدها انها تخرج مع ملك يشتروا لبس
تقي : بابا انا خارجه
احمد : رايحه فين دلوقت
تقي : رايحه اشتري لبس جديد ي بابا هغير استايل لبسي
احمد : ماشي ي حبيبتي خدي بالك من نفسك
تقي : حاضر
تقي و ملك راحوا المول و اشتروا كام حاجه شيك جدا و رقيقه و ف نفس الوقت واسعه
ملك : يلا بقي انا اتاخرت
تقي : طب تعالي هوصلك
ملك : مش مستاهله انا همشي
تقي : لا طبعا الوقت اتاخر هوصلك يلا
تقي وصلت ملك بيتها ملك طلعت و تقي لسه هتتحرك لقت اتنين قدامها و ...............
رواية أحببت ملتزمًا الفصل العاشر 10 من هنا
لقراءة الرواية كاملة اضغط هنا (رواية أحببت ملتزمًا)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
