رواية نوارة حارتنا الفصل الثانى 2 بقلم دودى مودى
رواية نوارة حارتنا البارت الثانى 2
رواية نوارة حارتنا الجزء الثانى 2
رواية نوارة حارتنا الحلقة الثانية 2
رواية نوارة حارتنا بقلم دودى مودى
 |
| رواية نوارة حارتنا |
رواية نوارة حارتنا الفصل الثانى 2
نوّارة حارتنا
البارت الثاني..
وصلت نور مدرسة امير وطلعت جري على مكتب المدير وخبّطت ومستنتش الرد ودخلت بسرعة شافت اخوها واقف واحمد واقف جنبه وفي ولدين واقفين ووشهم متع.وّر
جريت على اخوها وهي شايفة د.م على قميصه وهي بتطمن
نور برعب وقلق: امير مالك يا حبيبي ايه الد.م ده؟ انتَ كويس؟ رد عليّا ارجوك في ايه؟
امير بحُب: اتطمن يا نور متقلقش اخوك حديد
رد المدير بعص.بية: وكمان ليك عين تتكلم يا استاذ بعد اللي عملته
نور بغ.ضب وصوت عالي: لو سمحت!! محدش في الدنيا مسموحله يكلّم أخويا بالشكل ده أبداً، ممكن اعرف حصل ايه؟
المدير بسخرية: انتَ بقى الاسطى نور
نور بسخرية وعص.ببة مكتومة: اه انا بقى الاسطى نور اللي رجالة بشنبات بتحترمه وتقدّره واللي ميسمحش لمخلوق يدوسله على طرف هو أو اخواته فاهمني حضرتك ولا الفهم بعافية؟
المدير بعص.بية: أخو حضرتك بلطجي وبيتعدّى على زمايله بالض.رب ودي مش اخلاق ولا تربية
خبطت نور على المكتب المدير اتفزع: لأ لحد هنا وتعرف ايه اللي بيطلع من بوقك يا حضرة المدير المحترم، انا اخويا متربي ومحترم اكتر من اي حد شوفته في حياتك
لفّت لاخوها: انطق في ايه حصل يا امير ضر.بتهم ليه؟
امير: انا عمري ما كنت بلطجي ولا بستعفى على حد يا نور بس انا مسمحش حد ييجي لاخويا على طرف واسكت والبهوات بيعايروا احمد انه يتيم وبيشتغل عند جزار مقدرتش استحمل
بصّت نور للولدين من فوق لتحت وبصّت للمدير تاني: هما دول اللي انتَ قلقان عليهم يا حضرة المدير، الأولى بدل ما تدافع عنهم تعلّمهم ان التنمر وعدم احترام الغير قمة النقص وقلة الأخلاق وان الفقر عمره ما كان عيب واليُتم قضاء الله وميجوزش نعاير حد بيه، علّم تلامذتك الاخلاق وبعدين ابقى دافع عنهم يا استاذ
وخدت احمد واخوها وهي خارجة بصّت للولاد: افتكروا دايماً ان كما تدين تدان وربنا شاهد ومطّلع على افعالكم ومبينساش الفقر والغنى مش دايمين واليُتم الكل معرّض ليه بلاش تبقوا الإيد اللي تئذي انسان نضيف بيحاول يعيش ويبقى نافع لدينه ونفسه ومجتمعه، ربنا يهديكم
نزلوا الولاد راسهم في الأرض ومعرفوش يردوا على نور
دخلت نور بالولدين الحارة واحمد راح على شغله وبعتت امير على البيت وراحت الورشة
فتحي: يا اسطي نور يا اسطى نور
نور: ارغي يا فتحي وراك مصيبة إيه تاني ع المسا؟
فتحي: اااا
نور بشخط: انطق في ايه؟ انتَ هتتهتهلي؟
فتحي بخ.وف: الأنسة أميرة
نور بر.عب: انطق أميرة مالها؟
فتحي: ن نازلة من عربية وو واحد على أول الحارة
رمت نور العدّة اللي في ايديها وهي بتزعق: نعم يا اخويا ع إيه!!! ده شكله يوم مش معدّي النهاردة
طلعِت نور جري على أول الحارة شافت أميرة بتكلّم واحد وواقفة جنب عربيته بتشكره
أميرة بخجل: متشكّرة جداً يا دكتور مراد وآسفة جداً لازعاج حضرتك
مراد بابتسامة: ولا يهمك يا آنسة اميرة ومفيش ازعاج ولا حاجة
دخّلت نور راسها في وسطهم وهي وشها فيه شحم: أه وبعدين
أميرة بخ.وف: ن ن نور
نور: أه يا ختي ننننن نور، افهم بقى مين الاستاذ؟ وازاي يا هانم تركبي معاه عربيته انطقييي
ارتعشت أميرة ولسه هترد طلعت هدى أخت مراد من العربية بسرعة: أهلاً وسهلاً بحضرتك يا أسطى نور أميرة كلمتني عن حضرتك كتير أنا هدى زميلتها في الجامعة وده الدكتور مراد دكتورنا واخويا الكبير، هي بس أميرة مكانتش لاقية مواصلات وأنا عرضت عليها أوصّلها أنا واخويا ووافقت بالعافية لإني معاهم يعني مفيش خلوة ولا حاجة وأنا سعيدة جداً اني شوفت حضرتك
ومدّت ايديها سلّمت على نور فبصّلها مراد بغ.ضب ولسه هيعترض شاورتله هدى بعيونها انه يهدى وهيتكلموا بعدين
مراد بهدوء: اتشرّفت بحضرتك يا استاذ نور أنا مراد الزيّات معيد في كلية ألسن ودكتور أنسة اميرة وهدى
ومد ايده يسلّم عليه بس نور ممدّتش ايدها وقالت: الشرف ليّا يا دكتور مراد بس أنا الأسطى نور مش أستاذ وللأسف مبسلّمش، فرصة سعيدة جداً اتفضلوا معانا تشربوا حاجة ميصحّش
مراد وهو رافع حاجبه باستغراب انتبه ورَد: مرة تانية ان شاء الله لإننا لازم نروّح، بعد اذنكم
ورمب عربيته هو وهدى واتحرك ونور خدت أميرة على البيت بهدوء وقالت لفتحي يقفل الورشة
في عربية مراد
مراد باستغراب: انا مش فاهم حاجة يعني ايه راجل ومبيسلّمش وكمّل بع.صبية: وانتِ ازاي يا هانم تسلّمي عليه بإيدك يا هانم يا مسلمة؟!
ضحكت هدى وقالت: ما هو كون الاسطى نور مسلّمش عليك وسلّمت أنا عليه وانا مبسلّمش يا دكتور ده معناه إيه في رأيك؟
مراد: مش عا... إيه ده اوعي تقولي!
هدي بابتسامة: صح كده، الأسطى نور بنت يا دكتور مش راجل ولإني عارفة فدَه سبب إني سلّمت وانها مسلّمتش
مراد: بنت!!!! بنت ازاي بشكلها وطريقتها ونبرتها ولبسها؟!! ازاي!!هدى: حكاية طويلة هحكيهالك لما نروّح ان شاء الله
يتبع..
بقلم dodymody
#نوّارة_حارتنا
رواية نوارة حارتنا الفصل الثالث 3 من هنا
لقراءة الرواية كاملة اضغط هنا (رواية نوارة حارتنا)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
