رواية طفلة أعادت شبابى الفصل الأول 1 بقلم إسراء إبراهيم

رواية طفلة أعادت شبابى الفصل الأول 1 بقلم إسراء إبراهيم

رواية طفلة أعادت شبابى البارت الأول 1

رواية طفلة أعادت شبابى الجزء الأول 1

رواية طفلة أعادت شبابى الحلقة الأولى 1

رواية طفلة أعادت شبابى بقلم إسراء إبراهيم

رواية طفلة أعادت شبابى

رواية طفلة أعادت شبابى الفصل الأول 1

اسكربت

انت بقي عمو فريد اللي جدو قالي هعيش معاه  ؟

قالت كدة ملك اللي كانت واقفة قدام فريد وبتبصله وهي رافعة راسها اوي عشان فرق الطول اللي بينهم وهنا فريد ابتسم وقالها بهدوء :

ايوة انا فريد يا ملك ،، ويا تري بقي جدو حكالك هتعيشي معايا ليه ؟

كشرت ملك وردت بضيق وهي بتقعد علي الكرسي :

هو مقالش حاجة غير بس انه مسافر ومش هيقدر يسبني لوحدي في الشقة وعشان كدة قالي هعيش معاك انت واختك ،، مش انت برضه عندك اخت قدي ؟

حرك فريد راسه بهدوء وقال لملك وهو بيشاورلها بايديه علي اوضته :

يلا روحي بقي حضري شنطتك عشان  تيجي معايا 

ابتسمت ملك ببراءة وقالتله بطاعة وهي بتتحرك :

حاضر يا عمو فريد ،، بعد اذنك 

دخلت ملك وهنا فريد قعد علي الكرسي وهو بيتنهد بحيرة واتكلم عمار ويبقي ابو ملك وهو بيبص لفريد بتردد :

ندمان يا فريد يابني ؟

رفع فريد وشه وبص لعمار وقاله بتنهيدة كلها حيرة :

انا بس خايف احسن الموضوع يكبر يا عم عمار ،، وصدقني انا خايف عليها مش منها ولا من كلام الناس 

عمار قرب من فريد وقاله بهدوء وصوت مش مسموع :

اسمع يا ابني ،، انا لما كلمتك ،، كان من عشمي فيك ،، يمكن عشان ابوك اللي يرحمه كان اعز اصدقائي وانا واثق في تربيته كأني انا اللي ربيت بالظبط ،، 

ابتسم فريد وحب علي ايد عمار وهو بيقول بثقة :

وانا قد المسئولية دي يا عم عمار واوعدك ان ملك هتكون في عيني زيها زي ندي اختي بالظبط 

عمار ابتسم اول ما فريد قال كدة ورد بتلقائية وهو بيرجع بضهره لورا :

مؤقتا بس يا فريد ،، تعامل ملك علي انها اختك مؤقتا بس ،، واول ما تخلص جامعتها تعرفها وتعرف الدنيا كلها انها مراتك ،، انا اهم حاجة بالنسبالي اني اطمن عليها وانا بمجرد ما كتبت كتابها عليك وبقت مراتك اطمنت يابني ،، 

فريد سرح في كلام عمار وكان قلقان ومضايق وحس بيه عمار وكمل كلامه وقال بغموض :

عرفني يابني ايه اللي شاغلك يمكن اقدر افيدك 

بصله فريد شوية وبعدين اتكلم بهدوء :

انا شايف ان الموضوع صعب اوي يا عم عمار علي ملك ،، يعني انا قولتلك اني هقدر احميها بس من غير جواز لاني مش هقدر استحمل فكرة انها طفلة بالنسبالي ،، ده فرق بينا 15 سنة انا اختي الصغيرة قدها وبعدين يعني حضرتك مفكرتش فيها هي هيبقي رد فعلها ايه لو عرفت الحقيقة واني متجوزها ،، انا كدة بكون بقضي علي مستقبلها  

عمار حرك راسه بايجابية وهو بيسمع فريد وبعدين قام واتكلم بحكمة وهو بيحط ايده علي كتف فريد  :

ملك دي حفيدتي وتربيتي يا فريد ،، ولما تعرف اني جوزتك ليها عشان احميها من عمها اللي هو ابني صدقني هتقدر كويس اللي بنعمله دلوقتي عشانها ،، المهم دلوقتي انك توعدني ان ملك تكون في حمايتك وتحافظ عليها يا فريد انت فاهمني يابني 

ابتسم فريد وحرك راسه بموافقة وقبل ما يتكلم كانت خرجت ملك بشنطة هدومها وكانت بتمسح دموعها اللي لاحظها عمار وفريد اللي قال بتوتر :

مالك يا ملك ،، انتي بتعيطي ليه ؟

ملك بصت لفريد شوية وبعدين بصت لجدها وقالت بحزن :

مفيش اصل صعبان عليا اني اسيب البيت ،، جدو اوعدني متتأخرش عليا وتيجي في اقرب وقت ،، ممكن ؟

ابتسم عمار وقرب من ملك واخدها في حض*نه وهو بيقول بحب :

متقلقيش يا حبيبة جدو ،، انا هزورك في اقرب وقت ،، المهم انك توعديني انك تسمعي كلام فريد واعرفي ان محدش هيخاف عليكي قده 

نقلت ملك عنيها وهي في حضن جدها لفريد وقالت وهي بصاله بهدوء :

حاضر يا جدو ،، اوعدك اسمع كلام عمو فريد 

................................

دخلت ملك مع فريد ڤلته وهي خايفة ومتوترة وفريد كان حاسس بيها وقرب منها وقالها وهو باصص في عيونها بتركيز :

اسمعيني يا ملك ،، من انهاردة البيت ده بقي بيتك ،، تتصرفي فيه وتتعاملي بطبيعتك اتفقنا ،، هنا مفيش حد غريب كلهم اهلك ،، ندي اختي ودي قدك بالظبط في السن بس هي في كلية اعلام وماما كمان ودادة كريمة وبس مفيش حد تاني ،، 

حركت ملك راسها بابجابية وهي بتبتسم ابتسامة باهتة ومن جواها لسة متحفزة مش بطبيعتها وق*طع كلامهم صوت ندي اللي قالت بصريخ وهي بتنزل السلم جري :

ابيه فريد ،، انا كنت مستنياك من بدري اوي 

قالت ندي اخر كلامها وهي بترمي نفسها في حض*ن فريد اللي ضحك بصوت عالي وهو بيقول بحب :

اهلا بالصوداع بتاع البيت ،، وكنت مستنياني ليه بقي يا بكاشة ،، اكيد في مص*يبة 

ندي بصت لملك وشاورت عليها وهي بتقول بتلقائية :

هي مين دي يا ابيه ؟،، 

ملك اتوترت عكس فريد اللي ابتسم وقال وهو بيشاور عليها :

دي بقي يا ستي ملك اللي حكتلك عنها 

صرخت ندي بفرحة وهي بتقرب من ملك اللي اتفأجت بندي وهي بتحضنها وبتقول بفرحة :

دي ملك اللي قولتلي انها هتعيش معانا علطول ،، انا فرحانة اوووي ،، بصي انا وانتي هنبقي صحاب اووي 

ملك اتكسفت بس فرحت ان ندي متقبلاها وحضنتها هي كمان وهي بتقول باحراج :

انا كمان مبسوطة اني اتعرفت عليكي واكيد هنبقي صحاب 

عاملة دوشة ليه يا ندي عالصبح كدة 

قالتها معالي وتبقي ام فريد وكانت نازله عالسلم وعنيها علي ملك اللي اتوترت وبصت لندي بقلق بس ندي اتكلمت وردت بحماس :

بصي يا ماما مين جه ،، دي ملك اللي ابيه فريد قالنا عليها 

قربت معالي منهم ووقفت قدام ملك وبعدين ابتسمت بود وهي بتقول :

نورتي بيتك با بنتي ،، 

ابتسمت ملك وردت براحة وهي بتوطي تبوس ايد معالي :

شكرا لحضرتك يا طنط 

سحبت معالي ايديها  وهي بتبص لملك باعجاب من اخلاقها وقالت بابتسامة :

بلاش طنط دي قوليلي يا ماما ،، مش انا زي امك برضه  

ابتسمت ملك وردت بسرعة وهي بتبص لمعالي بحب :

طبعا والله ،، خلاص هقولك يا ماما بعد كدة 

اتدخل فريد وبص لندي وقالها بابتسامة :

ندي خدي ملك ووريها اوضتها اللي جهزناها ليها وسيبيها ترتاح شوية لحد معاد العشا 

ندي من غير ما ترد سحبت ملك من ايديها وخدتها وطلعو علي فوق ووقتها فريد اتنهد بحيرة وقعد علي الكرسي وسمع معالي امه وهي بتقوله بجدية :

هي متعرفش انك بقيت جوزها مش كدة ؟

حرك  فريد راسه بايجابيه فكملت معالي كلامها وقالت بقلق :

وعمها عرف باللي حصل ولا معرفش لسة 

فريد رد بضيق وهو سرحان في اللي حصل :

معتقدش ،، لانه لو كان عرف مكنش سكت يا ماما ،، ده انسان تعبان ومكنش هيسكت لو عرف عالاقل كان هيحاول يمنع الجوازة انها تتم 

ردت معالي وهي بتبص لفريد ابنها بقلق :

والله يا فريد يابني انا قلقانة وخايفة عليك وعلي البت المسكينة دي 

فريد رد بثقة وهو بيقوم من مكانه وبياخد مفاتيحه وموبايله :

خلاص يا ماما ،، هو ميقدرش يعمل حاجة لان ملك دلوقتي مبقتش حرة نفسها ،، وكدة انا قط*عت عليه خطته اللي كان راسمها هو وابنه 

اتنهدت معالي وهي بتبص لفريد بخوف وقالت في سرها :

ربنا يسترها عليكم يابني 

...............................

بعد اربع سنين من الاحداث اللي حصلت كانت فيهم ندي وملك كانو تقريبا اقرب اتنين لبعضيهم وملك اخدت علي معالي واعتبرتها امها اللي اتحرمت منها اما علاقتها بفريد فهي اطورت جدا وبقت ملك بتعتبر فريد هو الشخص المسئول عنها وبتحترمه جدا خصوصا انه هو الوحيد اللي وقف جمبها يوم وفاه جدها اللي كان كل حاجة ليها في الدنيا فهي بتعتبر فريد ومامته واخته هما عوضها عن جدها وانهاردة كان يوم تخرجها  واخيرا خلصت دراسة ،، كانت واقفة مع صحابها وبتبص يمين وشمال وبتدور في كل اللي قاعدين عن فريد وفجأة ملامحها اتأثرت بغيابه رغم ان ندي ومعالي قاعدين فكشرت وعيونها دمعت وحزنت لانه نسي حفلة تخرجها وبصت في الارض بحزن بس فجأة انتبهت لصوته من وراها وهو بيقولها بابتسامة جذابة :

بتدوري علي حد ؟

فجأة ملك ابتسمت ولفت بسرعة واول ما شافته قدامها قربت منه ورمت نفسها في حض*نه وهي بتقول بفرحة :

ابيه فريد ،، خفت احسن متجيش وتكون نسيت حفلة تخرجي ؟

اتفاجأ فريد باللي عملته ملك واتوتر  وقلبه دق وهو بيبعدها عنه وبيتكلم بابتسامة :

وهو انا اقدر انسي يوم زي ده برضه ،، وبعدين هو انا عندي كام ملك يعني ؟

ملك بصتله بفرحة وابتسمت وهي بتقوله برقة :

انا لاخر لحظة كنت مراهنة نفسي انك اكيد هتيجي ومش هتنساني 

وملك بتتكلم لاحظت نظرات صحابها لفريد واعجابهم بيه واتغاظت وده اللي كان بيخليها مش بترضي انه يجيلها الجامعة اصلا طول فترة دراستها وهو كلام صحابها عنه وخصوصا لما عرفو انه مش ابوها 

،، نفخت بضيق وقربت ملك من فريد بتلقائية ومسكت ايديه بتملك وهي بتقوله :

انا بقول كفايا كدة ويلا نروح بقي يا  فريد 

فريد استغرب طريقة ملك وانها ندهتله باسمه من غير ابيه اللي متعود عليها منها وقالها بتلقائية :

تمام يلا بينا يا حبيبتي 

ملك رفعت وشها وابتسمت ليه اول ما قالها حبيبتي وفضلت بصاله شوية وبعدين اتنهدت بحيرة ومشيت معاه 

...........................

في المطعم كانو قاعدين كلهم بيحتفلو بتخرج ندي وملك وكانو كلهم فرحانين وبيتكلمو ويهزرو لحد ما قربت منهم واحدة من سن معالي ام فريد ومعاها بنتها وقالت بفرحة باينة علي وشها :

مش معقول ،،معالي ،، مش مصدقة اننا اتقابلنا تاني 

وقفت معالي بصدمة وهي بتقول بفرحة وابتسامة واسعة :

تهاني ،، والله ليكي وحشة وكنتي لسة في بالي من كام يوم ،، فاكر يا فريد دي تهاني جارتنا ايام بيتنا القديم 

وقف فريد وسلم علي تهاني وبنتها باحترام وعرضت معالي عليهم يقعدو وفعلا قعدو معاهم وكانو بيتكلمو كلهم مع بعض خاصا فريد ونبيلة ودي بنت تهاني وده لانهم كانو جيران وقريبين من بعض وهما صغيرين قبل ما نبيلة تعزل مع امها ،، كل ده وملك كانت قاعدة تهز في رجليها بتوتر ومضايقة اوي وباصة لفريد بضيق لانه نسيها ومتجاهلها ومشغول بفريدة ولاحظتها ندي اللي قربت منها وهي بتقولها  :

يا بنتي بطلي تهزي رجلك وترتيني وانا قاعدة ،، ايه مالك ؟

ملك بصت لندي بغيظ وقالتلها بهمس وهي بتقرب منها :

وهو انتي مش شايفة يعني ،، ده ولا كأننا كنا بنحتفل بتخرجنا ،، جم بو*ظو كل حاجة 

بصت ندي لملك بغمزة وقالتلها بسخرية :

متأكدة ان عشان كدة بس ،، يعني مش عشان ابيه فريد بيتكلم مع نبيلة بنت طنط تهاني ومشغول بيها 

ملك بصت لندي بضيق ودورت وشها وهي بتقوم وتسيبهم ،، بس هنا لف فريد وبصلها وقالها باستفهام :

ايه يا ملك ،، رايحة فين كدة يا حبيبتي 

ملك اضايقت من طريقة فريد وانه بيعاملها علي انها صغيرة وطفلة فقالت بضيق وهي بتسيبهم وتمشي :

لا متشغلش بالك يا ابيه ،، انا رايحة التواليت 

مشيت ملك وفريد استغرب طريقتها بس انتبه لفريدة ورجع يتكلم معاها تاني عادي وشوية وبص فريد في ساعته واستغرب ان ملك مرجعتش واتأخرت اوي كدة فقام واستأذن منهم وراح ناحية التواليت عشان يشوفها بس وهو في طريقه لاقاها واقفة برة المطعم مع شاب غريب فحس بن*ار في قلبه وقبض علي ايديه بغضب وقرب منهم واول ما شافته ملك بصتله بحزن لانه نسيها وحتي مفكرش انها زعلانه منه وسابها ولقيته بيقرب عليها وهو بيقولها بحد*ة :

انتي ايه اللي خرجك برة المطعم ؟ 

استغربت ملك طريقته وقالتله بتلقائية وهي بتشاور علي سليم زميلها :

مفيش انا كنت معدية فسليم زميلي نده عليا وكنت واقفة بسلم عليه وداخلة تاني 

رفع فريد حاجبه وقالها بحد*ة وهو بيبص لسليم :

واحنا من امتي واحنا بنقف مع شباب اصلا يا ملك هانم ،، اتفضلي علي جوة وحسابنا بعدين 

ملك بصت لفريد بحزن وعيونها دمعت لانه حرجها قدام سليم وسابتهم ودخلت وفريد بص لسليم وقاله بتحذير :

ملك خط احمر ومشوفكش بتقرب منها وتتكلم معاها تاني ،، انت فاهم 

قال فريد اللي قاله لسليم وسابه ودخل وراح ناحية الترابيزة بتاعتهم وكانت ملك باصة في الارض بحزن وفريد بصلها بطرف عنيه وهو بيتكلم :

احم ،،معلش اتأخرت عليكم 

اتكلمت معالي وهي بتشاور علي تهاني وبتقول بابتسامة :

انا عزمت تهاني ونبيلة عندنا يا فريد عشان يعرفو البيت ونبقي نتقابل علطول بقي 

ابتسم فريد ورد بتلقائية وهو بيقعد :

ده اقتراح كويس اوي يا امي واهو نرجع العلاقات تاني 

ابتسمت نبيلة وفهمت ان فريد بيتكلم عليها ويقصدها هي وملك كمان فهمت كدة  فرفعت عنيها بغضب وبصت لفريد بحد*ة وهو لاحظ دموعها المحبوسة في عنيها وبعدين رجعت بصت في الارض بحزن وفريد اتنهد بضيق اول ما شاف شكلها كدة

...........................

دخلت ملك البيت هي وندي ومعالي وفريد كان وراهم واول ما دخلت ملك سابتهم وطلعت جري علي اوضتها واستغربت معالي وقالت باستفهام :

هي ملك مالها يا فريد ،، معرفش من وقت ما راحت الحمام ورجعت وهي زعلانة وطول الطريق وهي حساها مخنوقة 

فريد اتنهد يضيق وبعدين اتكلم وقال :

مفيش يا ماما ،، هي زعلت مني عشان زعقتلها لما روحت وراها ولقيتها واقفة مع زميلها 

معالي اتصدمت وقالت بعتاب لفريد وهي بتقعد :

اخس عليك يا فريد وفيها ايه يعني ،، مش زميلها ،، البنت صغيرة برضه ومتنساش ان كل اللي في سنها بيعملو كدة ،، ولو عايز تفهمها حاجة فهمها براحة ومتنساش انها لسة متعرفش حاجة،، يبقي متحاسبهاش علي تصرفاتها 

فريد نفخ بضيق وقال وهو بيمشي ناحية السلم :

حاضر يا ماما ،، انا هطلع اصالحها 

ردت معالي بجدية وهي بتفكر في اللي حصل وتصرفات فريد :

ولما تصالحها تعالي عشان عايزة اتكلم معاك في موضوع مهم 

........................

بعد ما غيرت ملك هدومها كانت قاعدة عالسرير وضامة رجليها لحض*نها وبتفكر في اللي حصل ومعاملة فريد معاها ،، وانه دايما بيعاملها علي انها طفلة ورغم محاولتها معاه بانها تخليه يشوفها كملك البنت الكبيرة الناضجة بس للاسف هو دايما بيصدها حتي مشاعرها ناحيته في الاول كانت متلغبطة بس لما بدأت تصارح نفسها اتأكدت انها بتحبه ومش عارفة اخرت حبها ليه ده ايه ،، مسحت دموعها بحزن وفي نفس الوقت سمعت الباب بيخبط وفريد بيتكلم :

ملك انتي صاحية ،، عايز اتكلم معاكي 

ملك غمضت عنيها بحزن ومردش علي فريد لانها زعلانة منه فسمعته بيكمل كلامه وبيقول بخبث عشان هي تفتحله :

ملك انا عارف انك صاحية وسامعاني بس عشان غلطانة مش عايزة تواجهيني ،، فافتحي الباب عشان نتكلم واعرفك غلطك 

ملك اتصدمت من كلام فريد وبان علي ملامحها الغضب وقامت بغضب وراحت ناحية الباب وفتحته بغضب وهي بتقول بحد"ة :

اديني فتحت الباب وعلي فكرة انا مغلطتش في حاجة زي ما حضرتك بتقول ،، انا فاهمة وعارفة حدودي كويس اوي 

فريد مردش لانه كان مصدوم من شكلها بالبيچامة اللي كانت لابساها وشعرها اللي كان نازل علي ضهرها بحرية وكان مخلي شكلها كأنها ملاك وحاول يجمع نفسه وقالها بابتسامة :

كنت عارف اني لما استفزك هتفتحي الباب 

ملك بصتله بصدمة وهي مش مستوعبة انه ضحك عليها عشان تفتح الباب فقالتله بضيق:

المهم اني حبيت اعرفك اني مش غلطانة علي فكرة وبلاش دايما تتعامل معايا علي اني طفلة لاني كبرت ومبقتش صغيرة 

فريد كان بيتكلم وهو بيقرب من ملك وبيبصلها بتوهان :

ومين قال عليكي طفله انتي اجمل وارق بنت في الدنيا 

كانت ملك بترجع لورا بضهرها وهي بتسمع كلام فريد ومركزة في عيونه لحد ما خب*طت في الكرسي وكانت هتقع فشهقت بخوف بس لحقها فريد وحاوطها بايديه وضمها عليه وتقريبا كانت في حض*نه ووقتها اتكلم بهمس وهو باصص في عيونها :

انا مكنتش اقصد يا ملك ،، انا بس خوفت عليكي 

اتكلمت ملك وهي قلبها بيدق من قرب فريد وقالتله بنفس الهمس :

خوفت من ايه ،، انا كنت واقفة معاه في الشارع ،، وبعدين انت السبب اصلا

كشر فريد باستغراب وسألها بهمس :

انا السبب ؟،، ازاي بقي ؟

ردت ملك وهي مركزة في عيون فريد وقالتله بصدق :

عشان انت كنت عمال تتكلم مع اللي اسمها نبيلة دي وسايبني وكأني مش موجودة 

ابتسم فريد بتلقائية وقال لملك وهو بيلمس دقنها بايديه :

اممم ،، دي غيرة بقي 

ردت ملك وقالتله بابتسامة وهي قاصدة كل حرف :

امممم تقدر تقول كدة ،، عارف لو عملتها تاني واهملتني كدة عشان حد تاني هعمل ايه 

ضحك فريد بصوت عالي ضحكة سمعت في قلب ملك وقالها :

هتعملي ايه يا بكاشة 

ردت ملك وقالتله بجدية وهي بتملس علي خده بحب :

هقرب انا منك واقول للبنت دي انك ملكي انا ومش هتقدر تاخدك مني 

اتوتر فريد بعد ما سمع كلام ملك وبعد عنها وهو بيقول بتهرب :

احم يلا بقي هسيبك تريحي شوية وهنزل انا عشان عندي شغل اخلصه 

خرج فريد و ملك اتنهدت بحيرة وهي متابعاه بعنيها وبقت تسأل نفسها ،، يا تري بيحبها زي ما هي بتحبه ولا هو بيعاملها كدة بس شفقة لانها ملزومة منه 

........................................

اتكلم فريد وهو بيقعد قدام امه وقالها بابتسامة :

اتفضلي يا امي ،، كنتي عايزاني في ايه ؟

ردت معالي وقالتله بجدية وهي بتبصله بغموض :

انا عايزة اعرف يا فريد انت ناوي علي ايه مع ملك ،، يعني البنت خلاص كبرت وخلصت دراستها ودلوقتي مالهاش غيرنا خصوصا بعد ما عمها مات واتأكدنا ان مفيش حد بيهد*د سلامتها 

فريد كان سرحان في ملك ومش عارف يرد علي امه يقولها ايه فقال بتردد :

عادي يا امي ،، اكيد يعني مش هسيبها ،، ومتنسيش انها مراتي 

ردت معالي وقالت بقصد وهي بتبص لفريد بجدية :

ماهو ده اللي بسألك عنه ،، انت دلوقتي جوزها  وملك مبقتش صغيرة و لازم تعرف انها مراتك ووقتها هي تقرر ،، تكمل معاك ولا لا 

قام فريد وقال بتنهيدة وهو بيبص لامه بحيرة :

وانا عارف يا ماما رد ملك ايه من غير ما اسألها ،، ملك بتحبني وانا عارف ومتأكد من ده ،، بس مش هي دي المشكلة 

كشرت معالي باستغراب وقالت وهي بتبص لفريد بجدية :

اومال فين المشكلة يا فريد يابني ،، اوعي تقولي انك انت اللي مش بتحبها ،، عشان وقتها هقولك انك كداب ،، لاني عارفة ومتأكدة يا فريد انك حبيت ملك فقولي ايه المشكلة

اتفاجأت معالي من رد فريد وهو بيقولها .....يتبع 

#طفلة_اعادت_شبابي 

بقلمي اسراء ابراهيم

رواية طفلة أعادت شبابى الفصل الثانى 2 والأخير من هنا

لقراءة الرواية كاملة اضغط هنا (رواية طفلة أعادت شبابى)

تابعونا على التليجرام من هنا (روايات شيقة ❤️)

تابعونا عبر أخبار جوجل من هنا (روايات شيقة ❤️)