رواية نوارة حارتنا كاملة (جميع فصول الرواية) بقلم دودى مودى

رواية نوارة حارتنا بقلم دودى مودى

رواية نوارة حارتنا

بعد انتشار رواية نوارة حارتنا وفرناها لكم كاملة (جميع فصول الرواية) بقلم دودى مودى قراءة ممتعة اختر الفصل الذى تريده

حارة شعبية لطيفة وهادية كل اهلها وولادها بيحبوا بعض وقلبهم على قلب بعض دايماً و....

..موتك هيبقى على إيدي النهاردة ياااض

-خلاص يا معلم بالله عليك والله ما كان قصدي

..مكنش قصدك !!! تبوّظلي لحمة بألافات وتقولي مش قصدي ده الناس مبقتش لاقية تجيبها يلا

@خلاص بقى يا معلم قلبك ابيض ما قالك مكنش يقصد، سيب الساط.ور اللي في ايدك ده، الواد شغّال معاك من سنين ومربّيه على ايدك معلش المرة دي عيل وغلِط

..اللي هيدّخل هيزعل محدش ليه دعوة

@لاااا دي حاجة ميتسكتش عليها مبدهاش بقى

@يا أسطى نوووور الحقنا يا أسطى نور

الأسطى نور: يا فتّاح يا عليم يا رزّاق يا كريم ع الصبح، وراك مصي.بة ايه ع الصبح يا فتحي؟ وكل ده سايب الورشة وبتوصّيلنا على كوبايتين شاي إيه بيتعملوا ع الشمس؟

فتحى: ما انا كنت رايح القهوة يا اسطى نور بس في السكة لقيت لمّة والمعلم عطوة ماسك الواد أحمد ورافع عليه السا.طور عاوز يجيب أجَله ومحدش عارف يحوشه

الاسطى نور بغ.ضب: وبعدين بقىىىى هو الجدع ده كل يومين هيعملّه موّال في الحارة يلا بينا نشوف حكايته إيه

عند الخن.اقة..

المعلم عطوة: أنا هطلّع روحك في ايدي النهاردة

الاسطى نور بصوت عالي: وبعدهالك يا معلم عطوة هنفضل كل يومين في مواويلك دي مكانوش حبة لحمة وباظوا والواد متربّي وسطينا طول عمره وعلى إيدك يبقى خلاص خلصانة ومش محتاجة تكبر يا معلم عن كده

المعلم عطوة: لا يا أسطى نور هتكبر وتكبر ده خسّرني ألافات في البضاعة دي هو كان مال حرا.م ولا إيه يعني

أسطى نور بحزم: خلاص يا معلم تمن بضاعتك عندي سيب الواد في حاله ومفاية إنه بينزل الشغل وهو ثانوية عامة ومتمرمط بين المذاكرة والشغل بكفاياك بقى وفُضّها سيرة الله

المعلم عطوة: خلاص يا أسطى نور أنا ميرضنيش زعلك يا مجدع حتتنا خلاص فضّيناها

الاسطى نور خبَ.ط على صدره: عِشت يا معلم عطوة

ورجع كل واحد على شغله

آخر النهار قفل الاسطى نور الورشة وطلع على البيت

فتح الباب ودخل خد شاور وطلع صلّى ودخل على أوضته

أميرة( أخت نور الصغيرة) بتكلم نفسها: وبعدهالك يا نوّارة وآخرة الغُلب اللي انتِ فيه ده إيه بس؟؟!!!

يتبع..

بقلم dodymody

#نوارة_حارتنا

رواية نوارة حارتنا كاملة (جميع فصول الرواية) بقلم دودى مودى

رواية نوارة حارتنا بقلم دودى مودى