رواية جعلته يحبنى رغمًا عنه الفصل الأول 1 بقلم إسراء إبراهيم

رواية جعلته يحبنى رغمًا عنه الفصل الأول 1 بقلم إسراء إبراهيم

رواية جعلته يحبنى رغمًا عنه البارت الأول 1

رواية جعلته يحبنى رغمًا عنه الجزء الأول 1

رواية جعلته يحبنى رغمًا عنه الحلقة الأولى 1

رواية جعلته يحبنى رغمًا عنه بقلم إسراء إبراهيم

رواية جعلته يحبنى رغمًا عنه

رواية جعلته يحبنى رغمًا عنه الفصل الأول 1

اسكربت 

بقلمي اسراء ابراهيم 

عمل يا هلال !! انتي بتتكلمي جد ،، عايزة تعملي عمل ليونس انتي اتجننتي يا بنتي ؟

قالتها يمني وهي بتبص لهلال اختها بصدمة بس هلال اتجاهلتها وقامت من مكانها وهي بتقول ببرود :

وفيها ايه يعني يا يمني ،، انا بحبه وهو مش شايفني اساسا وكل اللي شايفها الز*فتة اللي اسمها هيام ،، انا معرفش شايفها ازاي دي وعلي ايه ده انا احلي منها وربنا  ،، 

ضحكت يمني بصوت عالي علي كلام هلال وقامت وهي بتقولها بضحك :

انتي مصيبة ،، يا بنتي قولتلك ميت مرة يونس بيعتبرك بنت عمه بس لا اكتر ولا اقل ،، افهمي بقي وحاولي تتأقلمي علي ده عشان محدش هيتعب غيرك 

لفت هلال بغيظ وقالتلها بغضب وهي بتطردها برة اوضتها :

وانا بحبه يا يمني ويونس مسيره هيشوفني ويحبني ولو مش بمزاجه هيبقي غصب عنه واسمعي كلامي كويس عشان هيتحقق وهتشوفي ،، واتفضلي بقي اطلعي بقي برة عشان عايزة انام وعندي جامعة الصبح 

خرجت يمني وهي متغاظة وبتنفخ بغيظ من هلال اختها ونفسها لو تسمعها وتبطل حبها ليونس ده لانها صعبانة عليها لانه مش شايفها وخايفة احسن قلبها يتو*جع بسببه وبسبب حبها ليه ،، دخلت يمني اوضة ابوها واطمنت عليه انه نايم  وبعدين سابته وخرجت وهي عقلها مشغول بكلام هلال وموضوع العمل اللي عايزة تعمله ليونس ابن عمهم 

...........................

تاني يوم الصبح كانت واقفة هلال قدام المراية وبتظبط طرحتها وبعدين بصت علي نفسها بصة اخيرة واخدت شنطتها وخرجت واول ما خرجت من اوضتها لقت ابوها ويمني اختها بيفطرو عالسفرة فقربت منهم وهي بتبتسم بحب :

يا صباح القمر علي احلي اب واخت في الكون كله 

ابتسم عصام ابوها بحب وقالها وهو بيشاورلها تقعد :

صباح النور يا حبيبتي ،، يلا اقعدي افطري قبل ما تنزلي علي جامعتك 

قعدت هلال وبقت تفطر وهي بتتكلم وبتقول باستعجال :

انا احتمال اتأخر يا بابا عشان عندي مشوار مهم مع واحدة صحبتي 

كشرت يمني وجه في بالها كلام هلال امبارح فقالتلها بشك :

مشوار ايه ده بقي اللي حضرتك هتروحيه 

ردت عليها هلال وهي بتبصلها بغيظ وقالتلها ببرود:

هشتري حجات مع صحبتي للجامعة وياريت تخليكي في حالك يا اختي العزيزة ،، يلا بقي هنزل عشان متأخرش ،، سلام يا بابا 

ابتسم عصام ورد بحنية وهو بيسحب ايديه من هلال اللي وطت وحبت علي ايده :

في رعاية الله يا بنتي ،، متتأخريش يا هلال وخدي بالك من نفسك يا حبيبتي ومتنسيش تعدي علي جدك تصبحي عليه عشان بيزعل انك مش بتعدي عليه 

هلال ردت بسرعة وهي بتخرج من باب الشقة :

حاضر يا بابا هعدي عليه ،، ومش هتأخر خالص،، سلام 

.................................

كانت واقفة هلال علي باب شقة جدها واخدت نفس عميق قبل ما تخ*بط وبقت تهندم نفسها عشان عارفة ان يونس كل يوم الصبح بيعدي علي جده يقعد معاه شوية قبل ما ينزل ،، خب*طت هلال وشوية وفتحلها يونس اللي ابتسم بتلقائية وقالها :

اهلا يا هلال ،، مش بعادتك يعني تعدي علي جدو تسلمي ،، دايما بتجري علي جامعتك قبل ما حد يشوفك 

ضحكت هلال وهي بتدخل وردت علي يونس بغرور مصطنع  :

احم انا قولت اتواضع و اعدي عليكم انهاردة ،، ثم انا مش جيالك انا جاية لجده ،، اومال هو فين ؟ 

بصلها يونس ورفع حاجبه بصدمة وقالها وهو بيقرب منها بتحذير :

انتي واضح ان لسانك طول شوية وعايز يتقص مش كدة ؟ 

بصتله هلال بتوتر وقبل ما يونس يكمل كلامه كان سمع صوت جده وهو بيقول بضحك علي نقارهم :

ملكش دعوة بهلال يا يونس وسيبها ،، تعالي يا هلال 

هلال عدلت لياقة الدريس بتاعها بغرور وهي باصة ليونس وبصتله بتحدي وسابته وجريت علي جدها ويونس كان متابعها بغيظ ودخل وراها ،، وطت هلال علي ايد جدها وبا*ستها وبعدين بصتله وقالتله بحب :

ازيك يا جدو ،، وحشني اوي والله 

ابتسم عبدالله ورد بابتسامة وهو بيسحب ايديه منها :

يا بت بكاشة ،، لو جدك واحشك بجد كنتي تسألي عليه ومتغيبيش عنه كدة 

بصت هلال لجدها باحراج وقالتله وهي بتبو*سه من خده بسرعة :

حقك عليا يا جدو اوعدك مش هأخر تاني ابدا وهتشوفني علطول 

ابتسم الجد وطبطب علي هلال بحب وق*طع كلامهم دخول هيام اللي لفتت انتباهم كلهم بس بلبسها الاوڤر ومكياچها الاوڤر وردت بابتسامة :

هاي عليكم ،، ازيك يا جدو 

لاحظت هلال نظرات يونس الحا*دة لهيام اللي كانت بتبتصله بخوف وقلق من رد فعله علي لبسها واضايقت هلال عشان يونس متعلق بيها اوي كدة وردت بهدوء :

انا همشي يا جدو عشان متأخرة عالجامعة ،، بعد اذنك 

رد عبدالله علي هلال بجدية وهو بيشاور ليونس وبيقوله :

لا استني يا هلال،، يونس هيوصلك ويوصل هيام ،، ما انتو كدة كدة في جامعة واحدة ،، هو هيوصلكم في طريقه وانتي يا هيام ،، ابقي حاولي تظبطي لبسك اكتر من كدة عشان حاسس انه ضيق عليكي ،، وعشان محدش يضايقك بكلام ملوش لازمة يابنتي 

هيام نفخت بضيق وردت وهي بتبص لهلال بقرف :

والله انا لبسي كويس يا جدو ولا يعني عايزني البس لبس واسع ومهبل عليا وابقي مسخرة الجامعة زي هلال ،، يلا يا يونس 

خرجت هيام  ويونس وراها وهلال كانت متابعاهم بحزن لانها عارفة انها بتلقح عليها وانتبهت هلال لصوت جدها وهو بيقولها بهدوء :

متزعليش يا هلال يا بنتي ،، بكرة ربنا يهديها 

ابتسمت هلال بحزن ودموع بتلمع في عنيها :

محصلش حاجة يعني يا جدو ،، بعد اذنك 

با*ست هلال ايد جدها وخرجت ووقف قدام باب البيت وكانت شايفة يونس وهو بيتكلم مع هيام وبيعاتبها علي لبسها وهي كانت بتضحك وبتحاول تعدي الموضوع،، وانتبه يونس لهلال وانها واقفة فقالها بابتسامة :

يلا يا هلال ،، اركبي 

هلال مردتش علي يونس وركبت بهدوء ورا وهيام اتجاهلتها وركبت قدام جمب يونس وفضلو طول الطريق يضحكو سوا وكانت متابعاهم هلال بحزن ،، شوية ووقف يونس قدام الجامعة فنزلت هلال بهدوء وسابتهم ودخلت جامعتها واستغرب يونس رد فعلها وانها مقالتلش اي حاجة ولا اتكلمت وانتبه علي صوت هيام وهي بتقوله بدلع :

ابقي تعالي خدني يا يونس ،، بليز ،، عشان خاطري 

يونس ابتسم وهو عيونه متابعة هلال باستغراب لما شافها واقفة مع شاب علي باب الجامعة ورد بموافقة :

حاضر يا هيام ،، قوليلي هو مين ده اللي واقفة معاه هلال هناك ؟

هيام بصت علي هلال بغيظ لان يونس بيسأل عليها ورجعت بصت ليونس وقالتله بخبث  :

ده معيد عندنا في الجامعة،، بس ايه بقي واضح كدة انه معجب بهلال وعلطول مع بعض ،، اصلا الجامعة كلها مالهاش سيرة الا هلال وكريم 

يونس كشر بغضب وقالها بضيق وهو بيبص عليهم:

يعني ايه الكلام ده وازاي متقوليش علي حاجة زي دي ؟

ردت هيام بخبث وهي بترفع كتافها بتلقائية :

انا ياما نصحتها بس هي بقي رافضة اي نصيحة وعشان كدة بصراحة بقي قولت خلاص براحتها بقي 

يونس قبض علي ايديه بغضب وكان هيسيب هيام ويروحلهم بس لحقته هيام وهي بتقوله بخبث :

استني بس ،، انت كدة هتخلي البنات في الجامعة يجيبو سيرتها اكتر ،، مش دلوقتي طبعا ،، وبعدين احنا مالنا اصلا ولا انت مالك مهتم بيها ليه ؟ 

يونس بص بحد*ة لهيام وقالها وهو بينقل نظره لهلال وكريم اللي كانو واقفين لسة بيتكلمو :

انتي اتجننتي ،، ناسية انها بنت عمي ولا ايه ،، ومينفعش اشوفها بتعمل كدة واسكت 

ردت هيام بمكر وهي بتتصعب علي يونس: 

ااه فهمت ،، خلاص  ،، يبقي نخلي كلامنا بعدين 

يونس بص لهيام ومردش وركب عربيته ومشي بغضب وهو بيتوعد لهلال

...................................    

في الجامعة كانت هلال خلصت محاضرتها وخارجة من المدرج وشافت هيام وهي واقفة مع مچموعة شباب وبتضحك بصوت عالي ،، بصتلها بضيق وسابتها ومشيت وهيام كانت متابعاها بغرور ،، خرجت هلال برة الجامعة بعد ما خلصت محاضرتها وكانت واقفة مع صحابها البنات بيضحكو وبيتكلمو واتفاجأت بيونس  ......يتبع 

ومتنسوش تصلو عالحبيب صل الله عليه وسلم 

#جعلته_يحبني_رغما_عنه 

بقلمي اسراء ابراهيم

رواية جعلته يحبنى رغمًا عنه الفصل الثانى 2 والأخير من هنا

لقراءة الرواية كاملة اضغط هنا (رواية جعلته يحبنى رغمًا عنه)

تابعونا على التليجرام من هنا (روايات شيقة ❤️)

تابعونا عبر أخبار جوجل من هنا (روايات شيقة ❤️)