رواية سيدة القصر الفصل الحادى والثلاثون 31 بقلم منال عباس

رواية سيدة القصر الفصل الحادى والثلاثون 31 بقلم منال عباس

رواية سيدة القصر البارت الحادى والثلاثون 31

رواية سيدة القصر الجزء الحادى والثلاثون 31

رواية سيدة القصر الحلقة الحادية والثلاثون 31

رواية سيدة القصر بقلم منال عباس

رواية سيدة القصر

رواية سيدة القصر الفصل الحادى والثلاثون 31

#سيدة_القصر  بقلم  #منال_عباس

سكريبت  31

فى صباح يوم جديد على أبطالنا 

يستيقظ العرسان على أصوات الزغاريد فى كل مكان ..

ريم : يلا يا لؤى البس هدومك شكلهم رجعوا ...

لؤى : طب ساعدينى ..

ريم بابتسامه : موافقه يا لولو بس من غير شقاوة

لؤى بضحك : هحاول يا قمر انت ...

ينزل كلا من لؤى وريم ليجد الجميع فى انتظارهم 

أشرقت : الف مبروووك يا اولاد 

الجميع فى نفس واحد الله يبارك فيكى يا احلى نانووووو.

يقترب حسام هو ومنى ليهنئوا الجميع 

ريم : الله يبارك فى حضرتك ...ومبروك ليكى كمان ..

منى : تسلميلي حبيبتي 

سندس : عارفين باسم عمل ايه ..ينظر إليها الجميع باستغراب ..

سندس : بتبصوا ليا كدا ليه .

سعاد : اصل ما يصحش انك تحكى حاجه ياسندس .. بقلم منال عباس 

سندس : ايه اللى ما يصحش !!!!...باسم من امبارح للنهارده ما اكلناش حاجه ....انا جعانه اووووى ..

باسم : والله كنت متأكد أن هيطلع حاجه تضحك...

أشرقت : دقائق والفطار يكون جاهز لاحلى عرسان 

يقترب مراد من ابنه 

مراد : طمنى سبع ولا ضبع 

باسم : اطمن يا بابا ...سبع ابن سبع 

يذهب سالم لابنه سامح 

سالم : طمنى يا سامح ...الدنيا تمام 

سامح : اطمن يا بابا ابنك اسد. ...

حسام : مش هسألك يا لؤى السؤال المعتاد ...لانه واضح عليك الفرحه ربنا يسعدكم يا ابنى ...

بعد وقت قصير 

جلسوا جميعا لتناول الإفطار...

أشرقت : تحبوا تقضوا شهر العسل فين ...

لؤى : احنا اتفقنا أنه يكون اسبوع علشان الشغل وريم عايزة تعوض اللى فاتها فى الشغل ...

أشرقت : بنت آينور صحيح ...والدتك كانت من اشهر المصممين لأزياء السيوفى ...

ريم : فعلا ماما الله يرحمها هى اللى علمتنى وشجعتنى ....

لوسيا : كان نفسي اشوفها 

مراد : اسيبكم تكملوا فطار وهخلص شويه شغل فى المكتب ...

سالم : تمام وانا هحصلك ...

جلس الشباب يضحكون فقد حجزوا للسفر غدا الى باريس ..

سندس : وباريس دى بقي الواحد فيها يلبس ايه 

باسم : ملناش دعوة بملابسهم ...انتى تلبسي اللى يناسبك ....

لوسيا : ما تشيلوش هم الملابس يا بنات ..المصانع مصانعنا ..وكل حاجه هتكون جاهزة لينا النهارده 

لؤى : اكيد يا لوسيا ..اختاروا كل اللى يعجبكم ...

         فى المكتب 

يجلس مراد يطالع بعض الأوراق 

يدخل عليه كلا من حسام وسالم ..

حسام : مالك يا مراد ..شكلك مش مبسوط وفى حاجه شغلاك ...

سالم : ايوا انا كمان لاحظت كدا ...

مراد : انا قلقان من خروج شريف من السجن 

حسام : ليه ...هو فى حاله واحنا في حالنا ...

مراد  : شريف ..مش سهل والشر بيحرى فى دمه 

دا غير أن هو و وفاء نسخه واحدة ...

سالم : ما يقدرش يعمل حاجه ...ووفاء خلاص اخدت عقابها ...بقلم منال عباس 

مراد : الموضوع ما خلصش زى ما أنتم فاهمين 

حسام : ازاى يعنى 

مراد : مادام آينور كانت عايشه ..طول السنين اللى فاتت ...مين الست اللى كانت فى سيارة آينور ..

وكمان ملابسها كانت ملابس آينور ...مين عمل كدا 

اكيد الحكايه لسه وراها ابعاد كتير وغامضه ....

سالم : والله عندك حق ...واحنا لازم نعرف الحقيقه من غير ما الاولاد يعرفوا ...كفايه اللى شافوه الفترة اللى فاتت...

            عند وفاء 

تتصل وفاء على شريف 

وفاء : شريف ...

شريف : ايوا يا وفاء فى حاجه 

وفاء : عايزاك تشوف حل وتخرجنى من هنا بأى شكل ...

شريف : اطمنى هكلم الناس اللى هنا يتوسط ليا عند الباشا الكبير ..اكيد ليه معارف 

وهيخرجك ...

وفاء : ما قولتليش ..هو الباشا الكبير اسمه ايه 

شريف : يعنى هى هتفرق معاكى ...

وفاء : ابدا بس من باب الفضول ...

شريف : اسمه تقريبا ..غارب الشهاوووى 

وفاء : انت بتقول ايه !!

شريف : مالك اتاخدتى ليه كدا 

وفاء : غارب الشهاوى دا من اشهر رجال الأعمال فى الوطن العربى كله وليه نفوذ فى كل مكان ...

شريف : تقريبا ايوا لأن لما حد بيجيب سيرته 

الكل بيعمله الف حساب 

وفاء : يبقي كدا فل ...اتصرف بسرعه ..وبعدين هعرفك نعمل ايه ...وأغلقت معه الهاتف ...

وفاء لنفسها : كدا احلوت اووووى 

غارب الشهاوووى ...طبعا اسمك عمره ما نسيته ولا نسيت يوم ما رفضتك آينور أمام الكل في النادى 

كدا هنكون ايد واحدة فى الانتقام من عائله آينور ...

         يمر اليوم وجميع العرسان يستعدون للسفر 

تم تجهيز الحقائب للجميع .....أخذ كل زوج زوجته للذهاب للنوم استعدادا للسفر فى الصباح ...

ريم : كلامك كله طلع صح يا ست الكل ..

آينور : خليكى دائما حريصه يا ريم ..وخلى بالك من لوسيا ...لوسيا ضعيفه واتربت بعيدة عنى 

ريم : انتى عرفتى ازاى ...

آينور : مش مهم المهم خلى بالك من نفسك ...

وكل مر سوف يمر ..بس يا ريم احترسي .احترسي 

احترسي 

ريم : من ايه بس يا ماما ..احنا كويسين ...وطنط وفاء بعدت عننا ..وكل اللى موجود بيحبنا 

آينور : اسمعى الكلام يا بنت بطنى ...الخطر قادم ...الخطر قادم 

تقوم ريم مفزوعه ...

ريم : تعالى يا ماما ..انا خوفت ..تعالى ارجوكى 

يقوم لؤى ليضئ نور الاباجورة بجانبه 

لؤى : مالك حبيبتى..

ريم ببكاء : ماما يا لؤى 

لؤى : أهدى حبيبتى ..شكله كابوس ...وأحضر الماء واعطاها إياه ...بقلم منال عباس 

بعد أن شربت ريم الماء 

ريم : ماما بتحذرنى ..وبتقولى الخطر قادم

لؤى : دا مجرد حلم يا ريم ...ثم انا معاكى وعمرى ما هترك حد يأذيكى ...استغفرى يا حبيبتي

ريم : استغفر الله العظيم

اخذها لؤى بين أحضانه وملس على شعرها حتى هدأت وراحت فى النوم ..قبلها من جبينها ونام هو الآخر ....

فى صباح يوم جديد على أبطالنا

يستيقظ الجميع وينزلون للاسفل ويودعون أسرتهم للذهاب الى المطار 

فى ساحه الانتظار بالمطار 

ريم : انا خايفه اوووى يا لؤى 

لؤى : ليه يا حبيبتي 

ريم : اول مرة اركب طيارة ...حاسه بخوف شديد 

لؤى : ما تفكريش بالطريقه دى ....وانا جنبك حبيبتى ...

سندس : باسم حبيبي ...

باسم : ايوا يا قلبي 

سندس : تفتكر لو انا توهت هناك منك هعمل ايه 

باسم : لا ما تخافيش مش هتوهى ..اطمنى 

انا مش هسيبك لحظه واحدة ....

سندس : ربنا ما يحرمني منك...

لوسيا : سامح ..

سامح : عيون سامح ....

لوسيا : عايزة اروح التويلت 

سامح وهو ينظر فى ساعته ....تمام حبيبتى 

ريم : انتظرى يا لوسيا اجى معاكى ..

سندس : وانا كمان ...

ذهبت الفتيات إلى الحمام 

وبعد وقت قليل 

خرجوا سويا 

أحد الأشخاص يشير إلى ريم : يا آنسه يا آنسه 

ريم : نعم ...حضرتك 

الشخص الغريب : الورقه دى وقعت منك 

اخذتها ريم باستغراب ..وحاولت فتحها ولكن نادى عليها لؤى 

لؤى : يلا يا ريم انتى والبنات ميعاد طيارتنا 

وضعت ريم الورقه فى حقيبه يدها وذهبت بسرعه إلى لؤى ...

ركبوا الطيارة حيث تم حجز كرسين لكل زوجين بجوار بعضهم 

ريم : انا هقعد جنب الشباك ...نفسي اشوف السحاب من فوق 

لؤى : طبعا حبيبتى زى ما تحبي 

جلست ريم بجانب لؤى ووضعت حزام الامان هى ولؤى ...

سندس : اخخخخخ 

باسم : مالك حبيبتى ..فى ايه 

سندس : نسيت كيس السندوتشات ...كنت عامله ساندوتشات ومجهزة كيك ولب وسودانى 

باسم : صبرنى يارب ...لب وسودانى ايه بس 

سندس : اومال هنتسلى ازاى 

باسم : اقولك هنتسلى ازاى وطبع قبله طويله على شفتيها الجمتها.....

سامح وهو يشبك أصابعه بأصابع لوسيا 

سامح : انتى جميله اوووى يا لوسيا ...

لوسيا : كفايه مجاملات بقي 

سامح : لا بجد ..جمالك فوق الوصف انا بحسد نفسي عليكى 

لوسيا : انا اللى بحمد ربنا أنه جمعنا ...انا بعشقك يا قلبي ....

تبدأ الطيارة فى الاقلاع 

ريم بخوف : انا خايفه اوووى 

امسك لؤى يدها كى يطمئنها تنهدت ريم واغمضت عينيها ووضعت رأسها على صدر ريم

لؤى وهو يحتضنها بيديه الاثنين بدأ يغنى لها   بتلك الكلمات بصوته الناعم الجميل 

نصيبي وقسمتي الحلوه ونور عيني

في بحر عيونك الحلوه تدوب عيني

انا لو اجبلك الدنيا علي كفي ولا يكفي غرامي وشوقي وحنيني

نصيبي وقسمتي الحلوه ونور عيني

في بحر عيونك الحلوه تدوب عيني

انا لو اجبلك الدنيا علي كفي ولا يكفي غرامي وشوقي وحنيني

بحبك اه بحبك مش كلام وخلاص

مفيش اصلا كلام يوصفلك الاحساس

لقيت فيكي اللي ملاقتهوش في كل الناس

بحبك اه بحبك مش كلام يتقال، يا اجمل من رأت عيني أدب وجمال

يا فرحه عمرها ما خطرتلي يوم علي بال

كتير بسرح في حالي قبل ما اقابلك

في ايه ضيعت عمري من قبلك

ده يوم ما هواكي جاني

لقيت نفسي ومكاني

اتاريني جيت الدنيا عشان احبك

بحبك اه بحبك مش كلام وخلاص

مفيش اصلا كلام يوصفلك الاحساس

لقيت فيكي اللي ملاقتهوش في كل الناس

بحبك اه بحبك مش كلام يتقال، يا اجمل من رأت عيني أدب وجمال

يا فرحه عمرها ما خطرتلي يوم علي بال...

انتبهت ريم على صفير وتصفيق الركاب  معهم على الطائرة 

ريم بحب : انت اللى دنيتى الحلوة 😘😘

كانت هناك عيون تراقبهم عن بعد ........يتبع 

#سيدة_القصر

بقلم #منال_عباس

رواية سيدة القصر الفصل الثانى والثلاثون 32 من هنا

لقراءة الرواية كاملة اضغط هنا (رواية سيدة القصر)

تابعونا على التليجرام من هنا (روايات شيقة ❤️)

تابعونا عبر أخبار جوجل من هنا (روايات شيقة ❤️)